عربی گرامر سوال و جواب

صرف و نحو: سوالات و جوابات

عربی گرامر (صرف و نحو) کے سوالات کے جائزہ شدہ جوابات: صیغے، ابواب، تعلیلات، اعراب اور ترکیب۔

کل 4,736 جوابات شدہ سوالات

و قنا کیا ہے

قِ صیغہ واحد مذکر حاضر فعل امر حاضر معروف ثلاثی مجرد لفیف مفروق از باب ضرب یضرب اصل میں یہ صیغہ تَقی فعل مضارع سے بنا ہوا ہے امر بناتے ہوئے علامت مضارع کو حذف کیا تو قِی ہو گیا علامت مضارع کےبعد والا حرف متحرک ہونے کی وجہ سے ہمزہ وصلیہ کی ضرورت نہیں ہے اب امر کے آخر میں حرف علت گرانا واجب ہوتا ہے آخر سے یاء گرایا تو قِ ہو گیا

نحو1 جواب
11 نومبر، 2025

اسم ضمیر جملے میں جہاں کہیں بھی آئے(ابتدا میں یا وسط میں ) تو کیا نحوی ترکیب میں اسے "مبتدا "ہی بنائے؟

ضروری نہیں مبتدا بنے جس طرح کی ضمیر آپ نے بتائی ہے وہ ضمیر مرفوع منفصل ہی ہو سکتی ہے کیوں کہ بقیہ ضمائر مخصوص طرز پر استعمال ہو سکتی ہیں تو آپ نے جو ضمیر بتائی ہے وہ ضمیر مبتدا،خبر ما و لا مشبہ بلیس کا اسم ضمیر مردوع متصل کی تاکید اور مستثنی مفرغ بن کر فاعل بھی بن سکتی ہے

نحو1 جواب
12 دسمبر، 2025

ای الصدقۃ اعظم اجرا کی ترکیب

ای مضاف الصدقۃ مضاف الیہ مرکب اضافی ہو کر مبتدا اعظم اسم تفضیل ھو ضمیر فاعل اجرا تمییز عن النسبت اسم تفضیل اپنے فاعل اور تمییز عن النسبت سے ملکر شبہ جملہ اسمیہ ہو کر خبر مبتدا خبر ملکر جملہ اسمیہ انشائیہ انشائیہ اس لیئے ہے کہ ای استفہامیہ ہے

نحو1 جواب
11 نومبر، 2025

استحقا کی صرفی تحقیق کسیے ہو گی

اِسْتَحَقَّا صیغہ تثنیہ مذکر غائب فعل ماضی مثبت معروف ثلاثی مزید مضاعف از باب استفعال اصل میں یہ صیغہ استَحْقَقَا تھا قاعدہ اگر دونوں ہم جنس حروف متحرک ہوں اور ان کا ماقبل حرف بھی متحرک یا مدہ ہو تو پہلے حرف کی حرکت کو حذف کر کے ادغام کرنا واجب ہے مذکورہ بالا صورت میں اگر ماقبل حرف ساکن غیر مدہ ہو تو پہلے حرف کی حرکت کو اس حرف کی طرف نقل کر کے ادغام کریں گے اس قاعدے کی دوسری شق کے تحت پہلے قاف کی حرکت حاء کو دیکر دونوں قاف کا ادغام کیا تو استحقا ہو گیا

نحو1 جواب
10 نومبر، 2025

ادعو کون سا صیغہ ہے اور اصل میں کیا تھا

اَدْعُوْ صیغہ واحد متکلم فعل مضارع مثبت معروف ثلاثی مجرد ناقص واوی از باب نصر ینصر اصل میں یہ صیغہ ادعُوُ تھا قاعدہ واؤ مضموم ما قبل مضموم یاء مضموم ما قبل مکسور کو ساکن کر دینا واجب ہے بشرطیکہ اس کے بعد واؤ مدہ نا ہو اس قاعدہ کے تحت واؤ کو ساکن کیا تو ادعُوْ

نحو1 جواب
10 نومبر، 2025

ادغام کی کتنی شرائط ہیں ؟

ادغام کی شرائط دو حروف میں ادغام کے لیے درج ذیل شرائط کا پایا جانا لازم ہے، اگر ان میں سے ایک بھی شرط مفقود ہو تو ادغام واجب نہ ہوگا۔ (بلکہ جائز یا ممنوع ہوگا) (۱) ان دونوں حروف میں سے پہلا حرف مدغم فیہ نہ ہو۔ جیسے: "حَبَّبَ" (۲) ان میں سے کوئی حرف الحاق کے لیے زائد نہ ہو۔ جیسے "جَلْبَبَ" (۳) ان میں سے کوئی حرف تقلیل کا تقاضا نہ کرتا ہو۔ جیسے: "قَوِوَ" (۴) دونوں حروف (یاء) نہ ہوں۔ جیسے: "حَیِیَ" (۵) دونوں متحرک حروف دوکلموں میں نہ ہوں ۔ جیسے: "مَکَّنَ نِیْ" (۶) دونوں میں سے اول حرف باب "اِفْتِعَالٌ" کی ( تاء ) نہ ہو۔ جیسے: "اِقْتَتَلَ" (۷) دونوں حروف باب افعلال کی ( واو ) نہ ہوں ۔ جیسے: "اِرْعَوَوَ" (۸) دونوں حروف میں سے دوسرے کی حرکت عارضی نہ ہو۔ جیسے: اُرْدُدِ "الْقَوْمَ" (۹) دونوں حروف اسم متحرک العین کے کسی وزن پر نہ ہوں۔ جیسے: "سَبَبٌ" (۱۰) ادغام کی وجہ سے کسی دوسرے قیاسی وزن سے التباس نہ ہو۔ جیسے "قُوْوِلَ"

نحو1 جواب
12 نومبر، 2025

ا رضي زيد بان يذهب الى الاجتماع تركيب

ا ہمزہ استفہامیہ رضی فعل زید فاعل ب جار ان مصدریہ یذھب فعل ھو ضمیر فاعل الی جار الاجتماع مجرور جار مجرور ملکر ظرف لغو فعل فاعل ظرف لغو ملکر جملہ فعلیہ خبریہ ہو ان مصدریہ کے ساتھ ملکر مصدر مؤول ہو کر مجرور جار مجرور ملکر ظرف لغو فعل فاعل ظرف لغو ملکر جملہ فعلیہ انشائیہ ہوا

نحو1 جواب
23 نومبر، 2025

Agar hmza pr hmza istfham dakhil krein TU dusry hmza ko esy hrf sy bdlna jis sy takhfef peda ho jesy اانتم sy اونتم Is point ko samjha dein

جب دو ہمزہ جمع ہو جائیں اور دونوں متحرک ہوں تو یہ تخفیف کا تقاضا کرتے ہیں اب دوسرے ہمزہ کو کسی ایسے حرف سے تبدیل کرنا جس سے تخفیف ہو جائز ہو مثلا الف سے تبدیل کرنا یا واؤ سے تبدیل کرنا وغیرہ

نحو1 جواب
23 نومبر، 2025

رفع ،نصب ،جر اور فتح ، کسرہ ،ضمہ میں فرق بتائیے

ضمہ فتحہ کسرہ یہ حرکات کے نام ہیں جسے ہم اردو میں زبر زیر پیش کہتے ہیں اور رفع نصب جر یہ عامل کے عمل کا نام ہیں جیسے حرف جر یہ عامل ہے ما بعد اس میں جر کا عمل دیتا ہے ان میں بنیادی فرق یہی ہے جو مذکور ہوا ہے کبھی کبھار یہ جمع بھی ہو جاتے ہیں جیسے جاء زید میں لفظ زید مرفوع بھی ہے اور مضموم بھی اور کبھی جمع نہیں بھی ہوتے جیسے جاء الرجلان میں رجلان مرفوع تو ہے کہ رفع کا عمل ہوا ہے لیکن مضموم نہیں ہے

نحو1 جواب
27 نومبر، 2025

صلی اللہ علی النبی صلوٰۃ وسلاماً علیک یا رسول اللہ ۔۔۔۔۔۔۔ترکیب کرو تھوڑا سمجھا کر نقل کرنے کے بعد

صلی فعل اللہ فاعل علی النبی جار مجرور ملکر ظرف لغو صلاۃ مفعول مطلق فعل فاعل مفعول مطلق اور ظرف لغو ملکر جملہ فعلیہ انشائیہ سلاما مفعول مطلق فعل محذوف سلم کا اس میں ھو ضمیر فاعل علیک جار مجرور ملکر ظرف لغو فعل فاعل مفعول مطلق ظرف لغو ملکر جملہ فعلیہ انشائیہ یا حرف نداء قائم مقام ادعو اس میں انا ضمیر فاعل رسول اللہ مرکب اضافی مفعول بہ فعل فاعل مفعول بہ ملکر جملہ فعلیہ انشائیہ

نحو1 جواب
16 دسمبر، 2024

راخ پر زبراورخ پر زیرکی تنوین یہ اسم فاعل ہے باب کرم یکرم سے اس میں کیاتعلیل ہوئی

رَاخٍ صیغہ واحد مذکر اسم فاعل ثلاثی مجرد ناقص واوی یہ باب سمع کرم اور نصر سے آتا ہے اصل میں یہ صیغہ راخِوٌ تھا قاعدہ وہ واؤ جو چوتھی جگہ یا اس سے آگے واقع ہو اور اس سے پہلے ضمہ یا واو ساکن نہ ہو تو اسے یاء سے بدلنا واجب ہے۔ اس صورت میں اگر اس کا ماقبل مفتوح ہو تو اسے الف سے بدل دیں گے اس قاعدے کے مطابق واؤ کو یاء سے بدلا تو راخِیٌ ہو گیا پھر قاعدہ واؤ مضموم ما قبل مضموم یاء مضموم ما قبل مکسور کو ساکن کر دینا واجب ہے بشرطیکہ اس کے بعد واؤ مدہ نا ہو اس قاعدے کے تحت یاء مضموم ما قبل مکسور تھا یاء کو ساکن کیا تو راخِیْنْ ہو گیا (یہاں تنوین کو کھول کر نون ساکن کی صورت میں لکھا ہے ) اب تنوین کی نون اور یاء ساکن ہو گئے تو یاء اجتماع ساکنین کے سبب گر گیا تو راخِنْ ہو گیا اب اسی نون ساکن کو تنوین کی صورت میں لکھیں تو راخٍ ہو گیا

نحو1 جواب
29 نومبر، 2025

لاۓ نفی جنس اور لا مشبہ بلیس میں واضح فرق بتا دیجیۓ ۔۔نیز (لا رجٌل افضلَ منہ) میں لاے مشبہ بلیس ہے اور( لا رجلَ قائم) میں لاے نفی جنس ہے تو جسطرح لا یہاں لا رجل کی صفت ِجنس کی نفی کر رہا ہے تو اس طرح پہلی مثال میں بھی تو لا رجل پر داخل ہوا ہے دونوں میں فرق کیسے کریں ؟

لاء نفی جنس میں فرق لفظی اعتبار سے کوئی نہیں کسی بھی مثال میں آپ لاء نفی جنس اور لا مشابہ بلیس دونوں مراد لے سکتے ہیں صرف معنی کا فرق ہوگا مثلا لا رجل افضل منہ یہاں لاء نفی جنس بھی ہو سکتا ہے اور مشابہ بلیس بھی کہاں لاء نفی جنس اور کہاں مشابہ بلیس مراد لینا ہے اس کی تعیین عبارت کے سیاق سے ہوتی ہے اگر عبارت کا سیاق جنس سے نفی کا تقاضا کرتا ہے تو لاء نفی جنس اور اگر مطلقا نفی مراد ہے تو لا مشابہ بلیس ان میں واضح فرق معنی کا ہے

نحو1 جواب
26 نومبر، 2025

کل من علیہا فان کی ترکیب کیا ہے

کل مضاف من موصولہ علیھا جار مجرور ملکر ظرف مستقر ثبت فعل کے متعلق اس میں ھو ضمیر فاعل فعل فاعل ظرف مستقر ملکر جملہ فعلیہ خبریہ ہو کر صلہ موصول صلہ ملکر مضاف الیہ مضاف مضاف الیہ ملکر مرکب اضافی ہو کر مبتدا فان خبر مبتدا خبر ملکر جملہ اسمیہ خبریہ

نحو1 جواب
5 دسمبر، 2025

من کان لہ شعرٌ فليكرمه کی نحوی ترکیب

من شرطیہ مبتدا کان فعل ناقص ل جار ھاء ضمیر مجرور جار مجرور ملکر ظرف مستقر ثابتا کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر شعر فعل ناقص کا اسم کان فعل ناقص اپنے اسم و خبر سے ملکر جملہ فعلیہ خبریہ ہو کر شرط ف جزائیہ لیکرم فعل اس میں ھو ضمیر فاعل ھاء ضمیر مفعول بہ فعل فاعل مفعول بہ ملکر جملہ فعلیہ انشائیہ ہو کر جزاء شرط و جزاء ملکر خبر من شرطیہ مبتدا اپنی خبر سے ملکر جملہ اسمیہ خبریہ

نحو1 جواب
5 دسمبر، 2025

اذا قضى الله بعبد ان يموت بارض جعل له اليها حاجه کی نحوی ترکیب۔

اذا اسم ظرف برائے شرط مفعول فیہ مقدم قضی فعل اللہ اسم جلالت فاعل ب جار عبد مجرور جار مجرور ملکر ظرف لغو ان مصدریہ یموت فعل ھو ضمیر فاعل جملہ فعلیہ خبریہ ہو کر ان مصدریہ کے ساتھ ملکر مصدر مؤول ہو کر مفعول بہ فعل فاعل مفعول بہ ظرف لغو وغیرہ ملکر جملہ فعلیہ خبریہ ہو کر شرط جعل لہ الیہ حاجۃ جعل فعل ھو ضمیر فاعل لہ الیہ دونوں ظرف لغو حاجۃ مفعول بہ فعل فاعل مفعول بہ ملکر جملہ فعلیہ خبریہ ہو کر جزاء

نحو1 جواب
5 دسمبر، 2025

اسم کتنے صورتوں میں تام ہوتا ہے

اسم تام وہ اسم ہوتا ہے جو ایسی حالت میں ہو کہ وہ مضاف نا ہو سکتا ہے اور اسم تام دو طرح کے ہوتے ہیں جو بنفسہ تام ہوں جیسے اسم ضمیر اور اسم اشارہ اور دوسری قسم وہ جو بنفسہ تام نا ہو جیسے تثنیہ جمع مذکر سالم اور اضافت یعنی جو اسم مضاف ہو اب ان تمام صورتوں میں اسم کا مضاف ہونا ممتنع (نا ممکن ) ہوگا اور یہ اسم بغیر اضافت کے مکمل ہوگا اسی وجہ سے اسے اسم تام کہتے ہیں

نحو1 جواب
3 دسمبر، 2025

مفعول‌ بہ ، مفعول لہ ، مفعول معہ ، مفعول فیہ۔ کو ترجمہ سے کیسے پہچانے جواب آسان ہونا چاہیے ؟

کچھ مفعول تو مخصوص صورتوں میں آتے ہیں ان کی پہچان مشکل نہیں ہے جیسے مفعول فیہ یہ ہمیشہ ظرف یعنی جگہ یا وقت والے اسماء ہوں گے مفعول لہ میں ہمیشہ مصدر ہوتا ہے جو فعل کی علت بتاتا ہے جیسے قرآن کریم میں ہے حذر الموت خشیۃ املاق ان میں حذر اور خشیۃ مصدر ہیں اور پیچھے والے افعال کی علت بتا رہے ہیں مفعول معہ ک آسان سا یہ ہے کہ جہاں عطف ہو رہا ہوتا ہے وہاں اکثر مفعول معہ بھی بن سکتا ہے صرف ترجمہ میں لفظ ساتھ کا اضافہ کرنا پڑے گا جیسے جئت و زیدا میں زید کے ساتھ آیا مفعول بہ میں کسی چیز پر فعل واقع ہوتا ہے اس کی پہچان کے لیے یہ یاد رکھیں کہ اگر وہ اسم کس کو یا کس کی کے سوال کے جواب میں واقع ہو تو مفعول بہ ہوگا زید نے بکر کو مارا اب یہاں بکر حذف کر دیں اور کہیں زید نے مارا تو جواب آئے گا زید کو یہ آسان سی پہچان ہوتی ہیں

نحو1 جواب
3 دسمبر، 2025

علم الصیغہ کس انداز سے پڑھانا چاہییے

ہر کتاب کو پڑھانے کا ایک مخصوص انداز ہوتا ہے جو کہ مصنف کے انداز تصنیف سے معلوم ہو جاتا ہے لیکن بعض اوقات پڑھانے کا انداز طلباء کی لیاقت اور ذہنی استعداد پر بھی منحصر ہوتا ہے مثلا اگر طلباء ابتدائی درجات کے ہیں تو ان کو صرف قواعد یاد کروانے پر زور دیا جائے اور اگر طلباء پہلے کوئی صرف کی کتاب پڑھ چکے ہیں تو اب زیادہ زور تفہیم پر ہونا چاہیے اور تفہیم میں یہ خیال رکھا جائے کہ طلباء کی مشق پر زیادہ زور ہو کتاب میں موجود مثالوں سے تفہیم کے بعد استاد کو چاہئے کہ وہ خارجی امثلہ لا کر طلباء سے سوال کرے اور طلباء سے روٹین میں یہ صیغہ جات حل کروائے یہ طریقہ کار ہو سکتے ہیں لیکن یہ سب طلباء ک استعداد پر منحصر ہوتے ہیں

نحو1 جواب
29 نومبر، 2025

معرب ومنبی کی پہچان کا مکمل طریقہ

معرب وہ کلمہ ہوتا ہے جس کا آخر کا اعراب عامل کے تبدیل ہونے کی وجہ سے تبدیل ہو جاتا ہے اور مبنی کا آخر تبدیل نہیں ہوتا بلکہ ہمیشہ ایک حالت پر رہتا ہے تو مبنی کی پہچان کے لئے یہ فارمولہ یاد رکھیں کہ اگر کوئی اسم درج ذیل اسماء میں سے ہو تو مبنی ہوگا اسماء ضمیر اسماء موصولہ اسماء افعال اسماء کنایہ اسماء اشارہ اسماء استفہام اسماء شرط اور بعض اسماء ظرف وغیرہ

نحو1 جواب
2 دسمبر، 2025

اسم جامد کی قسمیں کتنی ہیں

اسم جامد کی دو قسمیں بنتی ہیں اسم ذات : یہ وہ قسم ہے جسے ہم محسوس کر سکتے ہیں چھو سکتے ہیں یا دیکھ سکتے ہیں جیسے کھانا پانی روٹی وغیرہ اسم معنی : یہ قسم صرف الفاظ کی حد تک ہوتی ہے یعنی حسی نہیں ہوتی جیسے کلام سلام وغیرہ دوسری قسم میں اگر سلام کو دیکھیں یا کلام کو دیکھیں تو ان چیزوں کو خارج یعنی اس دنیا میں کوئی خاص وجود نہیں ہے بلکہ ان کا وجود ہوتا ہے پھر ختم ہو جاتا ہے لیکن یہ ایک خاص چیز کا نام ہیں

نحو1 جواب
1 دسمبر، 2025

امر یہ حرف صحیح ہے لیکن اس میں حرف علت حمزہ آ رہا ہے تو کیسے یہ صحیح ہوگا اس کی وجہ بتائے

حرف علت تین ہیں واؤ ،الف اور یاء ہمزہ حروف علت میں سے نہیں ہے تو جب معتل کے مقابلے میں صحیح کہا جاتا ہے تو صحیح میں مہموز بھی آ جاتا ہے عموما ہمزہ والے کلمات کو صحیح نہیں کہتے

نحو1 جواب
1 دسمبر، 2025

مفعول معه وه اسم ہے کہ واؤ بمعنی مع کے بعد آیا ہو اور فعل کے فاعل کیساتھ فعل کے وقوع میں شامل ہو ،یا فعل کے مفعول کیساتھ فعل کے صدور میں شامل ہو زمان اور مکان کے اتحاد کے ساتھ ، میری کتاب میں مثال لکھا ہے جاء زیدٌ و الکتابَ یہاں پر کتاب فاعل کیساتھ فعل کے وقوع میں شریک نہیں ہے اور دونوں کا اعراب بھی مختلف ہے پلیز آپ سمجھا دے کہ یہ مثال اس تعریف پر فٹ آجاۓ یا پھر اگر میرے تعریف میں کوئی غلطی ہو تو اسے درست کردے

مفعول معہ میں معیت کا معنی ہوتا ہے یعنی مفعول فاعل سے فعل کے صدور کے وقت فاعل کے ساتھ تھا اور اس فعل میں بھی شریک تھا تو مذکورہ مثال میں زید کتاب کے ساتھ آیا تو یہاں انے کا فعل زید سے صادر ہوا ہے مگر کتاب بھی اسی کے ساتھ آئی ہے تو کتاب بھی صدور فعل میں فاعل کے ساتھ تھی

نحو1 جواب
15 نومبر، 2025