کیا فرماتے ہیں علمائے کرام اس مسئلہ کے بارے میں کہ جھوٹی بات پر یہ کہنا کیسا کہ اللہ جانتا ہے میں سچ بول رہا ہوں؟

جواب : کسی بھی جھوٹی بات پراللہ کو گواہ بنانا یا جھوٹی بات پرجان بوجھ کریہ کہنا کہ اللہ جانتا ہے یہ کلمۂ کفر ہے۔فقہائے کرام فرماتے ہیں:جو شخص کہے:''اللہ جانتا ہے کہ یہ کام میں نے کیا ہے حالانکہ وہ کام اس نے نہیں کیا ہے''تو اس نے کفر کیا۔(منح الروض صفحہ 511)(کفریہ کلمات کے بارے میں سوال و جواب،صفحہ 582) واللہ اعلم عزوجل ورسولہ اعلم صلی اللہ تعالیٰ علیہ وآلہ وسلم