عربی گرامر سوال و جواب

صرف و نحو: سوالات و جوابات

عربی گرامر (صرف و نحو) کے سوالات کے جائزہ شدہ جوابات: صیغے، ابواب، تعلیلات، اعراب اور ترکیب۔

کل 17 جوابات شدہ سوالات

سوال : مفتی صاحب کیاشوہر اپنی بیوی کوقبر میں اتارسکتا ہے؟

جواب : جی اتارسکتا ہے۔ صرف اتنا خیال کرے کہ بلاحاٸل اس کے جسم کو چھونا نہ پایا جاۓ ۔ فتاویٰ رضویہ میں ہے : ”شوہر کو بعد انتقالِ زوجہ قبر میں خواہ بیرونِ قبر اس کا منہ یا بدن دیکھنا جائز ہے ، قبر میں اتارناجائز ہے اور جنازہ تو محض اجنبی تک اٹھاتے ہیں ، ہاں بغیر حائل کے اس کے بدن کو ہاتھ لگانا شوہر کو ناجائز ہوتا ہے۔ “ (فتاوی رضویہ)

میت اور جنازے کے احکام 1 جواب
1 نومبر، 2024

کیا فرماتے ہیں علمائے کرام اس مسئلے کے بارے مین کہ کفن اور احرام کیا سفید رنگ کے علاوہ بھی ہوسکتے ہیں ؟

کفن اور احرام میں سفید رنگ ہونا افضل اور مستحب ہے اور اسی پر عمل کیا جانا چاہیئے البتہ سفید رنگ کے علاوہ بھی کفن اور احرام ہو تو جائز ہے ۔ واللہ تعالی اعلم بالصواب

میت اور جنازے کے احکام 1 جواب
18 اکتوبر، 2024

سوال : کیا خواتین کوغسل دیتے وقت پورے غسل میں دستانے پہننے ہیں یا صرف استنجا کرواتے ہوئے ؟

جواب : غسل میت میں دستانے فقط استنجاء کرواتے وقت پہننا ضروری ہے پورے غسل میں دستانے پہنے رکھنا ضروری نہیں ہے ۔ فتاوی عالمگیری میں غسل میت کے طریقے کے بیان میں استنجاء کا طریقہ بیان کرتے ہوئے فرمایا گیا: وصورۃ استنجائہ ان یلف الغاسل علی یدیہ خرقۃترجمہ : میت کو استنجاء کروانے کی صورت یہ ہے کہ غسل دینے والا اپنے ہاتھوں پر ایک کپڑا لپیٹ لے (پھر استنجاء کروائے)۔ (فتاوی عالمگیری جلد 01، صفحہ 173، مطبوعہ بیروت)

میت اور جنازے کے احکام 1 جواب
17 اکتوبر، 2024

سوال :میرا سوال یہ ہے کہ میت گھر میں یا کہی سامنے رکھی ہو تو کیا اس جگہ تلاوت قرآن کی جاسکتی ہے ؟

جواب : اگر میت کو غسل دے دیا تو اس کے قریب بیٹھ کر تلاوت کرنے میں کسی قسم کی کراہت نہیں البتہ بعض علماء کے نزدیک غسل میت سے قبل میت کے قریب بیٹھ کر تلاوت کرنا مکروہ ہے جبکہ میت کا بدن چھپا ہوا نہ ہو۔ اعلی حضرت علیہ الرحمہ نے سجدہ تلاوت کی بحث کے ضمن میں میت کے پاس قرأت کرنے کے حوالے سےکلام کرتے ہوئے لکھا: جن کے نزدیک موت سے بدن نجس ہوجاتا ہے اور غسل میت اسے نجاست حقیقیہ سے تطہیر کے لئے رکھا گیا ہے وہ قبل غسل، میت کے پاس بیٹھ کر تلاوت کو منع کرتے ہیں جب تک اسے بلکل ڈھانک نہ لیا جائے کہ نجاست منکشفہ کا قرب ہوگا ۔ (فتاوی رضویہ جلد 23 صفحہ 453 رضا فاؤنڈیشن) صاحب تنویر الابصار میت کے پاس قرأت کرنے کے حوالے سے ارشاد فرماتے ہیں : کرہ قرأۃ القراٰ ن عندہ الی تمام غسلہترجمہ : میت کا غسل مکمل ہونے سے پہلے اس کے پاس تلاوت ِ قرآن مکروہ ہے ۔ درمختار میں ہے : وعبارۃ الز یلعی : تکرہ القراءۃ عندہ حتّٰی یغسل و عللہ الشرنبلالی فی امداد الفتاح تنزیھاً للقرآن عن نجاسۃ المیت لتنجسہ بالموتترجمہ : امام زیلعی کی عبارت ہے : میت کو جب تک غسل نہ دے دیا جائے اس کے پاس قرأتِ قرآن مکروہ ہے علامہ شرنبلالی نے اپنی کتاب ’’امدادالفتاح‘‘ میں اس کی وجہ ذکر کرتے ہوئے ارشاد فرمایا : تاکہ قرآن پاک کو میت کی نجاست سے بچایا جائے اس لئے کہ موت کی وجہ سے میت ناپاک ہوچکی ہے ۔ علامہ ابن عابدین شامی علیہ الرحمہ فرماتے ہیں : وذکر طحطاوی ان محل الکراھۃ اذا کان قریباً منہ اما اذا بعد عنہ بالقرأۃ فلا کراھۃ قلتُ: والظاھر انّ ھذا ایضاً اذا لم یکن المیت مسجی بثوب یستر جمیع بدنہترجمہ : علامہ طحطاوی نے ذکر کیا کہ اس کراہت کامحل یہ ہے کہ جب میت کے قریب بیٹھا ہو ، لیکن جب اس سے دور بیٹھا ہو اور قرآن مجید پڑھ رہا ہو تو پھر کراہت نہ ہوگی میں کہتا ہوں یہ کراہت بھی تب ہوگی جب میت کسی ایسے کپڑے سے جو اس کے سارے جسم کو چھپائے ، ڈھانپی ہوئی نہ ہو۔ (ردالمحتار علی الدرمختار، جلد 03، صفحہ 98-100 مطبوعہ کوئٹہ) (فتاوی رضویہ ، جلد 23، صفحہ 453)

میت اور جنازے کے احکام 1 جواب
17 اکتوبر، 2024

سوال : مفتی صاحب مجھے یہ سوال کرنا تھا کہ غسل میت تدفین سے تھوڑی دیر پہلے دینا چاہیئے یا وفات کے بعد جلدی دینا ،کیا درست ہے ؟

جواب : انتقال کے بعد میت کونہ صرف غسل دینے میں بلکہ اس کو کفن پہنانے اور دفنانے میں بھی جلدی کرنی چاہیئے کہ حدیث مبارک میں اس کی تاکید آئی ہے، البتہ اگر کسی سبب سے تأ خیر ہورہی ہے مثلاً نماز ِجنازہ دیر سے ہوگا کسی عزیز کا انتظار ہے اس لئے غسل ابھی نہیں دیا جارہا تو یہ بھی اگرچہ جائز ہے مگر بہترتعجیل؛ یعنی جلدی کرنا ہے ۔ نوٹ: غسل میت کے بعد اگر میت کے جسم سے نجاست وغیرہ نکلے تو دوبارہ غسل دینے کی حاجت نہیں فقط وہ نجاست صاف کر لی جائے یونہی اگر کفن آلودہ ہوجائے تو وہ بھی تبدیل کرنا ضروری نہیں۔ سرکار دوعالم نورِمجسم صلی اللہ علیہ وسلم کا فرمان ہے:اسرعوا بالجنازۃ فان تک صالحۃ فخیر تقدمونھا وان تک سوی ٰذلک فشرّتضعونہ عن رقابکمترجمہ: جنازے کو تیزی سے لے چلو اگر وہ نیک ہے تو خیر ہے جسے تم آگے کر رہے ہو اور اگر نیک نہیں تویہ شر ہے جس کے بوجھ کو تم اپنی گردن سے اتاردو گے ( صحیح بخاری،کتاب الجنائز، ،حدیث نمبر1315صفحہ 444مطبوعہ بیروت) ابو دوؤد شریف کی روایت ہے : سرکار اقدس صلی اللہ علیہ وسلم نے ارشاد فرمایا :" وعجلوا فانّہ لا ینبغی لجیفۃ مسلم ان تحبس بین ظھرانی اھلہ" ترجمہ: اور(میت کی تدفین میں ) تم جلدی کرواس لئے کے مسلمان میت کا اس کے گھر والوں کے سامنے موجود رہنا مناسب نہیں ہے۔ ( سنن ابی داؤد، الجزء الثانی حدیث نمبر 3159 صفحہ 261 مطبوعہ بیروت) علامہ شیخ احمد طحطاوی علیہ الرحمہ فرماتے ہیں : واذاتیقن موتہ (یعجّل بتجھیزہ )اکراماً لہترجمہ: جب اس (قریب المرگ) شخص کی موت کا یقین ہوجائے تو اس کی تجہیز ( موت سے دفن تک کی تیاری ) میں جلدی کرو(یہ حکم) میت کے اکرام کی وجہ سے ہے۔ ( حاشیہ طحطاوی علی مراقی الفلاح جلد 02، صفحہ 200 مطبوعہ کراچی)

میت اور جنازے کے احکام 1 جواب
17 اکتوبر، 2024

سوال: مجھے یہ سوال کرنا ہے کہ اگر قبر پر کوئی درخت یا بیل لگی ہوئی ہو تو اس کو پانی دے سکتے ہیں یا نہیں؟

جواب : گھاس ،بیل ( پھول دار پودا) اور درخت وغیرہ کو تر رکھنے کے لئے پانی کا ڈالنا درست ہے کیونکہ قبر پرتر گھاس اور نباتات کا ہونا یہ صاحب قبر کےلئے مفید ہے اس لئے کہ جب تک گھاس تر رہے گی اللہ تعالیٰ کی تسبیح کرے گی اور اس طرح صاحب قبر سے عذاب میں تخفیف ہوگی اور اسے اس تسبیح سے انسیت حاصل ہوگی ، یہاں تک علماء فرماتے ہیں کہ" تر گھاس کا قبر ستان سے کاٹنا مکروہ ہے " کیونکہ اس سے حق میت کا ضائع کرنا ہے ہاں اگر خشک ہوجائے تو اس کے کاٹنے میں کوئی حرج نہیں ۔ صحیح بخاری شریف کی روایت ہے کہ رسول اللہ صلی اللہ علیہ وسلم دو قبروں کے پاس سے گزرے تو ایک آواز سنی پھر فرمایا ان دونوں پر عذاب ہو رہا ہے اس کے بعد آپ صلی اللہ علیہ وسلم نے کھجور کی ایک تر شاخ منگوائی اور اس کو دو ٹکڑے کیا اور ہر قبر پر ایک ٹکڑا رکھا ۔ صحابہ کرام نے عرض کی : یا رسول اللہ صلی اللہ علیہ وسلم آپ نے ایسا کیوں کیا ؟ فرمایا : لعلہ ان یخفِّف عنھما ما لم ییبسایعنی: تاکہ ان دونوں پر عذاب میں تخفیف ہو جب تک یہ دونوں خشک نہ ہو۔ (صحیح بخاری، کتاب الجنائز ،حدیث نمبر1378صفحہ 464مطبوعہ بیروت) علامہ ابن عابدین شامی علیہ الرحمہ فرماتے ہیں : لما فی الاخضر من نوع حیاۃ وعلیہ فکراھۃ قطع ذلک وان نبت بنفسہ ولم یملک لان ّ فیہ تفویت حق المیتترجمہ :تر نباتات میں ایک قسم کی زندگی ہوتی ہے اور اسی بناء پر اس کا توڑنا مکروہ ہے اگر چہ وہ خود بخود اُگ آئے اور کسی کی ملکیت نہ ہو ۔اس لئے کہ اس میں میت کے حق کو فوت کرنا ہے ۔ ( ردالمحتار علی الدرمختار ،جلد 03 صفحہ 145 مطبوعہ کراچی)

میت اور جنازے کے احکام 1 جواب
17 اکتوبر، 2024

سوال :کیا ایصال ثواب کے لئے جوتے دئے جاسکتے ہیں ؟

جواب :ایصال ثواب کا بنیادی مقصد کوئی کارآمد چیز لے کر کسی کو دینا اور اس سے حاصل ہونے والا ثواب اپنے کسی مرحوم کو بخش دینا ، جوتے بھی کارآمد اشیاء میں شامل ہیں لہذا اگر یہ بھی کسی کو دئیے جائیں تو اس سے بھی ثواب حاصل ہوگا اور اس کا ایصال ثواب بھی کرسکتے ہیں ۔ اعلیٰ حضرت امام احمد رضا خان علیہ الرحمہ اسی طرح کے ایک سوال کے جواب میں ارشاد فرماتے ہیں:" کپڑا ،جوتے یا جو چیز مسکین کو نفع دینے والی مسکین کو دینے کی نیت سے رکھیں کوئی حرج نہیں ثواب ہے " (فتاوی رضویہ جلد 03، صفحہ 616، رضا فاؤنڈیشن)

میت اور جنازے کے احکام 1 جواب
17 اکتوبر، 2024

سوال:کیا غیر مسلم کے مرنے کی خبر سن کر " انا للہ وانا الیہ رجعون" پڑھ سکتے ہیں ؟

جواب : مسلمانوں کو یہ جملہ کوئی افسوس ناک یا غم والی خبر ملنے پر پڑھنا مستحب ہے جہاں تک کافر کے مرنے کا تعلق ہے اس پر مسلمان کو افسوس کا اظہار یا غم نہیں کرنا چاہیئے لہذا بہتر یہ ہے کہ نہ پڑھا جائے البتہ اگر کسی نے پڑھ لیا تو اس پر کچھ حکم نہیں۔ حدیث پاک میں ہے : اُعطیتُ امتی شیئا لم یعطہ احد من الامم ان یقولوا عند المصیبۃ : انا للہ وانا الیہ رٰجعونترجمہ :رحمت کونین صلی اللہ علیہ وسلم نے فرمایا : میری امت کو ایک ایسی چیز عطا فرمائی گئی جو کسی امت کو نہیں دی گئی وہ یہ کہ ان کا مصیبت کے وقت "انّا للہ وانّا الیہ رٰجعون " کہنا ۔ (کنزالعمال ، جلد 01 حدیث6632 ، صفحہ 346، مکتبۃ بیت الافکار)

میت اور جنازے کے احکام 1 جواب
17 اکتوبر، 2024

سوال: کفار کے نابالغ بچے جو انتقال کرجاتے ہیں کیا انہیں بھی جنت نصیب ہوگی ؟

جواب : کفار کے نابالغ انتقال کرنے والے بچوں کے بارے میں علماء کے مختلف اقوال ہیں ؛ جمہورکا یہی قول ہے کہ وہ اہل ایمان میں شمار کئے جائینگے کیونکہ حدیث پاک میں ہے : ہر بچہ فطرت ِ اسلام پر پیدا ہوتا ہے۔بعض علماء ایسے بچوں سے متعلق فرماتے ہیں کہ وہ جنت میں اہل ایمان کے خادم ہونگے جس کا ذکر قرآن پاک میں بھی کیا گیا ہے ۔ بخاری شریف کی روایت ہے : عن ابی ہریرۃ رضی اللہ عنہ قال،قال النبی صلی اللہ علیہ وسلم کل مولود یولد علی الفطرۃ ، فابواہ یھودانہ او ینصرانہ او یمجسانہ کمثل البھیمۃ تنتج البھیمۃ ھل تری فیھا جدعاء؟ترجمہ : سیدنا ابو ہریرہ رضی اللہ عنہ سے روایت ہےکہ رسول اللہ صلی اللہ علیہ وسلم نےارشاد فرمایا " ہر پیدا ہونے والا بچہ دین فطرت پر پیدا ہوتا ہے لیکن اس کے ماں باپ اسے یہودی، نصرانی یا مجوسی بنا دیتے ہیں۔ اس کی مثال ایسی ہے جیسی جانور کا بچہ صحیح سالم پیدا ہوتا ہے کیا تم نے انہیں ناک کان کٹا ہوا کوئی بچہ دیکھا ہے۔ (صحیح بخاری، کتاب الجنائز،جلد 1، صفحہ 334، مطبوعہ بیروت،دمشق) ایک اور روایت ہے :عن ابی ہریرۃ رضی اللہ عنہ قال : سئل رسول اللہ صلی اللہ علیہ وسلم عن ذراریّ المشرکین قال : اللہ اعلم بما کانوا عاملینترجمہ : سیدنا ابو ہریرہ رضی اللہ عنہ سے روایت ہے فرمایا کہ نبی کریم صلی اللہ علیہ وسلم کفارکےبچوں کےمتعلق پوچھاگا توفرمایاکہ رب جانےوہ کا اعمال کرتے۔ (صحیح بخاری، کتاب الجنائز، جلد 1، صفحہ 333، مطبوعہ بیروت،دمشق) اس حديث پاك كی شرح كرتے ہوئے حضرت علامہ مفتی احمد یار خان نعیمی علیہ الرحمہ مراٰۃ المناجیح میں لکھتےہیں: خا ل رہے کہ کفار کے فوت شدہ بچوں کے متعلق علماء کرام کے چند اقوال ہںی:(۱)وہ جنتی ہںٹ کوانکہ فطرت پر پد ا ہوئے(۲)وہ جہنمی ہںک اپنے ماں باپ کے تابع ہو کر(۳)وہ اعراف مںف رہں گے کوہنکہ ان کے پاس شرعی ایمان یا کفر نہں (۴)ان مںم توقف کرو کو نکہ دلائل مختلف ہںج(۵)وہ بڑے ہو کر جسےر ہوتے ان پر وہی حکم جاری ہے یینہ چونکہ کافر ہوتے لہذا وہ جہنمی ہںک یا مؤمن ہوتے لہذا جنتی ہںک۔یہ حدیث آخری قول کی دللگ ہے۔مرقات مںا ہے صححی یہ ہے کہ وہ جنتی ہںک اور حضور کا یہ فرمان ان آیات کے نزول سے قبل ہے جن مںپ فرمایا گات کہ بغر قصور ہم کسی کو عذاب نہںک دیتے،بعض نے یہ بھی فرمایا کہ یہ جنتی تو ہں مگر مؤمن جنتوہں کے خدّام۔ (مراٰۃ المناجیح ، جلد 01، صفحہ 106 مطبوعہ لاہور)

میت اور جنازے کے احکام 1 جواب
17 اکتوبر، 2024

سوال: میت کو دفن کرنے کے بعد قبر پر اذان دینا کیسا؟

جواب :اذان ذکر الہی ہے اور ذکر الہی سے میت کو قبر میں فائدہ ہوتا ہے جس کا واضح ثبوت حدیث رسول میں موجود ہے ؛ لہذا میت کو دفنانے کے بعد قبر کے پاس اذان کہنا نہ صرف جائز بلکہ مستحب اور عند الشرع محمود و مستحسن عمل ہے ؛ اس سے رحمت ِ الہی کا نزول ہوتا اور شیطان لعین دور ہوتا ہے نیز میت کے لئے سوالات قبر میں آسانی ہوتی ہے اور قبر کی تنگی دور ہوتی ہے ۔ امام حکیم ترمذی ابو عبداللہ محمد بن علی الحسن بن بشر المؤذن اپنی کتاب نوادرالاصول میں لکھتے ہیں: عن عمرو بن مرۃ ، قال : کانوایستحبون اذا وضع المیت فی اللحد ان یقولو ا: اللھم اعذہ من الشیطٰن الرجیمترجمہ : سیدنا عمرو بن مرۃ سے روایت ہے فرمایا: جب میت کو قبر میں رکھ دیا جاتا تو وہ پسند کرتے تھے کے وہ یہ کہے: " اے اللہ اس میت کی شیطان مردود سے حفاظت فرما " ( نوادرالاصول فی معرفۃ احادیث الرسول ، جلد 06، صفحہ 26، مطبوعہ بیروت) اسی روایت کےتحت سیدنا سفیان ثوری علیہ الرحمہ کی روایت ہے :قال :اذا سئل المیت من ربّک ؟ تراءی لہ الشیطان فی صورۃ ، فیشیر الی نفسہ ؛ ای : انا ربکترجمہ : سیدنا سفیان ثوری علیہ الرحمہ فرماتے ہیں کہ جب میت سے سوال کیا جاتا ہے "من ربک" یعنی تیرا رب کون ہے " تو شیطان اس کے پاس ایک صورت میں ظاہر ہوتا ہے اور اپنی طرف اشارہ کرتا ہے یعنی(کہہ دے) میں تیرا رب ہوں ۔ ( نوادرالاصول فی معرفۃ احادیث الرسول ، جلد 06، صفحہ 26، مطبوعہ بیروت) مسلم شریف کی روایت میں ہے : عن جابر رضی اللہ عنہ قال : سمعتُ النبیَّ صلی اللہ علیہ وسلم یقول :"ان الشیطان اذا سمع النداء بالصلاۃ ذھب حتی یکون مکان الروحاءترجمہ: حضرت جابر رضی اللہ عنہ سےروایت ہے فرمایا: میں نے نبی کریم صلی اللہ علیہ وسلم کو فرماتے سنا : بے شک شیطان جب نماز کے لئے اذان کہی جاتی ہے شیطاب بھاگ جاتا ہے یہاں تک کے مقام روحاء۔( مدینے سے 36 میل دور کی ایک جگہ کا نام ہے ) تک پہنچ جاتا ہے۔(صحیح مسلم ؛ جلد 01، صفحہ 290،باب فضل ۔۔مطبوعہ بیروت) ایک روایت میں ہے : عن ابی ہریرۃ رضی اللہ عنہ قال : قال رسول اللہ علیہ وسلم اذااذن المؤذن ادبر الشیطان ُولہ حصاصترجمہ : سیدنا ابو ہریرۃ رضی اللہ عنہ سے روایت ہے فرمایا کے رسول اللہ صلی اللہ علیہ وسلم نے ارشاد فرمایاجب مؤذن اذان دیتا ہے تو شیطانبھاگ جاتا ہے اور اس کی ہو نِکل جاتی ہے۔ (صحیح مسلم ؛ جلد 01، صفحہ 291،باب فضل الاذان وھربالشیطان۔۔مطبوعہ بیروت) مذکورہ روایت کو دیکھیں تو میت کو دفنانے کے بعد قبر پر اذان دینے کا جواز ہر ذی شعور کے لئے واضح ہوجاتا ہے کے اس وقت میت کو شیطان بہکانے کی کوشش کرتا ہے لہذا میت کی شیطان لعین سے حفاظت کے لئے تدبیر کرنا اور میت کے لئے دعا کرنا صحابہ کرام کا محبوب عمل نیز شیطان کی اذان سے گھبراہٹ اور اس سے دور بھاگنا احادیث صریح و صحیح میں مذکور ہوا ؛اب میت کی اس سے بڑھ کر بھلائی کیا ہوگی کہ اذان دے کر شیطان کو بھگایا جائے اور اس کے لئے دعا کی جائے تاکہ وہ سوال کے درست جواب دینے میں کامیاب ہوجائے ۔

میت اور جنازے کے احکام 1 جواب
16 اکتوبر، 2024

سوال : حضرت جمعہ کے دن یا شب جمعہ کو مرنے سے مردہ کس عذاب سے بچ جاتا ہے؟

جواب : جس مسلمان کا شبِ جمعہ یا روز جمعہ انتقال ہو جائے وہ عذاب قبر سے محفوظ رہے گا ۔ حضور اکرم صلی اللہ علیہ وسلم نے ارشاد فرمایا :من مات یوم الجمعۃ او لیلۃ الجمعۃ وقی فتنۃ قبرترجمہ: جو شخص روز جمعہ یا شب جمعہ انتقال کر جائے وہ عذاب قبر سے محفوظ رہے گا۔ (المسند،للامام احمد بن حنبل جلد 02 صفحہ 684) ایک اور حدیث پاک میں ارشاد ہوا:ما من مسلم یموت یوم الجمعۃ او لیلۃ الجمعۃ الّا وقاہ اللہ فتنۃ القبرترجمہ: جس مسلمان کا روز جمعہ یا شب جمعہ انتقال ہو جائے وہ عذاب قبر سے محفوظ رہے گا۔ (سنن ترمذی ،کتاب الجنائز جلد 02 صفحہ 575 مطبوعہ بیروت)

میت اور جنازے کے احکام 1 جواب
16 اکتوبر، 2024

سوال: عورتوں کو قبرستان جانے کی اجازت کیوں نہیں ہے ؟

جواب : عورتوں کو قبرستان میں جانے کی ممانعت کی بنیادی وجہ ان کی طبعیت میں نرمی ہے ؛ جس کے باعث وہ بے قراری اور آہ و زاری پر اتر آتی ہیں اور وہ اپنے آپ کو سنبھال نہیں پاتی، وہاں رونا ، آواز بلند کرنا ، بے پردگی وغیرہ کے معاملات ہوتے ہیں اس لئے انہیں قبرستان جانے سے منع کیا گیا ہے ۔ بعض افراد یا عورتوں کے ذہنوں میں یہ آتا ہے کہ وہ ایسا نہیں کریگی اس لئے انہیں اجازت ہونی چاہیئے ، ایسا ہرگز نہیں ہے حکم سب کے لئے یکساں ہے کسی کو نہیں معلوم کہ وہ وہاں یہ کام کریگی یا نہیں کریگی، لہذا اس حکم میں وہ بھی شامل ہیں۔ امام اہلسنت امام احمد رضا خان علیہ الرحمہ عورتوں کی حاضری مزارارت و قبور مسلمین پر جانے کی ممانعت کا ذکر کرتے ہوئے فرماتے ہیں:قبور اقرباء پر خصوصاً بحال قُرب عہد ممات تجدید حزن لازم نساء ہے او رمزارات اولیاء پر حاضری میں احدی الشناعتین کا اندیشہ یا ترک ادب یا ادب میں افراط ناجائز تو سبیل اطلاق منع ہے ولہذا غنیہ میں کراہت پر جزم فرمایا البتہ حاضری وخاکبوسی آستان عرش نشان سرکار اعظم صلی اﷲ علیہ وسلم اعظم المندوبات بلکہ قریب واجبات ہے۔ اس سے نہ روکیں گے اورتعدیل ادب سکھائیں گے۔ ( فتاوی رضویہ ، جلد 09، صفحہ 538، رضا فاؤنڈیشن)

میت اور جنازے کے احکام 1 جواب
16 اکتوبر، 2024

سوال: اگر کسی شخص نے خود کشی کرلی تو کیا اس کی نماز جنازہ ادا کی جائیگی ؟

جواب : جی ہاں ؛ اگر خود کشی کرنے والا صاحب ِ ایمان تھا ،مسلمان تھا تو اس کی نماز جنازہ ادا کی جائیگی البتہ علمائے کرام و اہل علم حضرات ایسے شخص کی نماز ادا کرنے سے بچیں تاکہ اس کام کی سنگینی کا اظہار ہو ۔ علامہ علاء الدین حصکفی علیہ الرحمہ خودکشی کرنے والے سے متعلق فرماتے ہیں:من قتل نفسہ ولو عمداً یغسل ویصلی علیہ بہ یفتی ترجمہ: جس نے اپنے آپ کو قتل کردیا اگرچہ قصدا کیا ہو اسے غسل بھی دیا جائیگا اور اس کی نماز بھی پڑھی جائیگی اسی پر فتوی ہے ۔ (الدرمختار، جلد 03، صفحہ 128، مطبوعہ لاہور)

میت اور جنازے کے احکام 1 جواب
16 اکتوبر، 2024

سوال : میت کے ناخن اگر بڑھے ہوئے ہو یا میت کے اضافی بال ہو تو کیا انہیں کاٹ سکتے ہیں ؟

جواب : شرعی حکم یہ ہے کہ ایسی کوئی تزیین و آرائش نہ کی جائے البتہ کوئی ایسا ناخن تھا جو ٹوٹنے کے قریب تھا تو اس صورت میں اسے نکال لینے میں کوئی حرج نہیں ؛ میت کی تزیین و آرائش یہی ہے کہ اسے غسل دیا جائے ،اچھا کفن دیا جائے ، خوشبو لگائی جائے وغیرہ ، اسی کے مطابق عمل کرنا چاہیئے ۔ میت کے ناخن اور بالوں کے حوالے سے علامہ علاء الدین حصکفی علیہ الرحمہ فر ماتے ہیں : ولایسرح شعرہ یکرہ تحریماً ولا یقص ظفرہ الامکسور ولا شعرہترجمہ : میت کے بالوں میں کنگھی نہیں کی جائیگی یہ مکروہ ِ تحریمی ہے اور نہ ہی اس کے ناخن کاٹے جائینگے سوائے اس ناخن کے جو پہلے ہی ٹوٹا ہو اور نہ ہی بال کاٹے جائینگے ۔ علامہ ابن عابدین شامی علیہ الرحمہ "یکرہ تحریما ً"کے تحت فرماتے ہیں : ان التزیین بعد موتھا والامتشاط وقطع الشعر لایجوزترجمہ : مرنے کے بعد میت کی تزیین و آرائش کرنا ، اس کے بالوں میں کنگھی کرنا ، اور بال کاٹنا یہ جائز نہیں ہے ۔ ( ردالمحتار علی الدرمختار، جلد 03، صفحہ 104، مطبوعہ لاہور)

میت اور جنازے کے احکام 1 جواب
16 اکتوبر، 2024

سوال: مشہور ہے کہ میت والے گھر میں چولہا نہیں جلنا چاہیئے ، میت والے گھر میں کھانا نہیں پکنا چاہیئے اس کی شرعی کیا حیثیت ہے ؟

جواب : ایسا حکم شرع میں کہی بھی نہیں دیا گیا ہاں یہ ضرور ہے کہ پڑوسیوں اور رشتے داروں کو کہا گیا ہے کہ وہ ان تک کھانا پہنچائیں کہ جن پر غم کی کیفیت ہے ، ان کی کھانے کی طرف توجہ نہیں ہے ، ان کو باصرار کھانا کھلائیں ۔ لوگوں نے اس سے یہ سمجھ لیا کہ میت کے گھر میں چولہا نہ جلے اس کے گھر کھانا نہ بنے ۔ یہ حکم بھی پڑوسیوں اور رشتہ داروں کو ایک دن کا ہے ، اس کے بعد حسب معمول میت کے گھر میں کھانا وغیرہ بنایا جائے ۔ جب حضرت جعفر رضی اللہ عنہ غزوہ موتہ میں شہید ہوگئے اور ان کے شہید ہونے کی خبر آئی تو آپ صلی اللہ علیہ وسلم نے حکم ارشاد فرمایا: اصنعوا لاھل جعفر طعاماً ، فانہ قد جاء ھم ما یشغلھم ترجمہ ؛ جعفر کے گھر والوں کے لئے کھانا تیار کرو بے شک انہیں ایساچیز پہنچی ہے جس نے انہیں مشغول رکھا ہے۔ ( جامع الترمذی ، جلد 01، حدیث نمبر 998، صفحہ 446 مکتبہ الطاف اینڈ سنز) علامہ ابن عابدین شامی علیہ لارحمہ فرماتے ہیں : ویستحب لجیران اھل المیت والاقرباء الاباعد تھیئۃ طعام لھم یشبعھم یومھم ولیلتھمترجمہ :پڑوسیوں اور دور کے رشتے داروں کے لئے یہ مستحب ہے کہ میت کے گھر والوں کے لئے ایک دن اور ایک رات کا کھانا تیار کرکے انہیں (باصرار) کھلائیں ۔ ( ردالمحتار علی الدرمختار، جلد 03، صفحہ 104، مطبوعہ لاہور) مفتی امجد علی اعظمی علیہ الرحمہ فرماتے ہیں:متّط کے پڑوسایا دور کے رشتہ دار اگر متّم کے گھر والوں کے لےچ اُس دن اور رات کے لےع کھانا لائں4 تو بہتر ہے اور انھںا اصرار کرکے کھلائںا۔ ( بہارشریعت، جلد 01، حصہ 04، صفحہ 853، مسئلہ نمبر 7، مکتبۃ المدینہ)

میت اور جنازے کے احکام 1 جواب
16 اکتوبر، 2024

سوال : شوہر کا انتقال ہوجائے تو بیوی اس کا چہرہ دیکھ سکتی ہے یا نہیں یونہی بیوی کا انتقال ہوجائے تو شوہر اس کا چہرہ دیکھ سکتا ہے یا نہیں ؟

جواب : شوہرکے انتقال کے بعد زوجہ اور زوجہ کے انتقال کے بعد شوہر دونوں ایک دوسرے کا چہرہ دیکھ سکتے ہیں اس میں شرعا ً کوئی ممانعت ہے، عوام الناس میں اس طرح کی غلط فہمی پھیلی ہوئی ہے کے نہیں دیکھ سکتے ؛ یہ درست نہیں ہے۔ مفتی امجد علی اعظمی علیہ الرحمہ فرماتے ہیں : عورت مر جائے تو شوہر نہ اُسے نہلا سکتا ہے نہ چھو سکتا ہے اور دیکھنے کی ممانعت نہںی ۔عوام مں جو یہ مشہور ہے کہ شوہر عورت کے جنازہ کو نہ کندھا دے سکتا ہے نہ قبر مںس اتار سکتا ہے نہ مونھ دیکھ سکتا ہے، یہ محض غلط ہے صرف نہلانے اور اسکے بدن کو بلاحائل ہاتھ لگانے کی ممانعت ہے۔(بہارشریعت ، جلد 01، حصہ 04، صفحہ 813، مکتبۃ المدینہ)

میت اور جنازے کے احکام 1 جواب
16 اکتوبر، 2024