عمومی طورپر کرسی پر نماز پڑھنے والے حضرات کے لئے صفوں کے کونوں میں کرسیاں رکھی جاتی ہیں،پھریہ نمازی حضرات بسا اوقات کونوں میں ہی بیٹھتے ہیں،جبکہ وہاں تک صف مکمل نہیں ہوتی۔ان حضرات کا ایسا کرنا کیسا ہے؟

کرسی پر بیٹھ کر نماز پڑھنے والوں کے لئے بھی یہی حکم ہے،کہ وہیں کرسی رکھ کر نمازیوں کے ساتھ مل کر نماز پڑھیں ، ان سے فاصلے یا کونے پر کرسی نہ لگائے ، کیونکہ صف میں اس طرح مل کر نماز ادا کرنا کہ دو نمازیوں کے بیچ میں معمولی سا فاصلہ بھی نہ ہو ، واجب ہے ۔ لہٰذا کرسی اگردیگر نمازیوں سے فاصلے پر رکھی ہوئی ہو ، تب بھی کرسی پر نماز پڑھنے والوں کے لیے ضروری ہے کہ اسے اٹھا کر نمازی کے برابر رکھ کر نماز ادا کرے ۔