عربی گرامر سوال و جواب

صرف و نحو: سوالات و جوابات

عربی گرامر (صرف و نحو) کے سوالات کے جائزہ شدہ جوابات: صیغے، ابواب، تعلیلات، اعراب اور ترکیب۔

کل 4,736 جوابات شدہ سوالات

تثنیہ کا نون ھمیشہ مکسور کیوں ھو تا ھے

تثنیہ کا نون اس وجہ سے مکسور ہوتا ہے کہ تثنیہ میں جب نون کا اضافہ کیا گیا تو اب یہ دیکھا گیا اس پر حرکت کو سی ہونی چاہئے تو کسرہ اس کے مناسب حرکت تھی کیوں کہ تثنیہ واحد اور جمع کے وسط (درمیان) میں ہے اسی طرح کسرہ بھی فتح اور ضمہ کے درمیانی چیز ہے اس وجہ سے کسرہ تثنیہ کے ساتھ لگایا گیا ہے

نحو1 جواب
18 جون، 2025

الذکر ھو باب اللہ العظیم المفتوح بینہ وبین عبدہ مالم یغلقہ العبد بغفلتہ کی ترکیب بتادے

الذکر مبتدا ھو مبتدا ثانی باب مضاف اللہ اسم جلالت مضاف الیہ مضاف مضاف الیہ ملکر مرکب اضافی ہو کر موصوف العظیم صفت اول المفتوح اسم مفعول اس میں ھو ضمیر نائب الفاعل بینہ مرکب اضافی ہو کر معطوف علیہ و حرف عطف بین العبد مرکب اضافی ہو کر معطوف معطوف علیہ معطوف ملکر مفعول فیہ ما مصدریہ زمانیہ لم یغلق فعل العبد فاعل بغفلته مرکب اضافی ہو کر ظرف لغو فعل اپنے فاعل اور ظرف لغو سے ملکر جملہ فعلیہ خبریہ ہوکر ما مصدریہ کے ساتھ ملکر مصدر مؤول ہو کر مدۃ یا وقت مضاف محذوف کا مضاف الیہ مضاف مضاف الیہ ملکر مرکب اضافی ہو مفعول فیہ المفتوح کا المفتوح اپنے نائب فاعل مفعول فیہ اول و ثانی سے ملکر شبہ جملہ اسمیہ ہو کر صفت ثانی باب اللہ اپنی دونوں صفات سے ملکر ھو کی خبر ھو مبتدا اپنی خبر سے ملکر جملہ اسمیہ خبریہ ہو کر الذکر کی خبر الذکر مبتدا اپنی خبر سے ملکر جملہ اسمیہ خبریہ

نحو1 جواب
18 جون، 2025

استعان کون سا صیغہ ہے

صیغہ واحد مذکر غائب فعل ماضی مثبت معروف ثلاثی مزید فیہ اجوف واوی از باب استفعال اصل میں استَعْوَن تھا واؤ متحرک ما قبل ساکن ہونے کی وجہ سے واؤ کی حرکت ما قبل یعنی عین کو دی اور واؤ کو الف سے بدل دیا تو استعان ہو گیا قاعدہ واو یا یاء کا ماقبل حرف صحیح ساکن ہو تو ان کی حرکت مَاقبل کو دینا واجب ہے اور اگر يہ حرکت فتحہ ہو تو واو یا یا کو الف سے بدلنا بھی واجب ہے

نحو1 جواب
20 جون، 2025

احد اور واحد میں فرق کیا ہے؟

قال بعض المحققين: الواحد: الفرد الذي لم يزل وحده ولم يكن معه آخر. والاحد: الفرد الذي لا يتجزأ، ولا يقبل الانقسام. فالواحد: هو المتفرد بالذات في عدم المثل. لاحد: المتفرد بالمعنى. وقيل: المراد بالواحد: نفي التركيب والاجزاء الخارجية والذهنية عنه تعالى، وبالاحد: نفي الشريك عنه في ذاته وصفاته. وقيل: الواحدية: لنفي المشاركة في الصفات، والاحدية لتفرد الذات. ولما لم ينفك عن شأنه تعالى أحدهما عن الآخر قيل: الواحد والاحد (٣) في حكم اسم واحد. وقد يفرق بينهما في الاستعمال من وجوه: أحدها: أن الواحد يستعمل وصفا مطلقا، والاحد يختص بوصف الله تعالى نحو: «قل هو الله أحد» (٤) . الثاني: أن الواحد أعم موردا، لانه يطلق على من يعقل وغيره، والاحد لا يطلق إلا على من يعقل.الثالث: أن الواحد يجوز أن يجعل له ثان، لانه لا يستوعب جنسه بخلاف الاحد [٧ / ب] ألا ترى انك " لو قلت: فلان لا يقاومهواحد، جاز أن يقاومه اثنان، ولا أكثر " (١) . الرابع: أن الواحد يدخل في الحساب، والضرب، والعدد والقسمة، والاحد يمتنع دخوله في ذلك. الخامس: أن الواحد يؤنث بالتاء، والاحد يستوي فيه المذكر والمؤنث، قال تعالى: «كأحد من النساء» (٢)، ولا يجوز: كأحد من النساء، بل: كواحدة. السادس: أن الواحد لا يصلح للاقرار والجمع، بخلاف الاحد فإنه يصلح لهما، ولهذا وصف بالجمع قوله تعالى: «من أحد عنه حاجزين» السابع: أن الواحد لا جمع له من لفظه، وهو أحدون، وآحاد. .

نحو1 جواب
20 جون، 2025

فعال کا وزن مزید فیہ میں تو پایا نہیں جایا تو حمار مزید فیہ کیسے ؟ اور حمار فعال کے وزن پر ہے اسمیں الف وزن ہے اس کی وجہ سے معنی میں تبدیلی بھی نہیں آ رہی جیسے اکرم وغیرہ میں آ جاتی ہے تو وہ مزید فیہ کیسے ہوا ؟؟؟؟

سب سے پہلی بات تو یہ ہے کہ آپ کی دلیل ہی باطل ہے کہ الف وزن کے لئے زائد ہے تو اس وجہ سے اس کا اعتبار نہیں ہوگا بلکہ آپ اگر نصاب الصرف کا تیسرا سبق بھی اچھے سے پڑھ لیں گے تو آپ اتنی بحث میں نہیں پڑھیں گے ہر وہ کلمہ جس میں کوئی حرف زائد ہو وہ مزید فیہ ہوگا چاہے وہ حرف زائد کسی غرض کے لئے ہو جیسے تثنیہ جمع یا تصغیر یا بلاوجہ ہی زائد ہو تب بھی وہ زائد ہی ہوگا اور حمار میں الف زائد ہے لہذا یہ مزید فیہ ہی ہوگا اب آگے آپ اس کو زائد برائے وزن کہیں یا کچھ بھی کہیں

نحو1 جواب
19 جون، 2025

مجھے تعلیلات کے بارے میں پوچھنا ہے کہ یہ قرآن نازل ہونے سے پہلے ہوٸی ہیں یا بعد میں اور اس کی وجہ اور پس منظر کیا ہے؟

جب سے عربی زبان ہے تعلیلات اس وقت سے ہیں البتہ قرآن کریم کے نزول کے بعد تعلیلات ان کے قواعد اور علم نحو و صرف کو بطور خاص ایک علم کے طور پر وضع کیا گیا ہے

نحو1 جواب
17 جون، 2025

آپ نے لفظ حمار کو مزید فیہ بتایا لیکن ہمارے ایک استاذ صاحب نے اسے مجرد بتایا تھا اور کہا تھا کی اس میں جو الف زائد ہے وہ وزن کا ہے وہ وزن کو لازم ہے معانی میں کوئی تبدیلی نہیں کر رہا جیسے کرم فعل سے اکرم میں الف بڑھانے سے معنی بدل گیا تو لہٰذا ے الف وزن کا ہے اور لفظ حمار کو مجرد بتایا اب آپ بتائیں کیا صحیح ہے کیا غلط

حمار کو مجرد کہنا غلط ہے

نحو1 جواب
18 جون، 2025

فصل فی الخاص و العام اس میں خاص و عام اسم فاعل ہوں گے یا جامد نیز اس طرح کی اور صورتوں میں فرق کے لیے وضاحت فرما دیں

اگر یہ لفظ بطور اصطلاح یا علم استعمال ہوں تو جامد ہوں جب اپنے معنی حقیقی یعنی اسم فاعل میں استعمال ہوں تو مشتق کہیں گے یہ ہمارے ہاں رائج صرفی تحقیق ہے ورنہ حقیقیت تو یہ ہے کہ قطع نظر کہ وہ کسی کا علم ہے یا اصطلاح اس کی صرفی تحقیق اصل معنی پر ہی کی جائے تو اصل معنی میں اسم فاعل ہیں تو ان کو اسم فاعل ہی سمجھا جائے

نحو1 جواب
19 جون، 2025

لفظ کتاب تو باب کَتَبَ کا مصدر ہے‌ اور آپ نے بھی بتایا نصاب صرف میں سے کہ افعال و اسماء مشتقہ کا صیغہ واحد مذکر غایب دیکھا جائے گا تو اس حساب سے لفظ کتاب بھی تو مجرد ہوا نہ مزید فیہ کیوں ؟؟

لفظ کتاب دو معنی میں استعمال ہوتا ہے ایک بطور مصدر جس کا مصدر ہوتا ہے لکھنا اور دوسرا معنی ہے کتاب جو صفحات ملا کر ایک گتے میں بند کر دیئے جائیں تو اگر پہلے معنی میں لیں تو مصدر ہوگا اور دوسرے معنی میں لیں تو جامد ہوگا اور جامد کی صرفی تحقیق صرف لفظ کو دیکھ کر ہوتی ہے مصدر کی صرفی تحقیق فعل کو دیکھ کر ہوتی ہے

نحو1 جواب
17 جون، 2025

میں یہ سوال ایک بار پھرکر رہا ہو کہ قرآن کی اس آیت میں "و اذقلنا لالملاءکة اسجدوا لآدم فسجدوا الا ابلیس" اس آیت میں فسجدوا جمع مزکر کا صیغہ ہے اور ان کا فاعل ھن ضمیر ہے جو ملاءکة کی طرف راجع ہے حالانکہ ملاءکة بظاھر لفظوں میں مؤنث کے حکم میں ہے تو پھر فسجدوا مزکر کا صیغہ کیوں استعمال ہوا ہے اور فاعل بھی ظاھر نہیں ضمیر ہے

محترم المقام اس سوال کا جواب دو قاعدوں پر مشتمل ہے اول : جب مؤنث لفظی فاعل ظاہر ہو تو فعل مذکر و مؤنث دونوں طرح لا سکتے ہیں دوم : اور اگر فاعل ظاہر نا ہو بلکہ ضمیر ہو جو مؤنث سماعی کی طرف لوٹ رہی ہو تو پھر فعل کو مؤنث لانا واجب ہے آپ کی پیش کردہ مثال کا تجزیہ اسجدوا صیغہ جمع مذکر حاضر ہے اس کا فاعل واؤ ضمیر ہے نا کہ ھن جیسا کہ آپ نے فرمایا اب دوسرے قاعدے کے مطابق یہاں فعل مؤنث ہونا چاہئے تھا لیکن مذکر کیوں ہے ؟ تو یاد رہے کہ دوسرے قاعدے کی شرط ہے کہ "ضمیر راجع ہو مؤنث سماعی کی طرف" جو کہ یہاں راجع نہیں ہے کیوں کہ ضمیر حاضر و متکلم راجع نہیں ہوتیں بلکہ صرف ضمیر غائب ہی راجع ہوتی ہے تو یہاں یہ کہہ سکتے ہیں کہ فاعل ظاہر کے حکم میں ہے

نحو1 جواب
14 مئی، 2025

بنت کی جمع بنات آتی ہے اس جمع میں نون کے بعد الف آیا اتو اس اعتبار سے تو یہ جمع مکسر ہونی چاہیے تھی پھر بی یہ جمع مؤنث سالم ہے کیوں؟

بنت کی جمع بنات یہ جمع مؤنث سالم ہی ہے یہاں یہ شبہ ہوتا ہے کہ بنت جسے جب جمع بنائی تو اس کی تاء حذف نہیں ہوئی تو اس وجہ سے یہ جمع مؤنث سالم نہیں ہونی چاہئے بلکہ مکسر ہو کیوں کہ جمع سالم کے لئے آخر میں الف اور تاء دونوں ایک ساتھ بڑھانا ضروری ہے در اصل بنت سے جب جمع بنائی گئی تو اس کی تاء کو حذف کر دیا گیا اور اصل حرف یاء جس کی جگہ تاء آئی ہے وہ واپس/رد نہیں کیا گیا بلکہ بن پر ہی الف اور تاء کا اضافہ کر دیا گیا ہے الکتاب لسیبویہ میں ہے کہ اس تاء کو حذف کر دیا جمع کے الف اور تاء کے ساتھ جس طرح گول تاء کو حذف کر دیا جاتا ہے اس کی دوسری مثال لفظ اخت ہے کہ اس کی جمع اخوات آتی ہے اس کلمے میں مفرد کی تاء کو حذف کر کے اصل حرف واؤ واپس لایا گیا ہے

نحو1 جواب
28 مئی، 2025

نحوى ترکیب........ تقوىة الحکم اذا کان الخبر فعلا

تقویۃ مضاف الحکم مضاف الیہ مضاف مضاف الیہ ملکر مرکب اضافی ہوکر ذو الحال اذا اسم ظرف مضاف کان فعل ناقص الخبر اس کا اسم اور فعلا اس کی خبر فعل ناقص اپنے اسم و خبر سے جملہ فعلیہ خبریہ ہو کر مضاف الیہ مضاف مضاف الیہ ملکر مرکب اضافی ہو کر مفعول فیہ ثابت اسم فاعل کا اس میں ھو ضمیر فاعل اسم فاعل اپنے فاعل اور مفعول فیہ سے ملکر شبہ جملہ اسمیہ ہو کر حال ذو الحال حال ملکر بحسب ترکیب و عبارت

نحو1 جواب
14 جون، 2025

آپ نے الحمار کو ثلاثی مزید بتایا اور کہا کہ اس میں لفظ دیکھا جاتا ہے مشتق منہ نہیں تو پھر لفظ ضَارِبٌ یہ مجرد کیوں ہے

نصاب الصرف میں جہاں شش اقسام مذکور ہیں وہاں آخر میں ایک تنبیہ ہے جس میں لکھا ہوا ہے افعال و اسماء مشتقہ میں صیغہ واحد مذکر فعل ماضی مثبت معروف کو دیکھیں گے اگر وہ مزید فیہ ہے تو بقیہ صیغے بھی مزید فیہ ہوں گے اگر وہ مجرد ہے تو بقیہ صیغے بھی مجرد کہلائیں گے جیسے ضارب کا ماضی کا صیغہ ضرب مجرد ہے تو بقیہ صیغے بھی مجرد کہلائیں گے البتہ حقیقت یہ ہے کہ ہر کلمہ چاہے مشتق ہو یا غیر مشتق فعل ہو یا نا ہو اگر اس میں کوئی بھی حرف زائد ہو تو مزید فیہ ہونا چاہئے اصول یہ ہے لیکن ہمارے ہاں ایسے رائج ہے جیسے اوپر لکھ کر دیا ہے

نحو1 جواب
12 جون، 2025

حالت رفعی نصبی اور جری سمجھا دیں

جب کوئی اسم معرب ہو اور اس پر پیش یعنی رفع آ جائے تو وہ حالت رفعی کہلائے گی اور اگر زبر ہو تو حالت نصبی اور اگر زیر ہو تو حالت جری کہلائے گی بعض اوقات حالت جری نصبی یا رفعی یہ زبر زیر پیش سے نہیں آتیں الف واؤ اور یاء سے بھی آتی ہیں تو معرب کی سولہ اقسام پڑھ لیجئے پتہ چل جائے گا کونسے اسم معرب کی کونسی حالت کیسے آتی ہے

نحو1 جواب
5 جون، 2025

السلام علیکم و رحمۃ اللہ وبرکاتہ لاتحزن اذا حذفک احد من حیاتہ فربما لم تعجبہ مرافقۃ الملوک اس کی ترکیب بتا دیجیۓ

لا تحزن فعل اس میں انت ضمیر فاعل اذا اسم ظرف مضاف حذف فعل کاف ضمیر مفعول بہ احد فاعل من جار حیاته مجرور جار مجرور ملکر ظرف لغو فعل فاعل ظرف لغو مفعول بہ ملکر جملہ فعلیہ خبریہ ہوکر مضاف الیہ مضاف مضاف الیہ ملکر مرکب اضافی ہو کر مفعول فیہ لا تحزن کا لا تحزن فعل اپنے فاعل اور مفعول فیہ سے ملکر جملہ فعلیہ انشائیہ ف تعلیلیہ رب حرف جر ما کافہ لا تعجب فعل ھاء ضمیر مفعول بہ مرافقۃ مضاف الملوک مضاف الیہ مضاف مضاف الیہ ملکر مرکب اضافی ہو فاعل فعل فاعل مفعول بہ ملکر جملہ فعلیہ خبریہ

نحو1 جواب
30 مئی، 2025

السلام علیکم . . وَجَب المسح علی اکثَرِ ما شَد بِہ العضو/ اسکی ترکیب فرما دیں

وجب فعل المسح فاعل علی جار اکثر مضاف ما موصولہ شد فعل ب جار ہ ضمیر مجرور جار مجرور ملکر ظرف لغو العضو نائب الفاعل فعل نائب الفاعل ظرف لغو ملکر جملہ فعلیہ خبریہ ہو کر صلہ موصول صلہ ملکر مضاف الیہ مضاف مضاف الیہ ملکر مرکب اضافی ہو مجرور جار مجرور ملکر المسح کا ظرف لغو فعل فاعل ملکر جملہ فعلیہ خبریہ

نحو1 جواب
5 جون، 2025

فاعل کو پہچاننے علامت کون کون سی ہیں

فاعل پہچاننے کی کوئی خاص علامتیں تو نہیں ہیں البتہ ایک جامع اور مانع علامت ہے یاد رکھیں تو 80 فیصد پہچان ہو ہی جائے گی فاعل دو طرح کے اسماء ہوتے ہیں ضمیر یا اسم ظاہر اکثر افعال کا فاعل ضمیر ہی ہوتی ہے جس کو تلاش کرنا مشکل نہیں ہے دو افعال کا فاعل تلاش کرنا پڑے گا بس صیغہ واحد مذکر غائب اور صیغہ واحد مؤنث غائب ان دو صیغوں کا فاعل ضمیر مستتر اور اسم ظاہر ہو سکتا ہے اس کے علاوہ جتنے بھی افعال ہیں ان کا فاعل اسم ضمیر ہوگی مستتر ہو یا بارز صیغہ واحد متکلم جمع متکلم اور واحد مذکر حاضر فعل مضارع کے یہ تین صیغے اسی طرح امر کے بھی یہی صیغے ان کا فاعل ہمیشہ ضمیر مستتر ہوگی بقیہ افعال میں ضمیر بارز ہوگی

نحو1 جواب
10 جون، 2025

لفظ الحمار ثلاثی مزید فیہ کیسے ہے ہمارے اک استاذ صاحب نے بتایا کہ یہ ثلاثی مجرد ہے یہ حمر سے ماخذ ہے تو کیا صحیح ہے بتایۓ

حمار لفظ ثلاثی مزید ہے اس میں لفظ دیکھا جاتا ہے مشتق منہ نہیں دیکھا جاتا دیکھیں حمار میں ح م ر تو حروف اصلیہ ہیں الف حروف زوائد میں سے ہے تو جس کلمہ حرف زائد ہو وہ کلمہ مزید فیہ ہوگا

نحو1 جواب
8 جون، 2025

لازم اور متعدی کی عربی میں کیا پہچان ہے؟

"فعل لازم و متعدی" "فعل لازم" وہ فعل جو فاعل کو رفع دے اور مفعول بہ کی اس کو حاجت نہ رہے یعنی فعل اور فاعل سے ملکر جملہ مکمل ہو جائے "مثلا" نام الطفل ( بچہ سویا) یہ ایسا جملہ ہے کہ جس سے بات مکمل سمجھ آ جاتی ہے انتصر الحق ( حق غالب ہوا ) یہ بھی مکمل جملہ ہے نجح الطالب ( طالب علم کامیاب ہوا ) اس جملہ سے بھی بات سمجھ آ جاتی ہے بہت سارے ابتدائی طلباء یہ سوال کرتے ہیں کہ فعل متعدی اور لازم کے درمیان فرق کیسے کریں تو ان میں فرق کرنے کے کئی طریقے ہیں حتی الامکان کوشش ہوگی کہ اس موضوع پر جتنا ہوسکا لکھوں 1_ جب جملہ بولا جائے تو ذہن میں سوال آئے تو وہ ظرف یعنی حرف جر کے معنی پر مشتمل ہو یا پھر ظرف زمان و مکان کے معنی پر دلالت کرتا ہو "مثلا" نام الطفل کا مطلب ہے بچہ سوگیا اب سامع کے ذہن میں جو سوال آئے گا وہ یوں ہوسکتا ہے کہ کہاں؟؟ کب ؟ کیسے ؟ اب یہ تینوں سوال ظرف کے ہیں جیسے کہاں ظرف مکان کا سوال ہے کب ظرف زمان کا سوال ہے اور کیسے بھی ظرف کا سوال ہے دوسری مثال دی تھی کہ انتصر الحق اس مثال کا ترجمہ بنتا ہے حق غالب ہوگیا سامنے والے کے ذہن میں سوال آئے گا کس پر ؟؟ یا کب ؟؟ یہ دونوں سوال میں سے پہلا سوال کس پر حرف جر علی کا معنی ہے اور کب ظرف زمان کا سوال ہے اسی طرح مشہور و معروف مثال ہے جاء زید ( زید آیا) اس میں سوال ہوگا کہاں سے آیا ہے اس میں بھی من أین کا کا معنی ہے جو کہ جار مجرور ہیں لیکن فعل متعدی کے ساتھ اکثر سوال ہوتا ہے کس کو جیسے أعطی کا مطلب ہے اس نے عطا کیا تو سوال ہوگا کس کو دیا ؟؟ اس نے مارا .... کس کو ؟ اس نے بٹھایا ۔۔۔۔ کس کو ؟؟ 2_ فعل لازم کے بعد عموما جار مجرور ہوں گے یا ظرف مکان و زمان ہوگا مثلاً نام الطفل علی السریر بچہ چار پائی پر سویا انتصر الحق علی الباطل حق باطل پر غالب آ گیا جلست علی الکرسی میں کرسی پر بیٹھا وغیرہ امثلہ پر غور فرمائیں لیکن ضروری نہیں کہ جس فعل کے بعد جار مجرور ہوں وہ لازم ہو متعدی بھی ہوسکتا ہے لیکن پہچان کے لئے یہ طریقہ اپنایا جا سکتا ہے 3_ فعل کے ساتھ ضمائر منصوب متصل ھاء،کاف،اور یاء لگا کر ترجمہ کریں "مثلاً" جیسے جلس کا مطلب ہے بیٹھنا تو اس کے ساتھ ضمیر لگائیں جلسه اس نے بیٹھا اس پر اب اس مثال کا ضمیر منصوب کے ساتھ ترجمہ ٹھیک نہیں ہو رہا لیکن اگر متعدی فعل لائیں جیسے أجلس اس کا مطلب ہے بٹھانا اور اس کے ساتھ ضمیر لگائیں جیسے کاف ضمیر لگاتے ہیں تو عبارت بنے أجلسک ترجمہ ہوگا اس نے تجھے بٹھایا اب ترجمہ ٹھیک ہو رہا ہے تو یہ فعل متعدی ہوا اور جلس فعل لازم دوسری مثال دیکھیں نام فعل ہے جس کا معنی ہے سونا اس کے ساتھ ضمیر لگائیں نامه ترجمہ ہوگا اس نے اس کو سویا ترجمہ بلکل عجیب ہو رہا ہے جس کا کوئی مطلب نہیں تو اس فعل کو لازم سمجھا جائے لیکن اگر اسی جگہ فعل أنام لائیں اور ترجمہ کریں تو ٹھیک ہوگا مثلاً ہم کہتے ہیں أنامه اس مثال کا ترجمہ ہوگا اس نے اس کو سلایا تو ترجمہ ٹھیک ہے مفعول بہ بھی اپنی جگہ درست آ رہا ہے تو یہ فعل متعدی ہوا 4_ فعل لازم کا ترجمہ کرتے ہوئے "نے" اور "کو" نہیں آتا بلکہ وہ آتا جیسے وہ آیا٬ وہ گیا، وہ سویا، اور فعل متعدی میں صرف "اس نے" یا "نے" اور "کو" دونوں آتے ہیں اسی طرح اگر مصدر میں نا سے پہلے الف ہو تو متعدی ہوگا جیسے سلانا، بٹھانا، اٹھانا، اور اگر نا سے پہلے الف نا ہو تو پھر لازم ہوگا جیسے سونا، بیٹھنا، اٹھنا، اگر مصدر میں ہونا کا معنی ہو جیسے کھڑا ہونا لمبا ہونا چھوٹا ہونا وغیرہ تو یہ لازم ہیں اور اگر کرنا کا معنی ہو جیسے مدد کرنا ظلم کرنا تو یہ متعدی ہوں گے 5_وہ افعال کہ جن کے اندر طبیعت، فطرت، مزاج والا معنی ہو، لازم ہوتے ہیں۔ جیسے شجع (شجاعۃ بہادر ہونا)، حسن (حسن خوبصورت ہونا)، قبح (قباحۃ برا ہونا) 6_ وہ افعال کہ جن میں نظافت یعنی پاکیزگی و صفائی والا معنی ہو، لازم ہوتے ہیں۔ جیسے طھر (طھارۃ صاف ہونا)، نظف (نظافۃ صاف ستھرا ہونا)۔ 7_ وہ افعال کہ جو ایسے عارضہ پر دلالت کریں جو عارضہ غیر لازم ہو، لازم ہوتے ہیں۔ جیسے مرض (مرَض بیمار ہونا)، کسل (کسَل سست ہونا)، حزن (حزن غمزدہ ہونا) 8_ وہ افعال کہ جو ھیئت پر دلالت کریں، لازم ہوتے ہیں۔ جیسے طال (طول لمبا ہونا) 8_ وہ افعال کہ جو غلاظت والے معنی پر دلالت کریں، لازم ہوتے ہیں۔ جیسے قذر (قذرٌ میلا ہونا)، وسخ (وسخٌ گندا ہونا). 9_ وہ افعال کہ جو زیور، زیب و زینت والے معنی پر دلالت کریں، لازم ہوتے ہیں۔ جیسے کحل (کحلٌ آنکھوں کا سرمگیں ہونا)، دعج بڑی آنکھوں والا ہونا، نجل بڑی اور خوبصورت آنکھوں والا ہونا۔ 10_ وہ افعال کہ جن کے اندر عیب والا معنی ہو، لازم ہوتے ہیں جیسے عمش (عمش کمزور نظر ہونا)، عور اندھا ہونا۔ 11_ وہ افعال کہ جو رنگ والے معنی پر دلالت کریں، لازم ہوتے ہیں۔ جیسے اخضر ہرا ہونا، اصفر زرد ہونا، احمر سرخ ہو جانا۔ 12_وہ افعال کہ جن کے مصادر "فُعُول" کے وزن پر ہوں، لازم ہوتے ہیں۔ جیسے لحوق، دخول وغیرہ 13_ وہ افعال کہ جن کی ماضی "فَعُلَ" کے وزن پر ہو، لازم ہوتے ہیں۔ جیسے کرم، شرف، جمل وغیرہ 14_ وہ افعال کہ جن کی ماضی "اِنْفَعَلَ" کے وزن پر ہو، لازم ہوتے ہیں۔ جیسے انکسر، انطلق، انصرف وغیرہ۔ 15_ وہ افعال کہ جن کی ماضی "اِفْعَلَّ" کے وزن پر ہو، لازم ہوتے ہیں۔ جیسے ازورّ، احمرّ، اغبرّ وغیرہ۔ 16_ وہ افعال کہ جن کی ماضی "اِفْعَالَّ" کے وزن پر ہو، لازم ہوتے ہیں۔ جیسے احمارّ، ازوارّ، افضارّ وغیرہ۔ 17_ وہ افعال کہ جن کی ماضی "اِفْعَلَلَّ" کے وزن پر ہو، لازم ہوتے ہیں۔ جیسے اقشعرّ، اطمأنّ، اکفھرّ وغیرہ۔ 18_وہ افعال کہ جن کی ماضی "اِفْعَنْـلَلَ" کے وزن پر ہو، لازم ہوتے ہیں۔ جیسے احرنجم، افعنسس وغیرہ۔ یہ صرف پہچان کا طریقہ ہے قاعدہ کلیہ نہیں اس کے بر عکس بھی ممکن ہے کوئی کمی کوتاہی ہو تو نجی محفلوں میں تمسخر اڑانے کی بجائے مجھے اطلاع کر دیجئے بندہ کو ممنون و مشکور پائیں گے _____________ "طالب دعا" "ابن عابد حنفی" 📞🥏📬 03116050389

نحو1 جواب
4 جون، 2025

فعل پر کسرہ اور تنوین کیو نھی آتی

کسرہ تو آ سکتی ہے یعنی زیر آ سکتی ہے لیکن کسی عامل کے عمل وجہ سے جو زیر ہوتی ہے جسے جر کہتے ہیں وہ نہیں آ سکتی اس کی وجہ یہ ہے کہ فعل پر کوئی عامل جر ہی نہیں آتا کہ جس کی وجہ سے اس پر جر آئے اور جہاں تک بات ہے تنوین نا آنے کی تو اس کی وجہ یہ ہے کہ کہ تنوین اسم کے ساتھ خاص ہے اور جب کوئی چیز کے ساتھ خاص ہوتی ہے تو دوسرے چیز کے ساتھ نہیں آ سکتی

نحو1 جواب
5 جون، 2025

قران کریم میں ھے . ان تضل احداھما فتذکر احداھما الاخری اس کی ترکیب کرو

ان حرف شرط تضل فعل احدی مضاف ھما ضمیر مضاف الیہ مضاف مضاف الیہ ملکر فاعل فعل فاعل ملکر جملہ فعلیہ خبریہ ہو کر شرط ف جزائیہ تذکر فعل احدھا بترکیب اضافی فاعل اور اخری مفعول بہ فعل فاعل مفعول بہ ملکر جملہ فعلیہ خبریہ ہو کر جزاء

نحو1 جواب
25 مئی، 2025

يا ليتني كنت ترابا کی ترکیب

یا حرف تنبیہ یا حرف نداء منادی محذوف نکلے گا ھؤلاء پہلی صورت میں حرف تنبیہ کہہ کر چھوڑ دیں گے جبکہ دوسری صورت میں یاء ئرف نداء قائم مقام ادعو اس میں انا ضمیر فاعل ھؤلاء مفعول بہ فعل فاعل مفعول بہ ملکر جملہ فعلیہ انشائیہ لیت حرف مشبہ بالفعل نون وقایہ یاء ضمیر منصوب متصل اس کا اسم ترابا خبر حرف مشبہ بالفعل اپنے اسم و خبر سے ملکر جملہ اسمیہ انشائیہ ہوا

نحو1 جواب
21 مئی، 2025