سوال1 جواب

ہمارے یہاں جب اذان ہوتی ہے،تو سب کہتے ہیں کہ خاموش ہو جاؤ اور اذان کا جواب دو،بسا اوقات خاموش کروانے والے نماز کے لئے نہیں جاتے،لیکن اذان کا جواب دینا ضروری سمجھتے ہیں،اس حوالے سے شرعی رہنمائی فرمائیں ،کیا یہ عمل درست ہے۔

مفتی محمد شعیب عباسی20 اگست، 2024

جواب دہندہ

م
مفتی محمد شعیب عباسی

اسلامک ڈیسک معاون

Karachi

اذان کے دوران گفتگو اورکام کاج چھوڑ کر خاموش رہنااوراذان کا جواب دینے کا اہتمام کرنا چاہیئے،کہ فقہاء کرام نے فرمایا کہ جو اذان کے دوران گفتگو میں مشغو ل رہے،اس پر براخاتمہ ہونے کا خوف ہے، البتہ مسئلہ یہ ہےکہ زبان سےاذان کاجواب دینےمیں فقہاء کرام کااختلاف ہے۔بعض کے نزدیک زبان سے جواب دینا واجب ،جبکہ بعض کے نزدیک مستحب ہےاور مستحب قول پر ہی فتوی ہے، نیز جماعت واجب ہونے کی صورت میں جواب بالقدم یعنی مسجد میں حاضر ہوکر جماعت میں شامل ہونا واجب ہے،لہذا مسجد کی جماعت چھوڑ کر صرف زبانی جواب دینے کو ضروری سمجھنا ،یہ کسی طرح درست نہیں۔