میرا سوال یہ ہے کہ میں فرانس کی ایک کمپنی میں اکاونٹس کی جاب کرتا ہوں، یہ کمپنی غیرمسلموں کی ہے لیکن یہ کمپنی مسلمانوں سے سود پر قرض کرلیتی ہے، مجھے کسی نے بتایا تھا کہ کافر سے سود کا معاملہ نہیں ہوتا توکیا میں اس کمپنی میں کام کرسکتا ہوں ؟

پوچھی گئی صورت میں اگر وہ کمپنی ، جس میں آپ کام کر رہے ہیں، اس میں کسی بھی مسلمان کاکوئی شئیر شامل نہیں ،بلکہ وہ کمپنی خالصتاً کفارکی ہے ،تو اس کمپنی کو کوئی مسلمان قرض دے اور اس پر نفع حاصل کرے، اوراس نفع کووہ سودسمجھ کرنہ لے توجائز ہے ، پس ایسی صورت میں آپ کا وہاں نوکری کرنا بھی جائز ہے۔البتہ اگر وہ کمپنی مسلمانوں کو سود پر قرض دینے کا بھی کام کرتی ہے، تو آپ کا اس کے حساب کتاب کی نوکری کرنا، جائز نہیں ہو گا۔