نل کے نیچے کپڑے کس طرح پاک کئے جائیں؟

نل کے نیچے کپڑے پاک کرنے کا طریقہ یہ ہے کہ کپڑے کا جو حصہ ناپاک ہے اسے اپنے ہاتھوں میں لے (اور کچھ زیادہ لے) اس کے بعد اسے نل کھول کر دھونا شروع کردے اور یوں مَلتا رہے کہ غالب گمان ہوجائے کہ بہتا پانی ناپاکی کو بہا کر لے گیا ہوگا کپڑا پاک ہوجائےگا ۔ مثلاً رومال نا پاک ہو گیا ، تو پیسن میں نل کے نیچے رکھ کر اتنی دیر تک پانی بہائیے کہ ظن غالب آجائے کہ پانی نجاست کو بہا کر لے گیا ہو گا تو پاک ہو جائے گا۔ بڑا کپڑا یا اس کا نا پاک حصہ بھی اسی طریقے پر پاک کیا جا سکتا ہے ۔ مگر یہ احتیاط ضروری ہے کہ ناپاک پانی کے چھینٹے آپ کے کپڑے، بدن اور اطراف میں دیگر جگہوں پر نہ پڑیں۔