عربی گرامر سوال و جواب

صرف و نحو: سوالات و جوابات

عربی گرامر (صرف و نحو) کے سوالات کے جائزہ شدہ جوابات: صیغے، ابواب، تعلیلات، اعراب اور ترکیب۔

کل 4,736 جوابات شدہ سوالات

اعراب لفظی تقدیری کی مکمل وضاحت کیا ہے لفظی وہ جو لفظوں میں آئے تقدیری وہ جو لفظوں میں نہ آئے مزید اس کی وضاحت کیا ہے

اعراب لفظی وہ اعراب ہوتا ہے جو پڑھنے میں آ جائے چاہے وہ اعراب بالحرف ہو یا بالحرکت اور تقدیری وہ اعراب ہوتا ہے جو پڑھنے میں نا آئے بلکہ کسی وجہ سے وہ اعراب پوشیدہ ہو جائے تقدیری اعراب دو طرح کے اسماء میں ہوتا ہے اسم مقصور اور اسم منقوص

نحو1 جواب
7 نومبر، 2024

ترکیب کس طرح سے کی جائے ؟

ترکیب کرنا نحو کا ایک جزء ہے جسے عربی میں تحلیل کہتے ہیں در اصل اس کا مقصد یہ ہوتا ہے کہ طلباء میں عامل و معمول وغیرہ کی پہچان پختہ کی جائے اس کو سیکھنے کے لئے بنیادی طور پر نحو کے عام استعمال ہونے والے قوانین ازبر ہوں اس کے بعد عبارت میں موجود الفاظ کی پہچان ہونی چاہئے کہ معرب ہیں یا مبنی معرب میں یہ دیکھنا چاہئے کہ اس پر اعراب کیا ہوگا اور کیوں ہوگا یہی دو سوال ترکیب کا بنیادی جزء ہیں اور یہ آپ کو نحو یاد کرنے سے آئیں گے اس کے بعد ایک جملے کے اجزاء کو آپس میں جوڑنا ہوتا ہے اس کا طریقہ سیکھنے کے لئے آپ کوئی شرح مئۃ عامل کی کوئی بھی شرح پڑھ لیں جس میں تراکیب لکھی کوئی وہ پڑھیں تو آپ کو تراکیب کرنے کا طریقہ اور جوڑنے کا طریقہ بھی مل جائے گا یا مفتی اکمل صاحب کی الترکیب کتاب پڑھ لیں تو ان شاء اللہ آپ کو تراکیب کرنا آ جائیں گی

نحو1 جواب
7 نومبر، 2024

اِما اور أَما کے مقامات کیا ہیں

اَما تو حرف شرط ہوتا ہے اس کے بعد فاء لازمی طور پر آتی ہے اما کے ساتھ ایک اسم ہوگا جو فاء کے بعد آنے والے کلمے سے ملکر کچھ بنے گا یعنی اس کا مفعول بہ یا اس کے لئے مبتد بن سکتا وغیرہ جب کہ اِما حرف عطف ہے اس کے بعد او یا واو اما۔کے ساتھ آئے گا اگر واؤ یا او اما کے ساتھ نا ہوں تو وہاں اما بفتح الھمزہ ہوگا

نحو1 جواب
6 نومبر، 2024

مسند اور مسند الیہ کی پہچان کا طریقہ کیا ہے ؟

آسان سی پہچان عرض کر دیتا ہوں لاء نفی جنس ،ما و الا مشابہ بلیس ، افعال ناقصہ ، حروف مشبہ بالفعل ان سب کی خبر مسند ہوتی ہے اور اسم مسند الیہ ہوتا ہے مبتدا مسند الیہ اور خبر مسند ہوتی ہے فعل مسند نائب الفاعل و فاعل مسند الیہ ہوتے ہیں بس یہ چیزیں یاد رکھیں اس کے علاوہ کوئی اور چیز مسند الیہ مسند نہیں ہوتی

نحو1 جواب
6 نومبر، 2024

ضمیر مجرور منفصل کیوں نہیں ہوتی ارشاد فرمائیے گا

در اصل ضمیر متصل کی حیثیت اپنے عامل کی جزء کی طرح ہوتی یعنی وہ عامل کا جزء اخیر ہوتا ہے عامل جار کا معمول اپنے عامل پر مقدم نہیں ہو سکتا اگر ضمیر مجرور منفصل ہوتی تو وہ مقدم بھی ہو سکتی تھی اور جار کے بغیر بھی استعمال ہو سکتی تھی اسی وجہ سے ضمیر مجرور متصل نہیں ہوتی بقیہ حوالہ شرح الرضی علی الکافیہ کا بھی ملاحظہ کریں

نحو1 جواب
6 نومبر، 2024

وبلجملتہ الاحادیث فی ھذا المعنی وفی کثیر من احوال الاخرۃمتواترۃالمعنی وان لم یبلغ احادھا حدالتواتر ۔ کی معنی اور تشریع بتا ؤ

اس عبارت کا مطلب یہ ہے کہ اس معنی میں احادیث بہت ساری ہیں اور اخرت کے احوال میں بھی کثیر ہیں تو معنی کے اعتبار سے متواتر ہے اگرچہ الفاظ کے کے اعتبار سے حد تواتر کو نا پہنچی اس کا مطلب یہ ہے کہ حدیث متواتر وہ حدیث ہوتی ہے جس کو روایت کرنے والوں کی تعداد اتنی زیادہ ہو کہ ان سب کو جھوٹا کہنا بھی نا ممکن ہو اب اس کی دو صورتیں ہیں کہ ایک تو وہ حدیث متواتر ہوتی ہے جس کے الفاظ ہی اتنے بندوں نے بیان کیئے ہوں اور دوسری حدیث ہوتی ہے متواتر المعنی یعنی جس کے الفاظ تو اتنے لوگوں نے نا بیان کیئے ہوں البتہ اس معنی کی احادیث بہت ہوں جیسے احادیث آخرت کہ مختلف الفاظ ہیں لیکن سب کو یکجا کریں تو ایک بات واضح ہوتی ہے کہ آخرت کے وقوع کی خبر ہر حدیث میں ہے تو یہ متواتر المعنی ہوئی

نحو1 جواب
6 نومبر، 2024

دَعْنِي أَنْ أَذهَبَ اس جملے کی ترکیب فرما دیں

دع فعل اس میں انت ضمیر فاعل نون وقایہ یاء ضمیر متکلم مفعول بہ ان مصدریہ ناصبہ اذھب فعل انا ضمیر فاعل فعل فاعل ملکر جملہ فعلیہ خبریہ ہو کر ان مصدریہ کے ساتھ مل کر مصدر مؤول ہو کر منصوب بنزع الخافض یا مجرور حرف جر محذوف باء کا جار مجرور ملکر ظرف لغو فعل فاعل مفعول بہ اور ظرف لغو ملکر جملہ فعلیہ انشائیہ

نحو1 جواب
5 نومبر، 2024

ھٰذَا طبَقُ الْبَیْضِ وَ ھٰذِہٖ عُلْبَۃُ الْمِلْحِ۔۔۔۔؟اس کی نحوی ترکیب؟؟؟؟

ھذا مبتدا طبق مضاف البیض مضاف الیہ مضاف مضاف الیہ ملکر مرکب اضافی ہو کر خبر مبتدا خبر ملکر جملہ اسمیہ خبریہ ھذہ مبتدا علبۃ مضاف الملح مضاف الیہ مضاف مضاف الیہ ملکر مرکب اضافی ہو کر خبر مبتدا خبر ملکر جملہ اسمیہ خبریہ

نحو1 جواب
25 اکتوبر، 2024

خيركم من تعلم القران وعلمه اسكى صحيح تركيب

خیر مضاف کم ضمیر مضاف الیہ مضاف مضاف الیہ ملکر مرکب اضافی ہو کر مبتدا من موصولہ تعلم فعل ھو ضمیر فاعل القرآن مفعول بہ فعل فاعل مفعول بہ ملکر جملہ فعلیہ خبریہ ہو کر معطوف علیہ و حرف عطف علم فعل ھو ضمیر فاعل ھاء ضمیر مفعول بہ فعل فاعل مفعول بہ ملکر جملہ فعلیہ خبریہ ہو کر معطوف معطوف علیہ معطوف ملکر صلہ موصول صلہ ملکر خبر مبتدا خبر ملکر جملہ اسمیہ خبریہ

نحو1 جواب
25 اکتوبر، 2024

تعلمی واللہ یا حلیمہ کی ترکیب کریں

تعلمی فعل یاء ضمیر فاعل جملہ فعلیہ انشائیہ و جار اللہ مجرور جار مجرور ملکر ظرف مستقر اقسم فعل کے متعلق اس میں انا ضمیر فاعل فعل فاعل ظرف مستقر ملکر جملہ فعلیہ انشائیہ یا حرف نداء قائم مقام ادعو اس میں انا ضمیر فاعل حلیمۃ مفعول بہ فعل فاعل مفعول بہ ملکر جملہ فعلیہ انشائیہ

نحو1 جواب
5 نومبر، 2024

لیس علی اللہ بمستنکر ان یجمع العالم فی واحد اس جملہ کی ترکیب کر دیجئے مہربانی ہوگی

لیس فعل ناقص علی جار اللہ مجرور جار مجرور ملکر ظرف مستقر ثابتا کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر مقدم ب حرف جر زائدہ مستنکر اسم فاعل ان مصدریہ یجمع فعل ھو ضمیر فاعل العالم مفعول بہ فی جار واحد مجرور جار مجرور ملکر ظرف لغو فعل فاعل ظرف لغو ملکر جملہ فعلیہ خبریہ ہو کر مستنکر کا فاعل اسم فاعل اپنے فاعل سے ملکر لیس کی خبر لیس اپنے اسم و خبر سے ملکر جملہ فعلیہ خبریہ

نحو1 جواب
2 نومبر، 2024

مصدر اسم مصدر اورحاصل بالمصدرمیں فرق کیاہے؟

مصدر در اصل اس چیز کو کہتے ہیں جو مصدری معنی پر دلالت بھی کرے اور صیغھائے مختلفہ کا اشتقاق بھی اس سے ہو اسم مصدر یہ بھی مصدر ہی کی قسم لیکن اس سے اشتقاق نہیں ہوتا ان میں لفظی فرق یہ ہوتا ہے کہ اسم مصدر اپنے مصدر کے حروف سے کم حروف رکھتا ہے جب کہ حاصل بالمصدر وہ کلمہ جو مصدر کے حاصل معنی پر دلالت کرے جیسے حمد بمعنی مصدر ہو تو معنی ہوتا ہے حمد کرنا اور اس کا حاصل معنی ہوگا بس حمد یا تعریف و توصیف یعنی فعل کے کرنے کے بعد جو چیز حاصل ہو اسے حاصل بالمصدر کہتے ہیں

نحو1 جواب
3 نومبر، 2024

اسم استفہام کے اعراب کیسے پتا چلتے ہیں کیسے پتا چلے گا کہ فعل اس میں عمل کررہا ہے یا نہیں کررہا؟؟

اسم استفہام کے بعد دو صورتیں ہیں فعل ہوگا یا اسم فعل ہو تو دو صورتیں ہوں گی متعدی ہوگا یا لازم متعدی ہو تو دو صورتیں ہیں متعدی کا اگر مفعول بہ نا ہو تو اسم استفہام منصوب ہوگا مفعول بہ ہونے کی وجہ سے اور اگر لازم یا متعدی جس کا مفعول بہ آ رہا ہو تو اس صورت میں مرفوع ہوگا مبتدا ہونے کی وجہ سے اگر اسم استفہام کے بعد اسم آ رہا ہو تو اس کی پہچان کا طریقہ یہ ہے کہ اس کا جواب دیکھیں اسم استفہام کی جگہ جو اسم آ رہا ہوگا اس کا جو اعراب ہوگا وہی اعراب اسم استفہام کا ہوگا جیسے من انت ؟ کا جواب آئے گا أنا زید تو اس صورت میں انت کی جگہ جواب میں انا ضمیر آ گئی اور من کی جگہ زید نے لے لی تو زید جواب والے جملے میں خبر بن رہا ہے تو سمجھیں کہ سوال والے والے جملے میں من بھی خبر مقدم بنے گا ایک طریقہ یہ تھا ورنہ آپ مبتدا اسم استفہام کو بنا سکتے ہیں یہ قواعد ان اسماء استفہام کے ہوں گے جو ظروف نا ہوں جو ظروف ہوں گے وہ مفعول فیہ بنتے ہیں اگر فعل ہو تو فعل کا ورنہ محذوف نکالیں گے

نحو1 جواب
9 اگست، 2024

شتان بين زيدوعمرو اسکی ترکیب کرو اورشتان میں ضمیر کس کوراجع ہے

شتان اسم فعل بمعنی بعد اس میں ھو ضمیر فاعل بین مضاف زید و عمرو معطوف علیہ معطوف ملکر مضاف الیہ مضاف مضاف الیہ ملکر مرکب اضافی ہو کر مفعول فیہ اسم فعل اپنے فاعل اور مفعول فیہ سے ملکر جملہ اسمیہ خبریہ ضمیر کا مرجع نہیں بتایا جا سکتا یہاں پیچھے کوئی عبارت نہیں ہے

نحو1 جواب
3 نومبر، 2024

اسم بلدتی لاھور ۔اسم بلدی باکستان۔بلدتی بلدی کی وضاحت کریں مذکر مؤنث کیوں ھے؟

ان میں مذکر مؤنث کا کوئی فرق نہیں ہوتا معنی دونوں کا ایک جیسا ہی ہے لیکن لسان العرب میں تھوڑا سا فرق لکھا ہے کہ زمین کا ایک مخصوص ٹکڑا بلد کہلاتا ہے اور اسی مخصوص ٹکڑے میں سے کسی ٹکڑے کو بلدۃ کہتے ہیں الأَزهري: البلد كل موضع مستحيز من الأَرض، عامر أَو غير عامر،خال أَو مسكون، فهو بلد والطائفة منها بَلْدَةٌ.

نحو1 جواب
2 نومبر، 2024

فقيه واحد اشد على الشيطان من الف عابد اس کی ترکیب فرما دیں

فقیہ موصوف واحد صفت موصوف صفت ملکر مرکب توصیفی ہو کر مبتدا اشد اسم تفضل اس میں ھو ضمیر فاعل علی جار الشیطان مجرور جار مجرور ملکر ظرف لغو من جار الف مضاف عابد مضاف الیہ مضاف مضاف الیہ ملکر مرکب اضافی ہو کر مجرور جار مجرور ملکر ظرف لغو ثانی اسم تفضیل اپنے فاعل اور ظرف لغو سے ملکر شبہ جملہ ہو کر خبر مبتدا خبر ملکر جملہ اسمیہ خبریہ

نحو1 جواب
25 اکتوبر، 2024

طوبى لمن وجد في صحيفته استغفارا كثير اسكا صحيح تركيب

طوبی مبتدا ل جار من موصولہ وجد فعل ھو ضمیر فاعل گی جار صحیفته مرکب اضافی ہو کر مجرور جار مجرور ملکر ظرف لغو استغفارا موصوف کثیرا صفت موصوف صفت ملکر مرکب توصیفی ہو کر مفعول بہ فعل فاعل مفعول بہ ملکر جملہ فعلیہ خبریہ ہو کر صلہ موصول صلہ ملکر مجرور جار مجرور ملکر ظرف مستقر ثابت کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر مبتدا خبر ملکر جملہ اسمیہ خبریہ

نحو1 جواب
25 اکتوبر، 2024

لغدوة في سبيل الله او روحه خير من الدنيا وما فيها اس کی ترکیب فرما دیں

ل برائے تاکید غدوۃ موصوف فی جار سبیل مضاف اللہ اسم جلالت مضاف الیہ مضاف مضاف الیہ ملکر مرکب اضافی ہو کر مجرور جار مجرور ملکر ظرف مستقر ثابتۃ کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر صفت موصوف صفت ملکر مبتدا خیر اسم تفضیل من جار الدنیا معطوف علیہ و حرف عطف ما موصولہ فی جار ھاء ضمیر مجرور جار مجرور ملکر ظرف مستقر ثبت کے متعلق اس میں ھو ضمیر فاعل فعل فاعل ظرف مستقر ملکر جملہ فعلیہ خبریہ ہو کر صلہ موصول صلہ ملکر معطوف معطوف علیہ معطوف ملکر مجرور جار مجرور ملکر ظرف لغو اسم تفضیل اپنے فاعل ھو ضمیر اور ظرف لغو سے ملکر شبہ جملہ اسمیہ ہو کر خبر مبتدا خبر ملکر جملہ اسمیہ خبریہ

نحو1 جواب
25 اکتوبر، 2024

لا ايمان لمن لا امانة له ا س کی ترکیب کر دیں

لا نفی جنس ایمان اس کا اسم ل جار من موصولہ لا نفی جنس امانۃ اس کا اسم ل جار ھاء ضمیر مجرور جار مجرور ملکر ظرف مستقر ثابت کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ ہو کر خبر لاء نفی جنس اپنے اسم و خبر سے ملکر جملہ اسمیہ خبریہ ہو کر صلہ موصول صلہ ملکر مجرور جار مجرور ملکر ظرف مستقر ثابت کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر لاء نفی جنس اپنے اسم و خبر سے ملکر جملہ اسمیہ خبریہ

نحو1 جواب
25 اکتوبر، 2024

لا عقل كا لتدبير ولا ورع كالكف ولا حسب كحسن الخلق کی ترکیب کریں

لا نفی جنس عقل اس کا اسم کا جار التدبیر مجرور جار مجرور ملکر ظرف مستقر ثابت کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ ہو کر خبر لاء نفی جنس اپنے اسم و خبر سے ملکر جملہ اسمیہ خبریہ بقیہ دونوں لفظوں کی ترکیب بھی بلکل ایسے ہوگی

نحو1 جواب
25 اکتوبر، 2024

ان دونوں اسباق استفہام اور شرط کا اعراب کتاب میں اس طرح لکھ ہے کہ (اگر اسم استفہام یا اسم شرط کے بعد ایسا فعل ہو جو آن پر عمل کر رہا ہو تو یہ دونوں محلا منصوبے ہوں گے اور اگر ان سے پہلے حرف جر یا مضاف ہو تو یہ محلا مجرور ہو گے اگر یہ دونوں صورتیں نی پائی جائے تو یہ محلا مرفوع ہو گئے) اب اس میں بات یہ سمجھ نہیں آئی کہ کون سا فعل عمل کرتا ہے اور ہمیں کیسے پتا چلاے گا کہ یہاں فعل عمل کر رہا ہے یہ مکمل تفصیل سمجھا دے بڑی مہربانی ہوگی

اسم استفہام کے بعد دو صورتیں ہیں فعل ہوگا یا اسم فعل ہو تو دو صورتیں ہوں گی متعدی ہوگا یا لازم متعدی ہو تو دو صورتیں ہیں متعدی کا اگر مفعول بہ نا ہو تو اسم استفہام منصوب ہوگا مفعول بہ ہونے کی وجہ سے اور اگر لازم یا متعدی جس کا مفعول بہ آ رہا ہو تو اس صورت میں مرفوع ہوگا مبتدا ہونے کی وجہ سے اگر اسم استفہام کے بعد اسم آ رہا ہو تو اس کی پہچان کا طریقہ یہ ہے کہ اس کا جواب دیکھیں اسم استفہام کی جگہ جو اسم آ رہا ہوگا اس کا جو اعراب ہوگا وہی اعراب اسم استفہام کا ہوگا جیسے من انت ؟ کا جواب آئے گا أنا زید تو اس صورت میں انت کی جگہ جواب میں انا ضمیر آ گئی اور من کی جگہ زید نے لے لی تو زید جواب والے جملے میں خبر بن رہا ہے تو سمجھیں کہ سوال والے والے جملے میں من بھی خبر مقدم بنے گا ایک طریقہ یہ تھا ورنہ آپ مبتدا اسم استفہام کو بنا سکتے ہیں یہ قواعد ان اسماء استفہام کے ہوں گے جو ظروف نا ہوں جو ظروف ہوں گے وہ مفعول فیہ بنتے ہیں اگر فعل ہو تو فعل کا ورنہ محذوف نکالیں گے بلکل یہی قواعد اسماء شرط کے بھی ہوں گے

نحو1 جواب
2 نومبر، 2024

وماجاز فی الضحایا جاز فی الھدایا کی ترکیب نحوی کیجیے گا اور الھدایا کا اعراب بتائیے گا اسکے یاء پر ضمہ دے سکتےہیں؟؟

ما شرطیہ مبتدا جاز فعل ھو ضمیر فاعل فی جار الضحایا مجرور جار مجرور ملکر ظرف لغو فعل فاعل ملکر جملہ فعلیہ خبریہ ہو کر شرط جاز فعل ھو ضمیر فاعل فی جار الہدی مجرور جار مجرور مل کر ظرف لغو فعل فاعل ظرف لغو مل کر جملہ فعلیہ خبریہ ہو کر جزا شرط و جزا مل کر خبر مبتدا خبر مل کر جملہ اسمیہ خبریہ

نحو1 جواب
31 اکتوبر، 2024

السواك مطهره للفم ومرضاةللرب اسكى صحيح تركيب فرما دیں

السواک مبتدا مطھرۃ مصدر ل جار الفم مجرور جار مجرور ملکر ظرف لغو مصدر ظرف لغو ملکر معطوف علیہ و حرف عطف مرضاۃ مصدر ل جار الرب مجرور جار مجرور ملکر ظرف مصدر ظرف لغو ملکر معطوف معطوف علیہ معطوف ملکر خبر مبتدا خبر ملکر جملہ اسمیہ خبریہ

نحو1 جواب
25 اکتوبر، 2024

افضل الصدقة أن تشبع كبدا جائعا اس کی صحیح ترکیب فرما دیں

افضل مضاف الصدقۃ مضاف الیہ مرکب اضافی ہو کر مبتدا ان مصدریہ ناصبہ تشبع فعل اس میں انت ضمیر فاعل کبدا موصوف جائعا صفت موصوف صفت ملکر مفعول بہ فعل فاعل مفعول بہ ملکر جملہ فعلیہ خبریہ ہو کر ان مصدریہ کے ساتھ ملکر مصدر مؤول ہو کر خبر مبتدا خبر ملکر جملہ اسمیہ خبریہ

نحو1 جواب
25 اکتوبر، 2024

لا حليم الا ذعثرة ولا حكيم الا ذو تجربه کی ترکیب کر دیں

لا نفی جنس حلیم اس کا اسم الا حرف استثناء ذو مضاف عثرۃ مضاف الیہ مضاف مضاف الیہ ملکر مرکب اضافی ہو کر مستثنی مفرغ ہو کر خبر لاء نفی جنس اپنے اسم و خبر سے ملکر جملہ اسمیہ خبریہ آگے والے جملے ترکیب بلکل ایسے ہوگی

نحو1 جواب
25 اکتوبر، 2024

"أ قائم زید" کی نحوی تحقیق

أ لفظ موضوع مفرد حرف غیر عامل مبنی مبنی علی الفتح قائم لفظ موضوع مفرد اسم نکرہ مذکر واحد معرب مفرد منصرف صحیح اعراب لفظی اعراب بالحرکت مرفوع بوجہ مبتدا ہونے کے زید لفظ موضوع مفرد اسم معرفہ مذکر واحد معرب مفرد منصرف صحیح اعراب لفظی اعراب بالحرکت مرفوع بوجہ فاعل ہونے کے

نحو1 جواب
1 نومبر، 2024

واذکر عبدنا داؤد ذا الأئد ۔کی نحوی ترکیب کیاہے؟

اذکر فعل انت ضمیر فاعل عبد مضاف نا ضمیر مضاف الیہ مضاف مضاف الیہ مرکب اضافی ہو کر مبدل منہ داؤد موصوف ذا مضاف الأید مضاف الیہ مضاف مضاف الیہ ملکر مرکب اضافی ہو کر صفت موصوف صفت ملکر بدل مبدل منہ بدل ملکر مفعول فعل فاعل مفعول بہ ملکر جملہ فعلیہ انشائیہ

نحو1 جواب
30 اکتوبر، 2024

ترکیب لا هجرة بعد الفتح

لا نفی جنس ھجرۃ اسم بعد مضاف الفتح مضاف الیہ مضاف مضاف الیہ ملکر مرکب اضافی ہو کر مفعول فیہ ثابت اسم فاعل محذوف کا اس میں ھو ضمیر فاعل اسم فاعل اپنے فاعل اور مفعول فیہ سے ملکر شبہ جملہ اسمیہ ہو کر خبر لاء نفی جنس اپنے اسم و خبر سے ملکر جملہ اسمیہ خبریہ

نحو1 جواب
31 اکتوبر، 2024

الھدی اسم مقصور کیسے ہے پلیززز وضاحت فرما ئیے گا کتابوں میں اس پر ضمہ اور کسرہ بھی لگا ہوا دیکھا ہے

اسم مقصور وہ اسم ہوتا ہے جس کے آخر میں الف ہو الھدی کے آخر میں بھی الف ہے الف کو کبھی کھڑی زبر -ٰ کی صورت میں بھی لکھتے ہیں اس پر کسرہ و ضمہ نہیں آ سکتا اگر کہیں پڑھا ہے تو بتائیں

نحو1 جواب
31 اکتوبر، 2024

اسم فاعل ،اسم. مفعول ،اسم تفضیل ،مصدر ،صفت مشبہ میں مسن مسندالیہ بنا ے گے؟؟اگر بتائیے گے کیا ان میں مسند مسندالیہ کیا ہونگے

اسناد دو طرح کی ہوتی ہے تام و ناقص اسناد تام فعل فاعل مبتدا خبر وغیرہ میں ہوتی ہے بقیہ اسم فاعل و مفعول تفصیل وغیرہ میں اسناد ناقص ہوتی ہے وہ نہیں بتاتے اگر بتانا ہو تو یہ سب اسماء جو آپ نے لکھے ہیں مسند بنیں گے اور آگے ان کا۔فاعل یا نائب الفاعل مسند الیہ بنے گا

نحو1 جواب
31 اکتوبر، 2024

مبتدا کی خبر کے احکامات مذکر مؤنث کے اعتبار سے

مبتدا کی خبر اگر اسم مشتق ہو یا ایسا اسم ہو جس میں مبتدا طرف لوٹنے والی ضمیر نکلے جیسے اسم منسوب یا فعل وغیرہ تو ان کا مبتدا کے مطابق ہونا ضروری ہے یعنی مبتدا مذکر ہو تو یہ مذکر ہوں گے اگر مؤنث ہو تو یہ سب بھی مؤنث ہوں گے جیسے فعل کی مثال زید قام ،ھند قامت زید قائم ، ھند قائمۃ وغیرہ

نحو1 جواب
31 اکتوبر، 2024

مصدر کی نحوی تراکیب کیسے ہوگی جب اسکی اضافت فاعل کی طرف ہوتی ہو؟ اور جب مفعول کی طرف اضافت ہوتو مصدر کی تو ترکیب کیسے ہوگی؟

جب مصدر کی اضافت فاعل یا مفعول کی طرف ہو تو اس وقت فاعل یا مفعول ترکیب میں مضاف الیہ بنیں گے آپ یوں بھی کہہ سکتے ہیں مضاف الیہ فاعل یا مفعول لیکن ہوں گے وہ ترکیبی لحاظ سے مضاف الیہ ہی ہے

نحو1 جواب
31 اکتوبر، 2024

مِن کو جب کسی کلمہ سے ملاتے ہیں تو ن ساکن پر زبر لگاتے ہیں کسرہ کیوں نہیں لگاتے جبکہ قاعدہ یہ ہے کہ جب کسی کلمے کا آخر ساکن ہو تو اس کو دوسرے کلمے سے ملانے کیلئے کسرہ دی جاتی ہے پھر ادھر فتح کیوں

من کی نون ہرفتحہ آتی ہے اور یہ قاعدہ کہ ساکن کو جب بھی حرکت دیں گے تو اسے کسرہ دیں گے یہ قاعدہ اکثری ہے کلی نہیں بعض اوقات دوسری حرکات بھی لگائی جاتی ہیں جیسے ھم ضمیر کی میم پر ضمہ لگایا جاتا ہے

نحو1 جواب
31 اکتوبر، 2024

کیا جار مجرور ملکر فاعل یا مفعول بن سکتے ہیں؟

اس کی تین صورتیں ہو گئیں: فاعل، نائب الفاعل، مفعول جب عامل فعل مجہول ہو اور بظاہر کوئی اسم موجود نہ ہو جو نائب الفاعل بن سکے، بلکہ ان کی جگہ جار مجرور موجود ہوں تو انہیں کو نائب الفاعل بنایا جاتا ہے۔ فاعل کی صورت یہی ہے کہ اصل یہی کہ کہ جار و مجرور فاعل نہیں بن سکتے، البتہ بعض اوقات فاعل پر حرف جر زائد ہوتا ہے تب حرف جر زائد کہہ کر فاعل کا فاعل رکھا جاتا ہے۔ باقی رہی بات مفعول بہ کی ایک صورت مفعول بہ غیر صریح بھی ہوتی ہے وہ اسی قبیل سے ہے۔ یعنی وہ جار مجرور مفعول بن سکتے ہیں۔

نحو1 جواب
31 اکتوبر، 2024

صرف فعل کی گردان بنتی ہے ؟اسم کی گردان کیون نہیں بنتی ؟

گردان مطلب ہوتا ہے ایک لفظ کو مختلف صورتوں کی طرف پھیرنا اب اسم ہو یا فعل ہو اس کو دیکھا جائے گا اس کی کتنی صورتیں بن سکتی ہیں فعل کی چودہ صورتیں بن جاتی ہیں اور اسی طرح اسم کی مختلف صورتیں بن جاتی ہیں جیسے جمع تثنیہ وغیرہ

نحو1 جواب
28 اکتوبر، 2024

ربنا الصرف عنا عذاب جهنم کی ترکیب کردیں

رب مضاف نا ضمیر مضاف الیہ مرکب اضافی ہو کر مفعول بہ یا حرف ندا محذوف قائم مقام ادعو اس میں انا ضمیر فاعل فعل فاعل مفعول بہ ملکر جملہ فعلیہ انشائیہ اصرف فعل انت ضمیر فاعل عن جار نا ضمیر مجرور جار مجرور ملکر ظرف لغو عذاب مضاف جھنم مضاف الیہ مضاف مضاف الیہ ملکر مرکب اضافی ہو کر مفعول بہ فعل فاعل مفعول بہ ظرف لغو ملکر جملہ فعلیہ انشائیہ

نحو1 جواب
29 اکتوبر، 2024