کیا دمے کا مریض روزے کی حالت میں انہیلر استعمال کر سکتا ہے کیونکہ میری والدہ کو یہ بیماری ہے اور زیادہ سردی یا زیادہ گرمی ہو تو ان کو ایستھما کا اٹیک ہوتا ہے تو ان کو حالتِ روزہ میں انہیلر کروایا جا سکتا ہے؟

حالتِ روزہ میں انہیلر استعمال نہیں کیا جا سکتا، اس سے روزہ فاسد ہو جائے گا،اب اگر والدہ بغیر انہیلر استعمال کئے روزہ مکمل نہیں کر سکتیں ،تو انہیں فی الحال روزہ چھوڑنے کی اجازت ہوگی۔پھر جب کبھی طبیعت اتنی بہتر ہو کہ بغیر انہیلر استعمال کئے روزہ رکھ سکتی ہوں،تو ان پر اس کی قضاکرنا لازم ہوگی اور اگر پوری زندگی ایسا موقع ہی نہ ملےاور عمر کے اس حصے میں پہنچ جائیں ،جس میں روزہ رکھنا ممکن نہ ہو ،تو اب روزوں کا فدیہ ادا کر دیں۔