کارپیٹ اگر ناپاک ہو جائے تو اسے کس طرح پاک کیا جائے؟

کارپیٹ (CARPET) کا نا پاک حصہ ایک بار دھو کر لٹکا دیجئے یہاں تک کہ پانی ٹپکنا موقوف ہو جائے ،پھر دوبارہ دھو کر لٹکائے حتی کہ پانی ٹپکنا بند ہو جائے پھر تیسری بار اسی طرح دھو کر لٹکا دیجئے جب پانی ٹپکنا بند ہو جائے گا تو کار پیٹ پاک ہو جائے گا ۔ چٹائی ، چمڑے کے چپل اور مٹی کے برتن وغیرہ جن چیزوں میں پتلی نجاست جذب ہو جاتی ہو اسی طریقے پر پاک کیجئے ۔ ایسا نازک کپڑا کہ نچوڑ نے سے پھٹ جانے کا اندیشہ ہو وہ بھی اسی طرح پاک کیجئے۔ اگر نا پاک کار پیٹ یا کپڑا وغیرہ بہتے پانی میں (مثلا دریا نہر میں یا پائپ یا ٹونٹی کے جاری پانی کے نیچے ) اتنی دیر تک رکھ چھوڑیں کہ ظن غالب ہو جائے کہ پانی نجاست کو بہا کر لے گیا ہو گا تب بھی پاک ہو جائے گا۔ کار پیٹ پر بچہ پیشاب کر دے تو اُس جگہ پر پانی کے چھینٹے مار دینے سے وہ پاک نہیں ہوتا۔ یاد رہے ! ایک دن کے بچے یا بچی کا پیشاب بھی ناپاک ہوتا ہے۔