اگر کسی کی پیشاب کی تری فقط ظاہر رہتی ہے ،اور تری کا یہ سلسلہ بعض اوقات کافی دراز ہوجا تا ہے،تو اس کے لیے وضو کا کیاحکم ہے؟

اگر تری ظاہر ہونے کا سلسلہ اس قدر دراز ہے کہ ایک مکمل نماز کے وقت میں شروع سے آخر تک اس کو اتنا وقت بھی نہ ملے کہ وضو کے ساتھ فرض ادا کر سکے تو وہ شرعی معذور ہے ،اور اگرپورے وقت میں اتنی مہلت مل جاتی ہے کہ وضو کے ساتھ فرض ادا کر سکے اور اس دوران تری ظاہر نہ ہو تو معذور نہ ہوگا ۔شرعی معذور متحقق ہونے کے بعد اگلے وقت میں اگر ایک مرتبہ بھی یہ مرض پایا گیا تو معذور رہےگا اور اگر کسی نماز کا وقت اس مرض کے بغیر گزر گیا تو جب تک پہلی حالت(شروع وقت سے آخر تک تری آتے رہنا) نہ آئے معذور نہ ہو گا۔