عربی گرامر سوال و جواب

صرف و نحو: سوالات و جوابات

عربی گرامر (صرف و نحو) کے سوالات کے جائزہ شدہ جوابات: صیغے، ابواب، تعلیلات، اعراب اور ترکیب۔

کل 9,024 جوابات شدہ سوالات

یہی تو ہم بھی سمجھہ رہے تھے خیر بڑا اچھا لگا کہ آپ نے کوشش کی جب سمجھہ آجائے تو بتا دینا، اگر ہمیں آگیا تو ہم عرض کر دینگے، مگر یہ ضرور ہے کہ اضافت کا سبق ہے تو اضافت کی ہی کوئی صورت بنے گی، واللہ اعلم

القائم تو مضاف ہی ہے اور الغلام مضاف الیہ لیکن ضمیر کے استتار کی بات جو کی ہے وہ سمجھ سے بالاتر ہے

نحو1 جواب
25 جولائی، 2024

اضافت لفظیہ کا فائدہ تخفیف کرنا ہے لہذا قائم غلامه کی ضمیر کو حذف کردیا اور القائم الغلام ہوگیا اب اس غلام کی ضمیر کو ہم نے القائم میں محذوف مانا تاکہ صیغہ صفت فائل کے بغیر نا رہے اب یہ کس طرح ترجمہ ہوگا؟؟؟؟ شاید اسی طرح ہی کچھہ اصول ہے،

قائم غلامه قائم اسم فاعل غلامه فاعل یہ اصل عبارت کی ترکیب ہے جس کا ترجمہ ہے کھڑا ہونے والا غلام یا کھڑا اس کا کھڑا ہوا غلام اس عبارت میں غلام قائم کا فاعل ہے لیکن جب مضاف کیا تو غلامه کی ضمیر جو کہ مضاف الیہ بن رہی ہے یہ صفت کے صیغے میں کیسے آئے گی اگر آئے گی تو فاعل بنے گی پھر غلام کیا بنے گا ؟ یہ عبارت قابل تنقیح ہے مزید تحقیق کر کے جوابات دوں گا ان شاء اللہ

نحو1 جواب
25 جولائی، 2024

اکثر ہم دیکھتے ہیں کہ بچے کھیل کود میں قربانی کے جانوروں پر بیٹھ جاتے ہیں اور ان کی سواری کرتے ہیں تو کیا قربانی کے جانوروں پر سواری کر سکتے ہیں یا نہیں؟

قربانی کے جانوروں پر سواری کرنا شرعا بالکل جائز نہیں کیونکہ ان سے کسی بھی طرح کا نفع حاصل کرنامنع ہے اور ان پر سوار ہونا بھی ایک طرح کی منفعت ہی ہے لھذا اس کی اجازت نہیں ۔ نیز اگر سوار ہوۓ اور اس سے قربانی کے جانور میں کوئ کمی آئ تو جتنی کمی آئ اتنی رقم صدقہ کرنا ہوگی۔

1 جواب
3 جون، 2024

کوئ شخص اگر ایک شہر میں رہتا ہو اور وہ اپنی قربانی دوسرے شہر میں اپنے رشتداروں کے پاس کروانا چاہے تو کیا وہ کروا سکتا ہے؟

جی بلکل اس طرح قربانی کر سکتے ہیں اس میں کوئ حرج نہیں لیکن اس صورت میں اس بات کا خیال رہے کہ دونوں شہروں میں قربانی کا وقت ہونا ضروری ہے کیونکہ جہاں قربانی ہو رہی ہے وہاں قربانی کا وقت شروع ہوگیا لیکن وہ شخص جہاں مقیم ہے وہاں ابھی وقت نہیں ہوا تو مؤکل(قربانی کروانے والے) کو اتنا انظار کرنا ہوگا کہ اس شخص کے شہر میں قربانی کا وقت شروع ہوجاۓ۔

1 جواب
3 جون، 2024

مفتی صاحب سوال یہ ہے کہ اگر کسی شخص کے پاس اتنی رقم نہ ہو کہ وہ قربانی کا جانور خرید سکے تو ایسی صررت میں کوئ دوسرا شخص قربانی کا جانور خریدنے میں اس کی مدد کر سکتا ہے ؟ اور مدد کرنے سے قربانی پر کوئ فرق تو نہیں پڑے گا کیونکہ مدد کرنے والے شخص کا اس جانور میں کوئ حصہ نہیں۔

قربانی کے صحیح ہونے کا مدار جانور کے حصوں میں شرکت پر اور جانور کے ملک میں ہونے یا نہ ہونے پر منحصر ہے نہ کہ رقم پر۔ جانور اگر ملکیت میں ہے اور قربانی کے شرکاء اور حصے صحیح متعین ہیں تو قربانی ہوجاۓ گی اور رقم کے حوالے سے مدد کرنے والے شخص کو اس کا ثواب حاصل ہوگا۔

1 جواب
26 جون، 2024

اگر کسی نے قربانی کے لیے جانور خریدا تھااور قربانی کرنے سے پہلے اوس کے بچہ پیدا ہوگیا تو اب ایسی صورت میں کیا کرنا چاہۓ؟

ایسی صورت میں بچے کو بھی ساتھ ذبح کر دیں اور اگر بیچ دیا ہو تو قیمت صدقہ کرنی ہوگی اور اگر ذبح نہیں کیا اور نہ ہی اس کو بیچا اور اسی طرح قربانی کے ایام گزر جاتے ہیں تو پھر اس زندہ بچھڑے کو صدقہ کرنا ہوگا۔

1 جواب
26 جون، 2024

سوال عرض یہ ہے کہ اگر کسی کے پیسے ادھار کی صورت میں پھنسے ہوں اور ایام قربانی کے دوران ملنے کی بھی امید نہ ہو اور اسکے علاوہ اسکے پاس اور کوئ مال بھی نہ ہو تو اب ایسے شخص پر قربانی کا کیا حکم ہے؟

جس کے پاس رقم پھنسی ہے پہلے تو کوشش کریں کہ اس سے اتنی رقم لے لیں کہ جس سے قربانی ہو سکے اور اگر غالب گمان ہو کہ ایام قربانی کے دوران پیسے نہیں ملیں گے اور اسکے علاوہ دوسرا کوئ مال بھی موجود نہ ہو جس سے قربانی ہو سکے تو ایسی صورت میں ان پر قربانی واجب نہیں ۔

1 جواب
28 جون، 2024

نماز جنازہ میں اگر تکبیریں چھوٹ جائیں لیٹ آنے کی وجہ سے تو کیا کریں؟

جس شخص کی نماز جنازہ کی کچھ تکبیریں چھوٹ جائیں تو وہ امام کے سلام پھیرنے کے بعد بقیہ تکبیر کہے اور اس میں ثناء اور درود بھی کہے۔ لیکن اگر اندیشہ ہو کہ ثناء اور درود پڑھیں گے تو جنازہ اٹھا لیا جائے گا تو اس صورت میں ثناءاور درود چھوڑ دیں اور صرف تکبیر کہ لیں، نماز ہو جاۓ گی ۔

1 جواب
3 جولائی، 2024

مفتی صاحب میرا سوال یہ ہے کہ میزان بینک میں سیونگ اکاؤنٹ کھلوانا کیسا ہے اور اس سے جو نفع آتا ہے وہ سود تو نہیں؟

اسلامک بینکس میں مستند علماء کا پینل موجود ہوتا ہے وہاں پر سیونگ اکاؤنٹ ٫مضاربہ مشارکہ جیسے شرعی معاملات پر مشتمل ہوتے ہیں۔ اگر آپ کسی بینک میں اپنا اکاؤنٹ کھلوائیں تو اس کے ٹرمز اینڈ کنڈیشن دیکھ کر وہاں موجود مفتیان کرام پر اعتماد کر تے ہوئے اکاؤنٹ کھلوا سکتے ہیں۔

1 جواب
3 جولائی، 2024

مفتی صاحب سوال عرض ہے کہ کیا جنت میں ہم گھوڑے پر سواری کر سکیں گے یا نہیں ؟

جنت میں جنتی جس چیز کی خواہش کرے گا ،وہ پوری کر دی جائے گی ۔لیکن ضروری یہ ہےکہ ہم اُن چیزوں کی طرف توجہ کریں،جو جنت میں جانے کے ظاہری اسباب ہیں،یعنی نیک امور اختیار اور گناہوں سے اجتناب کریں۔

عقائد1 جواب
11 جولائی، 2024

علامہ صاحب میرا سوال یہ ہے کہ احصار کیا ہے اور کیا حج کی طرح عمرے میں بھی قربانی لازم ہوتی ہے؟

احصار سے مراد یہ ہے کہ کوئ شخص حج یا عمرے کااحرام باندھ لے،پھروہ حج یاعمرہ نہ کرسکے،کسی دشمن وغیرہ نے روک دیایا ہویا کسی بیماری وغیرہ کے سبب نہ کرسکاہو تو اس کے لیے حکمِ شرعی یہ ہے کہ وہ حدودِحرم میں ایک قربانی کرے یاکسی سے کروائے اوراحرام سے باہرہوجائے۔نیز عمرے میں کوئ قربانی نہیں ہوتی ۔

1 جواب
3 جون، 2024

وَ منْ لم یجد الماءَ وھو مسافر او کان خارج المصرِ بینہُ و بین المصر اس کی نحوی ترکیب بتا دیجیے ۔

یہ عبارت مکمل نہیں ہے من شرطیہ مبتدا لم یجد فعل ھو ضمیر ذوالحال الماء مفعول بہ و حالیہ ھو مبتدا مسافر خبر مبتداء خبر ملکر جملہ اسمیہ خبریہ ہوکر معطوف علیہ و عاطفہ کان فعل ناقص اس میں ھو ضمیر ذو الحال خارج مضاف المصر مضاف الیہ مرکب اضافی ہو کر مفعول فیہ ثابت اسم فاعل کا اس میں ھو ضمیر اس کا فاعل اسم فاعل اپنے فاعل اور مفعول فیہ سے ملکر شبہ جملہ اسمیہ ہو کر خبر بین مضاف ھاء ضمیر مضاف الیہ مرکب اضافی ہو کر معطوف علیہ و عاطفہ بین مضاف المصر مضاف الیہ مرکب اضافی ہو کر معطوف معطوف علیہ معطوف ملکر ثابت اسم فاعل کا مفعول فیہ ثابت اسم فاعل اس میں ھو ضمیر اس کا فاعل ثابت اسم فاعل اپنے فاعل اور مفعول فیہ سے ملکر شبہ جملہ اسمیہ ہو کر خبر مقدم مبتداء آگے کی عبارت ہے نحو المیل نحو المیل مرکب اضافی ہو کر مبتدا مؤخر مبتدا خبر ملکر جملہ اسمیہ خبریہ ہو کر حال ذو الحال (کان کی ضمیر ) اپنے حال سے ملکر کان کا اسم کان فعل ناقص اپنے اسم و خبر سے ملکر جملہ فعلیہ خبریہ ہو کر معطوف معطوف علیہ ( ھو مسافر ) اپنے معطوف سے ملکر حال لم یجد کی ھو ضمیر سے ذو الحال حال ملکر فاعل فعل فاعل مفعول بہ ملکر شرط جزاء اگلی عبارت ہے جو آپ نے ذکر نہیں کی

نحو1 جواب
23 جولائی، 2024

اما المقدمتہ ففی المبادی التی یجب تقدیمھا لتوقف المسائل علیھا ترکیب کیجیے

اما حرف شرط و تفصیل قائم مقام مھما یکن من شیئ المقدمۃ مبتدا فاء جزائیہ فی جار المبادی موصوف اللتی اسم موصول یجب فعل تقدیم مضاف ھاء ضمیر مضاف الیہ مرکب اضافی ہو کر فاعل ل جار توقف مضاف المسائل مضاف الیہ علی جار ھا ضمیر مجرور جار مجرور ملکر ظرف لغو توقف مصدر کا مصدر اپنے مضاف الیہ اور ظرف لغو سے ملکر جار کا مجرور جار مجرور ملکر ظرف لغو یجب فعل کا یجب فعل اپنے فاعل اور ظرف لغو سے ملکر جملہ فعلیہ خبریہ ہو صلہ موصول صلہ ملکر المبادی کی صفت موصوف صفت ملکر المقدمۃ مبتدا کی خبر مبتدا خبر ملکر جملہ اسمیہ خبریہ

نحو1 جواب
23 جولائی، 2024

ارونی صیغے کی تعلیل بتائں

اروا صیغہ جمع مذکر حاضر فعل امر حاضر معروف ثلاثی مزید فیہ مہموز العین و ناقص یائی از باب افعال اصل میں أَرءِیوا تھا ھمزہ متحرک ما قبل ساکن تھا ہمزہ کی حرکت ما قبل کی طرف نقل کی پھر ھمزہ کو حذف کر دیا تو أرِیونی ہوگیا یاء مضموم ما قبل مکسور اس کے بعد واو جمع تھی تو یاء کی حرکت ما قبل کی طرف نقل کر کے یاء کو حذف کر دیا تو أروا ہوگیا ارونی میں میں نی فعل کا حصہ نہیں بلکہ نون وقایہ ہے اور یاء متکلم کی مفعول بہ ہے

صرف1 جواب
18 جولائی، 2024

مستحبہ اسکا صرفی دائرہ کار بتا دیجیے

صیغہ واحد مؤنث اسم مفعول ثلاثی مزید فیہ مضاعف از باب استفعال مصدر استحباب حروف اصلیہ ح ب ب اصل میں مستحببۃ تھا دو ہم جنس حروف جمع ہوئے دونوں متحرک تھے اور ان کا ما قبل ساکن تھا تو پہلے حرف کی حرکت حاء کو دیکر دونوں کا ادغام کیا تو مستحبۃ ہوگیا

صرف1 جواب
23 جولائی، 2024

جملہ خبریہ اور جملہ انشائیہ میں کیا فرق ہیں .. نیز اجلس. یا. من ھذا. میں جھوٹ کااحتمال کیسے اوکیوں نہی ھیں

جملہ خبریہ میں جھوٹے اور سچے ہونے کا احتمال ہوتا ہے جبکہ انشائیہ میں سچے جھوٹے ہونے کا احتمال نہیں ہوتا بالفاظ دیگر جس جملے کے قائل کو سچا یا جھوٹا کہا جا سکتا ہو وہ خبریہ اور جس کے قائل کو سچا یا جھوٹا نا کہا جا سکے وہ انشائیہ ہے اجلس فعل امر ہے جو شخص حکم دے رہا ہے اس کو آپ سچا یا جھوٹا نہیں کہہ سکتے اسی طرح من ھذا میں سوال کیا جا رہا ہے تو سوال کرنے والے کو سچا یا جھوٹا نہیں کہا جا سکتا

نحو1 جواب
24 جولائی، 2024

اِرْعَوٰی کی صرفی تحقیق

ارعوی صیغہ واحد مذکر غائب فعل ماضی مثبت معروف ثلاثی مزید فیہ ناقص واوی از باب افعلال (احمرار) مصدر ارعواء اصل میں ارعوو تھا واو چوتھی جگہ واقع ہوئی واؤ کو یاء سے بدلا پھر یاء متحرک ما قبل مفتوح کو الف سے بدلا تو اروعوی ہوگیا یہاں الف بصورت کھڑی زبر یاء پر لکھا جاتا ہے

صرف1 جواب
24 جولائی، 2024

لا تمتروا کس باب سے ہے ۔ساتھ میں اس کی تعلیل بھی بتائیں ‌اگر افتعال سے ہے تو

لا تمتروا صیغہ جمع مذکر حاضر فعل نہی حاضر معروف ثلاثی مزید فیہ ناقص یائی از باب افتعال اصل میں لاتمتریوا تھا قاعدہ # اگر فعل میں یاء مضموم ہو اور اس کے بعد واؤ جمع ہو تو یاء کی حرکت ما قبل کی طرف نقل کر کے یاء کو اجتماع ساکنین کے سبب حذف کر دیتے ہیں تو لاتمتریوا میں یاء کی حرکت راء کو دی پھر یاء کو حذف کر دیا تو لا تمتروا ہوگیا

صرف1 جواب
24 جولائی، 2024

اکرم العلماء کیا صیغہ ہے اور وجہ اعراب اعراب علامت وجہ علامت کیا ہے

الرم صیغہ واحد مذکر اسم تفضیل ثلاثی مجرد صحیح از باب کرم یکرم علماء صیغہ جمع مکسر صفت مشبہ ثلاثی مجرد صحیح از باب علم یعلم عَلِيمٌ، عَلِيمَةٌ : جمع: عُلَمَاءُ، ـات. [ع ل م]. (صِيغَةُ فَعِيل). 1."رَجُلٌ عَلِيمٌ بِأُمُورِ الدِّينِ وَالدُّنْيَا" : عَارِفٌ بِهَا، المُتَّصِفُ بِالعِلْمِ. 2."الحَمْدُ لِلَّهِ الْعَلِيمِ الأَعْلَمِ" : مِنْ أَسْمَاءِ اللَّهِ الْحُسْنَى. 3."عَبْدُ الْعَلِيمِ" : اِسْمُ عَلَمٍ مُرَكَّبٌ.

نحو1 جواب
24 جولائی، 2024

سنت مؤکدہ اور غیر مؤکدہ کی جگہ قضا پڑھ سکتے ہیں؟

نوافل و سنت غیر مؤکدہ کا حکم یہ ہےکہ ،انہیں بغیر کسی عذر کے بھی ترک کیا ،تو حرج نہیں،البتہ پڑھنا بہتر ہے،جبکہ سنت مؤکدہ کو ایک بار بغیر کسی عذر کے چھوڑنا برا اور چھوڑنے کی عادت بنا لینا گناہ ہے،لہذا نوافل و سنت غیر مؤکدہ چھوڑ کر قضا پڑھی جا سکتی ہے،لیکن قضا کے لئے سنت مؤکدہ نہیں چھوڑی جا سکتی۔

1 جواب
24 جولائی، 2024

ایک شخص ایک ہفتے کے لئے کراچی سے لاہور گیا ،وہاں اس نے امام کے ساتھ جمعے کی نماز ادا کی ،تو کیا اس کا ایسا کرنا صحیح ہے،کیونکہ سنا ہے کہ مسافر کے لئے جمعہ پڑھنا درست نہیں ہے۔

مسئلہ یہ ہےکہ مسافر پر جمعہ فرض نہ ہونا ( یعنی جمعہ چھوڑنے کی رخصت ) سفر کی مشکلات کی وجہ سے ہے، لیکن جمعہ کی اہلیت باقی رہتی ہے، باطل نہیں ہو جاتی، اسی لئے جب وہ اس رخصت پر عمل نہ کرتے ہوئے جمعہ پڑھ لے تو جمعہ ادا ہو جائے گا۔لہذا مذکورہ صورت میں مسافر کا جمعہ پڑھنا باکل جائز ہے۔

1 جواب
24 جولائی، 2024

امام صاحب پر سجدہ سہو لازم ہو،تو جماعت میں بعد میں شامل ہونے والے بھی سجدہ سہو کرے گے،اگر وہ بھولے سے کھڑا ہو جائے اور سجدہ سہو نہ کریں ،تو کیا حکم ہوگا؟

جس کی با جماعت نماز کی کچھ رکعتیں نکل گئیں ہوں،اسے مسبوق کہتے ہیں،نیز مسبوق پر بھی اپنے امام کے ساتھ سجدہ سہو کرنا لازم ہوتا ہے،اگرچہ اس کے نماز میں شامل ہونے سے پہلے واجب ترک ہوا ہو۔ اگر مسبوق امام کے ساتھ سجدہ سہو نہیں کرتااور بھولے سےاپنی نماز کے لئے کھڑا ہو جاتا ہے،تو اس پر لازم ہےکہ فوراً لوٹ آئے اورامام کے ساتھ سجدہ سہو میں شامل ہواوراس کے لوٹنے سے پہلے ہی امام صاحب سجدہ سے اٹھ چکے ہوں ،تواس کے لئے حکم ہے کہ اپنی نماز جاری رکھے پھر آخری میں اپنے طور پر سجدہ سہو کرے۔

1 جواب
24 جولائی، 2024

اگر مغرب کی آخری رکعت میں امام صاحب بلند آواز سے فاتحہ شروع کر دیں ،تو کیانماز درست ہوگی۔

مغرب کی آخری رکعت میں سورہ فاتحہ پڑھنا سنت ہے،نیز اگر کوئی پڑھنا چاہے ،تو اس پر آہستہ پڑھناواجب ہے،لہذا اسے بلند آواز سے پڑھنے کی صورت میں واجب ترک ہونے کی بنا پر سجدہ سہو لازم ہوگا۔ لہذا مذکورہ صورت میں بھی امام صاحب پر سجدہ سہو لازم تھا،اگر سجدہ سہو کیا تو ٹھیک ورنہ نماز فاسد اور اس کا اعادہ لازم ہے۔

1 جواب
24 جولائی، 2024

فجر میں آنکھ کھلی تو دس منٹ باقی تھے،وضو کر کے نماز شروع کر دی،لیکن جب سلام پھیرا ،تو دس ،پندرہ سیکنڈگزر چکے تھے،تو کیا اس صورت میں نماز ہو گئی یا نہیں۔

فجر کا انتہائی وقت طلوع آفتاب تک ہےاور اس میں لازم ہے کہ وقت کے اندر سلام پھیر لیا جائے،اگر سلام پھیرنے سے پہلے طلوع آفتاب ہو گیا ،تو نماز باطل ہو جائے گی اور اس کی قضا لازم ہوگی۔لہذا مذکورہ صورت میں نماز باطل ہوئی ،آپ پر لازم ہےکہ اس کی قضا کریں۔

1 جواب
24 جولائی، 2024

نماز کے دوران کسی وجہ سے وضو ٹوٹ جائے ،تو کیا کیا جائے؟

دوران ِ نماز وضو ٹوٹ جانے کی صورت میں ،فوراً نماز توڑ دی جائے،کوئی رکن بغیر وضو ادا نہ کیا جائے،پھر مستحب یہ ہےکہ اپنی ناک پکڑ کر سر جھکاکر صف سے باہر نکل جائے۔ چاہے تو نمازیوں کے آگے سے گزر جائےاور چاہے تو صفوں کو چیرتا ہوا نکل جائے،اس صورت میں نمازیوں کے سامنے سے گزرنا بھی جائز ہے۔

1 جواب
24 جولائی، 2024

یَصِّحُ کی صرفی تحقیق کیا ہو گی ؟؟

یصح صیغہ واحد مذکر غائب فعل مضارع مثبت معروف ثلاثی مجرد مضاعف از باب ضرب یضرب اصل میں یصحح تھا دو ہم جنس حروف جمع ہوئے دونوں متحرک اور ان کا ما قبل ساکن تھا تو پہلے ہاء کی حرکت صاد کی طرف نقل کر کے دونوں حاء کا ادغام کیا تو یصح ہوگیا

صرف1 جواب
23 جولائی، 2024

اتقوا کے حروف اصلیہ بتا دیجئے اور یہ بھی بتائے یہ کون سا فعل ہے اور لفیف کیوں ہیں رہنمائی فرما دیں

اتقوا (بضم القاف) صیغہ جمع مذکر حاضر فعل امر حاضر معروف ثلاثی مزید فیہ لفیف مفروق از باب افتعال حروف اصلیہ و ق ی اصل میں صیغہ تھا اوتقیوا واو افتعال کے فاء کلمہ میں اسے تاء سے بدل کر تاء کا تاء میں ادغام کیا تو اتقیوا ہوگیا پھر رموا والا قاعدہ لگایا تو اتقوا ہوگیا

صرف1 جواب
23 جولائی، 2024

حدثنا عبد االلہ بن عمر بن الخطاب کی نحوی ترکیب کیا ہوگی۔

حدث فعل نا ضمیر مفعول بہ عبد اللہ مرکب اضافی ہو کر موصوف بن مضاف عمر موصوف ابن الخطاب مرکب اضافی ہو کر صفت موصوف صفت ملکر ابن کا مضاف الیہ مضاف مضاف الیہ ملکر عبد اللہ کی صفت موصوف صفت ملکر حدث کا فاعل فعل فاعل مفعول بہ ملکر جملہ فعلیہ خبریہ

نحو1 جواب
17 جولائی، 2024

علی حسنین صرفی و نحوی اعتبار سے کیا ہے

علی حسنین نحوی اعتبار سے مرکب مزجی ہے صرفی اعتبار سے دونوں کی ایک ساتھ صرفی تحقیق نہیں ہوگی بلکہ دونوں کی الگ الگ ہوگی علی صیغہ واحد مذکر صفت مشبہ ثلاثی مجرد ناقص واوی از باب نصر ینصر اصل میں علیو تھا سید والا قانون جاری ہوا حسنین تثنیہ اسم جامد ثلاثی مجرد صحیح

صرف1 جواب
18 جولائی، 2024

حسن اخلاق کو کس طرح اپنایا جاۓ کیونکہ اکثر ہم چاہتے ہیں کہ اچھے اخلاق سے پیش آئیں لیکن نہیں آ پاتے؟

حسن اخلاق کا مطلب ہے اچھی عادات و رویہ کا ہونا یعنی لوگوں کے ساتھ اچھے انداز میں پیش آنا اور اچھی عادتوں کو اپنانا۔ انھیں اپنانے کے لیے اچھے اخلاق کی اہمیت و فضائل کو پڑھیں اور برے اخلاق اور بری صحبت سے دوری اختیار کریں۔

اخلاقیات1 جواب
11 جولائی، 2024

سوال یہ ہے کہ اگر کوئی خاتون رمضان میں دن میں پاک ہوئیں اور اس نے غسل میں غرغرہ نہیں کیا اور ناک میں اوپر تک پانی نہیں چڑھایا اور نماز پڑھ لی تو نماز کا کیا حکم ہوگا؟

قلی اور ناک میں پانی چڑھانے میں مبالغہ کرنا سنت ہےیعنی قلی میں غرغرہ اور ناک میں پانی چڑھانا root تک۔

1 جواب
19 جولائی، 2024

ترکیب درکار ہے ليس البتة إذا كانت الشمس طالعة فاليل موجود

البتتۃ مفعول مطلق فعل محذوف بت کا فت فعل اس میں انا ضمیر فاعل فعل فاعل مفعول مطلق ملکر جملہ فعلیہ خبریہ لیس فعل ناقص اس میں ھو ضمیر شان اس کا اسم اذا اسم ظرف برائے شرط مفعول فیہ مقدم کانت فعل ناقص الشمس اس کا اسم طالعۃ اس کی خبر فعل ناقص اپنے اسم و خبر سے اور مفعول فیہ ملکر جملہ فعلیہ خبریہ ہوکر شرط ف جزائیہ النھار مبتداء موجود خبر مبتداء خبر ملکر جملہ اسمیہ خبریہ ہو جزاء شرط و جزاء ملکر لیس کی خبر لیس فعل ناقص اپنے اسم و خبر سے ملکر جملہ فعلیہ خبریہ

نحو1 جواب
30 جون، 2024