سوال1 جواب

کسی کو نماز کی رکعت میں شک ہو ،کہ دو پڑھی ہیں یا تین،تو ایسی صورت میں کیا کیا جائے؟

مفتی محمد شعیب عباسی21 اگست، 2024

جواب دہندہ

م
مفتی محمد شعیب عباسی

اسلامک ڈیسک معاون

Karachi

اگر تو یہ بالغ ہونے کے بعد پہلا واقعہ ہے،تو نماز کو توڑکر نئے سرے سے پڑھےیا پھرتھوڑا بہت سوچے ،جس طرف غالب گمان ہواسی کے مطابق عمل کرے،لیکن اس صورت میں بھی اس نماز کا اعادہ کیا جائے۔ اور اگر یہ کئے بار ہو چکا ہے،تو ایسی صور ت میں سوچ بیچار کرے ،جس طرف غالب گمان ہو ،اسی پر ؑمل کرے،مثلاً شک ہو ہےکہ دو ہوئی ہیں یا تین اور غالب گمان تین کی طرف ہی ہےکہ،تو تین ہی سمجھےاور نماز کو مکمل کرے۔ اور اگر کسی طرف غالب گمان نہ ہو ،تو کم رکعتوں کو شمار کرے ،مثلاً دویا تین میں شک ہواتودو شمار کرلے ،تین یا چار میں شک ہوا تو تین شمار کرلے اور اس صورت میں تیسری اور چوتھی دونوں رکعتوں میں قعدہ کرے کیونکہ تیسری رکعت کے چوتھی ہونے کا بھی احتمال ہے، نیز آخر میں سجدہ سہو بھی کرے۔ جہاں کہیں سوچ بیچار کا کہا گیا ہے،وہاں تین بار سبحان اللہ کہنے کی مقدار سے کم سوچا جائے گا،اگر تین مرتبہ سبحان اللہ کہنے کی مقدا ر تک سوچا گیا،تو ایسی صورت میں سجدہ سہو لازم ہوگا۔