نم اور سل کی تعلیل وصیغوی تحقیق کیا ہے جزاکم اللہ خیرا کثیرا

نُم صیغہ واحد مذکر حاضر فعل امر حاضر معروف ثلاثی مجرد اجوف واوی از باب نصر ینصر اصل میں أُنْوُم تھا واؤ متحرک ما قبل ساکن تھا اس کی حرکت نون کو دے دی تو واؤ اور میم دو ساکن جمع ہوئے واؤ کو حذف کیا تو أُنُم ہوگیا اب امر کا پہلا کلمہ متحرک تھا تو ھمزہ وصلیہ کی ضرورت نا رہی تو اسے بھی حذف کیا تو نُم بچ گیا سل صیغہ واحد مذکر حاضر فعل امر حاضر معروف ثلاثی مجرد مہموز العین از باب فتح یفتح اصل میں أِسئَل تھا قاعدہ ہمزہ متحرکہ ہو اور اس کا ماقبل حرف صحیح ساکن ہو تو ہمزہ کی حرکت ماقبل کو دے کر اسے حذف کرنا جائز ہے اس قاعدے کے تحت ہمزہ کی حرکت ما قبل کی طرف نقل کے ہمزہ کو حذف کیا پھر امر کا پہلا حرف ساکن ہونے کی وجہ سے ہمزہ وصلیہ کو حذف کیا تو سَل بچ گیا