نمازی نے سورہ فاتحہ پڑھنے کے بعد قراءت شروع کی ،لیکن پھر وہ اگلی آیت بھول گیااور رکوع میں چلا گیا،تو کیا اس کی نماز درست ہوگئی؟

سورہ فاتحہ کے بعد اگر بقدرواجب قراءت (یعنی تین چھوٹی آیتیں یاایک بڑی آیت جوتین چھوٹی آیتوں کے برابرہو) پڑھ لینے کے بعد رکوع کیا، تب تو نماز درست ہوگئی۔ اور اگر واجب قراءت کی مقدار پوری کئے بغیر رکوع میں چلے گئے تھے،تو حکم یہ تھاکہ قیام میں واپس آئے اور واجب قراءت کی مقدار پوری کر کے پھر رکوع کرے اور آخر میں سجدہ سہو کرے۔ سائل ان اصولوں کے پیش ِ نظر اپنی اد ا کر دہ نماز کا حکم جان سکتا ہے۔