عربی گرامر سوال و جواب

صرف و نحو: سوالات و جوابات

عربی گرامر (صرف و نحو) کے سوالات کے جائزہ شدہ جوابات: صیغے، ابواب، تعلیلات، اعراب اور ترکیب۔

کل 9,024 جوابات شدہ سوالات

الف نون زائدتان ، تانیث اور عجمہ،جمع جو کہ منع صرف کے اسباب میں سے ہیں ان کی پہچان کا آسان طریقہ کار ارشاد فرما دیں

الف نون زائدتان : اس کی پہچان کا آسان طریقہ یہ ہے کہ کلمہ میں اگر تین حروف کے بعد الف نون آ جائیں تو اکثر وہ زائد ہوتے ہیں یعنی اگر کسی کلمہ میں پہلے تین حروف اصلیہ آ جائیں تو اس کے بعد الف نون زائدتان آ جائیں تو وہ زائدہ ہوں گے جیسے عثمان ، نعمان رحمان وغیرہ تانیث : اس کی پہچان آسان ہے اگر گول تاء ہو تو مؤنث ہوگا اور اگر گول تاء نا ہو تو مؤنث نہیں ہوگا البتہ مؤنث معنوی یعنی جو مؤنث کا نام ہو اور اس میں علامت تانیث نا ہو تو اس کی پہچان سیاق و سباق لفظ کے استعمال سے معلوم ہوگی عجمہ : اس کی پہچان دو آسان طریقوں سے ہوتی ہے پہلا طریقہ علماء لغت کسی علم کے بارے میں کہہ دیں کہ وہ عجمی ہے دوسرا طریقہ: اس لفظ کی اصل آپ کو لغت میں نا ملے یا وہ لفظ ہی ڈکشنری میں موجود نا ہو تو کافی چانس ہیں وہ عجمی ہوگا جمع : اس کی پہچان کے لئے یاد رکھیں پہلے دو حرف ہوں گے اس کے بعد الف اور اس کے بعد دو حرف ہوں گے جس میں سے پہلا مکسور ہوگا یا الف کے بعد تین حرف ہوں گے پہلا مکسور دوسرا یاء تو یوں آپ جمع جو غیر منصرف کا سبب ہوتی ہے اسے پہچان سکتے ہیں

نحو1 جواب
8 جولائی، 2025

جامد کی صرفی تحقیق میں شش اقسام کیسے پہچانیں گے جیسے ایک کلمہ ہے خفین تو یہ ثلاثی مجرد ہے یا۔مزید فیہ

شش اقسام پہچاننے کے لئے اس کلمے کے حروف اصلیہ دیکھیں اگر کوئی زائد حرف ہو چاہے وہ جمع کا ہو یا تثنیہ کا نسبت کا ہو یا تصغیر وہ حرف زائد شمار ہوگا اور کلمہ مزید فیہ ہوگا اگر کوئی زائد حرف نا ہو تو کلمہ مجرد ہوگا

نحو1 جواب
15 جولائی، 2025

وزن عروضی وہ وزن ہے جس میں متحرک کے مقابلہ میں متحرک ہو -ساکن کے مقابلہ میں ساکن ہو حرکات کی خصوصیت کا بھی لحاظ نہ ہو، اصلی اور زائد کا بھی لحاظ نہ ہو۔ جیسے : شریف بروزن فَعُولٌ حوالہ : مقدمہ میزان الصرف میں (5) از حسن رضا سیالوی اعتراض : مقدمہ ، میزان الصرف میں وزن عروضی کی تعریف اور مثال میں تضاد ہے۔ مثالی تعریف کے خلاف ہے تعریف میں موجود ہے کہ اصلی اور زائد کا لحاظ نہ ہو " یعنی اصلی اور زائد آمنے سامنے نہ ہو اسی کے مقابلہ میں زائد نہ ہو۔ جبکہ مثال میں "شریف" کی "ی" فُعُول کے "و" کے مقابلہ میں ہے شریف میں "ش" " " "ف" اصلی ہیں کیونکہ یہ فعول میں "ف" "ع " "ل" کے مقابلہ میں ہے۔ اب اعتراض یہ ہے کہ شریف کی "ی" "فعول " کے "و" کے مقابلہ میں ہونے کی وجہ سے یہ مثال وزن عروضی میں کس طرح داخل ہو سکتی ہے۔ معترض ( حافظ احمد رضا رضوی از جامعه فردوسیہ رضویه) کیا یہ میرا اعتراض درست ہے

آپ کا اعتراض درست نہیں ہے وزن عروض میں بس متحرک حرف کے مقابلے میں متحرک آئے اور ساکن کے مقابلے میں ساکن اب یہ ضروری نہیں کہ حرف زائد زائد کے مقابلے میں اور اصلی اصلی کے مقابلے میں آئے تعریف میں جو اصلی اور زائد کا لحاظ نا ہو اس کا مطلب یہ ہے ا بلکہ زائد اصلی اور اصلی زائد کے مقابلے میں بھی آ سکتا ہے اور کسی مثال میں زائد زائد کے مقابلے میں بھی آ سکتا یعنی حروف کی زیادت اور اصلیت کا لحاظ نہیں کیا جائے گا

نحو1 جواب
1 جون، 2025

اصطفیٰ کی صرفی تحقیق کریں

صیغہ واحد مذکر غائب فعل ماضی مثبت معروف ثلاثی مزید فیہ ناقص یائی از باب افتعال اصل میں یہ صیغہ اصتَفَیَ بر وزن افتعل تھا یاء متحرک ما قبل مفتوح کو الف سے بدلا تو اصتفٰی ہو گیا قاعدہ : اگر باب اِفْتِعَالٌ کافاءکلمہ صاد، ضاد، طاء یا ظا ء ہو تو تائے اِفْتِعَالٌ کوطاءسے بدلنا واجب ہے، اس قاعدہ کے مطابق تاء کو طاء سے بدلا تو اصطفی ہو گیا

نحو1 جواب
1 اگست، 2025

شِئْتُ کی صرفی تعلیل اور صرفی تحقیق کریں

صیغہ واحد متکلم فعل ماضی مثبت معروف ثلاثی مجرد اجوف یائی و مہموز اللام از باب سمع یسمع اصل میں یہ لفظ شَیَئتُ تھا یاء متحرک ما قبل مفتوح کو الف سے بدلا تو شاءْت ہو گیا ہمزہ اور الف دو ساکن جمع ہو گئے تو الف کو گرا دیا پھر یہ شَئْتُ ہو گیا پھر نیچے دیئے ہوئے قاعدے کے مطابق اجوف یائی ہونے کی وجہ سے اس کے فاء کلمہ کو کسرہ دیا گیا تو شِئْتُ ہو گیا قاعدہ : جب اجوف کی ماضی معروف یا مجہول میں عین کلمہ اجتماع ساکنین کی وجہ سے گر جائے تو فاء کلمہ کو ضمہ دیا جائے گا (جبکہ اجوف واوی مفتوح العین یا مضموم العین ہو) ورنہ (جبکہ اجوف يائی ہو یا اجوف واوی مکسور العین ہو تو) کسرہ دیں گے

نحو1 جواب
2 اگست، 2025

ان ىؤتی بمشهبتين أو اكثر ثم به۔ مذکورہ عبارت کی نحوی ترکیب بتائیں

ان مصدریہ یوتی فعل ب جار مشبھتین معطوف علیہ او حرف عطف اکثر معطوف معطوف علیہ معطوف ملکر مجرور جار مجرور ملکر معطوف علیہ ثم حرف عطف ب جار ھاء ضمیر مجرور جار مجرور ملکر معطوف معطوف علیہ معطوف ملکر نائب الفاعل یوتی فعل کا یوتی فعل اپنے نائب الفاعل کے ساتھ ملکر جملہ فعلیہ خبریہ ہو کر ان مصدریہ کے ساتھ ملکر مصدر مؤول اب یہ مصدر مؤول عبارت کے مطابق ترکیب کا حصہ بنے گا

صرف1 جواب
2 اگست، 2025

جو اسم منصوب ہو اس کے آخر میں الف علامت نصب آتا ہے جیسے رایت زیدا ، رایت عمرا ، اور جس اسم کے آخر میں یاء ہو تو اس کے ساتھ حالت نصبی میں الف نہیں آتا جیسے لیسوا سواء، اسکنت یاء یہ کیوں؟؟

تنوین جب نصب کی صورت میں ہو اس کے آخر میں الف لکھا جاتا ہے لیکن ہر اسم کے آخر میں نہیں لکھا جاتا جیسے گول تاء کے بعد ،تنوین جب ہمزہ پر ہو تو ان صورتوں میں الف نہیں لکھا جاتا یہ مسئلہ علم الخط یعنی خط کے قواعد و ضوابط سے ہے

صرف1 جواب
2 اگست، 2025

لَتُبْلَوُنَّ کا اصل اور صرفی تحقیق

صیغہ جمع مذکر حاضر فعل مضارع مؤکد بنون توکید ثقیلہ مجہول ثلاثی مجرد ناقص واوی از باب نصر ینصر یہ صیغہ فعل مضارع "تُبلَوْن" سے بنایا گیا ہے نون اعرابی کو حذف کر کے آخر میں نون توکید کا اضافہ کیا اور واؤ جمع کو ضمہ دیا تو لتبلون بن گیا

نحو1 جواب
24 جولائی، 2025

لمن ھذا القلم کی ترکیب کیجیے

ل جار من استفہامیہ مجرور جار مجرور ملکر ظرف مستقر ثابت کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر مقدم ھذا مبدل منہ القلم بدل مبدل منہ بدل ملکر مبتدا مؤخر مبتدا خبر ملکر جملہ اسمیہ انشائیہ

صرف1 جواب
29 جولائی، 2025

حفاۃ عراۃ عالۃ یہ صیغے کس باب سے مستعمل ہے اور اس میں کونسے قوانین کی وجہ سے تبدیلی ہوئی ہے

لفظ حفاۃ اور عراۃ یہ دونوں باب ضرب سے آتے ہیں اور ان کی تبدیلی درج ذیل قاعدہ کے مطابق ہوئی ہے قاعدہ اگر اسمِ فاعل کی جمع فَعْلَۃٌ کے وزن پر آئے اور اس کا لام کلمه حرفِ علت ہو تو اسے الف سے بدل کر فاء کلمہ کو ضمہ دینا واجب ہے اصل میں یہ عَرَیَۃ حَفَیَۃ تھے لام کلمہ (یاء) کو الف سے بدل کر فاء کلمہ ( عین اور حاء ) کو ضمہ دیا عالۃ نصر ینصر باب سے ہے اور اصل میں یہ عَوَلَۃٌ تھا واؤ متحرک ما قبل مفتوح کو الف سے بدلا تو عالۃ ہو گیا

نحو1 جواب
26 جولائی، 2025

مجھے ثلاثی مجرد کے تمام قوانین 21 یادہے مگر میں ثلاثی مجرد کے صیغوں میں قانون نہیں لگا سکتا

قوانین لگانے کے لئے کچھ بنیادی چیزیں ہونی چاہیئں کسی بھی لفظ پر جب کوئی قانون لگانا ہو تو یہ چند چیزیں دیکھیں میں مثال کے ذریعے واضح کروں گا جیسے لفظ قال اب اس پر قانون لگانے سے پہلے یہ معلوم ہونا چاہئے کہ یہ صیغہ کونسا ہے ؟ صیغہ معلوم ہو تو یہ دیکھنا چاہئے کہ صیغہ کے باب کی مناسبت سے اس کا اصل وزن کیا بنے گا مثلا ہماری جو مثال تھی قال یہ صیغہ واحد مذکر ہے باب نصر سے تو اس کا وزن کا قَوَل ہوگا اب آگے قواعد لگانے ہیں تو قواعد کی بھی چھانٹی کریں اس میں واؤ متحرک ہے تو وہ قواعد دیکھیں جو واؤ پر جاری ہوتے ہیں اور واؤ متحرک والے قواعد دیکھیں یوں آپ کسی بھی صیغے پر قاعدہ جاری کر سکتے ہیں تھوڑی سی مشق کرنے سے آپ کو یہ چیزیں سمجھ آنا شروع ہو جائیں گی

نحو1 جواب
28 جولائی، 2025

الاستواء ، عشاء ،شتاء ، ابتداء معرب کی کون سی قسم ہیں ؟ غیر منصرف۔ یا مفرد منصرف صحیح ۔یا جاری مجری صحیح ہر کوئی الگ الگ بتا رہا ہے آپ پلییز دلیل کے ساتھ واضح جواب عطا فرما دیجیے

یہ چاروں لفظ منصرف ہیں غیر منصرف جو لوگ کہتے ہیں وہ کہتے ہیں اس کے آخر میں الف ممدودہ ہے تو ان کی بات غلط ہے کیوں کہ الف ممدودہ جو غیر منصرف کا سبب بنتا ہے وہ تانیث کا ہوتا ہے اور وہ ہمیشہ زائدہ ہوتا ہے جبکہ ان کے آخر میں الف ممدودہ واؤ یا یاء سے تبدیل ہو کر بنا ہوا ہے تو یہ غیر منصرف کا سبب نہیں ہوگا اب یہ معرب کی سولہ اقسام میں سے کونسی قسم ہوگی تو یہ مفرد منصرف صحیح ہیں کیوں کہ اس کے علاوہ کسی قسم میں داخل ہو ہی نہیں سکتے

نحو1 جواب
1 اگست، 2025

سلام علیکم ورحمتہ اللہ وبرکاتہ سوال ہے کہ فتحہ اپنے بعد الف کو ہی کیوں چاہتا ضمہ واو کو ہی کیوں چاھتا اور کسرہ یاء کو ہی کیوں چاہتا۔۔۔؟

فتحہ آدھا الف ہے کسرہ آدھی یاء ہے اور ضمہ آدھا واؤ ہے اب یہ حرکات اپنے بعد وہ حرف چاہیں گی جس کی جنس سے ہیں جس کی طرف زبان کا پھرنا آسان ہو اب کسرہ کے بعد واؤ لائیں گے تو پڑھنا مشکل ہو جائے اسی طرح ضمہ کہ بعد واؤ لائیں گے تو بھی پڑھنا مشکل ہوگا

نحو1 جواب
8 جولائی، 2025

اسلام علیکم قانون ہے کہ اسم میں دو علامت تانیث اس وقت ممنوع ہیں جب وہ ایک جنس سے ہوں، تو ضاربتات میں یہ علامات تانیث الگ جنس سے ہیں ایک واحد کی ہے ایک تثنیہ کی پہر یہاں قانون جاری کرکے ضاربات کیوں بنایا گیا ہے ؟

دونوں علامت تانیث ایک ہی ہیں جنس سے مراد یہ جیسے دو تاء کا جمع ہونا یا دو الف مقصورہ یا ممدودہ کا جمع ہونا ہے اور تاء واحد کی ہو جمع کی ہو فعل کی یا کسی بھی کی ہو جب وہ علامت تانیث ہے تو وہ ایک جنس ہوگی

نحو1 جواب
19 جولائی، 2025

داعی,منادی,رامی یاء بالتنوین وغیرہ اسم فاعل کا صیغہ تعلیل کے مطابق داع,مناد,رام ہونا چاہۓ تها لیکن ان کو داعی,منادی,رامی یاء بالساکن کیوں کہتے ہیں؟

عربی میں تو ایسے نہیں کہتے سوائے اس وقت کہ جب ان پر مانع تنوین ہو اگر مانع تنوین نا ہو تو یہ داع مناد وغیرہ ہوں گے

نحو1 جواب
20 جولائی، 2025

(مَنْ ذُکِرْتُ عِنْدَہُ فَلْیُصَلِّ عَلَیَّ ) اس حدیث کی ترکیب بتا دیں. جزاک اللہ خیرا

من شرطیہ مبتدا ذکرت فعل تاء ضمیر اس کا نائب الفاعل عند مضاف ھاء ضمیر مضاف الیہ مرکب اضافی مفعول فیہ فعل نائب الفاعل مفعول فیہ ملکر جملہ فعلیہ خبریہ ہو کر شرط ف جزائیہ لیصل فعل ھو ضمیر اس کا فاعل علی جار یاء ضمیر مجرور جار مجرور ملکر ظرف لغو فعل فاعل ظرف لغو ملکر جملہ فعلیہ انشائیہ ہوکر جزاء شرط و جزاء ملکر من کی خبر مبتدا خبر ملکر جملہ اسمیہ خبریہ

نحو1 جواب
23 جولائی، 2025

الطحاوی اسکے حروف اصلی کیا ہیں اور صرفی دائیرہ کار میں کیا ہے

الطحاوی طحا کی جانب منسوب ہے جو کہ مصر کا ایک گاؤں ہے اس کے حروف اصلیہ میں ط اور ح تو ہیں ہی لیکن آخر میں الف وہ اصل میں یاء تھا یا واؤ اس کی تعیین نہیں مل سکی البتہ اس کی نسبت میں واؤ آنے سے یہ اندازہ ہوتا ہے کہ اس کی اصل میں ط ح کے ساتھ واؤ بھی ہوگی تو حروف اصلیہ : ط ح و ہیں اور ہفت اقسام میں ناقص واوی ہوگا

صرف1 جواب
26 جولائی، 2025

قران پاک کی ایات مبارک ہے وكل شيء احصيناه في امام مبين اسكي نحوي تركيب كري

کل مضاف شیئ مضاف مضاف الیہ مرکب اضافی ہو کر مفعول بہ فعل محذوف احصینا کا اس میں نا ضمیر فاعل فعل فاعل ملکر جملہ فعلیہ خبریہ احصینا فعل نا ضمیر فاعل ھاء ضمیر مفعول بہ فی جار امام موصوف مبین صفت موصوف صفت ملکر مجرور جار مجرور ملکر ظرف لغو فعل فاعل مفعول بہ ظرف لغو ملکر جملہ فعلیہ خبریہ

نحو1 جواب
29 جولائی، 2025

ایاک‌ نعبد میں ‌ جمع کا صیغہ کیو لے آیا واحد کا صیغہ کیو نہیں ہے

یہاں جمع کا صیغہ لانے کی وجہ یہ ہے کہ یہاں اس طرف اشارہ مقصود کہ یہ الفاظ جماعت کے ساتھ ادا کیئے جائیں گے اس سے جماعت کی اہمیت کی طرف اشارہ ہے کہ اکیلے نماز پڑھنا یا دعا کرنے سے افضل جماعت کے ساتھ پڑھنا ہے علماء بلاغت نے اس کے علاوہ بھی مختلف توجیہات ذکر کی ہیں

نحو1 جواب
30 جولائی، 2025

السلام علیکم استاد محترم! یہ بتا دیں کہ میں کیسے صرف کی گردانوں کو رواں رکھوں جبکہ میرے ساتھ کوئی دوست ہوتا نہیں جس کے ساتھ اجراء ہی کر لیں جب گھر پڑھتا ہوں تو تسلسل نہیں رہتا؟

آسان طریقہ جس کے لئے کوئی اضافی وقت یا جدول بنانے کی ضرورت نہیں ہے وہ یہ ہے کہ آپ روزانہ عبارت میں آنے والے کسی فعل کی کوئی گردان بنایا کریں چاہے صرف صغیر ہو یا کبیر یعنی جیسے دوران عبارت لفظ آیا ہے استعمال اب اسی سے کوئی گردان بنا لیں یوں کرنے سے دہرائی بھی ہوتی رہے گی اور گردانیں پختہ تر بھی ہوتی جائیں گی

صرف1 جواب
27 جولائی، 2025

عندی ثمانیۃ عشر کتاباََ . . . . ترکیب کریں

عند مضاف یاء ضمیر متکلم مضاف الیہ مضاف مضاف الیہ ملکر مرکب اضافی ہو کر مفعول فیہ ثابت اسم فاعل کا اسم فاعل اپنے فاعل اور مفعول فیہ سے ملکر شبہ جملہ اسمیہ ہو کر خبر مقدم عشرون ممیز قلما تمییز ممیز تمییز ملکر مبتدا مؤخر مبتدا خبر ملکر جملہ اسمیہ خبریہ

نحو1 جواب
29 جولائی، 2025

آپ کے سوالات میں ایک سوال پوچھ آگیا ہے کہ فرضیتہ کا باب کیا ہے ۔۔ جس کے جواب میں آپ نے لکھا کے باب نہیں ہوتا اس کی کیا وجہ ہے کہ باب نہیں

در اصل یہ صیغہ مصدر صناعی ہے مصدر صناعی جامد اسم مشتق وغیرہ سے بنتا ہے اور بنانے کا طریقہ یہ ہوتا ہے کہ کسی اسم کے آخر میں یاء مشدد لگا دیتے ہیں تو مصدر معنی حاصل ہو جاتے ہیں اب اس کا باب کیسے بنے گا کونسا اس سے افعال وغیرہ مشتق ہو رہے ہیں

نحو1 جواب
30 جولائی، 2025

اگر ہم رجل صالح میں رجل صالح پورے کو مسند الیہ کہہ دے گے تو اس طرح مرکب غیر مفید میں اسناد جاری ہو جائے گی کیونکہ رجل صالح کا تعلق مرکب غیر مفید میں سے مرکب توصیفی سے ہے تو پھر کیا کہا جائے اس میں ۔۔۔۔؟

رجل صالح کو اگر مسند الیہ کہیں گے تو اس میں اسناد کیسے جاری ہوگی؟؟ ہم تو تو دونوں کو ملا کر کسی اور چیز کے لئے مسند کہہ رہے ہیں جیسے رجل صالح قائم میں رجل صالح مسند الیہ قائم مسند

صرف1 جواب
30 جولائی، 2025

سارّھا کی صرفی تعلیل کریں اور صرفی تحقیق کریں

سَارَّ صیغہ واحد مذکر غائب فعل ماضی مثبت معروف ثلاثی مزید فیہ مضاعف از باب مفاعلہ یا سارٌّ صیغہ واحد مذکر اسم فاعل ثلاثی مجرد مضاعف از باب نصر ینصر یہ صیغے اصل میں سارَرَ یا سارِرٌ ہوں گے ان دونوں صیغوں میں مضاعف کا ایک ہی قاعدہ جاری ہوا ہے قاعدہ اگر دونوں ہم جنس حروف متحرک ہوں اور ان کا ماقبل حرف بھی متحرک یا مدہ ہو تو پہلے حرف کی حرکت کو حذف کر کے ادغام کرنا واجب ہے اس قاعدے کے مطابق پہلے راء کو ساکن کر کے دونوں کا ادغام کیا تو سارّ ہو گیا

نحو1 جواب
30 جولائی، 2025

میری نحو کمزور تو نہیں تھی مگر ہوگی ہے اپنی سستی کی وجہ سے سب دوبارہ مضبوط کرنا چاہتا ہوں کیسے کروں اجراء کا کیا طریقہ ہونا چاہیے

سب سے پہلے دہرائی کریں اور اس کے بعد کتاب میں موجود امثلہ پر قواعد کا اجراء اور اپنی روزمرہ عبارتوں پر حتی الامکان اجراء کرتے رہیں

نحو1 جواب
27 جولائی، 2025

مرکب غیر مفید میں اسناد جاری نہیں ہوتی ہے لیکن اگر جملہ میں رجل صالح مل کر مبتدا بن رہے ہو تو کیا رجل صالح پورے کو مسند الیہ کہے گے یا صرف رجل کو ۔۔۔کیونکہ مرکب غیر مفید میں اسناد جاری نہیں ہوتی ہے

اصولی طور پر صرف رجل کو مسند الیہ کہنا چاہئے لیکن ہمارے ہاں مروج طریقہ کار پورے مرکب کو مبتدا بنانے کا ہے تو اگر کوئی پورے رجل صالح کو بھی کہتا ہے تو غلط نا کہا جائے

صرف1 جواب
28 جولائی، 2025

وَجَدْتُّمُوْهُمْ اور وَعَدْتَّنَا كونسا صيغه هے كس باب سے هے ت ميں ادغام كیسے هوا رهنمائی كریں

وجدتم صیغہ جمع مذکر حاضر فعل ماضی مثبت معروف ثلاثی مجرد مثال واوی از باب ضرب یضرب وعدت صیغہ واحد مذکر حاضر فعل ماضی مثبت معروف ثلاثی مجرد مثال واوی از باب ضرب یضرب قاعدہ ایسے دو ہم جنس یا ہم مخرج حروف جن میں سے پہلا حرف ساکن غیر مدہ ہو تو پہلے حرف کا دوسرے میں ادغام کر دینا واجب ہے دونوں صیغہ میں مذکورہ بالا قاعدہ جاری ہوا ہے کیوں کہ تاء اور دال ہم مخرج حروف ہیں اور پہلا ساکن اور دوسرا متحرک ہے

نحو1 جواب
11 جولائی، 2025

مجھے نحو کے بھت سے قواعد آتے ھیں اور صیغہ کے بھی الحمدللہ لیکن میں مکمل پرفیکٹ جملہ نھیں بنا پا تی آپ بتائیں کہ مجھے کس چیز پر فوکس کرنا چاھیے

پرفیکٹ جملہ بنانے کے لئے الفاظ کا ذخیرہ ہونا چاہئے اگر آپ کے مناسب الفاظ موجود ہیں تو پھر آپ جملہ بنا سکتے ہیں اور جملہ بنانے کے بعد صرف و نحو کے اعتبار سے درست کر لیں جیسے : زید کھڑا تھا اب یہ جملہ بنانے کے لئے پہلے فاعل زید اور اس کا فعل قیام ملائیں اب دیکھیں کہ یہ فعل زید سے زمانہ ماضی میں واقع ہوا تھا تو قیام سے مناسب فعل بنا لیں قام زید ، زید کھڑا تھا

نحو1 جواب
27 جولائی، 2025

واذا اصاب الخف نجاسة لها جرم كالروث والعذرة والدم المني فجفت فدلکہ بالأرض جاز اسکی ترکیب کر دیں

اذا اسم ظرف برائے شرط مفعول فیہ مقدم اصاب فعل الخف مفعول بہ نجاسۃ موصوف ل جار ھا ضمیر مجرور جار مجرور ملکر ظرف مستقر ثابت کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر مقدم جرم موصوف ک جار الروث معطوف علیہ العذرہ معطوف اول الدم معطوف ثانی المنی معطوف ثالث معطوف علیہ اپنے معطوفات سے ملکر مجرور جار مجرور ملکر ظرف مستقر ثابت کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر صفت جرم موصوف اپنی صفت سے ملکر مبتدا مؤخر مبتدا خبر ملکر جملہ اسمیہ خبریہ ہو کر نجاسۃ کی صفت نجاسۃ موصوف اپنی صفت سے ملکر اصاب فعل کا فاعل فعل فاعل مفعول بہ ملکر جملہ فعلیہ خبریہ ہو کر معطوف علیہ ف عاطفہ جفت فعل اس میں ھو ضمیر فاعل فعل فاعل ملکر جملہ فعلیہ خبریہ ہو کر معطوف ف عاطفہ دلک فعل ھو ضمیر فاعل ھاء ضمیر مفعول بہ فعل فاعل مفعول بہ ملکر جملہ فعلیہ خبریہ ہو کر معطوف معطوف علیہ معطوف سے ملکر شرط جاز فعل ھو ضمیر فاعل فعل فاعل ملکر جملہ فعلیہ خبریہ ہو کر جزاء

صرف1 جواب
26 جولائی، 2025

وقت الصبح من طلوع الفجر الصادق الی قبیل طلوع الشمس میں وقت الصبح مصدر مضاف اور فاعل مضاف الیہ سے مل کر مبتدا پھر طلوع مصدر مضاف الفجر الصادق موصوف صفت سے مل کر فاعل مضاف الیہ الی جار قبیل مضاف طلوع مصدر مضاف الشمس فاعل مضاف الیہ سے مل کر شبہ جملہ اسمیہ ہو کر قبیل کا مضاف الیہ مضاف اپنے مضاف الیہ سے مل کر الی کا مجرور جار مجرور متعلق مصدر طلوع اپنے فاعل الفجر الصادق اور الی قبیل طلوع الشمس ظرف لغو سے مل کر شبہ جملہ ہو کر من کا مجرور جار مجرور مل کر ظرف مستقر متعلق کائن اسم فاعل کے ہو ضمیر فاعل شبہ جملہ ہو کر وقت الظاہر کی خبر بن سکتا ہے کیا

الی قبیل طلوع الشمس یہ طلوع کا ظرف لغو نہیں بنے گا بلکہ من طلوع الصبح الصادق کو جس کے متعلق کریں گے اسی کے متعلق اس کو بھی کریں گے

نحو1 جواب
27 جولائی، 2025

نحوہ اجرا کا طریقہ

سوال : لفظ ہے یا غیر لفظ سوال: موضوع یا مہمل سوال: مفرد ہے یا مرکب سوال: اسم، فعل، حرف میں سے کیا ہے سوال: مذکر و مؤنث میں سے کیا ہے سوال: معرفہ ہے یا نکرہ سوال: واحد تثنیہ جمع میں سے کیا ہے ؟ نیز جمع ہے تو کونسی جمع سالم یا مکسر ؟ جمع مذکر سالم ہے یا مؤنث سالم ؟ جمع مکسر ہے تو کونسی قلت یا کثرت اور وزن کیا ہے اس کا؟ سوال: معرب ہے یا مبنی سوال: حالت اعرابی کیا ہے ؟ سوال: معرب کی کونسی قسم ہے ؟ سوال: وجہِ اعراب کیا ہے؟ مثال جاء زید سوال : لفظ ہے یا غیر لفظ لفظ سوال: موضوع یا مہمل موضوع سوال: مفرد ہے یا مرکب مفرد سوال: اسم، فعل، حرف میں سے کیا ہے؟ اسم کی علامت کیا ہے؟ اسم علامت تنوین سوال: مذکر و مؤنث میں سے کیا ہے؟ مؤنث کی علامت کیا ہے ؟؟ مذکر سوال: معرفہ ہے یا نکرہ؟ معرفہ کی کونسی قسم ہے؟ معرفہ علم سوال: واحد تثنیہ جمع میں سے کیا ہے ؟ نیز جمع ہے تو کونسی جمع سالم یا مکسر ؟ جمع مذکر سالم ہے یا مؤنث سالم ؟ جمع مکسر ہے تو کونسی قلت یا کثرت اور وزن کیا ہے اس کا؟ واحد سوال: معرب ہے یا مبنی معرب سوال اعراب لفظی یا تقدیر؟ لفظی سوال:اعراب بالحرکت یا حرف؟ اعراب بالحرکت سوال: حالت اعرابی کیا ہے ؟ مرفوع / حالت رفعی سوال: معرب کی کونسی قسم ہے ؟ اس کا اعراب کی صورتیں بھی بیان کریں مفرد منصرف صحیح حالت رفعی ضمہ سے حالت نصبی فتحہ سے حالت جری کسرہ تینوں صورتوں میں لفظ ہوگا سوال: وجہِ اعراب کیا ہے؟ مرفوع بالضم بوجہ فاعلیت/ مرفوع بالضم فاعل ہونے کی وجہ سے "مثال ثانی" جاء رجال رجال سوال : لفظ ہے یا غیر لفظ سوال: موضوع یا مہمل سوال: مفرد ہے یا مرکب سوال: اسم، فعل، حرف میں سے کیا ہے سوال: مذکر و مؤنث میں سے کیا ہے سوال: معرفہ ہے یا نکرہ سوال: واحد تثنیہ جمع میں سے کیا ہے ؟ نیز جمع ہے تو کونسی جمع سالم یا مکسر ؟ جمع مذکر سالم ہے یا مؤنث سالم ؟ جمع مکسر ہے تو کونسی قلت یا کثرت اور وزن کیا ہے اس کا؟ سوال: معرب ہے یا مبنی سوال: حالت اعرابی کیا ہے ؟ سوال: معرب کی کونسی قسم ہے ؟ سوال: وجہِ اعراب کیا ہے؟ مثال جاء زید سوال : لفظ ہے یا غیر لفظ لفظ سوال: موضوع یا مہمل موضوع سوال: مفرد ہے یا مرکب مفرد سوال: اسم، فعل، حرف میں سے کیا ہے؟ اسم کی علامت کیا ہے؟ اسم علامت تنوین سوال: مذکر و مؤنث میں سے کیا ہے؟ مؤنث کی علامت کیا ہے ؟؟ مذکر سوال: معرفہ ہے یا نکرہ؟ معرفہ کی کونسی قسم ہے؟ معرفہ علم سوال: واحد تثنیہ جمع میں سے کیا ہے ؟ نیز جمع ہے تو کونسی جمع سالم یا مکسر ؟ جمع مذکر سالم ہے یا مؤنث سالم ؟ جمع مکسر ہے تو کونسی قلت یا کثرت اور وزن کیا ہے اس کا؟ جمع مکسر جمع قلت بروزن فعال سوال: معرب ہے یا مبنی معرب سوال اعراب لفظی یا تقدیر؟ لفظی سوال:اعراب بالحرکت یا حرف؟ اعراب بالحرکت سوال: حالت اعرابی کیا ہے ؟ مرفوع / حالت رفعی سوال: معرب کی کونسی قسم ہے ؟ اس کا اعراب کی صورتیں بھی بیان کریں جمع مکسر منصر حالت رفعی ضمہ سے حالت نصبی فتحہ سے حالت جری کسرہ تینوں صورتوں میں لفظ ہوگا سوال: وجہِ اعراب کیا ہے؟ مرفوع بالضم بوجہ فاعلیت/ مرفوع بالضم فاعل ہونے کی وجہ سے "مثال ثالث" جاء المسلمون المسلمون سوال : لفظ ہے یا غیر لفظ سوال: موضوع یا مہمل سوال: مفرد ہے یا مرکب سوال: اسم، فعل، حرف میں سے کیا ہے سوال: مذکر و مؤنث میں سے کیا ہے سوال: معرفہ ہے یا نکرہ سوال: واحد تثنیہ جمع میں سے کیا ہے ؟ نیز جمع ہے تو کونسی جمع سالم یا مکسر ؟ جمع مذکر سالم ہے یا مؤنث سالم ؟ جمع مکسر ہے تو کونسی قلت یا کثرت اور وزن کیا ہے اس کا؟ سوال: معرب ہے یا مبنی سوال: حالت اعرابی کیا ہے ؟ سوال: معرب کی کونسی قسم ہے ؟ سوال: وجہِ اعراب کیا ہے؟ مثال جاء زید سوال : لفظ ہے یا غیر لفظ لفظ سوال: موضوع یا مہمل موضوع سوال: مفرد ہے یا مرکب مفرد سوال: اسم، فعل، حرف میں سے کیا ہے؟ اسم کی علامت کیا ہے؟ اسم علامت جمع ہونا سوال: مذکر و مؤنث میں سے کیا ہے؟ مؤنث کی علامت کیا ہے ؟؟ مذکر سوال: معرفہ ہے یا نکرہ؟ معرفہ کی کونسی قسم ہے؟ معرفہ معرف باللام سوال: واحد تثنیہ جمع میں سے کیا ہے ؟ نیز جمع ہے تو کونسی جمع سالم یا مکسر ؟ جمع مذکر سالم ہے یا مؤنث سالم ؟ جمع مکسر ہے تو کونسی قلت یا کثرت اور وزن کیا ہے اس کا؟ جمع مذکر سالم سوال: معرب ہے یا مبنی معرب سوال اعراب لفظی یا تقدیر؟ لفظی سوال:اعراب بالحرکت یا حرف؟ اعراب بالحرف سوال: حالت اعرابی کیا ہے ؟ مرفوع / حالت رفعی سوال: معرب کی کونسی قسم ہے ؟ اس کا اعراب کی صورتیں بھی بیان کریں جمع مذکر سالم حالت رفعی واو سے حالت نصبی و جری یاء ساکن ما قبل مکسور سے سوال: وجہِ اعراب کیا ہے؟ مرفوع بالواو بوجہ فاعلیت/ مرفوع باالواو فاعل ہونے کی وجہ سے

نحو1 جواب
24 جولائی، 2025