سوال : مفتی صاحب یہ ارشاد فرمادیں کہ بعض اوقات کسٹمر ایک چیز خرید کر لے جانے کے بعد اسے واپس کرنے آتے ہیں تو کیا ہمارا اس سے وہ چیز لینا شرعا لازم ہوگا ؟ ہم نے دکان پر یہ لکھ کر لگابھی دیا ہے کہ خرہدا ہوا سامان واپس نہیں لیا جائیگا۔

جواب : خردی جانے والی چیز پر جب کسٹمر نے قبضہ کرلیا تو وہ قبضہ کرتے ہی مالک ہوگیا ، اب اگر بعد میں وہ واپس کرنے آتا ہے اور اس خریدی جانے والی چیز میں کوئی ایسا عیب بھی نہیں ہے جس کی وجہ سے اسے واپس کیا جائے محض پسند نہ آنے کی صورت میں واپس کررہا ہے تو دکاندار کو اختیار ہے کہ وہ چیز واپس لے یا نہ لے ، ہاں اگر لے لیتا ہے تو یہ اس کی طرف سے مہربانی ہوگی ۔ہاں اگر اس خریدی جانے والی چیز میں ایسا عیب ہے ج دکاندار کے پاس سے ہی تھا تو اب دکاندار پر اس چیز کو واپس لینا لازم ہوگا ۔ واللہ تعالیٰ اعلم بالصواب