مقام صرف میں کیا ہے؟

مقام میں تین احتمال ہیں مَقَام ہو تو صیغہ واحد اسم ظرف ثلاثی مجرد اجوف واوی از باب نصر ینصر مُقام اس صیغے میں تین احتمال ہیں ایک مصدر میمی دوم اسم ظرف تین اسم مفعول یہ تینوں ثلاثی مزید فیہ اجوف واوی از باب افعال سے ہوں گے ان سب میں تعلیل ایک ہی ہوگی قاعدہ واو یا یاء کا ماقبل حرف صحیح ساکن ہو تو ان کی حرکت مَاقبل کو دینا واجب ہے اور اگر يہ حرکت فتحہ ہو تو واو یا یا کو الف سے بدلنا بھی واجب ہے بشرطیکہ قاعدہ نمبر 1 کی شرائط کے ساتھ ساتھ درج ذیل چھ 6 شرائط بھی اس میں پائی جائیں۔ (۱) واو اور یاء کے بعد حرف ساکن نہ ہو۔ لہذا مِقْوَالٌ میں یہ اصول جاری نہیں ہوگا (۲) واؤ اور یا والا کلمہ اسمِ تفضیل نہ ہو۔ جیسے: "اَقْوَلُ" (۳) وہ کلمہ فعلِ تعجب نہ ہو۔ جیسے: "مَااَقْوَلَہٗ" (۴) وہ کلمہ صفتِ مشبہہ بروزن "اَفْعَلُ" نہ ہو۔ جیسے: "اَسْوَدُ" (۵) وہ کلمہ ملحق نہ ہو۔ جیسے: "شَرْیَفَ" (۶) وہ کلمہ اسمِ آلہ نہ ہو۔ جیسے: "مِقْوَلٌ" تو اصل میں مُقْوَم یا مَقْوَمٌ تھا واؤ کی حرکت ما قبل قاف کو دیکر واؤ کو الف سے بدلا تو مقام ہوگیا لیکن اصل میں یہ اسم ظرف زیادہ استعمال ہوتا ہے بمعنی رہائش گاہ