عربی گرامر سوال و جواب

صرف و نحو: سوالات و جوابات

عربی گرامر (صرف و نحو) کے سوالات کے جائزہ شدہ جوابات: صیغے، ابواب، تعلیلات، اعراب اور ترکیب۔

کل 9,024 جوابات شدہ سوالات

عیسی غیر منصرف یا اسم مقصورہ معرب کی 16 اقسام میں سے کیا ہوگا ؟ نیز یہ ارشاد فرمائیے کہ جس اسم کے آخر الف کے بعد ہمزہ نہ ہو وہ غیر منصرف ہو گا یا اسم مقصوہ

عیسی معرب کی سولہ اقسام میں غیر منصرف ہوگا اور غیر منصرف دو طرح کے ہوتے ہیں جن کا اعراب لفظی ہو دوسری قسم جس کا اعراب تقدیری ہو جیسے اسم مقصور غیر منصرف اور آپ کے دوسرے سوال کا جواب یہ ہے کہ اسم مقصور ہونا یا غیر منصرف آپس میں متضاد باتیں نہیں ہیں بلکہ ایک اسم غیر منصرف اور اسم مقصور دونوں ایک ساتھ ہو سکتے ہیں

نحو1 جواب
3 اکتوبر، 2024

اسمائے ظروف ،استفہام ،شرط یہ تمام اسما ء اور انکے کچھ حروف ترکیب میں کیا واقع ہوتے ہیں ؟؟؟

اس کا جواب میں قدر تفصیل سے دینا چاہوں گا ان کو ہم چار اقسام میں تقسیم کرتے ہیں پہلی قسم جو ظرفیت کا معنی دیتے ہیں دوسری قسم جو ظرفیت کا معنی نہیں دیتے تیسری قسم جو مضاف الیہ کے اعتبار سے ہوں اور چوتھی قسم حروف پہلی قسم جو ظرفیت کا معنی دیتے ہیں وہ ہمیشہ مفعول فیہ بنتے ہیں چاہے وہ شرط استفہام ہوں یا ظرف چاہے فعل موجود ہو یا مقدر نکالا جائے دوسری قسم کی تین صورتیں بنتی ہیں اس قسم میں من ما مھما آتے ہیں پہلی صورت ان کے بعد فعل لازم ہو یا فعل متعدی جس کا مفعول بہ مذکور ہو تو اس صورت میں مبتدا بنتے ہیں جیسے مَن قام من ضربته دوسری صورت فعل متعدی ہو جس کا مفعول بہ مذکور نا ہو تو یہ مفعول بہ بن جاتے ہیں جیسے من ضربت تیسری صورت جب ان کے بعد اسم مرفوع ہو تو اس صورت میں یہ مبتدا بن جاتے ہیں اور خبر مقدم بھی بن سکتے ہیں تیسری قسم وہ اسماء ہیں جو مضاف الیہ کے حساب سے ہوتے ہیں وہ ای اور ایۃ ہوتے ہیں ان کے احکام مضاف الیہ کے اعتبار سے اوپر والے ہوں گے چوتھی قسم حروف کی ہے تو یہ کچھ نہیں بنتے ایک کلیہ یاد رکھئے گا کہ اسماء اسفہام کے اعراب کی پہچان کے کئے سوال کے جواب میں جو اسم استفہام کی جگہ پر اس آئے گا جو اس کا اعراب ہوگا وہی اسم استفہام کا ہوگا جیسے من ضربت کے جواب میں آئے گا ضربت زیدا یہاں من کی جگہ زید آیا اور مفعول بہ بن رہا ہے تو من بھی مفعول بہ بن رہا ہوگا دیگر مثالیں من قام زید قام من ضربته زید ضربته

نحو1 جواب
3 اکتوبر، 2024

الآن انت ابن عشر سنين ما إعراب

الان مفعول فیہ ثابت اسم فاعل کا اس میں ھو ضمیر فاعل اسم فاعل اپنے فاعل سے ملکر شبہ جملہ اسمیہ ہو کر خبر مقدم اول انت مبتدا ابن مضاف عشرین مضاف سنین مضاف الیہ مضاف مضاف الیہ ملکر مرکب اضافی ہو کر ابن کا مضاف الیہ مرکب اضافی ہو کر خبر مبتدا خبر ملکر جملہ اسمیہ خبریہ

نحو1 جواب
3 اکتوبر، 2024

بدل كيس لئے تكرار عامل كے حكم ميں هوتا هيں حالانكه توابع كي اور كوئى قسم تكرار عامل كي حكم مين نهيں هيں

کیوں کہ بدل میں مقصود تابع ہوتا ہے اس کئے تکرار عامل ہوتی ہے تاکہ مقصود کے ساتھ ہی عامل۔متحقق ہو جبکہ بقیہ توابع میں تابع مقصود نہیں ہوتا بلکہ متبوع ہی مقصود ہوتا ہے

نحو1 جواب
3 اکتوبر، 2024

سوال 05 : مفتی صاحب دو دریا کے پاس بوفے سسٹم کے ساتھ کھانے کا سلسلہ ہوتا ہے، وہاں ہوتا یوں ہے کہ فی فرد کے حساب سے ایک مخصوص قیمت دینے کے بعد جو کھانا وہاں موجود ہے ، اس میں سے جو کھانا ہے ، جتنا کھانا ہے کھاسکتے ہیں۔ کیا یہ شرعا درست ہے، کیا میں اپنے گھر والوں کو وہاں لے کر جاسکتا ہوں؟

ہمارے زمانے میں عرف کا اعتبار کرتے ہوۓ فقہاۓ کرام نے بوفے سسٹم کے جواز کا قول کیا ہے ، شرعا جاٸز ہے لیکن آپ کے سوال کا دوسرا حصہ کہ فیملی کو وہاں لے کرجانا اس کا خیال کیا جاۓ کہ وہاں بےپردگی کا ماحول نہ ہو، میوزک نہ ہو، کوٸی اور غیرشرعی افعال نہ ہوتے ہو، تو خود بھی جاسکتے ہیں اور فیملی کو لے کر بھی جاسکتے ہیں اور جہاں ایسا ماحول نہ ، بلکہ بے پردگی ہو، میوزک سسٹم ہو تو وہاں آپ کو بھی جانے کی اجازت نہیں ہے ۔ واللہ تعالی اعلم بالصواب

فزیکل کاروبار کے مساٸل1 جواب
3 اکتوبر، 2024

سوال 04 : مفتی صاحب سے میرا سوال یہ ہے کہ مجھے میرے دوست نے اپنا موباٸل دیا ہے بیچنے کے لٸے اور کہا ہے کہ اسے دس ہزار میں بیچ دو، میں نے اس کا موباٸل بارہ ہزار میں بیچ دیا، اب کیا وہ دو ہزار میں رکھ سکتا ہوں، کیونکہ اس نے تو دس ہزار کا کہا تھا؟

ہرگز نہیں، آپ پر لازم ہے کہ آپ اپنے دوست کو یہ بارہ ہزار مکمل ادا کریں ۔ کیونکہ آپ اپنے دوست کا موباٸل بیچنے کے وکیل ہیں اور وکیل بیع اگر سامان مطلوبہ قیمت پر یا ایسی قیمت پر جس میں موکل کا نفع ہو بیچ دیتا ہے تو ، موکل اس ساری رقم کا مالک ہوتا ہے، لہذا آپ وہ دو ہزار نہیں رکھ سکتے البتہ آپ کا دوست اپنی مرضی سے آپ کو کچھ دینا چاہے تو اس میں کوٸی حرج نہیں ہے۔ مجمع الضمانات میں ہے "ولو وكله ببيع عبده بألف فباعه بألفين فالألفان كله للموكل، من الهداية." ترجمہ:اوراگراسے وکیل کیااپناغلام ایک ہزارکے بدلے بیچنے کاپس اس نے غلام کودوہزارکے بدلے بیچ دیاتو دو ہزار مکمل،موکل کے ہیں ۔یہ مسئلہ ہدایہ سے لیاگیاہے۔ (مجمع الضمانات،باب فی الوکالۃ والرسالۃ،ج01،ص261، دارالکتاب الاسلامی)

فزیکل کاروبار کے مساٸل1 جواب
3 اکتوبر، 2024

غافر الذنب. قابل التوب. رب العلمين. اضافت لفظيه هيں৷يا نهيں اگر نهيں تو كس لئے نهيں

اضافت معنویہ ہیں کیوں کہ یہ حال یا استقبال کے معنی میں نہیں ہیں بلکہ یہ صفات باری تعالی ہیں جو کہ استمرار کا معنی دیتی ہیں اور جب اسم فاعل حال یا استقبال کے معنی میں نا ہو تو اضافت معنویہ ہوگی

نحو1 جواب
3 اکتوبر، 2024

من من من من من من المنان ترجمہ جس نے کسی پر احسان کیا وہ اللّٰہ پاک کی طرف سے احسان کیا جاتا ہے ترکیب بتا دیں

مَنْ اسم شرط مبتدا مَنَّ فعل ھو ضمیر فاعل مِنْ جار مَنّٕ مجرور جار مجرور ملکر ظرف لغو فعل فاعل ظرف لغو ملکر جملہ فعلیہ خبریہ ہو کر شرط مُنَّ فعل ھو ضمیر نائب الفاعل مِنْ جار المنان مجرور جار مجرور ملکر ظرف لغو فعل نائب فاعل اور ظرف لغو ملکر جملہ فعلیہ خبریہ ہو کر جزاء شرط و جزاء ملکر خبر مبتدا خبر ملکر جملہ اسمیہ خبریہ

نحو1 جواب
3 اکتوبر، 2024

سوال 03 : مفتی صاحب سے میرا سوال یہ ہے کہ زید نامی شخص اپنی دکان پر پرانا سامان بیچتا ہے ، اور سب اس بات کوجانتے بھی ہیں، ساتھ ہی وہ خریدار کو بتا بھی دیتا ہے کہ یہ چیز پرانی ہے ، اس میں کوٸی بھی خرابی ہوسکتی ہے ، کوٸی گارنٹی نہیں ہے ، آپ پہلے ہی سب دیکھ لیں، خریداری کے بعد کوٸی خرابی آٸی میری ذمہ داری نہیں ہوگی، کیا زید کاایسا کرنا جاٸز ہے ؟

زید کا اس انداز سے سامان فروخت کرنا بالکل جاٸز ہے کیونکہ جب کسٹمرکو زید واضح لفظوں میں کہہ رہاہے کہ سامان پرانا ہے ، خرابی ہو سکتی ہے ، جو بھی خرابی ہوگی میری ذمہ داری نہیں ہے ،خریدنے سے پہلے ہی دیکھ لو، پھر کوٸی ابہام و خفاء نہیں رہتا، زید نے پہلے ہی تمام عیوب سے براءت کا اظہار کردیا ہے اور باٸع (بیچنے والے ) کا یہ عمل بالکل درست ہے۔ صاحب بہار شریعت مفتی محمد امجد علی اعظمی علیہ الرحمہ لکھتے ہیں :”کوئی چیز بیع کی اور بائع نے کہ دیا کہ میں ہر عیب سے بری الذمہ ہوں ،یہ بیع صحیح ہے اور اس مبیع کے واپس کرنے کا حق (خریدنے والے کے پاس ) باقی نہیں رہتا۔ یوہیں اگر بائع نے کہ دیا کہ لینا ہو تو لو اس میں سو طرح کے عیب ہیں یا یہ مٹی ہے یا اسے خوب دیکھ لو کیسی بھی ہو میں واپس نہیں کروں گا یہ عیب سے براءت ہے۔جب ہر عیب سے براءت کرلے تو جو عیب وقت عقد موجود ہے یا عقد کے بعد قبضہ سے پہلے پیدا ہوا سب سے براء ت ہوگئی۔“ (بہار شریعت، جلد2، حصہ 11، صفحہ688، مکتبۃ المدینہ، کراچی) واللہ تعالی اعلم بالصواب

فزیکل کاروبار کے مساٸل1 جواب
3 اکتوبر، 2024

مفتی صاحب میرا سوال یہ ہے کہ میں انسٹالمنٹ پر سامان خریدتا ہوں۔ پھر اس انسٹالمنٹ پر خریدے گٸے سامان کو قبضہ کرنے کے بعد آگے کسی اور کو اپنا منافع رکھ کر بیچ دیتا ہوں، ابھی میں نے اس سامان کی مکمل رقم ادا نہیں کی ہوتی، کیا میرا اس طرح کرنا جاٸز ہے ؟

اس عقد میں اگر کوٸی شرعی خرابی نہیں ہے ، تو آپ کا انسٹالمنٹ پر خریدا گیا سامان قبضے کے بعد کسی دوسرے شخص کو فروخت کرنا جاٸز ہے کیونکہ قبضے کے بعد اب آپ اس چیز کے مالک ہوگٸے اور اس کا جو بھی نفع و نقصان ہے وہ آپ کا ہے۔ واللہ تعالی اعلم بالصواب

فزیکل کاروبار کے مساٸل1 جواب
3 اکتوبر، 2024

استاد صاحب خطایا جامد ہے لیکن آپ نے فرمایا تھا کہ جامد وو ہوتا ہے جسے ہاتھ سے محسوس کیا جاتا ہے اور خطایا اسکا معنی برائیاں ہے

میں نے جو فرمایا تھا وہ ایک پہچان ہے محترم وہ آپ مصدر جامد کی پہچان میں مدد دے سکتی ہے یعنی ہر وہ چیز جو چھوئی جا سکے وہ جامد ہوگی لیکن ہر جامد چیز چھوئی نہیں جا سکتی جیسے عقل

صرف1 جواب
1 اکتوبر، 2024

استاد جی ! سوال عرض ہے راہنمائی فرمائی کہ افعال قلوب متصرف ہیں یا غیر متصرف ؟؟؟ کیونکہ ہم نے ایک نقشہ پڑھا ہے اس میں افعال قلوب کو غیر متصرف شمار کیا ہوا ہے حلانکہ افعال قلوب کی ماضی ،،امر نہی کی گردانیں بنتی ہے وجہ ارشاد فرما دیجئیے

افعال قلوب متصرف ہوتے ہیں

صرف1 جواب
1 اکتوبر، 2024

عندی کذا وکذا حدیثًا ۔۔اس کی نحوی ترکیب کر دیں

عند مضاف یاء ضمیر مضاف الیہ مرکب اضافی ہو کر مفعول فیہ ثابت اسم۔فاعل کا اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر مقدم کذا و کذا ممیز حدیثا تمییز ممیز تمییز ملکر مبتدا مبتدا خبر ملکر جملہ اسمیہ خبریہ

نحو1 جواب
30 ستمبر، 2024

اصابتھم کی تعلیل اور تحقیق بتادیں ۔۔

اصابت صیغہ واحد مؤنث غائب فعل ماضی مثبت معروف ثلاثی مزید فیہ اجوف یائی از باب افعال اصل میں أَصْیَبَت تھا قاعدہ نمبر 2 واو یا یاء کا ماقبل حرف صحیح ساکن ہو تو ان کی حرکت مَاقبل کو دینا واجب ہے اور اگر يہ حرکت فتحہ ہو تو واو یا یا کو الف سے بدلنا بھی واجب ہے اس قاعدے کے تحت یاء کی حرکت صاد کو دیکر یاء کو الف سے بدلا تو اصابت ہو گیا

صرف1 جواب
29 ستمبر، 2024

اطاع کی صرفی تحقیق اور تعلیل بتادیں ۔۔

اطاع صیغہ واحد مذکر غائب فعل ماضی مثبت معروف ثلاثی مزید فیہ اجوف واوی از باب افعال اصل میں أَطْوَعَ تھا قاعدہ نمبر 2 واو یا یاء کا ماقبل حرف صحیح ساکن ہو تو ان کی حرکت مَاقبل کو دینا واجب ہے اور اگر يہ حرکت فتحہ ہو تو واو یا یا کو الف سے بدلنا بھی واجب ہے اس قاعدہ کے تحت واو کی حرکت طاء کو دیکر واؤ کو الف سے بدلا تو اطاع ہوگیا

صرف1 جواب
29 ستمبر، 2024

جاء موسی میں موسی اسم مقصورہ ہے یہ غیر منصرف کیوں نہیں اور اسم مقصورہ غیر منصرف کے اسباب میں سے ہے تو اسکو معرب کی 16 ااقسم میں کیوں شمار کیا

موسی غیر منصرف ہی ہے عجمہ اور علم ہونے کی وجہ سے اور اسم مقصورہ معرب کی سولہ اقسام میں اس لئے شمار ہوتا ہے کہ اسم مقصور یا جو بھی اسم ہو وہ معرب ہوگا تو وہ معرب کی سولہ قسموں میں داخل ہوگا

نحو1 جواب
30 ستمبر، 2024

مصدر اور اسم مصدر میں کیسے فرق کرے طریقہ وضاحت کے ساتھ ارشاد فرما دیجیے محترم صاحب

ایک آسان فرق ملاحظہ فرمائیں مصدر کسی کام کو کرنا کہلاتا ہے جیسے مارنا پیٹنا دوڑنا بھاگنا اور اسم مصدر اس کام کا نام ہوتا ہے جیسے اداء کلام سلام وغیرہ یہ ایک آسان فرق ہے دوسرا فرق یہ ہے کہ مصدر تو اپنے فعل ماضی کے تمام حروف پر مشتمل ہوتا ہے جبکہ اسم مصدر میں ماضی کی نسبت کچھ حروف کم ہوتے ہیں یعنی جو مصدر کے اوزان ہیں ان کے علاوہ کسی وزن پر ہو جیسے باب تفعیل کا مصدر تکلیم ہے تو اسم مصدر کلام ہوگا

صرف1 جواب
30 ستمبر، 2024

آتوا کی صرفی تحقیق کریں

آتُوا صیغہ جمع مذکر حاضر فعل امر حاضر معروف ثلاثی مجرد مہموز الفاء و ناقص یائی از باب ضرب یضرب اصل میں آَتِیُوا تھا قاعدہ اگر لام کلمہ میں یا مضموم ہو اور اس کا ماقبل مکسور ہو اور اس کے بعد واو جمع ہو تو اس کی حرکت ماقبل کی طرف نقل کر کے یاء کواجتماع ساکنین کی وجہ سے حذف کر دیتے ہیں اس قاعدے کے تحت آَتُوا ہو گیا

صرف1 جواب
29 ستمبر، 2024

قال باع بعن یباع یقال خفن قائل اس میں کون سے قوانین جاری کیا ہے

قال باع میں درج ذیل قانون جاری ہوئے ہیں قاعدہ اگر فتحہ کے بعد واو یا یاء متحرک آجائے تو اسے چند شرائط کے ساتھ الف سے بدلنا واجب ہے بِعْن قاعدہ جب اجوف کی ماضی معروف یا مجہول میں عین کلمہ اجتماع ساکنین کی وجہ سے گر جائے تو فاء کلمہ کو ضمہ دیا جائے گا (جبکہ اجوف واوی مفتوح العین یا مضموم العین ہو) ورنہ (جبکہ اجوف يائی ہو یا اجوف واوی مکسور العین ہو تو) کسرہ دیں گے یقال یباع قاعدہ واو یا یاء کا ماقبل حرف صحیح ساکن ہو تو ان کی حرکت مَاقبل کو دینا واجب ہے اور اگر يہ حرکت فتحہ ہو تو واو یا یا کو الف سے بدلنا بھی واجب ہے بشرطیکہ قاعدہ نمبر 1 کی شرائط کے ساتھ ساتھ درج ذیل چھ 6 شرائط بھی اس میں پائی جائیں۔ (۱) واو اور یاء کے بعد حرف ساکن نہ ہو۔ لہذا مِقْوَالٌ میں یہ اصول جاری نہیں ہوگا (۲) واؤ اور یا والا کلمہ اسمِ تفضیل نہ ہو۔ جیسے: "اَقْوَلُ" (۳) وہ کلمہ فعلِ تعجب نہ ہو۔ جیسے: "مَااَقْوَلَہٗ" (۴) وہ کلمہ صفتِ مشبہہ بروزن "اَفْعَلُ" نہ ہو۔ جیسے: "اَسْوَدُ" (۵) وہ کلمہ ملحق نہ ہو۔ جیسے: "شَرْیَفَ" (۶) وہ کلمہ اسمِ آلہ نہ ہو۔ جیسے: "مِقْوَلٌ" قائل قاعدہ ہر وہ واؤ اور یاء جو اسمِ فاعل کے عین کلمہ میں ہو اسے ہمزہ سے بدلنا واجب ہے بشرطیکہ اُسکی ماضی میں تعلیل ہو چکی ہو

صرف1 جواب
29 ستمبر، 2024

سوال: کیا فرماتے ہیں علمائےکرام اس مسئلہ کے بارے میں کہ عام طور پر رائج ہے کہ جب ایک شخص کسی سے کوئی مال خریدتا ہےتو وہ بیچنے والے کو کچھ رقم بیعانہ دیتاہے پھر کسی وجہ سے وہ دونوں آپس میں بیع ختم کردیتے ہیں تو بیچنے والا بیعانہ کی رقم ضبط کرلیتا ہے خریدار کو واپس نہیں کر تااس کا ایسا کرنا کیساہے ؟

یہ ہمارے نظام میں ایک بڑی خرابی ہے کہ کسی وجہ سے بھی سودا ختم کیا جاتا ہے اب یہ سودا بیچنے والا ختم کرے تو اسے کہا جاتا ہے کہ جو رقم ایڈوانس دی تھی، اس میں اضافہ کرکے رقم واپس کرو، اور خریدنے والا سودا ختم کرے تو بیچنے والا اسے کہتا ہے کہ مارکیٹ اصول کے مطابق ایڈوانس رقم واپس نہیں دی جاۓ گی۔ یہ دونوں انداز غیرشرعی ہیں اور ظلم ہے۔ امام اہلسنت اسی بات کو بیان کرتےہوۓ لکھتے ہیں : بیع نہ ہونے کی حالت میں بیعانہ ضبط کر لینا جیسا کہ جاہلوں میں رواج  ہے ظلمِ صریح  ہے۔“ (فتاوی رضویہ،ج17،ص94) فتاوی فیض رسول میں بھی اسی طرح کے سوال کا جواب دیتے ہوۓ فقیہ ملت لکھتے ہیں : سودا ختم ہو جانے پربیعانہ ضبط کرنا ،ناجائز و گناہ اور ظلم ہے۔ (فتاوی فیض رسول ج 03 ص 126) واللہ تعالی اعلم بالصواب

فزیکل کاروبار کے مساٸل1 جواب
29 ستمبر، 2024

مات یموت کونس صیغہ ہے اس کی صرفی تحقیق کیسے ہو گئی

مات صیغہ واحد مذکر غائب فعل ماضی مثبت معروف ثلاثی مجرد اجوف واوی از باب نصر ینصر اصل میں مَوَتَ تھا واو متحرک ما قبل مفتوح کو الف سے بدلا تو مات ہو گیا یموت صیغہ واحد مذکر غائب فعل مضارع مثبت معروف ثلاثی مجرد اجوف واوی از باب نصر ینصر اصل میں یَمْوُت تھا واؤ متحرک ما قبل حرف ساکن تھا اس کی حرکت ما قبل کی طرف نقل کر دی تو یَمُوت ہو گیا

صرف1 جواب
18 ستمبر، 2024

لن ترانی صرفی تحقیق بتادیں

لن ترا صیغہ واحد مذکر حاضر فعل مضارع جحد بلن معروف ثلاثی مجرد مہموز العین و ناقص یائی از باب فتح یفتح اصل میں لن تَرْأَیَ تھا ھمزہ متحرک کی حرکت ما قبل کی طرف نقل کر کے ہمزہ کو حذف کیا تو لن تَرَیَ ہوگیا پھر یاء متحرک ما قبل مفتوح کو الف سے بدلا تو تَرَا ہوگیا

صرف1 جواب
26 ستمبر، 2024