عربی گرامر سوال و جواب

صرف و نحو: سوالات و جوابات

عربی گرامر (صرف و نحو) کے سوالات کے جائزہ شدہ جوابات: صیغے، ابواب، تعلیلات، اعراب اور ترکیب۔

کل 9,024 جوابات شدہ سوالات

کتاب کافیہ میں معرب کی تعریف اس طرح لکھی ہوئ ہے (فالمعرب المرکب الذی لم یشبہ مبنی الاصل ) اب اس عبارت سے پیچھے والی عبارت میں یہ لکھا ہوا ہے کہ "معرب اور مبنی" اسم کی اقسام میں سے ہیں اور اسم کلمے کی اقسام میں سے تو کلمہ کا دوسرا نام مفرد ہے یعنی اسم بھی مفرد ہوا اور اس کی اقسام معرب اور مبنی بی مفرد ہوئے تو اس تعریف میں (فالمعرب المرکب )کیوں لکھا گیا؟ ؟؟

یہ مرکب سے اصطلاحی معنی مراد نہیں ہے بلکہ لغوی معنی مراد ہے کہ معرب وہ کلمہ جس کو مرکب ( جوڑا گیا ہو) جو کہ مبنی الاصل کے مشابہ نا ہو مزید یوں تفصیل سے بات کلیئر ہوگی کہ معرب کے لئے صاحب کافیہ کے نزدیک مرکب ہونا یعنی کسی کلام میں ہونا ضروری ہے

نحو1 جواب
23 اپریل، 2025

یتنحی کی صرفی تحقیق کرے باعتبارصرف حل کریں روی اتی

یتنحی صیغہ واحد مذکر غائب فعل مضارع مثبت معروف ثلاثی مزید فیہ ناقص واوی از باب تفعل اصل یتنحَّوُ تھا واؤ چوتھی جگہ یا اس سے آگے واقع ہو اور اس سے پہلے ضمہ یا واؤ ساکن نا ہو تو اس واو کو یاء سے بدل دینا واجب ہے یتنحَّیَ ہو گیا یاء متحرک ما قبل مفتوح کو الف سے بدلا تو یتنحّٰی ہو گیا

نحو1 جواب
22 اپریل، 2025

"یَعُقُّ" کی صرفی تحقیق کیا ہے

صیغہ واحد مذکر فعل مضارع مثبت معروف ثلاثی مجرد مضاعف از باب نصر ینصر اصل میں یعْقُقُ تھا قاعدہ دو ہم جنس حروف جمع ہو جائیں اور دونوں متحرک ہوں اور ان کا ما قبل ساکن ہو تو پہلے حرف کی حرکت ما قبل کی طرف نقل کر کے دونوں کا ادغام کرنا واجب ہے پہلے قاف کی حرکت عین کو دیکر دونوں کا ادغام کیا تو یعق ہو گیا

نحو1 جواب
18 اپریل، 2025

اذا وقعتِ الواقعہ، میں وقعت پر کسرہ کیوں ہے جبکہ فعل کبھی مجرور نہیں ہوتا۔ جب بھی فعل جری حالت میں ہوتا ہے تو کسرہ کی جگہ کوئی اور چیز اس کی نیابت میں آجاتی ہے ۔ مثلاً فتحہ وغیرہ۔ اسی طرح کی اور بھی آیات ہیں۔ مثلاً اذا رجتِ الارض رجا ۔ ان آیات کی نحوی ترکیب بھی کردیجیے۔

جی فعل پر کسرہ نہیں آتا اس کا مطلب یہ ہے کہ فعل پر جر نہیں آتی یعنی اس پر کوئی عامل جر کا عمل نہیں کرتا جر ہوتا ہے عامل کا اثر اور کسرہ حرکت کا نام ہے اب یہاں جو کسرہ ہے وہ عارضی ہے یعنی ملانے کے لیے ہے آپ نے دوسری بات کہی تھی فعل میں کسرہ کی جگہ فتحہ وغیرہ ہوتا ہے ایسا نہیں ہوتا

نحو1 جواب
18 اپریل، 2025

علم صرف کا جامع فائدہ کیا؟ تفصیل سے بیان کریں؟

علم الصرف کا جامع فائدہ یہ ہے کہ آپ صیغوں کو سمجھ جائیں یعنی کونسا لفظ کس کلمہ سے بنا ہے اس کا معنی کیا ہوگا وغیرہ اس چیز کو سمجھنے کا فائدہ یہ ہوگا کہ آپ قرآن کریم میں صیغوں کی پہچان حاصل کر پائیں گے اور قرآن کو درست سمجھ پائیں گے

صرف1 جواب
18 اپریل، 2025

منویا کی اصل اور تعلیل

منوی صیغہ واحد مذکر اسم مفعول ثلاثی مجرد لفیف مقرون از باب ضرب یضرب مادہ : ن و ی اصل میں یہ صیغہ منوُویٌ تھا قاعدہ : واؤ اور یاء ایک کلمے میں جمع ہوں اور ان میں سے پہلا ساکن ہو تو واؤ کو یاء سے بدل کر یاء کا یاء میں ادغام کرنا واجب ہے منووی میں دوسری واؤ اور یاء جمع ہوئے واؤ یعنی واؤ اور یاء میں سے پہلا ساکن ہے تو واو کو یاء سے بدل کر یاء کا یاء میں ادغام کیا تو مَنوُیٌّ پھر یاء کی مناسبت سے واو کے ضمہ کو کسرہ سے بدلا تو منوِیا ہو گیا

نحو1 جواب
6 اپریل، 2025

اسم مقصور نکرہ ہو اور غیر مضاف ہو تو حالت نصبی میں اس پر تنوین ظاہر ہو سکتی ہے؟

اگر اسم مقصور غیر منصرف نا ہو اور نا ہی اس پر الف لام ہو تو اس پر تنوین آ سکتی ہے چاہے حالت نصبی ہو یا جری یا رفعی البتہ وہ تنوین جو دو زبر کی صورت میں آئے گی وہ اعراب کی نہیں ہوگی اس کا اعراب تقدیری ہی رہے گا

نحو1 جواب
27 مارچ، 2025

قاضین میں کیا تعلیل ھوئی ھے؟

صیغہ جمع مذکر سالم اسم فاعل ثلاثی مجرد ناقص یائی از باب ضرب یضرب اصل میں قاضِیِین تھا قاعدہ : یاء مکسور یا مضموم ہو اور اس سے پہلے کسرہ ہو تو یاء کو ساکن کرنا واجب ہے پہلی یاء کو ساکن کر دیا پھر دونوں یاء ساکن تجے اجتماع ساکنین کی وجہ سے پہلی یاء کو حذف کیا تو قاضِین ہو گیا

صرف1 جواب
16 اپریل، 2025

قالین کی صرفی تحقیق کیا ہے ؟

صیغہ جمع مذکر سالم اسم فاعل ثلاثی مجرد ناقص یائی از باب ضرب یضرب اصل میں قالِیِین تھا قاعدہ : یاء مکسور یا مضموم ہو اور اس سے پہلے کسرہ ہو تو یاء کو ساکن کرنا واجب ہے پہلی یاء کو ساکن کر دیا پھر دونوں یاء ساکن تجے اجتماع ساکنین کی وجہ سے پہلی یاء کو حذف کیا تو قالین ہو گیا

صرف1 جواب
14 اپریل، 2025

"اَغَرُّ" کون سا صیغہ ہے

صیغہ واحد مذکر اسم تفضیل ثلاثی مجرد مضاعف از باب "نصر ینصر" اصل میں "أَغْرَرُ" تھا قاعدہ : دو ہم جنس حروف جمع ہوں اور دونوں متحرک ہوں اور ان کا ما قبل ساکن ہو تو پہلے حرف کی حرکت ما قبل کو دیکر دونوں کا ادغام کرنا واجب ہے . دونوں راء کا ادغام کیا تو "أغر" ہو گیا.

نحو1 جواب
13 اپریل، 2025

حروف اصلیہ و زائدہ نکالنے کے طریقے آسان فہم انداز سے

حروف اصلیہ و زائدہ کی پہچان اس چیز پر مبنی ہوتی ہے کہ کلمے کی کتنی طرح کی شکلیں/ صورتیں آپ کے سامنے واضح ہیں اگر کسی کلمے کے حروف اصلیہ معلوم کرنے ہوں تو سب سے آسان طریقہ یہ ہے کہ اس کلمے کی مختلف شکلیں دیکھیں جیسے لفظ قول ہے اب اس کی مختلف شکلیں یہ ہیں قال قول یقول یقال قل تقولن وغیرہ اب اس میں دیکھیں کہ کونسے حروف بار بار آ رہے ہیں جو حروف بار بار آ رہے ہیں وہ ق و ل ہیں اسی طرح دوسری مثال دیکھیں علم عالم معلوم عالَم تعلیم تعلم اس میں سے آپ خود دیکھیں کونسے حروف اصلیہ ہوں گے ؟

نحو1 جواب
15 اپریل، 2025

ینعقد کی صرفی تحقیق۔۔۔۔۔۔۔ فیقول کی صرفی تحقیق

ینعقد صیغہ واحد مذکر غائب فعل مضارع مثبت معروف ثلاثی مزید فیہ صحیح از باب انفعال یقول صیغہ واحد مذکر غائب فعل مضارع مثبت معروف ثلاثی مجرد اجوف واوی از باب نصر ینصر اصل میں یقْوُلُ تھا واؤ اور یاء متحرک ہوں اور ان کا ما قبل ساکن ہو تو ان کی حرکات ما قبل کی طرف نقل کر دینا واجب ہے واؤ کی حرکت قاف کو دی تو یقُولُ ہو گیا

صرف1 جواب
15 اپریل، 2025

"لا غلام رجل ظريف في الدار" اس پر اعراب لگا کر بتائیں! اس کی کتنی طرح ترکیب کی جا سکتی ہے؟

لا غلامَ رجلٍ ظریفٌ /ظریفًا فی الدار اس مثال میں ظریف کو اگر رجل کی صفت بنائیں تو ایک ہی ترکیب ہوگی اور اگر ظریف کو غلام کی صفت بنائیں تو یہاں پھر ظریف کو رفع اور نصب دونوں کے ساتھ پڑھنا جائز ہوگا اور ترکیب دونوں اعراب کے ساتھ ایک ہی ہوگی جیسے لا نفی جنس غلام مضاف رجل مضاف الیہ یہ مرکب اضافی ہو کر موصوف ظریف / ظریفا صفت موصوف مل کر لا نفی جنس کا اسم

نحو1 جواب
8 اپریل، 2025

صرف کے کثیر الاستعمال قواعد کون کون سے ہیں؟نیز ان کو یاد کیسے کیا جاۓ؟

ہماری اس ایپ میں قواعد ڈالے گئے ہیں جن میں نوے فیصد قواعد کثیر الاستعمال ہیں یاد دو طرح سے کریں پہلے قاعدہ یاد کریں پھر اس کو مثال پر اپلائی کریں سٹیپ بائی سٹیپ پھر دوسری مرتبہ میں مثال سے قاعدہ بیان کریں جیسے قال لفظ یاد کر لیا تو اس سے قاعدہ یاد ہو جائے گا قال » اصل میں قول » تھا اب اس پر قاعدہ جاری ہوتا ہے واؤ متحرک ما قبل مفتوح کو الف سے بدلنے والا تو یوں پہلے قاعدہ پھر مثال اور پھر مثال سے قاعدہ بیان کریں کوشش کریں جہاں پر بھی کوئی قاعدہ استعمال ہو رہا ہو تو وہاں ابتداء مکمل قاعدہ ہی بیان کریں تاکہ آپ کو زیادہ سے زیادہ پختہ یاد ہو سکے

صرف1 جواب
12 اپریل، 2025

مفعول بہ کی پہچان کیاہے

مفعول بہ وہ اسم ہوتا ہے جس پر فعل واقع ہو اب اس کی پہچان سمجھنے کے لیے یہ طریقے دیکھیں پہلے فعل کی تعیین کریں کہ متعدی ہے یا لازم یعنی وہ فعل ایسا ہے کہ جس کا اثر فاعل کے علاوہ کسی دوسری چیز پر ہو سکتا ہے یا نہیں اگر فعل کا اثر فاعل کرنے والے کے علاوہ کسی دوسری چیز پر ہو سکتا ہے تو وہ فعل متعدی ہوگا اور اس کا مفعول بہ آئے گا مفعول بہ کیسے تلاش کریں ؟ اب فعل متعدی کا اثر دیکھیں کس چیز پر ہو رہا ہے جیسے ضرب زید بکرا ہمارے پاس عبارت ہے تو ترجمہ میں دیکھیں مارنے والا کون ہے ؟ اور اس نے یہ کام یا فعل کس پر کیا ہے تو ہمیں پتہ چلتا ہے کہ مارنے والا زید ہے اور اس نے بکر کو مارا ہے تو بکر مفعول بہ ہوا کیوں کہ یہ کام اس پر ہوا ہے اس کی دیگر مثالیں بھی دیکھیں شرب بکر لبنا نے دودھ پیا لقیت زیدا میں زید سے ملا اس طرح دیگر عبارت میں موجود امثلہ پر مشو کرنے سے مزید یہ بات واضح ہو جائے گی

صرف1 جواب
15 اپریل، 2025

ََمَأْوِیٌ میں تعلیل کیسے ہوئی ہے

صیغہ واحد مذکر اسم مفعول ثلاثی مجرد مہموز الفاء و لفیف مقرون از باب ضرب یضرب اصل میں مأووی تھا سید والا قانون جاری ہوا کہ واؤ اور یاء ایک کلمہ میں جمع ہو جائیں اور ان میں سے پہلا ساکن ہو تو واؤ کو یاء سے بدل کر یاء کا یاء میں ادغام کرنا واجب ہوتا ہے مأووی میں دوسری واؤ کو یاء سے بدلا پھر یاء کا یاء میں ادغام کیا تو مأوی ہو گیا

نحو1 جواب
10 اپریل، 2025

مسنداور مسند الیہ کون کون سی چیزیں ہیں ؟

نیچے لکھی ہوئی چیزیں مسند اور مسند الیہ بنتی ہیں لاء نفی جنس ،ما و لا مشابہ بلیس ، افعال ناقصہ ، حروف مشبہ بالفعل ان سب کی خبر مسند ہوتی ہے اور اسم مسند الیہ ہوتا ہے مبتدا مسند الیہ اور خبر مسند ہوتی ہے فعل مسند نائب الفاعل و فاعل مسند الیہ ہوتے ہیں اسم فعل مسند اور اس کا فاعل مسند الیہ ہوتا ہے بس یہ چیزیں یاد رکھیں اس کے علاوہ کوئی اور چیز مسند الیہ مسند نہیں ہوتی

صرف1 جواب
7 اپریل، 2025

کیا نحو کا علم حاصل کرنے کی فضیلت پر کوئی حدیث بھی ہے

صراحت اس علم کو سیکھنے کی کوئی فضیلت احادیث میں نہیں آئی لیکن قرآن و حدیث کو سمجھنے کے لئے یہ علم بنیادی اہمیت کا حامل ہے اس وجہ سے اس کو سیکھنا بھی بہت فضیلت کا باعث ہے کہ قرآن مجید و احادیث سمجھنے میں مدد دیتا ہے

نحو1 جواب
6 اپریل، 2025

ترکیب سمجھنے کی آسان طریقہ کیا ہے

ترکیب سمجھنے کے لئے مختلف مراحل ہیں جیسے پہلا مرحلہ نحو کے بنیادی قواعد کا علم ہونا دوسرا مرحلہ عوامل و معمول کی معلومات ہونا تیسرا مرحلہ ترکیب کرنا اب یہ تین مراحل بنیادی ہیں جب آپ کو نحو کے قواعد اور عامل و معمولات کا علم ہوگا تو آپ عربی عبارت میں یہ جان سکتے ہیں کہ کونسا لفظ عامل کیا عمل کر رہا ہے اور اس کے ساتھ ترکیب کرتے جائیں جیسے فعل ہے تو اس کا فاعل کونسا ہے مفعول بہ ظرف لغو وغیرہ اسی طریقہ سے عبارت میں فعل نہیں ہے تو مبتدا خبر والی ہو سکتی ہے تو پھر مبتدا اور خبر کی تعیین یوں یہ عبارت کی سدھ بدھ بھی حاصل ہو جائے گی اور ترکیبیں کرنا بھی آ جائیں گی

نحو1 جواب
28 مارچ، 2025

"اِحْمَرَّ‌ اِحْمَرِّ اِحْمَرِرْ" کا معنی کیا ہوگا اور ان مے کیا فرق ہیں

یہ تینوں کلمات ایک ہی صیغہ ہیں یعنی فعل امر صیغہ واحد مذکر حاضر ان کا معنی ہے سرخ ہو تو ایک مرد ان میں لفظی فرق ہے مختلف قبائل ہے استعمال کے اعتبار سے یعنی بعض ادغام کرتے ہیں سور بعض بغیر ادغام کے پڑھتے ہیں

صرف1 جواب
29 مارچ، 2025

"الخاص لفظ وضع لمعنی معلوم" کی نحوی صرفی تحقیق مع ترکیب کیا ہوگا

الخاص مبتد لفظ موصوف وضع فعل ھو ضمیر نائب الفاعل ل جار معنی موصوف معلوم صفت موصوف صفت ملکر مرکب توصیفی ہو کر مجرور جار مجرور ملکر ظرف لغو فعل نائب الفاعل ظرف لغو ملکر جملہ فعلیہ خبریہ ہو کر لفظ کی صفت لفظ موصوف اپنی صفت سے ملکر مرکب توصیفی ہو کر مبتدا کی خبر مبتدا خبر ملکر جملہ اسمیہ خبریہ صرفی تحقیق الخاص صیغہ واحد مذکر اسم فاعل ثلاثی مجرد مضاعف از باب نصر ینصر اصل میں خاصِصُ تھا قاعدہ اگر دونوں ہم جنس حروف متحرک ہوں اور ان کا ماقبل حرف بھی متحرک یا مدہ ہو تو پہلے حرف کی حرکت کو حذف کر کے ادغام کرنا واجب ہے اس قاعدے کے تحت دونوں صاد ما ادغام کیا تو خاص ہو گیا لفظ اسم جامد ثلاثی مجرد صحیح وضع صیغہ واحد مذکر غائب فعل ماضی مثبت مجہول ثلاثی مجرد مثال واوی از باب فتح یفتح معنی مصدر میمی ثلاثی مجرد ناقص یائی از باب ضرب یضرب اصل میں معنَیُ تھا یاء متحرک ما قبل مفتوح کو الف سے بدلا تو معنی ہو گیا معلوم صیغہ واحد مذکر اسم مفعول ثلاثی مجرد صحیح از باب سمع یسمع

نحو1 جواب
2 اپریل، 2025

"اتخذ المجاهد الكفاح طريقا للحرية." اس جملة كا تركيب كيسے هوگا ؟

اتخذ فعل المجاھد فاعل الکفاح مفعول بہ اول طریقا موصوف ل جار الحریۃ مجرور جار مجرور ملکر ظرف مستقر ثابتا کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر صفت موصوف صفت ملکر مفعول بہ ثانی فعل فاعل مفعول بہ اول و ثانی ملکر جملہ فعلیہ خبریہ

نحو1 جواب
1 اپریل، 2025