عربی گرامر سوال و جواب

صرف و نحو: سوالات و جوابات

عربی گرامر (صرف و نحو) کے سوالات کے جائزہ شدہ جوابات: صیغے، ابواب، تعلیلات، اعراب اور ترکیب۔

کل 9,024 جوابات شدہ سوالات

اصابنا و نحن مع رسول اللہ صلی اللہ علیہ وسلم مطر اس کی ترکیب کیا ہے

اصاب فعل مطر اس کا فاعل نا ضمیر ذو الحال و حالیہ نحن مبتدا مع رسول اللہ بترکیب اضافی مفعول فیہ ثابت اسم فاعل کا اس میں ھو ضمیر فاعل اسم فاعل اپنے فاعل اور مفعول فیہ سے ملکر شبہ جملہ اسمیہ ہو کر خبر مبتدا خبر ملکر جملہ اسمیہ خبریہ ہو کر حال ذو الحال حال ملکر مفعول بہ فعل فاعل مفعول بہ ملکر جملہ فعلیہ خبریہ

نحو1 جواب
19 دسمبر، 2024

ثلاثی مجرد ابواب میں مجھول کے صیغوں کے ساتھ ضمائر کیوں لائی جاتی ہیں

فعل لازم سے فعل مجہول جب بنایا جائے اور اس کی نسبت مفعول بہ کی طرف ہو تو اس صورت میں فعل لازم کو متعدی کرنے کے لئے اس کے آگے باء حرف جر لایا جاتا ہے جس کے ذریعے فعل متعدی ہو جاتا ہے اور باء حرف جر کے ساتھ نائب الفاعل ضمیر یا اسم ظاہر بڑھایا جاتا ہے قاعدہ یہ ہوتا ہے کہ جب باء کے ذریعے فعل کو متعدی کیا جائے تو باء مفعول بہ پر داخل ہوتی ہے اور یہی ضمیر یا اسم ظاہر اصل میں مفعول بہ ہوتا ہے جو نائب الفاعل بنتا ہے

صرف1 جواب
18 دسمبر، 2024

اَضْطَرَّ کی تحقیق کاہے

اِضطَرَّ صیغہ واحد مذکر غائب فعل ماضی مثبت معروف ثلاثی مزید فیہ مضاعف از باب افتعال اصل میں اضتَرَرَ تھا قاعدہ اگر باب اِفْتِعَالٌ کافاءکلمہ صاد، ضاد، طاء یا ظا ء ہو تو تائے اِفْتِعَالٌ کوطاءسے بدلنا واجب ہے۔ اس قاعدے کے تحت تاء کو طاء سے بدلا تو اضطرَرَ ہوگیا قاعدہ اگر دونوں ہم جنس حروف متحرک ہوں اور ان کا ماقبل حرف بھی متحرک یا مدہ ہو تو پہلے حرف کی حرکت کو حذف کر کے ادغام کرنا واجب ہے پھر اس قاعدے کے تحت دونوں راء کا ادغام کیا تو اضطَرَّ ہو گیا

صرف1 جواب
20 دسمبر، 2024

رُمَّان اور شَیطٰن ۔ ان دونوں الفاظ میں منصرف اور غیرمنصرف دونوں کی احتمال ھے ۔ اب سوال یہ کہ جب رُمّان رَمَن سے مشق ھو تو منصرف رہےگی اگر الرُّم سے مشتق ھو تو پھر غیرمنصرف ھوگا تو اب اسمیں دوسرا سبب غیرمنصرف کی کیا ھے ایک تو الف نون زاٸدتان دوسرا کون ھے ۔ اسی طرح شیطن میں بھی اگر شطن سے ھو تو منصرف اگر شیط سے ھو تو غیر منصرف تو اب اسمیں تو ایک الف نون زاید لیکن دوسرا سبب کون ؟

ان دونوں میں دوسرا سبب کونسا بنے گا اس میں دو احتمال ہیں علم اور وصف اگر کسی کا نام ہو تو علم ہوگا اور اگر صفت کے صیغے ہوں گے تو دوسرا سبب وصف ہوگا

نحو1 جواب
20 دسمبر، 2024

یذر جو کہ اصل میں یوذر تھا میں کونسا قاعدہ لگا ہے؟

قاعدہ جو واو ، علامتِ مضارع مفتوحہ اور کسرہ کے در میان يا علامتِ مضارع مفتوحه اور فتحه کے درمیان ایسے کلمے میں ہو جس کا عین یا لام کلمہ حرف حلقی ہو تو اسے گرا دینا واجب ہے یوذَر اصل میں باب ضرب سے یوذِر تھا تو انتقال باب ہوگیا یعنی ضرب سے فتح کی طرف نقل ہوگیا تو اسی اصل باب کی وجہ سے واؤ کو حذف کر دیا ہے

صرف1 جواب
19 دسمبر، 2024

تلك البقرة السوداء حلوب اسکا معنی کیا ہے اور حلوب کیا ہے موذکر یا مؤ نث ہے لیکن مؤ نث ہوتو کونسی مؤ نث ہے

یہ سیاہ گائے زیادہ دودھ دینے والی ہے حلوب اسم مبالغہ کا صیغہ ہے اس میں مؤنث و مذکر برابر ہوتے ہیں لیکن یہ مؤنث کے ساتھ خاص فعل ہے تو اسے مؤنث حقیقی شمار کریں گے

نحو1 جواب
20 دسمبر، 2024

الدَّانِي کون سا صیغہ ہے

دانی صیغہ واحد مذکر اسم فاعل ثلاثی مجرد ناقص واوی از باب نصر ینصر اصل میں الدانِوُ تھا قاعدہ نمبر 4 وہ واؤ جو چوتھی جگہ یا اس سے آگے واقع ہو اور اس سے پہلے ضمہ یا واو ساکن نہ ہو تو اسے یاء سے بدلنا واجب ہے۔ اس صورت میں اگر اس کا ماقبل مفتوح ہو تو اسے الف سے بدل دیں گے اس قاعدے کے تحت واؤ کو یاء سے بدل دیا تو الدانِیُ ہو گیا پھر قاعدہ نمبر 2 واؤ مضموم ما قبل مضموم یاء مضموم ما قبل مکسور کو ساکن کر دینا واجب ہے بشرطیکہ اس کے بعد واؤ مدہ نا ہو اس قاعدہ کے تحت یاء کو ساکن کر دیا تو الدانِیْ ہوگیا

صرف1 جواب
18 دسمبر، 2024

التجارت الصمت دواعیہ کیا ہے فیما کا نحوی اجرا کیسے ھو گا اور کیا عطاء یہ غیر منصرف وضاحت کر دیجئے

التجارۃ پیشہ کے نام ہے اسم جامد ہے ثلاثی مزید فیہ صحیح ت ج ر الصمت مصدر ثلاثی مجرد صحیح از باب نصر ینصر دواعی داعیۃ اسم فاعل کی جمع ہے عطاء منصرف ہے فی ما دونوں کا الگ نحوی اجراء کریں گے

نحو1 جواب
18 دسمبر، 2024

انتھی کا باب اور متتابعت کا باب اور البیع کیا ہے اس میں تعلیل بھی بتا دیجئے

انتھی کا باب افتعال ہے اصل میں انتھَیَ تھا ناقص کے قاعدہ نمبر ایک کے مطابق یاء کو الف سے بدل دیا تو انتھی ہو گیا متابعۃ کا باب مفاعلہ ہے بیع مصدر ہے باب ضرب یضرب سے اس میں کوئی تعلیل نہیں ہوئی

نحو1 جواب
18 دسمبر، 2024

ضمائر کا نحوی اجرا کیسے ھوگا اور کیا اخراج نحوی اجرا میں جمع مکسر ھو گا ساعتہ ساعہ یہ کیا یے انکے حروف اصلی اور معنی کے ساتھ وضاحت کر دیجئے

ضمائر کا اجراء ویسے ہی ہوگا جیسے دوسرے اسماء کا ہوتا ہے اخراج جمع نہیں ہے بلکہ باب افعال کا مصدر ہے ساعۃ اسم جامد ہے بمعنی وقت اور حروف اصلیہ س و ع ہیں

نحو1 جواب
18 دسمبر، 2024

ظرف لغوا اور ظرف مستقر کو کیوں لغوا اور مسقر کھتے ھں۔

ظرف مستقر مستقر کا معنی ہوتا ہے جس میں ٹھہرا جائے ظرف مستقر وہ ظرف ہوتا ہے جس کا متعلق محذوف ہو تو ظرف مستقر کو ظرف مستقر اس لئے کہتے ہیں کہ متعلق محذوف کا معنی اور ضمیر اس میں ٹھہر جاتے ہیں اور ظرف لغو کا متعلق لفظوں میں موجود ہوتا ہے تو اس وجہ سے اسے ظرف لغو کہتے ہیں کہ کہ یہ لغو و خالی ہوتا ہے

نحو1 جواب
18 دسمبر، 2024

اجتناب، استنصار،انفطار،تَقَبُّلَُ، میں چار حروف ہیں تو اس کی علامت مضارع مضموم کیوں نہیں

اجتناب میں ہمزہ علامت مضارع نہیں ہے یہ مصدر ہے استنصار میں بھی ہمزہ علامت مضارع نہیں بلکہ مصدر ہے انفطار میں بھی ہمزہ علامت مضارع نہیں بلکہ مصدر ہے تقبل میں تاء علامت مضارع نہیں بلکہ یہ باب تفعل سے ماضی کا صیغہ ہے

نحو1 جواب
18 دسمبر، 2024

قاعدہ ہے کہ بعض افعال میں عین یا لام کلمہ کے حروف حلقی سے تعلق رکھنے کی وجہ سے عین کلمہ کو فتحہ دیا جاتا ہے لیکن حقیقتا اور تقدیرا وہ مکسور ہی ہوتا ہے جیسے وضع یضع ۔۔۔۔ اب سوال یہ ہے کہ اگر عین کلمہ حقیقتہ مکسور ہوتا ہے تو ہم اس کا باب فتح یفتح کیوں بیان کرتے ہیں

اصل میں مکسور العین تھے لیکن وہاں سے نقل کر دیا گیا باب فتح یفتح سے تو اب یہ باب فتح یفتح سے آتے ہیں

صرف1 جواب
17 دسمبر، 2024

کس طرح غیر منصرف فعل کے مشابہ ہے

غیر منصرف فرعیت میں مشابہ ہے جیسے فعل فاعل کی طرف محتاج ہوتا ہے تو یہ ایک فرع ہوئی اور مصدر مشتق ہوتا ہے تو یہ دوسری فرع ہوئی اسی طرح غیر منصرف کے اسباب بھی فرع ہوتے ہیں جیسے مونث مذکر کی فرع ہے معرفہ ہونا نکرہ۔کی فرع ہے تو اس طرح فرعیت میں فعل کے مشابہ ہے مزید تفصیل کے لیے نیچے دیئے گئے سکرین شاٹ کو ملاحظہ فرمائیں

نحو1 جواب
13 دسمبر، 2024

او يخبرالصحابى بانه‍م كانوا ىفعلون كذا فى زمان النبى صلى الله عليه وسلم کی نحوی ترکیب کریں

یخبر فعل الصحابی فاعل ب جار ان حرف مشبہ بالفعل ھم ضمیر اس کا اسم کانوا فعل ناقص واؤ ضمیر فاعل یفعلون فعل واؤ ضمیر فاعل کذا مفعول بہ فی جار زمان النبی مضاف مضاف الیہ ملکر مرکب اضافی ہو کر مجرور جار مجرور ملکر ظرف لغو فعل فاعل مفعول بہ ظرف لغو ملکر جملہ فعلیہ خبریہ ہو کر فعل ناقص کی خبر فعل ناقص اپنے اسم و خبر سے ملکر جملہ فعلیہ خبریہ ہو کر حرف مشبہ بالفعل کی خبر حرف مشبہ بالفعل اپنے اسم و خبر سے ملکر جملہ اسمیہ خبریہ ہو کر مجرور جار مجرور ملکر ظرف لغو فعل فاعل ظرف لغو ملکر جملہ فعلیہ خبریہ

نحو1 جواب
10 دسمبر، 2024

ما الذي هو خير منك تركيب؟ الذي في المسجد هو زيد تركيب؟ ما ذا صنعت؟

ما استفہامیہ مبتدا الذی اسم موصول ھو ضمیر مبتدا خیر اسم تفضیل ھو ضمیر فاعل منک جار مجرور ملکر ظرف لغو اسم تفضیل اپنے فاعل اور ظرف لغو سے ملکر شبہ جملہ اسمیہ ہو کر خبر مبتدا خبر ملکر جملہ اسمیہ خبریہ ہو کر صلہ موصول صلہ ملکر خبر مبتدا خبر ملکر جملہ اسمیہ انشائیہ الذی فی المسجد ھو زید الذی اسم موصول فی المسجد جار مجرور ملکر ظرف مستقر ثبت کے متعلق اس میں ھو ضمیر فاعل فعل فاعل ملکر جملہ فعلیہ خبریہ ہو کر صلہ موصول صلہ ملکر مبتدا ھو مبتدا زید خبر مبتدا خبر ملکر جملہ اسمیہ خبریہ ہو کر خبر مبتدا خبر ملکر جملہ اسمیہ خبریہ ماذا مفعول بہ مقدم صنعت فعل تا ضمیر فاعل فعل فاعل مفعول بہ ملکر جملہ فعلیہ انشائیہ

نحو1 جواب
15 دسمبر، 2024

قالین کی صرفی تحقیق فرما دیں

قَالِينَ صیغه جمع مذکر اسم فاعل ناقص از باب ضرب يضرب ( دشمن رکھنے والے) راعین والے قاعدے کے تحت تعلیل ہوئی قرآن پاک میں ہے: ﴿إِنِّي لِعَمَلِكُم مِّنَ الْقَالِينَ ﴾ ۔ قرآن پاک میں تو یہ اسم فاعل ہی استعمال ہوا کیونکہ اس پر الف لام داخل ہے لیکن قالین میں ایک احتمال یہ بھی ہے کہ یہ باب مفاعلة سے امر حاضر مونث کا صیغہ ہے: قالَى يُقَالِى مُقَالَاةً - امرقَالِ قَالِيَا قَالُوا قَالِي قَالِيَا قَالِينَ ۔ اس کا معنی | دشمنی رکھنا ہے۔ یہ بھی ہو سکتا ہے کہ یہ اس باب سے واحد مونث امر حاضر معروف ہو یعنی قالینی۔ آخر میں نون وقایہ اور یائے متکلم ہو۔ وقف کی حالت میں یائے متکلم کے گرنے اور نون وقایہ کے ساکن ہونے کی وجہ سے قالین پڑھیں گے۔

صرف1 جواب
16 دسمبر، 2024

"بعضه‍م خصوا الحديث بما جاء عن النبى صلى الله عليه وسلم" کی نحوی ترکیب کریں

بعضھم اضافت کے ساتھ مبتداء خصو فعل و ضمیر فاعل الحدیث مفعول بہ ب حرف جر ما موصولہ جاء فعل ھو ضمیر فاعل عن حرف جر النبی مجرور جار مجرور ملکر ظرف لغو فعل اپنے فاعل ظرف لغو سے ملکر موصول کا صلہ۔ اسم موصول اپنے صلے سے ملکر مجرور جار مجرور ملکر ظرف لغو فعل اپنے فاعل اور مفعول اور ظرف لغو سے ملکر خبر مبتداء خبر ملکر جملہ اسمیہ خبریہ ہوا

نحو1 جواب
9 دسمبر، 2024