عربی گرامر سوال و جواب

صرف و نحو: سوالات و جوابات

عربی گرامر (صرف و نحو) کے سوالات کے جائزہ شدہ جوابات: صیغے، ابواب، تعلیلات، اعراب اور ترکیب۔

کل 9,024 جوابات شدہ سوالات

نون خفیفہ کی گردن اٹھ ہی کیوں کیا چودہ کیوں نہیں کیا جبکہ نون ثقیلہ میں چودہ گردن ہیں؟

جن صیغوں کے آخر میں نون خفیفہ نہیں آتی ان کے آخر میں نون مضارع کو حذف کرنے کے بعد ایک ساکن حرف ہوتا ہے اور نون خفیفہ بھی ساکن ہوتی ہے تو یوں کسی ایک کو حذف کرنا پڑے گا جبکہ دونوں حرف اپنی جگہ ضروری ہیں اور اگر حذف کر بھی دیں تو پھر آخری حرف جو نون خفیفہ سے پہلے ہوگا اس پر کیا حرکت پڑھیں گے کوئی بھی حرکت پڑھیں التباس ہوگا اس وجہ سے وہ صیغہ نہیں بنتے جیسے یضربانِ تثنیہ کا صیغہ ہے اس سے اگر نون خفیفہ بنائیں گے تو پہلے نون اعرابی کو حذف کرنا پڑے گا اس کے بعد یضربانْ ہو جائے گا تو نون بھی ساکن الف بھی ساکن ہے اب ایک کو حذف بھی کر دیں تب بھی یہ مسئلہ ہے کہ الف کے بعد باء پر کونسی حرکت پڑھیں گے

صرف1 جواب
2 جون، 2025

ہم اپنی صرف کو کیسے مضبوط بنا سکتے ہیں؟؟؟

علم صرف کو یاد کرنے اور مضبوط کرنے کا آسان طریقہ "ابو سفیان محمد راشد مدنی صادق آبادی" "03047482900" "علم صرف کا دائرہ کار" علم صرف کا دائرہ کار سمجھیے: اسما متمکنہ (جن میں تبدیلی ممکن ہے) افعال متصرفہ (جن کی گردان بن سکتی ہے) علم صرف میں تصریف سے مراد اعلال، ادغام، تخفیف وغیرہ کی تبدیلیاں ہیں۔ اصل افعال: ماضی، مضارع، امر، باقی توابع مثل نہی و تاکید بلم و بلن و موکد با نون۔ اسماء: اسمائے مشتقات۔ "علم صرف کو یاد کرنے اور اجراء کرنے کے مراحل" "ترکیب و تصریف" اسے دو مراحل میں تقسیم کر لیں: 1- ترکیب 2- تصریف "پہلے مرحلے کی وضاحت:" اس میں یہ چیزیں آ جائیں گی اسماء و افعال کی تعریفات اور بنانے کے طریقے مع حفظ اوزان و ابواب و گردانیں "دوسرے مرحلے کی وضاحت:" حفظ قواعد و اجرا قواعد پڑھنے اور یاد کرنے کے ساتھ ساتھ گردانوں پر ان کا استعمال کرتے جائیں۔ - افعال پر قواعد کا اجراء - اسماء و ابواب و مصادر پر قواعد کا اجراء بس علم صرف آپ کو پانی کی طرح یاد ہو جائے گا اور ٹینشن ختم۔ اب نحو کی ٹینشن لیجیے۔

صرف1 جواب
29 مئی، 2025

ترکیب کرنا کیسے سیکھ سکتے ہیں ؟

1۔ سب سے پہلے علم صرف مضبوط کریں۔ 2۔ نحوی قواعد یاد کر کے ان کا اجرا کریں۔ 3۔ اساتذہ کرام سے وقت لیں، درجے یا مدرسے کے ذہین طلبہ کی مدد لیجیے۔ 4۔ ترکیب پر لکھی گئی کتب کا مطالعہ کریں، انہیں سمجھیں۔ جیسے الترکیب (مفتی اکمل صاحب) ترکیب نحوی کیسے کریں؟ (مولانا تصور حسین صاحب)

نحو1 جواب
24 مئی، 2025

صیغہ صفت کی ترکیب کرتے ہوئے اسے شبہ جملہ کہنے کی وجہ تسمیہ؟ نیز صیغہ صفت کو شبہ فعل کیوں کہتے ہیں؟ کسی عربی کتاب کا حوالہ دیا جائے تو بہت اچھا ہے

صیغہ صفت: اسم فاعل، اسم مفعول، اسم تفضیل، صفت مشبہ وغیرہ کو صیغہ صفت کہا جاتا ہے۔ صیغہ صفت کو شبہ فعل کہنے کی وجہ: صیغہ صفت میں اصل کردار اسم فاعل کا ہوتا ہے، اور باقی اس کے تابع شمار کیے جا سکتے ہیں، اس لحاظ سے دیکھیں تو جب یہ کہا جاتا ہے کہ صیغہ صفت شبہ فعل ہے تو اس کی وجہ یہ ہوتی ہے کہ اسم فاعل بہت سی چیزوں میں فعل مضارع کے مشابہ ہوتا ہے: جس طرح فعل مضارع فاعل کو رفع اور مفعول کو نصب دیتا ہے یعنی معمول میں عمل کرتا ہے صیغہ صفت جس طرح فعل مضارع بصورتِ جملہ نکرہ کی صفت بن سکتا ہے ایسے ہی اسم فاعل بھی نکرہ کی صفت واقع ہو سکتا ہے۔ جس طرح فعل مضارع پر حرکات و سکنات ظاہر ہوتی ہیں ایسے ہی اسم فاعل پر بھی یہ چیزیں ظاہر ہوتی ہیں۔ جس طرح فعل مضارع پر اضافی چیزیں داخل ہو سکتی ہیں جیسے س اور سوف ایسے ہی اسم فاعل پر الف لام داخل ہو سکتا ہے۔ اسی طرح اسم فاعل اور مضارع دونوں پر لام تاکید داخل ہو سکتا ہے۔ (مزید وضاحت کے لیے مراح الارواح دیکھ سکتے ہیں فصل فی المستقبل اور فصل فی اسم الفاعل)۔ نوٹ: صیغہ صفت چونکہ بذات خود اسم ہوتا ہے اس لیے اسے شبہ جملہ اسمیہ کہتے ہیں۔ شبہ جملہ کی تعریف: ہر جار مجرور اور ظرف والے کلام کو شبہ جملہ کہا جاتا ہے۔ شبہ جملہ اور جملہ میں مشابہت کی وجہ سے اسے شبہ جملہ کہا جاتا ہے۔ 1۔ ساخت و بناوٹ: جس طرح جملہ میں ایک سے زائد کلمات موجود ہوتے ہیں اسی طرح شبہ جملہ میں بھی ایک سے زائد کلمات ہوتے ہیں۔ 2۔ جس طرح جملے میں جملے میں مسند و مسند الیہ ہوتے ہیں اس میں بھی موجود ہوتے ہیں۔ 3۔ رابط کا پایا جانا: جس طرح جملے میں ضمیر یا کوئی رابط موجود ہوتا ہے اسی طرح شبہ جملہ میں بھی ضمیر یا رابط موجود ہوتا ہے۔ 4۔ دلالت زمانی و مکانی: جس طرح شبہ فعل میں زمان یا مکان پایا جاتا ہے اسی طرح فعل میں بھی زمانہ پایا جاتا ہے اور مکان بھی یعنی فعل کسی نہ کسی جگہ ہی واقع ہوگا۔ شبہ جملہ کی ترکیب: اس کی مختلف تراکیب علمائے نحویین نے ذکر کی ہیں: =اس کا متعلق فعل ہو تو یہ جملہ فعلیہ ہوتا ہے۔ =اس کا متعلق صیغہ صفت ہو تو یہ از قبیل مفرد قرار پا کر شبہ جملہ اسمیہ ہوتا ہے۔ بعض نے کہا ہے کہ یہ جب جملہ اسمیہ میں ہو تو مستقل خبر ہوگا بغیر کسی کے متعلق ہوئے۔ جیسے زید فی الدار میں فی الدار مستقل خبر ہے۔ بعض دیگر تراکیب بھی ذکر کی گئی ہیں۔ ابو سفیان محمد راشد مدنی صادق آبادی

نحو1 جواب
28 مئی، 2025

مسلون ی سی مسلمی کیسے بنا

مسلمون ی سے مسلمی کیسے بنا مشہور قاعدہ ہے کہ اضافت کے وقت تثنیہ اور جمع کی نون گر جاتی ہے تو نون جمع کو گرایا تو مسلموی ہو گیا قاعدہ ن ہر وہ واو جو دوسرے حرف سے بدلی ہوئی نہ ہو اگر کسی غیر ملحق کلمہ میں ياء کے ساتھ جمع ہو جائے اور ان میں پہلا حرف (واو ہو یا یاء) ساکن ہو تو واو کو یاء سے بدل کر یا کا یاء میں ادغام کرنا واجب ہے اس قاعدہ کے تحت واو کو یاء سے بدل کر یاء کا یاء میں ادغام کیا اور یاء کی مناسبت سے میم کے ضمہ کو کسرہ سے بدلا تو مسلمی ہو گیا

صرف1 جواب
29 مئی، 2025

يَتّجِهُون کی اصل کیا ہے؟

یتجھون صیغہ جمع مذکر غائب فعل مضارع مثبت معروف ثلاثی مزید فیہ مثال واوی از باب افتعال اصل میں یوتجہون تھا قاعدہ وه واو یا یاء جو باب "اِفْتِعَالٌ"، "تَفَعَّلٌ" يا "تَفَاعُلٌ" کے فاء کلمے میں آجائیں تو انہیں تاءسے بدل کر ادغام کر دیا جا تا ہے۔ (اس کے لیے شرط یہ ہے کہ وہ واو یا اء ہمزہ سے تبدیل شدہ نہ ہو) اس قاعدے کے تحت واو ہو تاء سے بدل کر تاء کا تاء میں ادغام کیا تو یتجھون ہو گیا

نحو1 جواب
26 مئی، 2025

فعل اور حرف کی نحوی تحقیق کا مکمل طریقہ بیاں کر دیجیے

فعل کی نحوی تحقیق میں درج ذیل چیزیں ہوتی ہیں لفظ، موضوع، مفرد، چیزیں آئیں گی شروع میں اس کے بعد یہ چیزیں دیکھی جائیں گی فعل معرب ہے یا مبنی مبنی ہے حرکت پر مبنی ہے یا سکون پر اسی طرح اگر معرب ہے تو اعراب کیا ہوگا وجہ اعراب نوٹ: فعل ماضی اور فعل امر مبنی ہوتی ہیں فعل مضارع معرب ہوتا ہے سوائے دو۔صیغے جمع مؤنث غائب و حاضر کے صیغے چھوڑ کر حرف کی نحوی تحقیق لفظ موضوع مفرد پھر حروف عاملہ میں سے ہے یا غیر عاملہ حروف عاملہ میں سے ہے تو اس کی کونسی قسم ہے حروف جارہ مشبہ بالفعل وغیرہ اگر غیر عاملہ میں سے ہے تو اس کی کونسی قسم ہے حروف عطف وغیرہ میں سے ہے یا کسی اور قسم سے اس کے بعد مبنی ہے تو مبنی علی الحرکت ہے یا سکون وغیرہ دیکھتے ہیں

نحو1 جواب
27 مئی، 2025

یََسُن الاغتسال لاربعۃَ اشیاء کی ترکیب کیا ہے اور اس میں اربعۃ کے اوپر فتح کیوں ہے

یسن فعل ہے الاغتسال اس کا فاعل ہے ل جار اربعۃ مضاف اشیاء مضاف الیہ مرکب اضافی ہو کر مجرور جار مجرور ملکر ظرف لغو فعل فاعل ظرف لغو ملکر جملہ فعلیہ خبریہ اربعۃ کے اوپر فتحہ غلط ہے جر آئے گی

نحو1 جواب
28 مئی، 2025

اسم اشارہ اور ضمیر میں فرق کیا ہے

اسم اشارہ کے ذریعے مبصر چیز کی طرف اشارہ کیا جاتا ہے جبکہ ضمیر کے ذریعے کسی چیز کو بیان کیا جاتا ہے جیسے وہ کھڑا ہے اب وہ ضمیر ہے جس کے ذریعے کسی ذات کو بیان کیا گیا ہے یہ رکھی ہے اس مثال میں لفظ یہ سے کسی موجود چیز کی طرف اشارہ کیا گیا ہے

نحو1 جواب
27 مئی، 2025

اسم تفضیل ،اسم فاعل ،اسم مفعول ،مصدر اپنے فاعل سے ملکر کیا کوئی جملہ بنتے ہیں کونسا جملہ بنتا ہے راہنمائی فرمائیے

ان تمام کو صیغہ صفت کہا جاتا ہے، اور یہ اپنے فاعل یا نائب الفاعل سے مل کر بذات خود شبہ جملہ اسمیہ ہوتے ہیں، لیکن ماقبل عامل کے مطابق ان کا اعراب دیکھا جاتا ہے جو تبدیل ہو سکتا ہے اور اسی ما قبل کے مطابق یہ ترکیب کا حصہ ہوتے ہیں۔

نحو1 جواب
31 اکتوبر، 2024

سوال یہ ہے الحمدللہ رب العالمین والعاقبۃللمتقین والصلاۃ علی رسولہ محمد والہ صحابہ اجمعین۔ ترکیب کروا ئیں

الحمد للّٰه رب العالمین الحمد مبتدا ل جار اللہ موصوف رب مضاف العالمین مضاف الیہ مضاف مضاف الیہ ملکر مرکب اضافی ہو کر صفت موصوف صفت ملکر مجرور جار مجرور ملکر ظرف مستقر ثابت کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر مبتدا خبر ملکر جملہ اسمیہ خبریہ العاقبۃ للمتقین العاقبۃ مبتدا ہے ل جار المتقین مجرور جار مجرور ملکر ظرف مستقر ثابتۃ کے متعلق اس میں ھی ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر مبتدا خبر ملکر جملہ اسمیہ خبریہ "الصلاۃ علی رسوله محمد و علی آلہ و صحبه اجمعین" الصلاۃ مبتدا علی جار رسوله مرکب اضافی ہو کر مبدل منہ محمد بدل مبدل منہ بدل ملکر مجرور جار مجرور ملکر معطوف علیہ و حرف عطف علی حرف جر آلہ مرکب اضافی ہو کر معطوف علیہ صحبہ مرکب اضافی ہو کر مؤکد اجمعین تاکید مؤکد تاکید ملکر معطوف معطوف علیہ معطوف ملکر علی جار کا مجرور جار مجرور ملکر پیچھے والے جار مجرور پر معطوف معطوف علیہ معطوف ملکر ظرف مستقر ثابتۃ کے متعلق اس میں ھی ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر مبتدا خبر ملکر جملہ اسمیہ انشائیہ

نحو1 جواب
27 اپریل، 2025

آخر کی تعلیل

آخَر در اصل أأخر تھا قاعدہ: کسی کلمے میں دو ہمزہ جمع ہو جائیں اور پہلا متحرک اور دوسرا ساکن کو تو دوسرے ہمزہ کو پہلے ہمزہ کی حرکت کے مطابق حرف علت سے بدلنا واجب ہے تو أأخر میں دوسرے ہمزہ کو پہلے ہمزہ کی حرکت فتحہ کے مطابق الف سے تبدیل کیا تو أاخر ہو گیا اب لکھنے میں یہ آخر ہوتا ہے

صرف1 جواب
27 مئی، 2025

عربی میں پیپرز کیسے حل کریں اسکا کوئی طریقہ بیان کریں

عربی میں پیپر کرنے کے لئے درج ذیل امور پیش نظر ہوں تو پیپر حل کرنا آسان ہوگا 1 اگر عربی کتاب کا پیپر ہے تو اسی کتاب کے معانی کو تھوڑا سا الگ طرح سے لکھیں جس سے معانی مقصودہ حاصل ہو جائیں 2 عربی لغت لکھنا پڑھنا شروع کر دیں اور کچھ سوالات بطور مشق کے عربی میں ہی حل کرنا شروع کر دیں جیسے ھدایۃ النحو کا پیپر ہو تو اس میں سوال۔یہ آ سکتے ہیں علم النحو کی تعریف و موضوع لکھیں اب اس کا جواب جو عربی میں لکھنا ہے وہ کتاب سے دیکھ لیں اور اسی طرح مشق کرتے رہیں کچھ اپنی طرف سے بڑھا بھی سکتے ہیں

نحو1 جواب
25 مئی، 2025

فی الدار زیدترکیب اور یہ کونسا مرکب ھے؟

یہ مرکب تام/مرکب مفید ہے فی جار الزید مجرور جار مجرور ملکر ظرف مستقر ثابت کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر زید مبتدا مؤخر خبر مقدم اور مبتدا مؤخر ملکر جملہ اسمیہ خبریہ

نحو1 جواب
25 مئی، 2025

(1) لِلَّهِ عَلَى أَنْ أُصَلَّى کی ترکیب کیسے ہوگی؟

ل جار اللہ اسم جلالت مجرور جار مجرور ملکر ظرف مستقر اقسم فعل کے متعلق اس میں انا ضمیر فاعل فعل فاعل ظرف مستقر ملکر جملہ فعلیہ انشائیہ ( قسم ) علی جار یاء ضمیر مجرور متصل مجرور جار مجرور ملکر ظرف مستقر ثابت کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر مقدم ان مصدریہ ناصبہ اصلی فعل اس میں انا ضمیر فاعل فعل فاعل ملکر جملہ فعلیہ خبریہ ہو کر ان مصدریہ کے ساتھ ملکر مصدر مؤول ہو کر مبتدا مؤخر مبتدا خبر ملکر جملہ اسمیہ خبریہ ہوکر جواب قسم

نحو1 جواب
26 مئی، 2025

ولتآت کون سا صیغہ ہے، اس کی بحث کیا ہے ،اس کا مادہ کیا ہے، کس باب سے ہے، اس کی خاصیت کیا ہے ،پوری تحقیق پیش نظر کریں مع مثال ، بحوالہ ،

شاید یہ صیغہ "وَلْتَأْتِ" اگر یہی حرکات ہیں تو جواب یہ ہوگا صیغہ واحد مذکر غائب فعل امر غائب و متکلم معروف ثلاثی مجرد مہموز الفاء و ناقص یائی از باب ضرب یضرب اصل میں لتاتی ہونا چاہئے تھا یاء کے ساتھ لیکن یہاں لام امر جازمہ موجود ہے تو اس کی وجہ سے آخر سے حرف علت ساقط ہو جائے گا

نحو1 جواب
24 مئی، 2025

اختلاف اور خلاف میں فرق واضح کریں۔

اختلاف اور خلاف یا مخالفت میں کچھ علما فرق نہیں کرتے جبکہ کچھ علما فرماتے ہیں کہ ان میں کچھ بنیادی فرق ہے جس کا لحاظ رکھنا فی زمانہ انتہائی اہم ہے، اختلاف اور خلاف میں فرق سے متعلق علامہ عینی علیہ الرحمہ فرماتے ہیں: *الفرق بين الخلاف والاختلاف: الاختلاف: ان الاختلاف مستعمل في قول بني علي دليل. "الخلاف": الخلاف في ما لا دليل عليه. (البناية: ج6 ص 241، دارالفكر)* یعنی اختلاف اس قول کے لیے مستعمل ہے جس کی بنیاد کسی دلیل پر ہو۔ جبکہ خلاف و مخالفت اس قول میں مستعمل ہے جس کی بنیاد کسی دلیل پر نہ ہو۔

نحو1 جواب
25 مئی، 2025

کلمہ کی تین قسمیں ہیں اس پر کیا دلیل ہے؟

اس کے مختلف جوابات جو میرے ذہن میں موجود ہیں میں عرض کرنے کی کوشش کرتا ہوں: 1۔ نحو کے معتمد و مستند متون میں مذکور ہونا ہی کلمہ کی 3 قسموں میں انحصار کے لیے کافی ہے۔ 2۔ نحو کی مشہور کتاب کافیہ کے متن کی ابتدا میں کلمہ کی اقسام کی وجہ حصر مذکور ہے، وہ بھی اس کے تین اقسام میں منحصر ہونے کی ایک دلیل ہے۔ 3۔ امام سیوطی کا رسالہ ہے "الأخبار المروية في سبب وضع العربية" اس کا ترجمہ ہماری ایپلیکیشن میں بھی موجود ہے، بنام "عربی گرامر کی تاریخ اور اس کی ایجاد کے اسباب" اس ترجمہ شدہ کتاب کے صفحہ نمبر 27 پر موجود ہے کہ حضرت علی سے کلمہ کی یہی تین اقسام مذکور ہیں۔ آپ کی آسانی کے لیے نیچے تصویر کے والے حصے میں اسکرین شارٹ بھی ایڈ کر دیا گیا ہے وہاں سے ملاحظہ کر سکتے ہیں۔

نحو1 جواب
25 مئی، 2025

مشابہ مبنی الاصل یا اسم غیر متمکن کتنی چیزیں ہیں؟

مشابہ مبنی الاصل کو اسم غیر متمکن بھی کہتے ہیں۔ اسم غیر متمکن کی بہت سی اقسام ہیں جن میں سے چند مشہور یہ ہیں: اسم ضمیر، اسم اشارہ، اسم موصول، اسم استفہام، اسم شرط، اسم ظرف، اسم کنایہ، اسم فعل، اسم صوت۔ اسم غیر متمکن کی مزید اقسام یہ ہیں: مرکب بنائی، منادی مفرد معرفہ، مرکب منع صرف کا پہلا جز، مضاف الی الجملہ، لائے نفی جنس کا ایسا اسم جو نہ معرفہ ہو، نہ مضاف، نہ مشابہ مضاف۔ خلاصۃ النحو: حواشی حصہ اول صفحہ 92 - 93

نحو1 جواب
20 نومبر، 2024

تثنیہ حقیقی اور حکمی کسے کہتے ہیں؟

در اصل تثنیہ اس اسم کو کہتے ہیں جس سے دو ایسے فرد سمجھے جائیں کہ جو ایک ہی جنس کے ہوں، جیسے"رجلان، امرءتان" یعنی دوسرا فرد بھی پہلے فرد کی جنس سے ہی ہو تو اسے کہتے ہیں تثنیہ حقیقی، اور اگر دوسرا فرد پہلے فرد کی جنس سے نہ ہو تو اسے تثنیہ حکمی کہتے ہیں، جیسے"ابوین، نیرین، قمرین، عمرین" یہ الفاظ ہیں تو تثنیہ ہی لیکن دوسرا فرد پہلے فرد کی جنس سے نہیں ہے۔ اور یہ بات بھی یاد رکھنے والی ہے کہ تثنیہ میں یہ قید ضروری نہیں کہ اس کا مفرد ہو کیونکہ تثنیہ کے بعض ایسے الفاظ بھی ہوتے ہیں جن کا مفرد ہوتا ہی نہیں، جیسے"کلا، کلتا، اثنان" وغیرہ

نحو1 جواب
26 نومبر، 2024

علم نحو کی ضرورت کیوں پڑی جواب عنایت فرمائیں

ہماری ایپ نحو کی دنیا میں کتابوں کے حصے میں جائیں وہاں ایک رسالہ ملے گا۔ عربی گرامر کی تاریخ اور ایجاد کے اسباب مترجم: ابو سفیان محمد راشد مدنی صادق آبادی ان شاءاللہ آپ کے سوال کا تشفی بخش جواب آپ کو اس رسالے کے مطالعہ سے مل جائے گا۔ آسانی کے لیے لنک بھی پیش خدمت ہے: https://firebasestorage.googleapis.com/v0/b/sarfonahwkidunya.appspot.com/o/books%2F%D8%B9%D8%B1%D8%A8%DB%8C%20%DA%AF%D8%B1%D8%A7%D9%85%D8%B1%20%DA%A9%DB%8C%20%D8%AA%D8%A7%D8%B1%DB%8C%D8%AE%20%D8%A7%D9%88%D8%B1%20%D8%A7%DB%8C%D8%AC%D8%A7%D8%AF%20%DA%A9%DB%92%D8%A7%D8%B3%D8%A8%D8%A7%D8%A8.pdf?alt=media&token=4eaf5640-88b1-46d6-af43-3dbadf3fcd56

نحو1 جواب
21 مئی، 2025

السلام علیکم علیاً نَصَرَہُ حامدُُ علی وہ ہے جس کی مدد حامد نے کی۔ اس جملے کی ترکیب کیا ہوگی؟ علی مفعول بھی ہے اور ضمیر ہ بھی۔ یہ ضمیر ہ ترکیب میں کیا بنے گی؟

ظاہر ہے ضمیر مفعول بہ بنے گی۔ لیکن تقدیم مفعول کی صورت میں ضمیر کسی کام کی نہیں ہے۔ یعنی یہاں ضمیر نہیں ہونی چاہیے تھی۔ ممکن ہے فرضی عبارت بنائی گئی ہو کسی کتاب میں یہ موجود نہ ہو۔ اور ایک ترکیب یہ بھی ممکن ہے کہ جب فاعل اور مفعول دونوں معرفہ ہوں اور مفعول مقدم ہو تو مقدم مفعول کو مبتدا بھی بنایا جا سکتا ہے اور آگے والا جملہ خبر خبر ہوگا۔

نحو1 جواب
23 مئی، 2025

السلام علیکم الاتیان بالشہادتین بعدہ اسکی ترکیب فرما دیں

الاتیان مصدر ہے ب جار الشہادۃ مجرور جار مجرور ملکر ظرف لغو اتیان مصدر کے متعلق بعد مضاف ھاء ضمیر مضاف الیہ مضاف مضاف الیہ ملکر اتیان مصدر کا مفعول فیہ اس کے بعد مصدر اپنے ظرف لغو اور مفعول فیہ سے ملکر ۔۔۔ جملہ کا حصہ بنے گا

نحو1 جواب
20 مئی، 2025