امام صاحب ظہر کی نماز میں دوسری رکعت میں بھولے سے کھڑے ہو گئے،پھر کسی نے لقمہ دیا ،تو امام صاحب بیٹھ گئے ،تو کیا یہ نماز درست ہوئی یا نہیں۔

جواب سے پہلے یہ اصول ذہن نشین رکھیں،کہ شریعت نے امام کولقمہ دینے کے کچھ خاص مقام مقررفرمائے ہیں،جنہیں لقمےکا محل کہا جاتا ہے،ان ہی میں امام کو لقمہ دینا او ر امام کالقمہ لینا جائز ہے،لہذا اگر مقتدی نے محل کے علاوہ لقمہ دیا تو اس کی نماز فاسد اور امام نے وہ لقمہ لیا تو امام سمیت سب کی نماز فاسد ہو جائے گی۔مذکورہ صورت میں جب امام صاحب دوسری رکعت میں بیٹھے بغیر سیدھا کھڑے ہو گئے ،تو اب لقمے کا محل باقی نہ رہا،لہذامقتدی نے جو لقمہ دیا ،وہ غیر محل میں دیا،جس سے مقتدی کی نماز فاسد ہو گئ،پھر امام صاحب نے بھی لقمہ لیتے ہوئے قعدہ کیا ،تو امام صاحب سمیت سب کی نماز فاسدہوگئی۔