مفتی صاحب یہ ارشاد فرمادیں کہ کیا میں کاروبار شروع کرنے کے کٸے بینک سے قرض لے سکتا ہوں، کیونکہ کاروبار کے لٸے کوٸی بھی بڑی رقم دینے کو تیار نہیں ہوتااور مجھے ضرورت ہے؟

بینک سود کے بغیر قرض نہیں دیتا اور کاروبارکے لیے سودی قرض لینا حرام ہے اورسودی قرض لینے والے پر توبہ کرنا فرض ہے۔لہٰذا پوچھی گئی صورت میں بینک سے قرض لینے کی اجازت نہیں ہے ۔ روزی دینے والی ذات اللہ کریم کی ہے ، اُسی کی ذات پر بھروسہ کرنا چاہیے ، انسان کے مقدرمیں جتنارزق ہے ،وہ اسے مل کرہی رہے گا،اس یقین کے ساتھ حلال ذرائع سے اسے طلب کیاجائے ،حرام کی طرف جانے کی اجازت نہیں ہے۔