اگر کپڑے کا تھوڑا سا حصہ ناپاک ہو جائے مگر یہ نہین معلوم کہ کون ساحصہ ہے تو کیا کیا جائے؟

کپڑے کا کوئی حصہ ناپاک ہو گیا اور یہ یاد نہیں کہ وہ کون سی جگہ ہے، تو بہتر یہ ہے کہ پورا ہی دھوڈالیں (یعنی جب بالکل نہ معلوم ہو کہ کسی حصہ میں ناپا کی لگی ہے اور اگر معلوم ہے کہ مثلاً آستین نجس ہو گئی مگر یہ نہیں معلوم کہ آستین کا کونسا حصہ ہے ، تو پوری آستین کا دھونا ہی پورے کپڑے کا دھونا ہے ) اور اگر اندازے سے سوچ کر اس کا کوئی سا حصہ دھولے جب بھی پاک ہو جائے گا، اور جو بلا سوچے ہوئے کوئی ٹکڑا (حصّہ ) دھولیا جب بھی پاک ہے مگر اس صورت میں اگر چند نمازیں پڑھنے کے بعد معلوم ہو کہ نجس حصہ نہیں دھویا گیا تو پھر دھوئے اور نمازوں کا اعادہ کرے (یعنی دوبارہ پڑھے) اور جو سوچ کر دھو لیا تھا اور بعد کو غلطی معلوم ہوئی تو اب دھولے اور نمازوں کے اعادہ (یعنی دوبارہ ادا کرنے ) کی حاجت نہیں۔