شرعی معذور شخص صرف فرض رکعتیں ہی ادا کرے گا یا پھر سنتِ مؤکدہ اور نوافل بھی پڑھے گا؟

شرعی معذور شخص کو شریعت نے وضو کے حوالہ سے کچھ رخصت عنایت فرمائی ہے،جبکہ نماز کی ادائیگی کے معاملے میں اس کے عمومی طور پر وہی احکام ہیں، جو غیر معذور کے ہیں کہ فرض و واجب تو ہر حال میں پڑھنے ہوں گے اور سنن مؤکدہ بغیر عذرِ شرعی ایک مرتبہ بھی چھوڑنے والا عتاب کا مستحق اور عادت بنا لینے والا گناہ گار ہے۔ البتہ اگر کوئی سنن غیر مؤکدہ اور نوافل کو چھوڑ دے، تو گناہ گار نہیں ہو گا، لیکن ممکنہ صورت میں انہیں بھی پڑھنا چاہئے کہ ان کے بھی بہت فضائل مروی ہیں۔ پھر جو نماز پڑھی جائے، اس میں بھی فرائض ، واجبات اور سنن مؤکدہ کو پورا کرنا ہو گا۔ اور یہ حکم معذورِ شرعی و غیر معذور دو نو ں کے لئے ہیں۔