سوالفزیکل کاروبار کے مساٸل1 جواب

سوال: کیا فرماتے ہیں علمائےکرام اس مسئلہ کے بارے میں کہ عام طور پر رائج ہے کہ جب ایک شخص کسی سے کوئی مال خریدتا ہےتو وہ بیچنے والے کو کچھ رقم بیعانہ دیتاہے پھر کسی وجہ سے وہ دونوں آپس میں بیع ختم کردیتے ہیں تو بیچنے والا بیعانہ کی رقم ضبط کرلیتا ہے خریدار کو واپس نہیں کر تااس کا ایسا کرنا کیساہے ؟

Abdul Qudoos29 ستمبر، 2024

جواب دہندہ

A
Abdul Qudoos

اسلامک ڈیسک معاون

یہ ہمارے نظام میں ایک بڑی خرابی ہے کہ کسی وجہ سے بھی سودا ختم کیا جاتا ہے اب یہ سودا بیچنے والا ختم کرے تو اسے کہا جاتا ہے کہ جو رقم ایڈوانس دی تھی، اس میں اضافہ کرکے رقم واپس کرو، اور خریدنے والا سودا ختم کرے تو بیچنے والا اسے کہتا ہے کہ مارکیٹ اصول کے مطابق ایڈوانس رقم واپس نہیں دی جاۓ گی۔ یہ دونوں انداز غیرشرعی ہیں اور ظلم ہے۔ امام اہلسنت اسی بات کو بیان کرتےہوۓ لکھتے ہیں : بیع نہ ہونے کی حالت میں بیعانہ ضبط کر لینا جیسا کہ جاہلوں میں رواج  ہے ظلمِ صریح  ہے۔“ (فتاوی رضویہ،ج17،ص94) فتاوی فیض رسول میں بھی اسی طرح کے سوال کا جواب دیتے ہوۓ فقیہ ملت لکھتے ہیں : سودا ختم ہو جانے پربیعانہ ضبط کرنا ،ناجائز و گناہ اور ظلم ہے۔ (فتاوی فیض رسول ج 03 ص 126) واللہ تعالی اعلم بالصواب
سوال: کیا فرماتے ہیں علمائےکرام اس… | صرف و نحو سوال جواب