عربی گرامر سوال و جواب

صرف و نحو: سوالات و جوابات

عربی گرامر (صرف و نحو) کے سوالات کے جائزہ شدہ جوابات: صیغے، ابواب، تعلیلات، اعراب اور ترکیب۔

کل 4,736 جوابات شدہ سوالات

ھو الجامع الصحیح المستند المختصر من امور رسول اللہ وسننه و ایامه اسکی ترکیب کیسے کریں گئے

ھو مبتدا الجامع خبر اول الصحیح خبر ثانی المستند خبر ثالث المختصر من امور رسول اللہ و سننه و ایامہ شبہ جملہ اسمیہ ہو کر خبر رابع مبتدا اپنی خبروں سے ملکر جملہ اسمیہ خبریہ

نحو1 جواب
21 دسمبر، 2024

هو الذي ارسل رسوله بالهدى ودين الحق کی ترکیب کریں

ھو مبتدا الذی اسم موصول ارسل فعل ھو ضمیر فاعل رسول مضاف ھا ضمیر مضاف الیہ مضاف الیہ مضاف ملکر مرکب اضافی ہو کر مفعول بہ ب جار الھدی معطوف علیہ و حرف عطف دین مضاف الحق مضاف الیہ مضاف الیہ مضاف ملکر معطوف معطوف علیہ معطوف ملکر مجرور جار مجرور ملکر ظرف لغو فعل فاعل مفعول بہ ظرف لغو ملکر جملہ فعلیہ خبریہ ہو کر صلہ موصول صلہ ملکر خبر مبتدا خبر ملکر جملہ اسمیہ خبریہ

نحو1 جواب
25 دسمبر، 2024

اسم منقوص (ھو اسم معرب آخرہ الف لازمۃ)وه اسم معرب ہے جس کےآخر میں الف لازمہ موجود ہو، یہاں پر لازم کا کیا مطلب؟اگر لازم کا مطلب یہ ہے کہ الف اسم منقوص میں ھمیشہ موجود رہیگا تو پھر تثنیہ می کیوں گرتا ہے جیسے عصَا سے عصوان اور فتیٰ سے فتوان اور اگر لازم کا مطلب یہ ہوں کہ الف کلمہ کا اصل ہو تو یہ بھی درست نہیں کیونکہ عصا میں الف واؤ کے بدل میں ہےاور فتیٰ میں الف ی کے بدل میں ہے اور کبھی تو الف زائد برای تانیث ھوتا ہے جیسے حبلیٰ

غالبا آپ اسم مقصور کا پوچھنا چاہ رہے تھے غلطی سے اسم منقوص لکھا ہوا ہے الف لازمۃ سے مراد وہ الف ہے جو کلمہ میں بر قرار رہے اس سے تثنیہ اور اسماء ستہ نکل جائیں گے اور آپ نے جو اعتراض کیئے ہیں پہلے اعتراض میں تو کلمہ مفرد سے تثنیہ ہوا تو ظاہر ہے اب وہ اسم مقصود بھی نہیں کہلائے گا بلکہ وہ تثنیہ ہوگا دوسرا اعتراض الف لازمہ مراد یہ نہیں کہ وہ حروف اصلیہ میں سے ہو زائدہ بھی ہو سکتا ہے بلکہ مراد یہ ہے کہ وہ کلمہ میں برقرار رہے تبدیل نا ہوتا پھرے

نحو1 جواب
25 دسمبر، 2024

اسمائے افعال معرفہ ہوتے ہیں یا نکرہ؟

اسمائے افعال کے بارے میں یہ اصول ہے کہ یہ عموماً معرفہ ہوتے ہیں۔ اسمائے افعال اپنی ساخت اور استعمال کے اعتبار سے ایک خاص معنی پر دلالت کرتے ہیں، اور ان کا مطلب واضح اور متعین ہوتا ہے، اسی لیے ان کو معرفہ شمار کیا جاتا ہے۔ بعض اہلِ نحو کے نزدیک یہ بحث کی جا سکتی ہے کہ اسمائے افعال بعض اوقات نکرہ بھی ہو سکتے ہیں، اگر ان کے معنی کسی غیر معین چیز پر دلالت کریں۔ لیکن یہ نادر ہے اور عموماً اسمائے افعال معرفہ ہی سمجھے جاتے ہیں۔

نحو1 جواب
23 دسمبر، 2024

جی۔۔ علم نحو میں نحات بصرہ کی مذھب اکثر راجح کیوں ھے ۔ بخلاف نحات کوفہ کے ؟؟؟ یعنی اسکی ترجیح کی وجوہ کیا ھے ؟؟

نحو کے علم میں بصری نحات کا مذہب اکثر راجح اس لیے سمجھا جاتا ہے کہ ان کے استدلالات اور قواعد کی بنیاد مضبوط علمی اصولوں پر قائم تھی۔ اس کے برعکس کوفی نحات کے نظریات میں بعض اوقات قیاس سے زیادہ سماع یا استثنائی صورتوں پر انحصار پایا جاتا ہے۔

نحو1 جواب
24 دسمبر، 2024

جی ۔ سوال ھے کہ جب لفظ انسان ( إنس ) سے مشتق اور ماخوذ ھو اور پھر وہ کسی خاص شخص کانام رکھا جاۓ تو وہ اب علمیت اور الف نون زایدہتان کی وجہ سے غیر منصرف بن جاتاھے ؟؟ جامع وضاحت فرمایں

الف نون زائدتان کے غیر منصرف کا سبب بننے کے لئے اس کے ساتھ علمیت یا وصف پایا جانا ضروری ہے اسی لئے اگر انسان کو انس سے مشتق مانیں تو الف نون زائدتان ہوں گے اب اگر لفظ انسان کسی کا علم بھی بن جائے تو یہ غیر منصرف ہوگا کہ اب دو سبب الف نون زائدتان اور علم پایا جا رہا ہے

نحو1 جواب
21 دسمبر، 2024

مبتدا اگر ان4صورتوں میں شرط کے معنی کو متضمن ھوتا ہے تو پھر (الزانیۃ والزانی فاجلدوا کل واحد منھا ) یہاں امام مبرد الفلام کو بمعنی الذی اور الزانیۃکوصلہ بتاتے ہیں (زانیۃاسم فاعل ھی ضمیر فاعل جملہ اسمیہ ھوکرصلہ ہے )تو معلوم ھواکه صله جمله اسمیه ھو تو بھی شرط کے معنی کو متضمن ھوتا ہے تو کیا مبتدا کو 4صورتو میں شرط کے معنی کو متضمن قرار دینا درست ھوا؟

ہم نے جو لکھا ہے وہ جمہور کا قول ہے اس میں اور بھی اقوال ہیں درست وہی ہے کہ چار صورتیں ہیں انظر الی حاشیۃ الصبان علی الاشمونی علی الفیۃ

نحو1 جواب
20 دسمبر، 2024

کوئ بھی جملہ ہو کیسے بھی ہو اس کا اعراب شناخت کرنے کا کیا طریقہ ہے ؟ صحیح طور پر اعراب پر قادر کب ہونگے اور کیسے ہونگے ؟ عبارت دیکھتے ہی فوراََ اعراب ذہن میں آجانا یہ کیسے ہوگا ؟ صحیح تفصیل بتا دیجیے

عبارت اور اعراب علم نحو کا بنیادی مقصد یہی ہے کہ عبارت پر آنے والے اعراب کی معرفت حاصل ہو اس کے لئے چند مراحل ہیں وہ اختیار کیئے جائیں تو فایدہ ہونا ممکن ہے 1 عوامل و معمول کی پہچان اور معرفت کتنے عامل ہیں معمول کتنے ہیں اور کونسا لفظ کیا عمل کرتا ہے وغیرہ 2 ان کی معلومات حاصل کرنے کے بعد عبارت میں ان عوامل کی پہچان کرنے کی کوشش کریں اور یہ عمل کرتے رہیں یہاں تک کہ آپ کو کافی حد تک معرفت حاصل ہو جائے اس دوران علم النحو اور صرف کا مطالعہ بھی کریں

نحو1 جواب
22 دسمبر، 2024

اذا فعل مضارع پر داخل ھوتا ہے اور اگر فعل ماضی پر داخل ھو تو ماضی کو مضارع کے معنی میں کردیتا ہے مگر حتی اذا رکبا فی السفینۃ خرقھا اس جگہ اذا فعل ماضی پر داخل ہے لیکن معنی مستقبل میں تبدیل نا ھوا ایسا کیوں؟

فعل مضارع پر داخل ہوکر مستقبل کا معنی دیتا ہے لیکن بعض اوقات ماضی کا معنی بھی دیتا ہے

نحو1 جواب
20 دسمبر، 2024

جی ۔ میں نے پہلے اس بارے میں پوچھا تھا کہ رُمَّان اور شیطٰن منصرف ھے یا غیرمنصرف ؟ تو اپ حضرات کی طرف سے جواب غیرمنصرف بننے میں یہ ملا تھا کہ اس میں دوسر سبب یا علمیت ہوگا اور یا وصف ۔ اب پوچھنا یہ ھے کہ علمیت تو واضح ھے لیکن ان دونوں میں وصف کیسا ھوگا رہنماٸ فرمایں

اس جواب میں احتمال بتایا گیا تھا کہ ان دو میں سے کوئی ایک سبب الف نون زائدتان کے ساتھ پایا جائے گا البتہ یہاں علمیت ہے اور وصف اس طرح کہ یہ صیغے اصل میں ہیں جو صفت مشبہ کے وزن فَعْلَان پر ہیں

نحو1 جواب
21 دسمبر، 2024

علم النحو اور علم الصرف میں متقدمیین کسی کوکہتے ھے اور کب سے شروع ہوتی ھے اور متاخریین ؟؟؟

علم النحو کی ابتدا خلیفہ راشد حضرت علی رضی اللہ عنہ کے حکم پر ابوالاسود الدؤلی (وفات: 69 ہجری) سے ہوتی ہے۔ ترقی: بعد میں یہ کام سیبویہ (وفات: 180 ہجری)، خلیل بن احمد الفراہیدی (وفات: 170 ہجری)، اور الکسائی جیسے علماء نے آگے بڑھایا۔ پہلا دور: تقریباً دوسری صدی ہجری کے اختتام تک ان علماء کو متقدّمین شمار کیا جاتا ہے۔ تیسری صدی ہجری کے بعد سے۔ نمایاں شخصیات: ابن مالک (وفات: 672 ہجری)، ابن هشام (وفات: 761 ہجری)، اور السیوطی (وفات: 911 ہجری) جیسے علماء۔ دورانیہ: متأخّرین کا دور قرونِ وسطیٰ سے شروع ہو کر جدید دور تک پھیلا ہوا ہے۔

نحو1 جواب
21 دسمبر، 2024

وَاتَّقُوا النَّارَ الَّتِي أُعِدَّتُ لِلْكَافِرِينَ ترکیب

وَاتَّقُوا النَّارَ» مثل واتقوا اللّه «الَّتِي» اسم موصول في محل نصب صفة «أُعِدَّتْ لِلْكافِرِينَ» فعل ماض مبني للمجهول والتاء تاء التأنيث ونائب الفاعل مستتر والجار والمجرور متعلقان بالفعل أعدت.

نحو1 جواب
22 دسمبر، 2024

مبتدا کب شرط کے معنی کو متضمن ھوتا ہے ؟

مبتدا جب ان چار صورتوں میں سے کسی صورت میں آئے تو متضمن معنی شرط ہوتا ہے اسم موصول جس کا صلہ جملہ فعلیہ یا ظرف ہو جیسے الذی یاتینی یا فی الدار فلہ درھم یا اسم نکرہ جس کی صفت جملہ فعلیہ یا ظرف ہو جیسے کل رجل فی الدار او یاتینی فلہ درھم ان چار صورتوں میں مبتدا متضمن معنی شرط ہوتی ہے

نحو1 جواب
19 دسمبر، 2024

اصابنا و نحن مع رسول اللہ صلی اللہ علیہ وسلم مطر اس کی ترکیب کیا ہے

اصاب فعل مطر اس کا فاعل نا ضمیر ذو الحال و حالیہ نحن مبتدا مع رسول اللہ بترکیب اضافی مفعول فیہ ثابت اسم فاعل کا اس میں ھو ضمیر فاعل اسم فاعل اپنے فاعل اور مفعول فیہ سے ملکر شبہ جملہ اسمیہ ہو کر خبر مبتدا خبر ملکر جملہ اسمیہ خبریہ ہو کر حال ذو الحال حال ملکر مفعول بہ فعل فاعل مفعول بہ ملکر جملہ فعلیہ خبریہ

نحو1 جواب
19 دسمبر، 2024

رُمَّان اور شَیطٰن ۔ ان دونوں الفاظ میں منصرف اور غیرمنصرف دونوں کی احتمال ھے ۔ اب سوال یہ کہ جب رُمّان رَمَن سے مشق ھو تو منصرف رہےگی اگر الرُّم سے مشتق ھو تو پھر غیرمنصرف ھوگا تو اب اسمیں دوسرا سبب غیرمنصرف کی کیا ھے ایک تو الف نون زاٸدتان دوسرا کون ھے ۔ اسی طرح شیطن میں بھی اگر شطن سے ھو تو منصرف اگر شیط سے ھو تو غیر منصرف تو اب اسمیں تو ایک الف نون زاید لیکن دوسرا سبب کون ؟

ان دونوں میں دوسرا سبب کونسا بنے گا اس میں دو احتمال ہیں علم اور وصف اگر کسی کا نام ہو تو علم ہوگا اور اگر صفت کے صیغے ہوں گے تو دوسرا سبب وصف ہوگا

نحو1 جواب
20 دسمبر، 2024

تلك البقرة السوداء حلوب اسکا معنی کیا ہے اور حلوب کیا ہے موذکر یا مؤ نث ہے لیکن مؤ نث ہوتو کونسی مؤ نث ہے

یہ سیاہ گائے زیادہ دودھ دینے والی ہے حلوب اسم مبالغہ کا صیغہ ہے اس میں مؤنث و مذکر برابر ہوتے ہیں لیکن یہ مؤنث کے ساتھ خاص فعل ہے تو اسے مؤنث حقیقی شمار کریں گے

نحو1 جواب
20 دسمبر، 2024

التجارت الصمت دواعیہ کیا ہے فیما کا نحوی اجرا کیسے ھو گا اور کیا عطاء یہ غیر منصرف وضاحت کر دیجئے

التجارۃ پیشہ کے نام ہے اسم جامد ہے ثلاثی مزید فیہ صحیح ت ج ر الصمت مصدر ثلاثی مجرد صحیح از باب نصر ینصر دواعی داعیۃ اسم فاعل کی جمع ہے عطاء منصرف ہے فی ما دونوں کا الگ نحوی اجراء کریں گے

نحو1 جواب
18 دسمبر، 2024

انتھی کا باب اور متتابعت کا باب اور البیع کیا ہے اس میں تعلیل بھی بتا دیجئے

انتھی کا باب افتعال ہے اصل میں انتھَیَ تھا ناقص کے قاعدہ نمبر ایک کے مطابق یاء کو الف سے بدل دیا تو انتھی ہو گیا متابعۃ کا باب مفاعلہ ہے بیع مصدر ہے باب ضرب یضرب سے اس میں کوئی تعلیل نہیں ہوئی

نحو1 جواب
18 دسمبر، 2024

ضمائر کا نحوی اجرا کیسے ھوگا اور کیا اخراج نحوی اجرا میں جمع مکسر ھو گا ساعتہ ساعہ یہ کیا یے انکے حروف اصلی اور معنی کے ساتھ وضاحت کر دیجئے

ضمائر کا اجراء ویسے ہی ہوگا جیسے دوسرے اسماء کا ہوتا ہے اخراج جمع نہیں ہے بلکہ باب افعال کا مصدر ہے ساعۃ اسم جامد ہے بمعنی وقت اور حروف اصلیہ س و ع ہیں

نحو1 جواب
18 دسمبر، 2024

ظرف لغوا اور ظرف مستقر کو کیوں لغوا اور مسقر کھتے ھں۔

ظرف مستقر مستقر کا معنی ہوتا ہے جس میں ٹھہرا جائے ظرف مستقر وہ ظرف ہوتا ہے جس کا متعلق محذوف ہو تو ظرف مستقر کو ظرف مستقر اس لئے کہتے ہیں کہ متعلق محذوف کا معنی اور ضمیر اس میں ٹھہر جاتے ہیں اور ظرف لغو کا متعلق لفظوں میں موجود ہوتا ہے تو اس وجہ سے اسے ظرف لغو کہتے ہیں کہ کہ یہ لغو و خالی ہوتا ہے

نحو1 جواب
18 دسمبر، 2024

اجتناب، استنصار،انفطار،تَقَبُّلَُ، میں چار حروف ہیں تو اس کی علامت مضارع مضموم کیوں نہیں

اجتناب میں ہمزہ علامت مضارع نہیں ہے یہ مصدر ہے استنصار میں بھی ہمزہ علامت مضارع نہیں بلکہ مصدر ہے انفطار میں بھی ہمزہ علامت مضارع نہیں بلکہ مصدر ہے تقبل میں تاء علامت مضارع نہیں بلکہ یہ باب تفعل سے ماضی کا صیغہ ہے

نحو1 جواب
18 دسمبر، 2024

کس طرح غیر منصرف فعل کے مشابہ ہے

غیر منصرف فرعیت میں مشابہ ہے جیسے فعل فاعل کی طرف محتاج ہوتا ہے تو یہ ایک فرع ہوئی اور مصدر مشتق ہوتا ہے تو یہ دوسری فرع ہوئی اسی طرح غیر منصرف کے اسباب بھی فرع ہوتے ہیں جیسے مونث مذکر کی فرع ہے معرفہ ہونا نکرہ۔کی فرع ہے تو اس طرح فرعیت میں فعل کے مشابہ ہے مزید تفصیل کے لیے نیچے دیئے گئے سکرین شاٹ کو ملاحظہ فرمائیں

نحو1 جواب
13 دسمبر، 2024

او يخبرالصحابى بانه‍م كانوا ىفعلون كذا فى زمان النبى صلى الله عليه وسلم کی نحوی ترکیب کریں

یخبر فعل الصحابی فاعل ب جار ان حرف مشبہ بالفعل ھم ضمیر اس کا اسم کانوا فعل ناقص واؤ ضمیر فاعل یفعلون فعل واؤ ضمیر فاعل کذا مفعول بہ فی جار زمان النبی مضاف مضاف الیہ ملکر مرکب اضافی ہو کر مجرور جار مجرور ملکر ظرف لغو فعل فاعل مفعول بہ ظرف لغو ملکر جملہ فعلیہ خبریہ ہو کر فعل ناقص کی خبر فعل ناقص اپنے اسم و خبر سے ملکر جملہ فعلیہ خبریہ ہو کر حرف مشبہ بالفعل کی خبر حرف مشبہ بالفعل اپنے اسم و خبر سے ملکر جملہ اسمیہ خبریہ ہو کر مجرور جار مجرور ملکر ظرف لغو فعل فاعل ظرف لغو ملکر جملہ فعلیہ خبریہ

نحو1 جواب
10 دسمبر، 2024

ما الذي هو خير منك تركيب؟ الذي في المسجد هو زيد تركيب؟ ما ذا صنعت؟

ما استفہامیہ مبتدا الذی اسم موصول ھو ضمیر مبتدا خیر اسم تفضیل ھو ضمیر فاعل منک جار مجرور ملکر ظرف لغو اسم تفضیل اپنے فاعل اور ظرف لغو سے ملکر شبہ جملہ اسمیہ ہو کر خبر مبتدا خبر ملکر جملہ اسمیہ خبریہ ہو کر صلہ موصول صلہ ملکر خبر مبتدا خبر ملکر جملہ اسمیہ انشائیہ الذی فی المسجد ھو زید الذی اسم موصول فی المسجد جار مجرور ملکر ظرف مستقر ثبت کے متعلق اس میں ھو ضمیر فاعل فعل فاعل ملکر جملہ فعلیہ خبریہ ہو کر صلہ موصول صلہ ملکر مبتدا ھو مبتدا زید خبر مبتدا خبر ملکر جملہ اسمیہ خبریہ ہو کر خبر مبتدا خبر ملکر جملہ اسمیہ خبریہ ماذا مفعول بہ مقدم صنعت فعل تا ضمیر فاعل فعل فاعل مفعول بہ ملکر جملہ فعلیہ انشائیہ

نحو1 جواب
15 دسمبر، 2024

"بعضه‍م خصوا الحديث بما جاء عن النبى صلى الله عليه وسلم" کی نحوی ترکیب کریں

بعضھم اضافت کے ساتھ مبتداء خصو فعل و ضمیر فاعل الحدیث مفعول بہ ب حرف جر ما موصولہ جاء فعل ھو ضمیر فاعل عن حرف جر النبی مجرور جار مجرور ملکر ظرف لغو فعل اپنے فاعل ظرف لغو سے ملکر موصول کا صلہ۔ اسم موصول اپنے صلے سے ملکر مجرور جار مجرور ملکر ظرف لغو فعل اپنے فاعل اور مفعول اور ظرف لغو سے ملکر خبر مبتداء خبر ملکر جملہ اسمیہ خبریہ ہوا

نحو1 جواب
9 دسمبر، 2024

والتعليقات كثيرة فى تراجم صحيح البخاري کی نحوی ترکیب کریں

التعلیقات مبتدا کثیرۃ شبہ فعل اس میں ھی ضمیر فاعل فی جار تراجم مضاف البخاری مضاف الیہ مضاف مضاف الیہ ملکر مرکب اضافی ہو کر مجرور جار مجرور ملکر ظرف لغو شبہ فعل اپنے فاعل اور ظرف لغو سے ملکر شبہ جملہ ہو کر خبر مبتدا خبر ملکر جملہ اسمیہ خبریہ

نحو1 جواب
10 دسمبر، 2024

والرفع قد يكون صريحا وقد يكون حكماً کی نحوی ترکیب کریں

والرفع مبتدا قد يكون فعل ناقص اس میں ھو ضمیر اسم فعل ناقص صريحا فعل ناقص کی خبر فعل ناقص اپنے اسم و خبر سے ملکر جملہ فعلیہ خبریہ ہو کر معطوف علیہ وقد يكون فعل ناقص اس میں ھو ضمیر اس کا اسم حكماً فعل ناقص کی خبر فعل ناقص اپنے اسم و خبر سے ملکر جملہ فعلیہ خبریہ ہو کر معطوف معطوف علیہ و معطوف ملکر خبر مبتدا خبر ملکر جملہ اسمیہ خبریہ

نحو1 جواب
10 دسمبر، 2024

نحو کا ہماری زندگی میں کیا مقصد ہے

ایک مسلمان کے لئے زندگی گزارنے کا دستور العمل قرآن و حدیث ہے لیکن قرآن و حدیث عربی زبان میں جسے غیر عربی کےلئے سمجھنا مشکل ہے قرآن و حدیث کو نحو و صرف کے ذریعے سمجھا جاتا ہے اس وجہ سے جیسے قرآن و حدیث ہمارے لئے زندگی گزارنے کے لئے ضروری ہیں نحو بھی ضروری ہے

نحو1 جواب
14 دسمبر، 2024