سوال 1: نواقض وضو(وضو توڑنے والی چیزیں)کتنی اور کون کون سی چیزیں ہیں ؟

بارہ چیزوں سے وضوء ٹوٹ جاتا ہے : (ا )سبیلین سے نکلنے والی ہر چیز ، سوائے آگے کے مقام سے نکلنے والی ہوا کے۔ (2 )بچے کی ولادت وضوء کو توڑ دیتی ہے اگر چہ خون نہ نکلے۔ (3 )سبیلین کے علاوہ جسم کے کسی حصہ سے بہتی ہوئی نجاست کا نکلنا مثلا خون اور پیپ (4 )کھانے، پانی، خون یا صفرہ کی قے جبکہ منہ بھر ہو۔ (5) مسوڑوں سے نکلنے والا خون جبکہ تھوک پر غالب ہو یا تھوک کے برابر ہو ۔ (6) ایسی نیند جس میں مقعد زمین پر قرار پکڑے ہوئے نہ ہو۔ (7) سونے والے کی مقعد کا جاگنے سے پہلے اٹھ جانا اگر چہ وہ نا گرے۔ (8) بے ہوشی۔ (9) پاگل پن۔ (10) نشه۔ (11) بالغ شخص کا جاگتے ہوئے رکوع و سجود والی نماز میں قہقہہ لگانا اگرچہ اس قہقہہ کے ذریعے نماز سے نکلنے کا قصد کرے۔ (12) انتشار کی حالت میں عضو تناسل سے عورت یا مرد کی شرمگاہ کو بغیر کسی پر دے کے چھونا۔