سوال1 جواب

میرے گھر کے کچھ فاصلے پر ایک مسجد ہے،جس کے امام صاحب کی قراءت مجھے پسند ہے،اس لئے میں وہاں نماز کے لئے جاتا ہوں،جبکہ میرے گھر کے قریب ہی مسجد موجود ہے،بعض لوگوں کا کہنا ہے کہ میرا قریب کی مسجد چھوڑ کر دور جانا درست نہیں۔

مفتی محمد شعیب عباسی3 اگست، 2024

جواب دہندہ

م
مفتی محمد شعیب عباسی

اسلامک ڈیسک معاون

Karachi

اگر گھر کے قریب صحیح العقیدہ اہلسنت و جماعت کی مسجد موجود ہے اور وہاں صحیح القراءۃ ،لائق امامت شخص کی اقتداء میں نمازیں ادا کی جاتی ہیں،تو بہتر یہی ہے کہ اسی مسجد میں نماز ادا کی جائے،البتہ گھر سے دور مسجد میں بھی نماز ادا کرنے سے نماز ہو جائے گی،اگرچہ دور کی مسجد میں صرف امام صاحب کی تلاوت اچھی ہونے کی وجہ سے جائیں،لیکن ضروری ہے کہ وہ مسجد صحیح العقیدہ سنی مسلک کے ماننے والوں کی ہو،لہذا اگر بدمذہبوں کی قائم کردہ ہو،تو وہاں نماز ادا کرنا درست نہیں۔