عربی گرامر سوال و جواب

صرف و نحو: سوالات و جوابات

عربی گرامر (صرف و نحو) کے سوالات کے جائزہ شدہ جوابات: صیغے، ابواب، تعلیلات، اعراب اور ترکیب۔

کل 9,024 جوابات شدہ سوالات

واحد اور مفرد میں کیا فرق ہے

واحد اور مفرد دونوں کبھی ایک معنی کے لئے استعمال ہوتے ہیں اور کبھی ان میں فرق ہوتا ہے جیسے : واحد تثنیہ اور جمع کے مقابلے میں آتا ہے اور مفرد مرکب ناقصہ و تامہ کے مقابلے میں آتا ہے یہ ان میں فرق ہوتا ہے جیسے رجل یہ مفرد بھی کہلایا جائے گا اور واحد بھی جبکہ رجال یہ واحد ہے مفرد نہیں ہے

نحو1 جواب
9 مئی، 2025

سورۃ الکافرون ترکیب میں مضاف مضاف الیہ واقع ہے اور مضاف الیہ مجرور ہوتا ہے جبکہ یہاں پر یہ مرفوع کیوں ہے ؟

الکافرون یہاں تقدیرا مجرور ہے اور یہاں حالت رفعی حکایتی اعراب کی بناء پر ہے حکایتی اعراب وہ اعراب ہوتا ہے جس میں کسی لفظ کو دوسری جگہ سے اسی اعراب کے ساتھ اٹھانا جیسے وہاں استعمال ہوا تھا

نحو1 جواب
9 مئی، 2025

کافیہ میں ہے کہ کلمہ وہ لفظ ہے جس کی وضع ایک معنی کیلیے ہوئی ہو کیا وہ لفظ جس کی وضع ایک سے زائد معانی کیلیے ہوئی ہو کیا وہ کلمہ ہوگا یا نہیں ہے

کافیہ کی عبارت میں مفرد کا لفظ استعمال ہوا ہے جو وہاں پر مرکب کے مقابلے میں ہے یعنی کلمہ وہ لفظ ہوتا ہے جو کسی ایک ( غیر مرکب ) معنی کے لئے استعمال ہوا ہو اب جس لفظ کے ایک زائد معانی ہوں یا جو لفظ جمع ہو وہ بھی کلمہ کہلائے گا کیوں کہ معانی ان کے ایک مفرد ہیں مرکب نہیں ہیں

نحو1 جواب
10 مئی، 2025

ثلث اور مثلث میں وصف کیسے ہے حالانکہ وصف تو ذات مبھم پر دلالت کرتا ہے اور ثلث اور مثلث کا معنی تو مبھم نہیں بلکل معلوم ہے کہ 2 سے اوپر اور 4 سے کم پر دلالت کرتے ہیں جواب ضرور چاہئے

دراصل آپ نے جو وصف کی تعریف کی ہے وہ مکمل نہیں ہے اور اس کی تشریح بھی آپ نہیں سمجھ پائے مختصرا : وصف وہ اسم ہوتا ہے جو غیر واضح ذات پر دلالت کرتا ہے اس کی چند صفات کے ساتھ تو مثنی یا ثلاث وغیرہ جب کہیں استعمال ہوتے ہیں تو یہ ایک غیر مبھم ذات جو موصوف باثنین یا ثلاثۃ ہوتی ہے اور یہ دو ہونا یا تین ہونا یہ وصف ہوتا مثلا حدیث پاک میں ہے صلاۃ اللیل مثنی مثنی اب یہاں مثنی مثنی یہ ایک ذات مبھم یعنی رکعات پر دلالت کر رہی ہے اور ساتھ میں اس کا وصف بھی ہے دو ہونا اور آپ نے جو ثلاث کا معنی بیان کیا ہے یعنی دو سے اوپر اور چار سے نیچے یہ وصف والا معنی ہے یہ ذات نہیں ہے

صرف1 جواب
7 مئی، 2025

فعل اور حرف کی نحوی تحقیق کا طریقہ بیاں کر دیجیے ۔۔

فعل کی صرفی تحقیق یوں ہوتی ہے لفظ ،موضوع، مفرد، فعل، یہ چار چیزیں شروع میں بتائیں گے اس کے بعد وہ معرب ہے یا مبنی یہ بتائیں گے اور اگر معرب ہے تو اعراب بتائیں گے نوٹ: فعل ماضی اور امر مبنی ہیں اور فعل مضارع معرب ہوتا ہے حرف کی نحوی تحقیق لفظ، موضوع، مفرد، حرف اب آگے حرف کی کونسی قسم ہے عاملہ یا غیر عاملہ عاملہ ہے تو کونسی قسم ہے اور کس حرف یا حرکت پر مبنی کے بتائیں گے جیسے : لا لفظ، موضوع، مفرد، حرف، حرف غیر عاملہ مبنی علی السکون

صرف1 جواب
7 مئی، 2025

صفۃ اصل میں کیا تھا اس میں کیا تعلیل ہوئ ہے۔

صِفَۃٌ اصل میں وِصف تھا مندرجہ ذیل قاعدے کے مطابق تعلیل ہوئی ہے قاعدہ: مثال واوی کا مصدر اگر فعل کے وزن پر ہو تو اس کے واؤ کو حذف کر کے عین کلمہ کو کسرہ دیتے ہیں ، اور واؤ محذوفہ کے عوض آخر میں ’ۃ‘ کا اضافہ کر دیتے ہیں ہاں اگر مصدر فعل کے وزن پر ہو تو عین کلمہ کو بعض اوقات فتحہ دیتے ہیں

صرف1 جواب
8 مئی، 2025

فاعل اور اسم فاعل میں فرق بیان کریں مثالوں سے ؟

بنیادی فرق یہ ہے کہ فاعل اس کلمے کو کہتے ہیں جس کی طرف فعل یا شبہ فعل کی نسبت کی جائے اور اسم فاعل وہ کلمہ جس کو فعل سے مشتق کیا جائے تاکہ اس بات پر دلالت کرے کہ فعل ذات کے ساتھ قائم ہے مزید فرق یہ ہیں کہ فاعل مشتق و غیر مشتق دونوں ہوتے ہیں جیسے ضرب زید و ناصر اور اسم فاعل مشتق ہوتا ہے جیسے ضارب جو یضرب سے بنا ہے فاعل کا کوئی مخصوص وزن نہیں ہوتا جبکہ اسم فاعل کا اپنا ایک مخصوص وزن ہوتا ہے جیسے ناصر ضارب اسم فاعل کے ساتھ فعل کا ہونا ضروری نہیں جبکہ فاعل کے ساتھ فعل یا شبہ فعل کا ہونا ضروری ہے فاعل ضمیر بھی ہوتی ہے جبکہ اسم فاعل ضمیر نہیں ہو سکتی مزید فرق بھی بنائے جا سکتے ہیں

صرف1 جواب
8 نومبر، 2024

اُصیب خالدٌ الموامرة التى جھّزتہا اصدقاء ہٗ کی ترکیب بتائیں

اصیب فعل خالد اس کا نائب الفاعل المؤامرۃ موصوف التی اسم موصول جھزت فعل ھا ضمیر مفعول بہ اصدقاءہ اس کا فاعل فعل فاعل مفعول بہ ملکر جملہ فعلیہ خبریہ ہو کر صلہ موصول صلہ ملکر صفت المؤامرۃ موصوف اپنی صفت سے ملکر اصیب کا مفعول بہ فعل نائب الفاعل مفعول بہ ملکر جملہ فعلیہ خبریہ

نحو1 جواب
2 مئی، 2025

الف ممدودہ کے اقسام تو زیادہ ہے عبارت میں ممدودہ تانیثی کا پتہ کیسے لگے گا جو کہ غیر انصراف کا سبب ہو

الف ممدودہ جو غیر منصرف کا سبب بنتا ہے اس کی پہچان یہ ہے کہ وہ ہمیشہ زائد ہوگا اور تین حروف کے بعد ہی ہوگا چوتھی یا پانچویں جگہ آئے گا جیسے کساء رداء میں الف ممدودہ ہے لیکن یہ ھمزہ در اصل حرف اصلی کی جگہ آیا ہے اور حمراء میں جو الف ممدودہ ہے یہ زائد ہے اس وجہ سے حمراء غیر منصرف ہوگا

صرف1 جواب
7 مئی، 2025

لا یُجمعُ بین الاختین نکاحاً کا ترکیب کیا ہے

لا یجمع فعل ھو ضمیر اس کا فاعل بین مضاف الاختین مضاف الیہ مضاف مضاف الیہ ملکر مرکب اضافی ہو کر مفعول فیہ نکاح منصوب بنزع الخافض (اصل عبارت فی نکاح تھا ) فعل فاعل مفعول فیہ اور منصوب بنزع الخافض ملکر جملہ فعلیہ خبریہ ہوئے

نحو1 جواب
6 مئی، 2025

اذا طلق الرجل امراتہ طلاقا بائنا او رجعیا ترکیب کر دیں

اذا اسم ظرف برائے شرط مفعول فیہ مقدم طلق فعل الرجل فاعل امرته مرکب اضافی ہو کر اس کا مفعول بہ طلاقا موصوف رجعیا او بائنا معطوف علیہ معطوف ملکر صفت موصوف صفت ملکر مفعول مطلق فعل فاعل مفعول بہ و مطلق ملکر جملہ فعلیہ خبریہ ہو کر شرط اس کی جزاء آگے والی عبارت ہوگی

نحو1 جواب
2 مئی، 2025

"و یترتّب علی ذلک فھم معانی الآیات" کی ترکیب اور یہ کہ صلہ میں کون سی ضمیر موصول کی طرف راجع ہے

یترتب فعل علی جار ذلک مجرور جار مجرور ملکر ظرف لغو فھم مضاف، معانی مضاف الیہ مضاف، الآیات مضاف الیہ مضاف مضاف الیہ ملکر مرکب اضافی ہوکر فاعل یترتب فعل ظرف لغو و فاعل سے ملکر جملہ فعلیہ خبریہ

نحو1 جواب
2 مئی، 2025

ایضا اور نحو کی نحوی ترکیب کیسے ہوگئی

أیضا کی ترکیب یوں ہوتی ہے کہ اس سے پہلے آض فعل محذوف نکالا جاتا ہے اور یہ اس کا مفعول مطلق بنتا ہے آض فعل ،ھو ضمیر فاعل ، ایضا مفعول مطلق فعل فاعل مفعول مطلق ملکر جملہ فعلیہ خبریہ اور نحو کی ترکیب تو عبارت کے مطابق ہوتی ہے عموما جہاں امثلہ میں آتا ہے تو وہاں اس کو ما بعد کی طرف مضاف کرتے ہیں اور اس مرکب اضافی کو مثالہ مبتدا محذوف کی خبر بناتے ہیں

صرف1 جواب
5 مئی، 2025

ضمیر متصل اور منفصل کی اقسام کو کیسے سمجھا جائے ؟

ضمیر متصل اور منفصل کو سمجھنے کے لیے پہلے تو یاد کر لیں کچھ طریقے یہ ہیں 1 فعل کے ساتھ جو متصل ضمیر ہوتی ہے وہ متصل ہوتی ہے 2 ایاک وغیرہ جو ضمائر ہیں وہ منفصل ہیں 3 حرف جر یا اسم کے ساتھ جو ضمیر آئے گی وہ بھی متصل ہوگی 4 فعل یا حرف مشبہ بالفعل کے ساتھ جو ضمیر آتی ہے یعنی ک کما کم وغیرہ یہ متصل ہیں اور ھو ھما ھم وغیرہ جو فعل یا حرف مشبہ بالفعل کے ساتھ نا ہوں وہ منفصل ہوں گی یوں یاد رکھیں کچھ مشق کریں ان شاء اللہ یاد رہیں اور سمجھ بھی آئیں گی

صرف1 جواب
5 مئی، 2025

ولا ینبغی ان تخطب المعتدۃ ولا باس بالتعریض فی الخطبۃ ترکیب کر دیں جلدی رپلائی کی عرض

لا ینبغی فعل ان مصدریہ ناصبہ تخطب فعل المعتدۃ اس کا نائب الفاعل فعل اور نائب الفاعل ملکر جملہ فعلیہ خبریہ ہو کر ان مصدریہ کے ساتھ ملکر مصدر مؤول ہو کر لا ینبغی کا فاعل فعل فاعل ملکر جملہ فعلیہ خبریہ لا نفی جنس باس اس کا اسم ب جار التعریض مصدر ب جار الخطبۃ مجرور جار مجرور ملکر تعریض مصدر کا ظرف لغو تعریض مصدر اپنے ظرف لغو سے ملکر مجرور جار مجرور ملکر ظرف مستقر ثابت کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر لا نفی جنس اپنے اسم و خبر سے ملکر جملہ اسمیہ خبریہ ہوا

نحو1 جواب
4 مئی، 2025

لفظ كآفّةً کی صرفی تحقیق مع باب اور یہ مصدر مشتق جامد میں سے کیا ہے

اصل کے اعتبار سے: صیغہ واحد مؤنث اسم فاعل ثلاثی مجرد مضاعف اس باب نصر ینصر اصل میں کافِفَۃ تھا دو ہم جنس حروف جمع ہوں دونوں متحرک ہوں اور ان کا ما قبل متحرک یا مدہ ہو تو پہلے حرف کی حرکت حذف کر کے دونوں کا ادغام کرنا واجب ہے لہذا پہلے کاف کی حرکت حذف کر کے دونوں کا ادغام کیا تو کافۃ ہو گیا

نحو1 جواب
4 مئی، 2025

ضمیر متصل اور منفصل میں کیا فرق ہے ؟

ضمیر متصل ہمیشہ کسی نا کسی لفظ کے ساتھ جڑی ہوئی ہوتی ہے الگ سے استعمال نہیں ہوتی اور ضمیر منفصل الگ سے استعمال ہو جاتی ہے ایک اور فرق یوں بھی یاد رکھیں کہ ضمیر متصل عامل سے مقدم نہیں ہوسکتی اور نا ہی اس کا عامل معنوی ہوگا اور ضمیر منفصل عامل سے مقدم بھی ہو سکتی اس کا عامل معنوی بھی ہو سکتا ہے

صرف1 جواب
4 مئی، 2025

سورہ التحریم کی آیت نمبر 1 میں مرضات کا لفظ استعمال ہوا ہے۔ یہ مضاف بن رہا ہے اور اصل مصدر مرضاة ہے ۔ اسکا مادہ ر ض و باب س سے ہے۔ سوال یہ ہے کہ مرضات واحد ہے یا جمع؟ اور صرف کے لحاظ سے اس میں گول ة کو کھو ل کر پوری ت کیوں لکھا؟

یہ لفظ مرضاۃ واحد ہے رضی یرضی کا مصدر ہے تاء مربوطہ یعنی گول تاء کی جگہ تاء مبسوطہ لکھنا یہ خط کا مسئلہ ہے اب جو تاء مربوطہ پر ھاء سے وقت کرتے ہیں وہ اسے گول تاء کی صورت میں لکھتے ہیں اور جو تاء کی صورت میں وقف کرتے ہیں وہ اسے تاء مبسوطہ کی صورت میں لکھتے ہیں اب اس جگہ خاص مرضات لکھنا یہ قراءت ہے

نحو1 جواب
1 مئی، 2025