عربی گرامر سوال و جواب

صرف و نحو: سوالات و جوابات

عربی گرامر (صرف و نحو) کے سوالات کے جائزہ شدہ جوابات: صیغے، ابواب، تعلیلات، اعراب اور ترکیب۔

کل 9,024 جوابات شدہ سوالات

اهدنا الصراط المستقيم کی ترکیب

اھد فعل اس میں انت ضمیر فاعل نا ضمیر مفعول بہ اول الصراط موصوف المستقیم صفت موصوف صفت ملکر مفعول بہ ثانی جملہ فعلیہ انشائیہ نوٹ : اھد ایک مفعول کی طرف متعدی ہوتا ہے بغیر کسی واسطہ کے جبکہ دوسرے مفعول کی طرف الی یا لام حرف جر کے ذریعے متعدی ہوتا ہے تو اس کو مفعول بہ ثانی بھی کہہ سکتے ہیں اور منصوب بنزع الخافض بھی کہہ سکتے ہیں

نحو1 جواب
21 مئی، 2025

صرفی لحاظ سے اتقو

اتقُوا صیغہ جمع مذکر حاضر فعل امر حاضر معروف ثلاثی مزید فیہ لفیف مفروق از باب افتعال اصل میں اوتقیوا تھا ناقص کا قاعدہ نمبر پانچ لگایا تو یاء حذف ہوئی قاعدہ وه واو یا یاء جو باب "اِفْتِعَالٌ"، "تَفَعَّلٌ" يا "تَفَاعُلٌ" کے فاء کلمے میں آجائیں تو انہیں تاءسے بدل کر ادغام کر دیا جا تا ہے۔ (اس کے لیے شرط یہ ہے کہ وہ واو یا اء ہمزہ سے تبدیل شدہ نہ ہو) اور یہ قاعدہ لگایا تو واؤ تاء بدل کر تاء میں ادغام ہوگئی ہے

صرف1 جواب
18 اگست، 2024

اھدنا صراط المستقیم صراط الذین انعمت علیھم غیر المغضوب علیہم والضالین کی ترکیب

اھد فعل اس میں انت ضمیر فاعل الصراط موصوف المستقیم صفت موصوف صفت ملکر مبدل منہ صراط مضاف الذین اسم موصول انعمت فعل تاء ضمیر فاعل علیھم جار مجرور ملکر ظرف لغو فعل فاعل ظرف لغو ملکر جملہ فعلیہ خبریہ ہو کر صلہ موصول صلہ ملکر موصوف غیر مضاف المغضوب علیہم معطوف علیہ و لا الضالین معطوف معطوف علیہ معطوف ملکر مضاف الیہ مضاف مضاف الیہ ملکر مرکب اضافی ہو کر صفت موصوف صفت ملکر مضاف الیہ مضاف مضاف الیہ ملکر بدل مبدل منہ بدل ملکر مفعول بہ اھد فعل کا اھد فعل اپنے فاعل اور مفعول بہ سے ملکر جملہ فعلیہ انشائیہ

صرف1 جواب
21 مئی، 2025

اقتت کونسا صیغہ ہے

صیغہ واحد مؤنث غائب فعل ماضی مثبت معروف ثلاثی مزید فیہ مثال واوی اس باب تفعیل اصل میں یہ صیغہ وقتت تھا قاعدہ : وہ واؤ جو کلمہ کے شروع میں ہو اور مفتوح نہ ہو اسے بھی ہمزہ سے تبدیل کر دینا جائز ہے اور مفتوح ہونے کی صورت میں اسے ہمزہ سے بدلنا شاذ ہے اس قاعدے کے تحت واؤ کو ہمزہ سے بدل دیا

صرف1 جواب
20 مئی، 2025

السلام علیکم بھائی ۔۔۔۔۔۔قرآن میں ۔۔لاریب فیہ ۔۔ایا ہے جس میں ۔۔ہ۔۔ ضمیر مجرور ہے حالانکہ یہ مبنی ہے اور مبنی کا آخر نہیں بدلتا جب کہ یہاں پر مرفوع کو بدلا گیا ہے مجرور سے

یہ حرکت کسرہ اعراب کی نہیں ہے یہ حرکت بناء کی ہے یعنی یہ مبنی علی الکسر ہی ہے یہ بات یاد رہے کہ مبنی میں اصل سکون ہے لیکن بعض اوقات مبنی کلمات کو حرکت دی جاتی ہے اور وہ حرکت کسی نا کسی وجہ سے ہوتی ہے جیسے حیث یہ مبنی علی الضم ہے اس پر حرکت اجتماع ساکنین کی وجہ سے آئی ہے اسی ھاء (ہ) ضمیر بھی مبنی ہے اس پر ضمہ کی حرکت آتی ہے جب اس سے پہلے والے کلمے پر ضمہ کے مناسب حرکت ہو اور جب اس سے پہلے کسرہ یا یاء ساکن ہو تو یہ مبنی علی الکسر ہوتا ہے کہ یہاں حرکت کسرہ ما قبل کی مناسبت سے آئی ہے

نحو1 جواب
21 مئی، 2025

نم فعل امر کی تعلیل کیا ہے

نُم صیغہ واحد مذکر حاضر فعل امر حاضر معروف ثلاثی مجرد اجوف واوی از باب نصر ینصر اصل میں أُنْوُم تھا واؤ متحرک ما قبل ساکن ہونے کی وجہ سے واؤ کی حرکت نون کو دے دی تو واؤ اور نون ساکن جمع ہوگئے واؤ کو حذف کر دیا تو أنم ہو گیا اب فعل امر کا فاء کلمہ متحرک ہونے کی وجہ سے ہمزہ وصلیہ کی ضرورت نا رہی تو اسے حذف کر دیا تو نم ہو گیا

صرف1 جواب
14 مئی، 2025

بِنْتُ رَسُوْلِ اللّٰہِ اس میں بِنْتُ مضاف ہے اور رَسُوْلِ مضاف الیہ لیکن پھر رَسُوْلِ مضاف ہے اللّٰہِ کیلئے اور اللّٰہِ مضاف الیہ تو یہاں رَسُوْلِ کے نیچے زیر ہی آۓ گا ؟ حالانکہ وہ مضاف بھی بن رہا ہے اگر صرف مضاف الیہ ہوتا تب تو ٹھیک تھا لیکن یہ مضاف بھی تو بن رہا ہے

رسول کا مضاف ہونا یہ کسی اعراب کی وجہ نہیں ہے بلکہ مضاف کا اعراب عامل کے مطابق ہوتا ہے لہذا یہاں رسول مضاف الیہ بن رہا ہے اس وجہ سے مجرور ہوگا

نحو1 جواب
20 مئی، 2025

اَنْ مصدریہ بھی ہے اور حروف زیادت بھی ہے اور حتیٰ حرف جر ہے اور حرف عطف بھی ہے اس کی کیا پہچان ہے

حتی جارہ اور عاطفہ تقریبا ایک جیسے ہیں جہاں جارہ ہوتا ہے عموما وہاں عاطفہ بھی بن سکتا ہے حتی عاطفہ کے لئے ضروری ہے کہ ما بعد ما قبل کا کوئی فرد ہو یا جزء یا جزء کی طرح ہو اور ان زائدہ یہ لما کے بعد ہوتا ہے یا پھر فعل قسم اور لو کے درمیان آتا ہے یا ما مشابہ بلیس کے بعد ہوتا ہے

نحو1 جواب
21 اکتوبر، 2024

َاسْتَوْصُوْا. اس کی صرف تحقیق؟

اسی اعراب کے ساتھ صیغہ جمع مذکر حاضر فعل امر حاضر معروف ثلاثی مزید فیہ لفیف مفروق از باب استفعال اصل میں استوصِیُوا تھا قاعدہ : اگر لام کلمہ میں یا مضموم ہو اور اس کا ماقبل مکسور ہو اور اس کے بعد واو جمع ہو تو اس کی حرکت ماقبل کی طرف نقل کر کے یاء کواجتماع ساکنین کی وجہ سے حذف کر دیتے ہیں اس قاعدے کے تحت یاء کو حذف کر کے صاد کو ضمہ دیا ہے

صرف1 جواب
16 مئی، 2025

اسماۓ موصولہ اپنے معنی پر مستقل دلالت نہ کرنے کے باوجود اسم ہے حالانکہ ان کو حرف ہونا چاہئے

اپنے معنی پر مستقل ہی دلالت کرتے ہیں لیکن جملہ کا جزی بننے کے لئے ما بعد جملے کی طرف محتاج ہوتے ہیں اس وجہ سے یہ اسم ہیں اور ان پر اسم کی علامات بھی آتی ہیں ہاں یہ حرف کے مشابہ ہونے کی وجہ سے مبنی ضرور ہیں یعنی جو وجہ آپ نے لکھی ہے یہ وجہ ان کے مبنی ہونے کی ہے

نحو1 جواب
15 مئی، 2025

(قال آنا یوسف وھذا اخی ) کا ترکیب کریں

قال فعل اس میں ھو ضمیر فاعل انا مبتدا یوسف اس کی خبر مبتدا خبر ملکر جملہ اسمیہ خبریہ ہو کر معطوف علیہ و حرف عطف ھذا مبتدا اخی اس کی خبر مبتدا خبر ملکر جملہ اسمیہ خبریہ ہو کر معطوف معطوف علیہ معطوف ملکر مقولہ/مفعول بہ فعل فاعل مفعول بہ ملکر جملہ فعلیہ خبریہ

نحو1 جواب
14 مئی، 2025

مرکب توصیفی اور مرکب اضافی میں فرق کیسے کریں کہ دیکھ کر ہی سمجھ آجاۓ کہ فلاں مرکب توصیفی ہے اور فلاں مرکب اضافی

مرکب توصیفی و مرکب اضافی پہلے تو ان دونوں کی تعریفات و قواعد ذہن میں ہونے چاہیئں اس کے بعد یہ ایک بنیادی فرق ہے کہ مرکب اضافی کے ترجمے میں کا، کی، کے، تیرا، میرا، تیری، میری، ہمارا، وغیرہ کے الفاظ آتے ہیں جبکہ مرکب توصیفی میں ایسا نہیں ہوتا عبارت کے اعتبار سے ایک فرق یہ ہے کہ جب بھی ضمیر سے پہلے اسم ہو تو وہاں مرکب اضافی ہوگا جیسے غلامہ قلمہ اسی طرح اکثر پہلا اسم نکرہ اور دوسرا معرفہ ہو تو وہاں بھی مرکب اضافی ہوگا اگر کہیں دو اسم ہوں اور دونوں مذکر و مؤنث واحد تثنیہ جمع معرفہ نکرہ اور اعراب میں ایک جیسے ہوں تو وہ موصوف صفت ہوں گے اور بھی کئی پہچان ہو سکتی ہیں

نحو1 جواب
15 مئی، 2025

مرکب توصیفی کو پہچاننے کا طریقہ کہ دیکھتے ہی سمجھ آجاۓ کہ یہ مرکب توصیفی ہے

مرکب توصیفی میں کسی چیز کی خوبی،خامی یا اس کی ذات کے اندر موجود کوئی وصف بیان کیا جاتا ہے اب عبارت میں یہ دو طرح بیان کیئے جاتے ہیں جملہ اسمیہ میں اور مرکب توصیفی میں اگر دونوں اسموں میں مطابقت نا ہو تو یہ جملہ اسمیہ ہو سکتا ہے اور اگر مطابقت دس چیزوں میں سے چار چیزوں میں ہو تو یہ مرکب توصیفی ہوگا چند مثالیں دے دیتا ہوں جس سے سمجھنا آسان ہوگا رجل عالم الرجل عالم (جملہ اسمیہ ) زید عالم ( جملہ اسمیہ) الرجل العالم حماران اسودان (دو سیاہ گدھے) عصوان احمران ( دو سرخ لاٹھیاں ) اس طرح کی دیگر مثالوں پر مشق کریں

نحو1 جواب
15 مئی، 2025

السلام علیکم ورحمۃ اللہ وبرکاتہ محترم میری رہنمائی کریں کہ میں نے اولی سوال میں صرف دھیان سے نہیں پڑھی کافی کمزوری رہ گئی ہے اب ثانیہ میں کچھ عربی کتب پڑھنے ان کی طرح یہ ترجمہ عبارت پڑھنے میں مشکل ا رہی ہے تو زیادہ اس کا کیا حال ہے اپنی طور پر کیسے اسے کن کتب کے ذریعے اس طرح بہتر کرو پلیز میری رہنمائی فرما دیں ؟

اب آپ ثانیہ میں ہیں تو آپ مندرجہ ذیل امور کا خیال رکھیں روزانہ کے اسباق یاد کریں عربی کتب کو حل کرنے کی کوشش کریں چاہے غلطیاں ہی کیوں نا ہوں اولی کی کتب اور ان کے معاون کتب کا مطالعہ بھی جاری رکھیں یہ تین روٹین سے کرتے رہیں گے تو عبارت پڑھنا سمجھنا آسان ہو جائے گا

نحو1 جواب
14 مئی، 2025

المتصل کی صرفی تحقیق

صیغہ واحد مذکر اسم فاعل ثلاثی مزید فیہ مثال واوی از باب افتعال اصل میں موتصل تھا قاعدہ وه واو یا یاء جو باب "اِفْتِعَالٌ"، "تَفَعَّلٌ" يا "تَفَاعُلٌ" کے فاء کلمے میں آجائیں تو انہیں تاءسے بدل کر ادغام کر دیا جا تا ہے۔ (اس کے لیے شرط یہ ہے کہ وہ واو یا اء ہمزہ سے تبدیل شدہ نہ ہو) اس قاعدے کے تحت واؤ کو تاء سے بدل کر تاء کا تاء میں ادغام کیا تو متصل ہو گیا

صرف1 جواب
27 اپریل، 2025

الحمدلله فى البداية والنهايه کي ترکيب کرو

الحمد ذو الحال فی البدایۃ و النھایۃ جار مجرور ملکر ظرف مستقر ثابتا کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر حال ذو الحال حال ملکر مبتدا ل جار اللہ اسم جلالت مجرور جار مجرور ملکر ظرف مستقر ثابت کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر مبتدا خبر ملکر جملہ اسمیہ ٹ

نحو1 جواب
12 مئی، 2025

الکلام ما تضمن كلمتين بالاسناد ولا يتاتى ذلك الا في اسمين او اسم وفعل کی نحوی ترکیب

الکلام مبتدا ما موصولہ تضمن فعل اس میں ھو ضمیر فاعل کلمتین مفعول بہ بالاسناد جار مجرور ملکر ظرف لغو فعل فاعل ظرف لغو ملکر جملہ فعلیہ خبریہ ہو کر صلہ موصول صلہ ملکر خبر مبتدا خبر ملکر جملہ اسمیہ خبریہ و لایتاتی فعل ذلک اسم اشارہ اس کا فاعل الا حرف استثناء فی جار اسمین معطوف علیہ او حرف عطف اسم و فعل معطوف علیہ معطوف ملکر معطوف ہوئے معطوف علیہ معطوف ملکر مجرور جار مجرور مستثنی مفرغ ہو کر ظرف لغو فعل فاعل ظرف لغو ملکر جملہ فعلیہ خبریہ

صرف1 جواب
5 مئی، 2025

میرا سوال یہ ہے کہ قرآن کی اس آیت می واذ قلنا لالملاءکة أسجدوا لآدم فسجدوا الا ابلیس یہا اس آیت می فسجدوا مزکر کا صیغہ ہے اور اس کا فاعل ھن ضمیر ہے جو ملاءکة کی طرف راجع ہے تو یہا فسجدوا مزکر کا صیغہ کیوں آیا أخبرنی شکریہ

اسجدوا کا فاعل واؤ ضمیر ہے اور یہ ضمیر حاضر راجع نہیں ہوتی اس وجہ سے یہاں مذکر استعمال ہوا ہے

صرف1 جواب
10 مئی، 2025

ومن زنٰی بامرة حرمت عليه امه‍اوابنته‍ا اسکا ترکیب کرو من کیا واقع ہورہا ہے ترکیب میں

من یہاں شرطیہ ہے من شرطیہ مبتدا زنی فعل اس میں ھو ضمیر فاعل ب جار امرءۃ مجرور جار مجرور ملکر ظرف لغو فعل فاعل ظرف لغو ملکر جملہ فعلیہ خبریہ ہو کر شرط حرمت فعل علیھا جار مجرور ملکر ظرف لغو امھا مرکب اضافی ہو کر معطوف علیہ اور ابنتھا معطوف معطوف علیہ معطوف ملکر فاعل فعل فاعل ظرف لغو ملکر جملہ فعلیہ خبریہ ہو کر جزا شرط و جزاء ملکر من کی خبر من مبتدا اپنی خبر سے ملکر جملہ اسمیہ خبریہ

نحو1 جواب
9 مئی، 2025

ویقرا ائ سورۃ شاء لو کان مسافرا۔ نحوی ترکیب

یقرأ فعل ھو ضمیر فاعل ای مضاف سورۃ مضاف الیہ مرکب اضافی ہو کر موصول شاء فعل ھو ضمیر فاعل فعل فاعل ملکر جملہ فعلیہ خبریہ ہو کر صلہ موصول صلہ ملکر مفعول بہ فعل فاعل مفعول بہ ملکر جملہ فعلیہ خبریہ اس کو جزاء مقدم بھی کہہ سکتے ہیں لو حرف شرط کان فعل ناقص اس میں ھو ضمیر اس کا اسم مسافرا خبر کان فعل ناقص اپنے اسم و خبر سے ملکر جملہ فعلیہ خبریہ ہو کر شرط اب اس کی جزاء پیچھے والی عبارت بنائیں اگر وہ نہیں بنانی تو بعینہ مکمل وہی عبارت آگے محذوف نکال کر اس کو شرط بنا دیں

نحو1 جواب
10 مئی، 2025