عربی گرامر سوال و جواب

صرف و نحو: سوالات و جوابات

عربی گرامر (صرف و نحو) کے سوالات کے جائزہ شدہ جوابات: صیغے، ابواب، تعلیلات، اعراب اور ترکیب۔

کل 4,736 جوابات شدہ سوالات

لکل فرعون موسی کی ترکیب کریں اور بتائیں کہ اس مثال میں فرعون اور موسی معرفہ ہے یا نکرہ

ل جار کل مضاف فرعون مضاف الیہ مضاف مضاف الیہ ملکر مرکب اضافی ہو کر مجرور جار مجرور ملکر ظرف مستقر ثابت کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر مقدم موسی مبتدا مؤخر مبتدا خبر ملکر جملہ اسمیہ خبریہ یہاں فرعون اور موسی بطور علم استعمال نہیں ہوئے بلکہ فرعون سے مراد باطل اور موسی سے مراد حق ہے تو اس اعتبار سے یہ نکرہ ہوں گے

نحو1 جواب
9 فروری، 2026

ہم فاعل کا معنی کرتے ہے کہ کام کرنے والا لیکن مات زید۔۔ زید مرگیا تو یہ کام عزرائیل علیہ السلام نے کیا نہ کہ زید نے کیوں کہ زید پر ہوا اور جیسے جاز الوضوء میں الوضوء فاعل ہے تو اس نے کچھ نہیں کیا تو ہم پھر اس طرح معنی کیوں کرتے ہیں کہ کام کرنے والے کو فاعل کہتے ہے

طلباء کو سمجھانے کے لیے یہ کہا جاتا ہے فاعل کام کرنے والا ہوتا ہے در اصل فاعل وہ چیز ہوتی ہے جس سے فعل صادر ہو یا اس کے ساتھ فعل قائم ہو تشریح : فاعل دو طرح کے ہوتے ہیں ایک وہ جو کام کرتا ہے اس کا اثر دوسروں تک پہنچتا ہے جیسے مارنا مدد کرنا وغیرہ دوسرا فاعل وہ ہوتا ہے جو فعل کو انجام نہیں دیتا لیکن وہ فعل اس کی ذات سے وجود میں ہوتا ہے جیسے مذکورہ بالا مثال مات زید میں زید نے مرنے کا فعل نہیں کیا بلکہ مرنے کے فعل کا وجود ذات زید سے ہے اب تھوڑا اور فرق سمجھیں امات ( باب افعال سے) اس کا مطلب ہوتا ہے مارنا ،موت دینا تو موت دینا حضرت عزرائیل کا کام ہے یہ وہ فاعل ہوں گے کہ جن سے صدور فعل ہوا ہے جبکہ مات زید میں زید وہ فاعل ہوگا جس نے فعل نہیں کیا بلکہ فعل کا وجود زید کی ذات سے متعلق ہے

نحو1 جواب
2 فروری، 2026

باب کی نشاندھی کیسے کریں تین سے زائد الفاظ کو ثلاثی مزید فی میں لے کے جائیں یا رباعی میں اسی طرح باقی باب بھی

ثلاثی مجرد کے ماضی کے صیغے کو دیکھیں گے اگر وہ تین حرفی ہے تو اس سے مشتق ہونے والے تمام صیغے ثلاثی مجرد کہلائیں گے جیسے ضرب سے ضارب اسی کو مدے نظر رکھتے ہوئے ابواب کی تخصیص کریں ۔۔۔

نحو1 جواب
5 جنوری، 2026

سوالیہ پرچے میں لغت پوچھتے ہیں تو اس اسم اور فعل کی لغت میں کیا کیا چیزیں ضروری ہیں؟

لغوی تحقیق یا لغوی معنی کا مطلب تو یہی ہوتا ہے کہ لغت میں یا اہل زبان جس معنی میں اس کو استعمال کرتے ہیں وہ بتانا اس میں حروف اصلیہ باب وغیرہ بھی بتا سکتے ہیں لیکن اس کو اپنے اساتذہ سے کنفرم کیجئے کہ وہ کیا مراد لیتے ہیں

نحو1 جواب
10 جنوری، 2026

Assalamu alaikum wa rahmatullahi wa barakatuh میرا سوال یہ ہے کہ قران میں سورہ تکویر کی پہلی ایات ہے اس کا ترجمہ ہے کہ سورج بے نور ہو جائے گا لیکن یہاں پر صغہ جو استعمال ہوا ہے وہ تو ورت صیغہ واحد مونث غائب اور ماضی کی کردار کا ہے لیکن ترجمے میں تو ا رہا ہے جب بے نور ہو جائے گا یعنی قیامت کے دن سورج بے نور ہوگا یہ تو ائندہ یعنی مستقبل میں ہے یہ تو مضارع ہے معنی مضارع ہے اور صیغہ ماضی کا اس کی کیا وجوہات ہیں

وہاں لفظ اذا اسم ظرف آ رہا ہے جو شرط ہے معنی میں ہے اور یہ اذا ماضی پر آتا ہے تو اسے مستقبل کے معنی میں کر دیتا ہے

نحو1 جواب
3 جنوری، 2026

برائے مہربانی مجھے بتائیں کہ کسی اسم کی لغوی اور صرفی تحقیق کیسے کریں اس کا مکمل طریقہ بھی بتائیں ہمارے پیپر سر پر ہے پلیز اس کا طریقہ نہیں آرہا

کسی اسم کی لغوی تحقیق کا مطلب یہ ہوتا ہے کہ اس لفظ کے اہل لغت کے ہاں اصل معانی کیا ہیں اس کی تحقیق آج کے دور میں لغت کھول کی جا سکتی ہے وہاں سے اس کے معانی حروف اصلیہ وغیرہ دیکھے جا سکتے ہیں

نحو1 جواب
8 جنوری، 2026

ثلث اصابع میں اصابع غیر منصرف ہے؟اگر ہے تو کیوں؟جمع منتھی الجموع کی وضاحت اور اوزان بتا دیجیے

اصابع غیر منصرف ہے یہ جمع منتھی الجموع کے وزن پر ہونے کی وجہ سے غیر منصرف ہے جمع منتھی الجموع وہ جمع ہوتی ہے جس کے شروع میں دو حرف ہوں پھر تیسری جگہ الف ہوتا ہے اس کے بعد دو حرف ہوں گے تو پہلا مکسور اگر تین حرف ہوں گے تو پہلا مکسور اور دوسری جگہ یاء ہوگی یہ اس کی پہچان ہے جو لفظ اس طرح ہو وہ جمع منتھی الجموع کے وزن پر ہوگا

نحو1 جواب
6 جنوری، 2026

جمع منتھی الجموع سب سے انتہاء والے جمع کو کہتے ہیں تو انسان کی جمع انس اور انس کی جمع اناس کوجمع منتھی الجموع ہونا چاہیے حالانکہ جمع منتھی الجموع کے جو صیغے بتاے گے ہیں وہ صرف تین ہیں (مصابیح ٢ مساجد ٣ دواب

سب سے پہلی بات تو یہ ہے کہ انسان کی جمع انس نہیں ہے بلکہ انس اور انسان دونوں الگ ہیں انس اسم جمع ہے اس کا مفرد انسیٌّ آتا ہے اور جمع اس کی آناس(افعال) آتی ہے اور انسی کی جمع اناسی آتی ہے انسان کی جمع اناسی آتی ہے دو الگ الگ لفظ ہیں اگرچہ معنی میں کچھ مطابقت ہی ہو

نحو1 جواب
25 دسمبر، 2025

فقعوا کونسا صیغہ ہے

قَعوا صیغہ جمع مذکر حاضر فعل امر حاضر معروف ثلاثی مجرد مثال واوی از باب فتح یفتح اصل میں یہ مضارع تقع سے بنا ہے جس میں علامت مضارع کو حذف کر دیا گیا ہے عین کلمہ متحرک ہونے کی وجہ سے ہمزہ وصلیہ کی ضرورت نہیں رہی تو صرف قَع ہی رہ گیا اسی سے جمع کا صیغہ بنایا گیا ہے مادہ و ق ع

نحو1 جواب
28 دسمبر، 2025

السلام علیکم ورحمتہ اللہ وبرکاتہ حضرات میری طرف سے ایک سوال (أولئك الذين اشتروا الضللة ) یہ آیات میں اشتروا۔ یہ کس کا صیغہ ہے اور باب بھی اور تعلیل بھی اور کتنے نمبر قاعدہ مطابق اشتروا میں (ر) پر فتحہ آیا ہے اس سوال کا جواب واضح کر کے دیجئے بہت مہربانی ہوگی السلام علیکم ورحمتہ اللہ وبرکاتہ

اشتروا صئغہ جمع مذکر غائب فعل ماضی مثبت معروف ثلاثی مزید فیہ ناقص یائی از باب افتعال اصل میں یہ صیغہ اشتَرَیُوا تھا قال ،باع والا قانون جاری ہوا یاء متحرک ما قبل مفتوح کو الف سے بدلا تو اشتراوا ہو گیا الف اور واؤ میں اجتماع ساکنین ہوا تو الف کو حذف کر دیا تو اشترَوا ہو گیا

نحو1 جواب
17 دسمبر، 2025

(الرب )کی مکمل تحقیق بتا یٔں

رَبِّ الْعالَمِينَ الرب في الأصل مصدر بمعنى التربية: وهي تبليغ الشيء إلى كماله شيئًا فشيئًا، ثم وصف به للمبالغة كالصوم والعدل. وقيل: هو نعت من رَبِّه يربه فهو رب، كقولك نم ينم فهو نم، ثم سمى به المالك لأنه يحفظ ما يملكه ويربيه. ولا يطلق على غيره تعالى إلا مقيدًا كقوله: ارْجِعْ إِلى رَبِّكَ ماخوذ از تفسیر بیضاوی

نحو1 جواب
11 نومبر، 2024

کنایہ اور قرآن منصرف ہے یا غیر منصرف ہے اگر غیر منصرف ہے تو سبب کیا ہے

کنایۃ اور قرآن اگر یہ دونوں لفظ بطور علم استعمال ہوں تو غیر منصرف ہوں گے اس کی تفصیل کچھ یوں ہے کہ کنایۃ میں گول موجود ہے جو کہ تانیث کے لئے ہوتی ہے اور اس کے ساتھ علم ہونا شرط ہے اسباب منع صرف میں سے دو سبب پائے جانے کی وجہ سے غیر منصرف ہوگا لیکن لفظ کنایہ بطور علم استعمال نہیں ہوتا تو منصرف ہوگا لفظ قرآن یہ بھی اگر علم ہو تو الف نون زائدتان کی وجہ سے غیر منصرف ہوگا اگر علم نہیں تو غیر منصرف نہیں ہوگا

نحو1 جواب
13 دسمبر، 2025

حبذا زيد کی نحوی ترکیب

حب فعل مدح ذا اس کا فاعل فعل فاعل ملکر جملہ فعلیہ انشائیہ ہو کر خبر مقدم زید مبتدائے مؤخر مبتدا خبر ملکر جملہ اسمیہ خبریہ دوسری ترکیب یہ ہو سکتی ہے کہ حبذا فعل فاعل کو الگ جملہ بنا دیں اور زید کو مبتدا محذوف ھو کی خبر دیں دوسری ترکیب میں دونوں الگ الگ جملے ہو جاتے ہیں

نحو1 جواب
21 دسمبر، 2025

الا كلكم راع وكلكم مسؤول عن رعيته. کی نحوی ترکیب

الا حرف تحضیض کل مضاف کم ضمیر مضاف الیہ مرکب اضافی ہو کر مبتدا راع خبر مبتدا خبر ملکر جملہ اسمیہ خبریہ کلکم مرکب اضافی ہو کر مبتدا مسئول اسم مفعول ھو ضمیر نائب الفاعل عن جار رعیته مرکب اضافی ہو کر مجرور جار مجرور ملکر ظرف لغو اسم مفعول اپنے نائب الفاعل اورظرف لغو سے ملکر شبہ جملہ اسمیہ ہو کر خبر مبتدا خبر ملکر جملہ اسمیہ خبریہ

نحو1 جواب
22 دسمبر، 2025

لا یوجد فی التراکیب ما هو أشدّ تناسبًا ولا اعتدالًا إلى إفادۃ ذلك المعنی منه کی ترکیب فرما دیں

لا یوجد فعل فی التراکیب جار مجرور ظرف لغو ما موصولہ ھو مبتدا اشد اسم تفضیل ھو ضمیر فاعل تناسبا معطوف علیہ و حرف عطف لا زائدہ اعتدالا مصدر الی حرف جر افادۃ مصاف ذلک موصوف المعنی صفت موصوف صفت ملکر مضاف الیہ مضاف مضاف الیہ ملکر مجرور جار مجرور ملکر ظرف لغو اعتدالا مصدر اپنے ظرف لغو سے ملکر معطوف معطوف علیہ معطوف ملکر تمییز عن النسبت من جار ھاء ضمیر مجرور جار مجرور ملکر ظرف لغو اشد کے متعلق اشد اسم تفضیل اپنے فاعل تمییز عن النسبت اور ظرف لغو سے ملکر خبر مبتدا خبر ملکر صلہ موصول صلہ ملکر لا یوجد کا فاعل فعل فاعل ظرف لغو ملکر جملہ فعلیہ خبریہ

نحو1 جواب
17 دسمبر، 2025

غیر منصرف کے اقسام میں عدل اسان الفاظ میں وضاحت مطلوب ہے۔ ہمیں کیسے پتا چلے گا کہ اس میں ایک سبب عدل ہے

عدل کی تعریف و اقسام کتب نحو میں لکھی ہوتی ہیں مگر عدل پہچاننا مشکل ہوتا ہے عدل مخصوص الفاظ میں پایا جاتا ہے جیسے اعداد میں مفعل اور فعال کا وزن ایک سے دس تک عدل تحقیق ہے اور پندرہ الفاظ اور ہیں ان میں سے مشہور عمر اور زفر ہیں جو عدل تقدیری ہے

نحو1 جواب
16 دسمبر، 2025