عربی گرامر سوال و جواب

صرف و نحو: سوالات و جوابات

عربی گرامر (صرف و نحو) کے سوالات کے جائزہ شدہ جوابات: صیغے، ابواب، تعلیلات، اعراب اور ترکیب۔

کل 9,024 جوابات شدہ سوالات

سلام۔۔۔ثلاثی مجرد اور مزید فیہ کے معنی میں کیا فرق ہے خاصیات ابواب کی روشنی میں بتا دیجیے جزاک اللہ خیرا

ثلاثی مجرد سے مزید فیہ جب بنایا جاتا ہے تو اس کی کوئی نا کوئی غرض ہوتی ہے غرض ایک معنی مقصود حاصل کرنا ہے اور وہ معنی مقصود خاصہ ہوتا ہے اسی خاصہ کی وجہ سے ہم اس باب پر صیغہ بناتے ہیں مثلا کسب کا معنی ہے کمانا اور تکسب کا معنی ہے بتکلف کمانا

صرف1 جواب
20 جولائی، 2024

کیا ایک مسجد میں دو جماعتیں کروائی جا سکتی ہیں؟

محلے کی جس مسجد کے لئے امام اور جماعت مقرر ہوں،جب اہل محلہ اس میں اذان و اقامت کے ساتھ مسنون طریقے سے جماعت قائم کر لیں،تو اب دوبارہ اسی انداز سے دوسری جماعت قائم کرنا مکروہ ہے۔ ہاں ! اگر امام کی قائم کردہ جماعت کی کیفیت کے خلاف بغیر اذان کے دوسری جماعت قائم کروائی جائے ،تو اس کی اجازت ہوگی،نیز پہلی جماعت کی کیفیت کے خلاف ہونے کے لئے اتنا ہی کافی ہے،کہ محراب سے ہٹ کر جماعت قائم کروائی جائے،البتہ اگر کسی مقام پر دوسری جماعت کےقائم کرنے میں فتنے کا اندیشہ ہو ،تو پھر احتیاط ہی کی جائے۔ اورشارع عام کی مساجدجن کے نمازی مقررنہیں ہوتے،اسی طرح بازاروں اوراسٹیشن وغیرہ کی مساجد،جہاں لوگ آتے رہتے ہیں ، اورنمازپڑھ کرچلےجاتے،ہیں،ان کاحکم یہ ہےکہ وہاں اذان و اقامت کےساتھ بھی دوسری جماعت قائم کرنےمیں حرج نہیں ، بلکہ یہی افضل ہےکہ جوگروہ آئےوہ نئی اذان واقامت کےساتھ جماعت کرے

1 جواب
30 جولائی، 2024

نماز کی پہلی رکعت میں سورہ قدرپڑھی ،پھر دوسری رکعت میں بھول کر سورۃ التین کی تلاوت شروع کر دی اور اسی کو مکمل کر لیا،کیا نماز درست ہوئی؟

نماز اور نماز کے علاوہ جان بوجھ کر ترتیب کے خلاف قرآن پڑھنا مکروہ تحریمی ہے،لہذا اگر کوئی بھولے سے اس طرح کا عمل کر لے ،تو حرج نہیں،نیزنماز میں اگر کوئی بھولے سے خلاف ترتیب تلاوت شروع کر دے ،تو اُسی کو مکمل کرناضروری ہوتا ہے،اُسے چھوڑ کر اگلی سورت پڑھنے کی اجازت نہیں۔ مذکورہ صورت میں چونکہ بھولے سے پچھلی سورت کی تلاوت شروع کر دی تھی اوراُسی کو مکمل کیا،لہذا نماز بالکل درست ہوئی۔

1 جواب
30 جولائی، 2024

صلوۃ التوبہ کیا ہےاور یہ کس مقصد کے لئے پڑھی جاتی ہےاور اس کا طریقہ کیا ہے؟

صلوۃ التوبہ،ایک نفلی نمازہےاور یہ اپنے گناہو ں کی معافی طلب کرنے کے لئے پڑھی جاتی ہے،اس کا طریقہ یہ ہے کہ اچھی طرح وضو کر یں اور جس طرح عام نمازیں پڑھی جاتی ہیں،اسی طریقے سے صلوۃ التوبہ کی نیت سے دو رکعت نفل ادا کریں ،پھر اللہ کی بارگاہ میں توبہ و استغفار کریں ۔

1 جواب
30 جولائی، 2024

نماز پڑھتے ہوئے ،زبان پرکوئی چیز محسوس ہوئی،پھر اسے نگل گئے ،تو کیا حکم ہوگا؟

نماز پڑھتے ہوئے،منہ کے باہر سے کچھ چیز کھائی ،اگرچہ وہ تل کے برابر ہی کیوں نہ ہو،اس سے نماز ٹوٹ جائے گی اور اگر منہ کے اندر ہی موجود تھی اور اُسے نگل گئے،تو اب دیکھا جائےگاکہ ،اگر وہ چیز چنے کے برابر یا اس سے زیادہ ہو ،تو نماز ٹوٹنے کا حکم ہوگا اور اگر کم ہو ،تو نماز ہو جائے گی،لیکن ایسا کرنا مکروہ ہے۔

1 جواب
30 جولائی، 2024

پہلی رکعت میں اگر سورۃ الناس پڑھ لی ،پھر دوسری رکعت میں کونسی سورت تلاوت کریں؟کیا اس سے پہلے والی سورتوں میں سے پڑھ سکتے ہیں؟

قرآن پاک کو نماز و غیر نماز میں خلاف ترتیب پڑھنا ،مکروہ تحریمی اور گناہ ہے،جبکہ ایک ہی سورت کو دو رکعتوں میں تلاوت کرنا ،مکروہ تنزیہی ہے۔ لہذا مذکورہ صورت میں دوسری رکعت میں بھی سورۃ الناس تلاوت کر لی جائے اور خلافِ ترتیب قرآن پڑھنے سے بچا جائے۔

1 جواب
30 جولائی، 2024

بعض لوگ نماز میں بہت جلدی جلدی رکوع و سجود کرتے ہیں،تو کیا اُن کا اس طر ح نماز پڑھنا جائز ہے یا نہیں؟

نماز کے ہر ایک رکن میں ایک بار سبحان اللہ کہنے کی مقدار ٹھہرنا واجب ہے،اسے تعدیل ارکان کہا جاتا ہےاور یہ نماز کے واجبات میں سےہے،لہذا اگر کوئی جان بوجھ کر اسے ترک کرتا ہے ،تونماز واجب الاعادہ اور بھولے سے ترک ہو ،تو سجدہ سہو سے نماز مکمل ہو جائے گی اور سجدہ سہو نہیں کیا ،تو نماز دوبارہ پڑھنی ہوگی۔

1 جواب
30 جولائی، 2024

اگر کوئی شخص سجدے کی حالت میں اپنی انگلیاں ،زمین پرنہ جما سکے ،تو کیا اس کی نماز درست ہوگی؟

سجدے کی حالت میں دونوں پاؤں کی دسوں انگلیوںکو موڑ کا قبلے رخ کرناسنت،جبکہ دونوں پاؤں کی تین تین انگلیوں کا لگنا واجب اور کم از کم ایک انگلی کا پیٹ لگنا فرض ہے۔ اب اگر پورے سجدے میں ایک بار سبحان اللہ کہنے کی مقدار کے مطابق ایک بھی انگلی کا پیٹ زمین پر نہیں لگا ،تو سجدہ درست نہ ہوا،جب سجدہ نہیں تو نماز بھی درست نہ ہوئی اور اگر تین انگلیوں کا پیٹ نہیں لگا ،تو نماز واجب الاعادہ(یعنی دوبارہ ادا کرنی ہوگی) ہوگی۔ اور اگر تین انگلیوں کا پیٹ مقدار کے مطابق لگ جائے،تو نماز درست ہے،لیکن بہتر یہی ہے کہ مکمل سجدہ سنت کے مطابق ہی کیا جائے۔

1 جواب
30 جولائی، 2024

گھر میں کسی جگہ نجاست گری تھی،لیکن وہ وہیں سوکھ گئی،اب نجاست کا کوئی نام و نشان بھی نہیں ،تو کیا اس جگہ نماز پڑھ سکتے ہیں؟

پہلے یہ ذہن نشین رکھیں،کہ زمین پر گری نجاست جب خشک ہو کر ختم ہو جائےاور نجاست کا اثر رنگ،بو،ذائقہ باقی نہ رہے،تو زمین کے پاک ہونے کا حکم دیا جائے گا،لہذا اس جگہ پر نماز پڑھ سکتے ہیں،البتہ یہ یاد رکھیں کہ اگر کسی وقت تیمم کی ضرورت پڑ جا ئے تو ،اس مقام سے تیمم نہیں کیا جا سکتا۔

1 جواب
30 جولائی، 2024

بعض لوگ جماعت کے بعد بلند سے ذکر کر تے ہیں ،جس سے بعد میں نماز پڑھنے والوں کو بھی آزمائش ہوتی ہے،کیا نماز کے بعد بلند آواز سے ذکر کرنا درست ہے؟

نماز کے بعد بلند آواز سے ذکر کرنا قرآن وحدیث سے ثابت ہے،البتہ اتنی بلند آواز کرنا ،جس سے دوسرے نمازیوں کو آزمائش کا سامنا ہو،جائز نہیں۔

1 جواب
30 جولائی، 2024

قعدۂ اخیرہ میں اگر کوئی بھولے سے دعائے ماثورہ کی جگہ فاتحہ پڑھ لے تو کیاحکم ہوگا۔

سورۃالفاتحہ حمدو ثنا کے ساتھ دعا بھی ہے،لہذا اگر کوئی قصداً بھی دعائے ماثورہ کی جگہ سورۃ الفاتحہ پڑھ لے تب بھی جائز ہے، البتہ بہتریہی ہے کہ قعدہ ٔاخیرہ میں پڑھی جانے والی دعائے ماثورہ جو احادیث طیبہ میں بیان ہوئیں ،وہی پڑھی جائیں۔

1 جواب
30 جولائی، 2024

یتلی کون سا صیغہ ہے

یتلی صیغہ واحد مذکر غائب فعل مضارع مثبت مجہول ثلاثی مجرد ناقص واوی از باب نصر ینصر اصل میں یتلَوُ تھا واو چوتھی جگہ یا اسے آگے واقع ہو ااور اس سے پہلے ضمہ یا واو ساکن نا ہو تو واو کو یاء سے بدلنا واجب ہوتا ہے واؤ کو یاء سے بدلا تو یتلَیُ ہوگیا پھر یاء متحرک ما قبل مفتوح کو الف سے بدلا تو یتلی ہوگیا

صرف1 جواب
29 جولائی، 2024

ان اللہ تجاوز لی عن امتی الخطاء والنسیان و ما استکرھوا علیه۔ اسکی نحوی ترکیب کیسے ہو گی؟

ان حرف مشبہ بالفعل اللہ اسم جلالت اس کا اسم تجاوز فعل ھو ضمیر فاعل ل جار یا ضمیر متکلم مجرور جار مجرور ملکر ظرف لغو عن جار امت مضاف یاء ضمیر متکلم مضاف الیہ مضاف مضاف الیہ ملکر مجرور جار مجرور ملکر ظرف لغو ثانی الخطاء معطوف علیہ و حرف عطف النسیان معطوف اول و حرف عطف ما موصولہ استکرھوا فعل واو ضمیر نائب الفاعل علیہ جار مجرور ملکر ظرف لغو فعل نائب الفاعل اور ظرف لغو ملکر جملہ فعلیہ خبریہ ہوکر صلہ موصول صلہ ملکر معطوف ثانی معطوف علیہ اپنے معطوفات سے ملکر مفعول بہ فعل اپنے فاعل اور ظرف لغو اور مفعول بہ سے ملکر جملہ فعلیہ خبریہ ہو کر ان کی خبر ان اپنے اسم و خبر سے ملکر جملہ اسمیہ خبریہ

نحو1 جواب
29 جولائی، 2024

جملے کو مبنی کہنے کی کیا وجہ ہے؟

معرب کہنے کے لئے ضروری ہے کہ مفرد ہو اور اس میں کوئی وجہ اعراب بھی ہو اب جملہ میں اعراب کہاں لگائیں گے کس جگہ پر لگائیں گے اس وجہ سے جملہ مبنی کہلاتا ہے مزید اصطلاحی اعتبار سے سمجھیں کہ معرب وہ کلمہ ہوتا ہے جس میں کوئی عامل مؤثر ہو اور وہ حروف کی مشابہت سے خالی ہو اور وہ عامل اس کلمے سے الگ ہوتا ہے لیکن جملے میں یہ صورت نہیں پائی جاتی

نحو1 جواب
28 جولائی، 2024

"اَطَعنَ" کون سا صیغہ ہے مع تعلیل ذکر فرمائیں

أطعن صیغہ جمع مونث غائب فعل ماضی مثبت معروف ثلاثی مزید فیہ اجوف واوی از باب افعال اصل میں أطْوَعن تھا اجوف کے قانون نمبر دو کے مطابق واو کی حرکت ما قبل کی طرف نقل کر کے واؤ کو الف سے بدلا تو أطاعن ہوگیا پھر الف اور عین میں اجتماع ساکنین ہوا تو الف کو حذف کر دیا تو أطعن ہوگیا

صرف1 جواب
28 جولائی، 2024

یجوز مسح جبیرۃاحدی الرجلین ترکیب کیجئے

یجوز فعل مسح مضاف جبیرہ مضاف الیہ مضاف احدی مضاف الیہ مضاف الرجلین مضاف الیہ احد مضاف اپنے مضاف الیہ سے ملکر جبیرہ کے لئے مضاف الیہ جبیرۃ مضاف اپنے مضاف الیہ سے ملکر مسح کا مضاف الیہ مسح مضاف اپنے مضاف الیہ سے ملکر یجوز کا فاعل یجوز فعل اپنے فاعل سے ملکر جملہ فعلیہ خبریہ

نحو1 جواب
28 جولائی، 2024

فصل العطف بالحروف تابع ینسب الیہ مانسب الی متبوعہ وکلاھمامقصودان بتلک النسبتہ ترکیب کردیجیے

فصل خبر مبتدا محذوف ھذا مبتدا خبر ملکر جملہ اسمیہ خبریہ العطف ذو الحال ب جار الحروف مجرور جار مجرور ملکر ظرف مستقر ثابتا کے متعلق ثابتا اسم فاعل اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر حال ذو الحال حال ملکر مبتدا تابع موصوف ینسب فعل الیہ جار مجرور ملکر ظرف لغو ما موصولہ نسب فعل ھو ضمیر نائب الفاعل راجع بسوئے ما الی جار متبوعہ مرکب اضافی ہو کر مجرور جار مجرور ملکر ظرف لغو فعل نائب الفاعل ظرف لغو ملکر جملہ فعلیہ خبریہ ہو کر صلہ موصول صلہ ملکر نائب الفاعل ینسب فعل کا ینسب فعل اپنے نائب الفاعل اور ظرف لغو سے ملکر جملہ فعلیہ خبریہ ہو کر تابع کی صفت تابع موصوف اپنی صفت سے ملکر خبر مبتدا خبر ملکر جملہ اسمیہ خبریہ کلا مضاف ھما مضاف الیہ مضاف مضاف الیہ ملکر مرکب اضافی ہو کر مبتدا مقصودان اسم مفعول اس میں ھما ضمیر نائب الفاعل ب جار تلک مبدل منہ النسبۃ بدل مبدل منہ بدل مل کر مجرور جار مجرور ملکر ظرف لغو اسم مفعول اپنے نائب الفاعل اور ظرف لغو سے ملکر شبہ جملہ اسمیہ ہو کر خبر مبتدا خبر ملکر جملہ اسمیہ خبریہ

نحو1 جواب
27 جولائی، 2024

Mere swal yeh hai. Ke nehv ki tarkibo ko Hal kese kare

نحوی تراکیب کے حل کے لیے سب اہم بات یہ ہے کہ آپ کسی بھی عبارت میں عوامل و معمول اور عمل پہچان سکتے ہوں اور اس کے لئے کم از کم ایک نحو کی بنیادی کتاب یاد ہونا ضروری ہے جب اس حد تک مہارت ہو تو پھر آپ کوئی ایک ایسی کتاب پڑھیں جس میں تراکیب موجود ہوں اس سے آپ کو تراکیب جوڑنا آ جائیں گی

نحو1 جواب
26 جولائی، 2024