عربی گرامر سوال و جواب

صرف و نحو: سوالات و جوابات

عربی گرامر (صرف و نحو) کے سوالات کے جائزہ شدہ جوابات: صیغے، ابواب، تعلیلات، اعراب اور ترکیب۔

کل 9,024 جوابات شدہ سوالات

اتنی سردی ہو کہ نہانے سے مر جانے یا بیمار ہونے کا قوی اندیشہ ہو تو کیا تیمم کیا جا سکتا ہے؟

اتنی سردی ہو کہ نہانے سے مر جانے یا بیمار ہونے کا قوی اندیشہ ہو اور لحاف وغیرہ کوئی ایسی چیز اس کے پاس نہیں جسے نہانے کے بعد اوڑھے اور سردی کے ضرر سے بچے نہ آگ ہے جسے تاپ سکے تو تیمم جائز ہے۔

طہارت کے مساٸل1 جواب
26 اکتوبر، 2024

سوال : مفتی صاحب یہ ارشاد فرمادیں میرے دوست نے میرے پاس اپنی بریانی کا پیکٹ رکھوایا جو اس نے 250 کا لیا تھا، میں نے وہ پیکٹ اس کی اجازت کے بغیر کھالیا، اب میں کیا کروں ؟

جواب : آپ کے دوست نے جو بریانی کا پیکٹ آپ کے پاس رکھوایا وہ امانت کے طور پر تھا ، اور آپ نے امانت میں خیانت کی ، سب سے پہلے تو آپ اس عمل سے توبہ کریں کہ یہ گناہ کاکام تھا نیز اب اپنے دوست سے بھی اس کی معافی مانگیں ، اگر وہ دوست آپ کو معاف کردے اور واپسی کامطالبہ نہ کرے ،تب تو ٹھیک ہے۔ اور اگر وہ کہتا ہے کہ اسے اسی طرح کا بریانی کاپیکٹ خرید کر دیں تو آپ پر لازم ہوگاکہ آپ اسے اسی طرح کا بریانی کا پیکٹ خرید کر واپس کریں۔ اور مشورہ یہی ہے وہ مطالبہ کرے یا نہ کرے آپ بہرحال اسے واپس کریں تاکہ آپس میں محبت و مودت کا رشتہ قاٸم رہے اور آٸندہ اپنے اس عمل سے باز رہیں۔ واللہ تعالی اعلم بالصواب

حظر و اباحت1 جواب
30 اکتوبر، 2024

یوٹیوب چینل مونیٹائز کرنے کے لئےکسی کو رقم دے کر سبسکرائبرز یا واچ ٹائم بڑھوانے کا کیا حکم ہے؟

ایسا کرنا جائز نہیں کیونکہ یہ جھوٹ اور دھوکہ ہے اور دی جانے والی رقم رشوت ہے اور رشوت لینا دینا حرام اور جہنم میں لے جانے والا کام ہے اور اگر اس کام کے لئے اجارہ کریں، تو وہ بھی شرعی اصولوں کے خلاف اور ناجائز ہے اور اس کی آمدنی بھی حلال نہیں ہوگی،کیونکہ اجارہ درست ہونے کے لئے ایک بنیادی شرط یہ ہے کہ جس کام پر اجارہ کیا جارہا ہو وہ شریعت کی نظر میں منفعت ِمقصودہ ہو، عقل وشعور رکھنے والے لوگ اسے قابلِ اجارہ کام سمجھتے ہوں،جبکہ چینل سبسکرائب کرنا،واچ ٹائم بڑھا دینا یا محض ویڈیوز دیکھنا ایسا قابلِ اجارہ کام نہیں ہے جسے کرنے کے بعد کوئی شخص اجرت کامستحق ٹھہرے ۔

اجارے کے مساٸل1 جواب
30 اکتوبر، 2024

کیا فرماتے ہیں علمائے دین ومفتیان شر ع متین اس مسئلے میں کہ کرایہ پر لئے ہوئے کمروں کو آگے زیادہ کرایہ کے بدلے دیا جا سکتا ہےیا نہیں ؟ مثلاً کوئی پانچ کمروں پر مشتمل پورا فلور 1000 ریال کرایہ پر لے اور 2500 ریال کے بدلے آگے کرایہ پر دےدے۔اگر جائز نہیں ہے تو اس کا متبادل طریقہ کیا ہو سکتا ہے؟سائل: فہیم عطاری

پوچھی گئی صورت میں1000 ریال کرایہ کے عوض لیے ہوئے فلور کے کمروں کو آگے 2500 ریال میں کرایہ پر دینا جائز نہیں ہے،کیونکہ قوانین شرعیہ کے مطابق زیادہ کرایہ لینے کی صورت میں اس زیادتی کے مقابل کچھ نہ کچھ ہونا ضروری ہے جب کہ پوچھی گئی صورت میں کسی قسم کی زیادتی نہیں پائی جارہی ،جس کی وجہ سے یہ معاہدہ ناجائز ہے۔ہاں تین صورتیں ہیں جن کو سامنے رکھتے ہوئے کسی اور کو زیادہ کرایہ پر دیا جاسکتا ہے : پہلی صورت: کرایہ پر لی ہوئی چیز میں ایسا اضافہ کردیا جائے جو اس چیز کے ساتھ قائم ہو اور اس چیزکی ویلیو (Value)بڑھا دے۔ مثلاً کمروں ہی کی مثال کہ اس میں رنگ وروغن کروادیا جائے،یا کمروں کے داخلی حصے میں کچھ کام کروادیا جائے،مثلاً ڈور بیل لگوانا ، کیمرہ لگوانا وغیرہ۔ دوسری صورت: جس تیسرے بندے کو آپ کمرے کرایہ پر دیں گے اس سے کرایہ کسی اور جنس میں وصول کریں۔ تیسری صورت:کمروں کے ساتھ کسی اور چیز کو کرایہ پر دیں اور دونوں کا کرایہ ایک ہی مقرر کریں۔مثلاً ہر ہر کمرے میں نارمل کوالٹی کی ٹیبل اور کرسیوں کا اضافہ کردیں اور دونوں کا ایک ہی کرایہ مقرر کریں۔ در مختار میں ہے: ”ولو آجر بأكثر تصدق بالفضل إلا في مسألتين: إذا آجرها بخلاف الجنس أو أصلح فيها شيئا“یعنی اگر مستاجر نے آگے زیادہ کرایہ کے عوض اجارہ پر دیا تو یہ اس حاصل ہونے والی زیادتی کو صدقہ کرے گا،ہاں جب آگے خلاف جنس اجرت لے کر کرایہ پر دیا یا اس میں کچھ اضافہ کردیا تو اب زیادتی لینا حلال ہوگا۔(در مختار،جلد6،صفحہ29،دار الفکر،بیروت) علامہ شامی رحمۃ اللہ علیہ در مختار کی عبارت "أو أصلح فيها شيئا" کے تحت ارشاد فرماتے ہیں : ”بأن جصصها أو فعل فيها مسناة وكذا كل عمل قائم“ یعنی اصلاح کا مطلب یہ ہے کہ عمارت پر پلاستر کروادیا یا مونڈیر بنوادی ۔اسی طرح ہر وہ کام اصلاح میں شامل ہے جو عمارت کے ساتھ قائم ہو۔ (رد المحتار،جلد9،صفحہ29،دار الفکر،بیروت) زیادہ اجرت لینے کے لئے اس کے مقابل کچھ ہونا ضروری ہے۔رد المحتار ہی میں ہے: ”الزيادة بمقابلة ما زاد من عنده “یعنی زیادہ اجرت اس وقت لینا جائز ہےجب اس کے مقابل کچھ ہو ۔(رد المحتار،جلد9،صفحہ48،دار الفکر،بیروت) سیدی اعلیٰ حضرت، اما م اہلسنت مولانا شاہ اما م احمد رضا خان علیہ رحمۃ الرحمٰن سے کرایہ پر لی ہوئی زمین کو آگے زیادہ کرایہ کے عوض دینے کے متعلق سوال ہوا تو آپ نے جواباً ارشاد فرمایا: ”زیادہ لینا صرف تین صورت میں جائز ہوسکتاہے ورنہ حرام: 1.زمین میں نہر یا کنواں کھودے یا اور کوئی زیادت ایسی کرے جس سے اس کی حیثیت بڑھائے ۔۔۔ 2.جس شے کے عوض خود اجارہ پرلی ہے اس کے خلاف جنس کے اجارہ کو دے ۔۔۔ 3. زمین کے ساتھ کوئی اور شئی ملاکر مجموعاً زیادہ کرائے پر دے کہ اب یہ سمجھا جائے گا کہ زمین تو وہی روپیہ بیگھ کو دی گئی اور باقی زیادت جس قدر ہو دوسرے شے کے عوض رہے واللہ تعالٰی اعلم۔“ (فتاوی رضویہ ملخصاً ،جلد19،صفحہ489،رضا فانڈیشن،لاہور) اسی طرح بہارِ شریعت میں ہے:”مستاجر(کرایہ دار)نے مکان یا دکان کوکرایہ پر دیدیا اگر اُتنے ہی کرایہ پردیا ہے جتنے میں خود لیا تھا یاکم پر جب تو خیر اور زائد پر دیا ہے تو جوکچھ زیادہ ہے اسے صدقہ کردے ہاں اگرمکان میں اصلاح کی ہو اسے ٹھیک ٹھاک کیا ہو تو زائد کا صدقہ کرنا ضرور نہیں یا کرایہ کی جنس بدل گئی مثلاً:لیا تھا روپے پر،دیا ہو اشرفی پر، اب بھی زیادتی جائز ہے۔ جھاڑودیکرمکان کو صاف کرلینایہ اصلاح نہیں ہے کہ زیادہ والی رقم جائز ہوجائے۔ اصلاح سے مراد یہ ہے کہ کوئی ایسا کام کرے جو عمارت کے ساتھ قائم ہو مثلاًپلاستر کرایا یا مونڈیر بنوائی۔“(بہار شریعت،جلد3،صفحہ124،مطبوعہ مکتبۃ المدینہ،کراچی) وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم

اجارے کے مساٸل1 جواب
30 اکتوبر، 2024

سوال : مفتی صاحب یہ ارشاد فرمادیں کہ اگر کسی شخص نے ایک کام پراجارہ کیا اور وہ کام پھر اس نے کسی اور سے کروایا ،اور اجارہ اس نے خود وصول کیا ، ایساکرنا کیاجاٸزہے اور یہ بھی بتادیں کیا ایسے شخص کو اجارہ دیا جاۓ گا؟

جواب : اگر اجارہ اس شخص پر اس طرح ہوا کہ وہ کام اسے خود اپنے ہاتھ سےکرنا ہے تو اس کے لٸے جاٸز نہیں ہے کہ وہ کسی اورسے کام کرواۓ ، جب اس کے لٸے جاٸز نہیں تو وہ اس صورت میں اجارے کا بھی مستحق نہیں ہوگا، اور اگر ایسی کوٸی شرط نہیں ہے کہ کام اسے خود کرنا ہے بلکہ کام کروانے والے کو صرف اپنے کام سے غرض ہے کہ وہ ہوجاۓ ایسی صورت میں یہ شخص کسی اور سے کام کرواسکتا ہے اور یہ اجارے کا بھی مستحق ہوگا۔ صاحب بہارشریعت مفتی محمد امجد علی اعظمی علیہ الرحمہ فرماتے ہیں : ”جس سے کام کرانا ہے اگر اُس سے یہ شرط کرلی ہے کہ تم کو خود کرنا ہوگا یاکہہ دیا کہ تم اپنے ہاتھ سے کرنا ، اس صورت میں خود اُسی کو کرناضروری ہے ۔ اپنے شاگردیا کسی دوسرے شخص سے کام کرانا،جائز نہیں۔س۔۔اور اگر یہ شرط نہیں ہے کہ وہ خود اپنے ہاتھ سے کام کرے گادوسرے سے بھی کراسکتا ہے ، اپنے شاگرد سے کرائے یا نوکر سے کرائے یا دوسرے سے اُجرت پر کرائے،سب صورتیں جائز ہیں۔‘‘ (بہارِ شریعت،جلد 3،صفحہ، 119، مکتبۃ المدینہ کراچی) واللہ تعالی اعلم بالصواب

اجارے کے مساٸل1 جواب
30 اکتوبر، 2024

سوال : مفتی صاحب ہمارے ادارے میں ایک باورچی کا پورے مہینے کا اجارہ ہوا ، اور پانچ دن کام کرکے چلا گیا، پھر واپس نہیں آیا، ہم نے دوسرا باورچی رکھ لیا، اب یہ پہلا باورچی جو پانچ دن کام کرکے چلا گیا ہے کیا ہمیں اس باورچی کو پانچ دن کی اجرت دینی ہوگی ؟

جواب : پانچ دن کام کرکے جانے والے باورچی سے رابطہ کرکے آپ پر لازم و واجب ہے کہ اسے پانچ دن کی اجرت ادا کریں کیونکہ جتنے دن اس نے کام کیا وہ اتنی اجرت کا مستحق ہوگیا۔

اجارے کے مساٸل1 جواب
30 اکتوبر، 2024

کیا فرماتے ہیں علماۓ کرام اس مسٸلے کے بارے میں کہ بعض کمپنیاں اپنے employer کی ایک دن کی چھٹی مثلا: ہفتہ یا پیر کی چھٹی کرنے پر دو دن کی سیلری میں سے کٹوتی کرتے ہیں۔ یعنی ہفتے کی چھٹی کی تو وہ اتوار جس دن چھٹی ہوتی ہے اسکو بھی کٹوتی میںشامل کرتے ہیں۔ کیا کمپنیز کا یاکسی ادارے کایہ عمل شرعاجاٸز ہے؟

جواب : کمپنیز یا اداروں کا یا کسی بھی عام دکان والوں کااپنے اجیروں کے ساتھ اس طرح کرنا شرعا جاٸز نہیں ہے ۔ ایک دن کی چھٹی پر دو دن کی کٹوتی یہ مالی جرمانہ ہے ، اور مالی جرمانہ فقہ حنفی میں منسوخ ہے ۔ امام احمد رضا خان علیہ الرحمة الرضوان نے اپنے فتاوی میں اس کی تصریح فرماٸی ہے کہ منسوخ پر عمل حرام ہے۔ مزید یہ کہ عقد اجارہ میں ایسی شرط لگانا بھی جاٸز نہیں ۔اس سے عقد اجارہ ہی فاسدہوجاتا ہے ۔ اور ایسے عقد کو ختم کرنا عاقدین پر لازم ہے۔ لہذا اگر کسی نے اس طرح کا اجارہ کیا اور اس میں یہ شرط لگاٸی ہے تویہ عقد ختم کرے اور نٸے سرے سے ان شراٸط فاسدہ کو ختم کرکے دوبارہ عقد کرے۔ واللہ تعالی اعلم بالصواب۔

اجارے کے مساٸل1 جواب
30 اکتوبر، 2024

سوال : کیا فرماتے ہیں علماۓ کرام اس مسٸلے کے بارے میں کہ میرا کام مشین ریپٸرنگ کا ہے، میرے پاس ایک خاتون آٸی اپنی استری (iron) لے کر، میں نے اسے چیک کیا، اپنے اوزار سے اسے کھولا ، اور جو مسٸلہ آرہا تھا وہ ٹھیک کردیا، لیکن میں نے اس میں کوٸی چیز ڈالی نہیں اور نہ ہی کسی چیز کا اضافہ کیا ، لیکن میں نے اس استری کو ٹھیک کرنے کہ اس سے 500 روپے لٸے ، کیا میرا ایسا کرنا شرعا جاٸز ہے ؟

جواب : آپ کا یہ عمل قابل معاوضہ ہے ، آپ نے یہ کام کردیا، استری ٹھیک ہوگٸی، آپ کا استری کھولنا، وقت دینا، پھر اسے چیک کرنا ، فولٹ کو پکڑنا، اسے ٹھیک کرنا یہ سب کام قابل اجارہ ہونے سے تعلق رکھتے ہیں۔ لہذا آپ کا ان سے 500 روپے اجرت لینا بالکل جاٸز ہے ۔ اس میں کوٸی شرعی قباحت نہیں ہوگی۔ البتہ اس میں اتنا ضرور خیال کریں کہ اس معاملے میں ہرگز جھوٹ کا سہارا نہ لیں۔ اور جو فولٹ ہو، وہی بیان کریں۔ واللہ تعالی اعلم بالصواب

اجارے کے مساٸل1 جواب
30 اکتوبر، 2024

سوال : کیا فرماتے ہیں علماۓ کرام اس مسٸلے کے بارے میں کہ ہم کپڑوں پر امبراٸیڈری کروانے گٸے ، تو دکاندار نے اس کے مختلف ریٹ بتاۓ ، اور اس نے یہ بھی بتایا کہ اگر ہم Embroidery کی اجرت ایڈوانس میں دے دیتے ہیں تو ہمیں ڈسکاونٹ ملے گا۔ ہم نے ڈسکاونٹ والی صورت کو اختیار کیا اور ایڈوانس پیمنٹ کردی، پھر خیال آیا کہ پتا نہیں ایسا کرنا شرعی اعتبار سے درست ہے بھی یا نہیں۔ اس بارے میں ہماری رہنماٸی فرمادیجٸے؟

جواب : کپڑوں پر Embroidery کے عوض میں دی جانے والی رقم کا تعلق اجارے سے ہے، اور اجارے میں کام سے پہلے یا بعد اجرت کا ادا کرنے کے حوالے سے جو آپس میں طےہوجاۓ اس پر عمل کرنا جاٸز ہے (یعنی اجارے میں اجرت پہلے دینا طے پایا تو پہلے دینا اور کام کے بعد اجرت دینا طے پایا تو بعد میں دینا دونوں صورتیں جاٸز ہیں) نیز معاہدے کے وقت میں جو اجرت طے ہوگٸی وہ فاٸنل اجرت ہے۔ لہذا آپ کا ایڈوانس میں رقم ادا کرنا اور اس پر دکاندار کی طرف سے ڈسکاونٹ ملنا دونوں جاٸز ہے ۔ واللہ تعالی اعلم بالصواب

اجارے کے مساٸل1 جواب
30 اکتوبر، 2024

لا دين لمن لا عهد له اسكى صحي تركي

لا نفی جنس دین اسم ل جار من موصولہ لا نفی جنس عہد اس کا اسم لہ جار مجرور ملکر ظرف مستقر ثابت کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر لا نفی جنس اپنے اسم و خبر سے ملکر جملہ اسمیہ خبریہ ہو کر صلہ موصول صلہ ملکر مجرور جار مجرور ملکر ظرف مستقر ثابت کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر لاء نفی جنس اپنے اسم و خبر سے ملکر جملہ اسمیہ خبریہ

نحو1 جواب
25 اکتوبر، 2024

لا طاعةلمخلوق في معصية الخالق اوسكا صحيح تركيب

لا نفی جنس طاعۃ مصدر ل۔جار مخلوق مجرور جار مجرور ملکر ظرف لغو مصدر ظرف لغو سے ملکر لاء نفی جنس کا اسم فی جار معصیۃ مضاف مخلوق مضاف الیہ مضاف مضاف الیہ ملکر مجرور جار مجرور ملکر ظرف مستقر ثابت اسم فاعل کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر لاء نفی جنس اپنے اسم و خبر سے ملکر جملہ اسمیہ خبریہ

نحو1 جواب
25 اکتوبر، 2024

اومن اسكا تحقيق

أُوْمِنَ اصل میں أء من تھا قاعدہ اگر کسی کلمہ میں دو ہمزہ آجائیں اور دوسرا ساکن ہو تو اسے ماقبل حرف کی حرکت کے مطابق حرفِ علت سے بدلنا واجب ہے اس قاعدے کے تحت دوسرے ہمزہ کو واؤ سے بدل دیا تو اومن ہوگیا صیغہ واحد مذکر غائب فعل ماضی مثبت مجہول ثلاثی مزید فیہ مہموز اللفاء از باب افعال

صرف1 جواب
25 اکتوبر، 2024

مقروةاسكا تحقيق

صیغہ واحد مؤنث اسم مفعول ثلاثی مجرد مہموز العین از باب فتح یفتح اصل میں مقروءۃ ہو گیا قاعدہ جب ہمزہ سے قبل واو مدہ زائدہ یا یاء مدہ زائدہ یا یاء تصغیر آ جائے تو ہمزہ کو ماقبل حرف حرف کے ہم جنس کرنا جائز اور پھر دونوں کا ادغام کرنا واجب ہے مندرجہ بالا قاعدہ جاری ہوا تو مقروۃ ہو گیا

صرف1 جواب
25 اکتوبر، 2024

لا صرورة في الاسلام اسكا صحيح تر كيب

لا نفی جنس ضرورۃ لاء نفی جنس کا اسم فی جار الاسلام مجرور جار مجرور ملکر ظرف مستقر ثابت کے متعلق اس میں ھو ضمیر فاعل اسم فاعل اپنے فاعل اور ظرف مستقر سے ملکر شبہ جملہ اسمیہ ہو کر خبر لاء نفی جنس اپنے اسم و خبر سے ملکر جملہ اسمیہ خبریہ

نحو1 جواب
25 اکتوبر، 2024

اسم تفضيل اور مبالغه كى تعريف كر كے بتاؤ أن دونو كے درميان كيا كيا فرق

اسمِ تفضیل کا بیان وہ اسمِ مشتق جو اس ذات پر دلالت کرے جس میں کسی کے مقابلے میں مصدری معنی کی زیادتی ہو وہ اسمِ مشتق جو فاعل میں مصدری معنی کی زیادتی پر دلالت کرے ان میں فرق یہ ہے کہ اسم مبالغہ میں کسی کے مقابلے میں زیادتی نہیں ہوتی اور اسم تفضیل میں کسی کے مقابلے میں زیادتی ہوتی ہے

صرف1 جواب
25 اکتوبر، 2024

ترکیب کے اندر جار مجرور ہمیشہ متعلق کے ساتھ مل کرنے کچھ بنتے ہے، یہ اکیلے کچھ کیوں نہیں بنتے؟

حروف جارہ کا کام ہوتا ہے کسی فعل یا شبہ فعل کے معنی کو اسم کے ساتھ جوڑنا تو جہاں یہ آتے ہیں ان سے پہلے کوئی فعل یا شبہ فعل ہونا ضروری ہے اسی فعل یا شبہ فعل کو متعلق کہتے ہیں

نحو1 جواب
27 اکتوبر، 2024

سئم قاعده سميت تعليل كرو

تنبیہ ہمزہ کو اس کے اپنے مخرج اور اس کی حرکت کے مواقف حرفِ علت کے مخرج کے درمیان سے پڑھنا بین بین قریب، اور ہمزہ کو اس کے اپنے مخرج اور ماقبل حرف کی حرکت کے موافق حرفِ علت کے مخرج کے درمیان سے پڑھنا بین بین بعید کہلاتا ہے۔ مثلا سَئَلَ میں بین بین قریب اور بعید ایک ہی ہے وہ ہمزہ کو اس کے اپنے مخرج اور الف کے مخرج کے درمیان پڑھنا ہے ، کیونہ ہمزہ بھی مفتوح ہے اور اس کا ماقبل بھی مفتوح ہے۔ اور سَئِمَ میں ہمزہ کو اس کے اپنے مخرج اور یا ء کے مخرج کے درمیان پڑھنا بین بین قریب ہے ، جبکہ ہمزہ کو اس کے اپنے مخرج اور الف کے مخرج کے درمیان پڑھنا بین بین بعید ہے اور لَؤُمَ میں ہمزہ کو اس کے اپنے مخرج اور واو کے مخرج کے درمیان پڑھنا بین بین قریب جبکہ ہمزہ کو اس کے اپنے مخرج اور الف کے مخرج کے درمیان پڑھنا بین بین بعید ہے

صرف1 جواب
25 اکتوبر، 2024

السلام علیکم ورحمۃ اللہ وبرکاتہ۔۔ آپ سے سوال کرنا ہے کہ اَفْتَح اسم تفضیل بھی ہے اور فعل مضارع واحد متکلم بھی ہے تو ہم اس کے پہنچان کیسے کریں کہ یہ اسم تفضیل ہے یا فعل مضارع واحد متکلم ؟؟ فرق کیسے کریں؟؟

ان کے فرق کا کوئی قاعدہ کلیہ نہیں ہوتا یہ موقع محل سے پتہ چلتے ہیں

صرف1 جواب
28 اکتوبر، 2024

ذات يوم يذهبون الى قطب المىنار. كانت منارة قطب الدين من ه‍ناك على بعيد. استاجرنا الحافلة بكامل.ركبنا على الحفلة قبل العصر.وسارت بنا شيئا فشيئا الى قطب المىنار اس کی ترکیب کریں اور نوعیت اور موقع اعراب بتائیں جس پر نقطہ کا نشان ہے وہاں تک ایک الفاظ ہے اگر عربی میں کچھ نقص ہے تو اس کی بھی اصلاح کریں'

اتنی لمبی عبارت کی ترکیب تو مشکل ہے بہر حال عربی ٹھیک لکھی ہوئی ہے

نحو1 جواب
29 اکتوبر، 2024

مفتی صاحب سے میرا یہ سوال ہے کہ میں نے سنا ہے کہ اوابین کی چھ رکعت کے لیے مغرب کی دو سنتوں کو بھی شمار کیا جاتا ہے؟

جواب : مغرب کی تین رکعت فرض پڑھنے کے بعد چھ رکعت ایک ہی نیّت سے پڑھئے، ہر دو رکعت پر قعدہ کیجئے اور اس میں التحیات ، درودِابراھیم اور دعا پڑھئے، پہلی ، تیسری اور پانچویں رکعت کی ابتداء میں ثنا ، تعوذ و تسمیہ ( یعنی اعوذ اور بسم اللہ) بھی پڑھئے۔ چھٹی رکعت کے قعدے کے بعد سلام پھیر دیجئے۔ پہلی دو رکعتیں سُنَّتِ مُؤَکَّدہ ہوئیں اور باقی چار نوافِل۔یہ ہے اوّابین ( یعنی توبہ کرنے والوں ) کی نماز۔(الوظیفۃ الکریمۃ ص۲۴ مُلَخَّصاً ) چاہیں تو دو دو رکعت کر کے بھی پڑھ سکتے ہیں ۔بہارِشریعت حصّہ 4 صَفْحَہ 15اور16پر ہے: بعد مغرب چھ رَکعتیں مُستحب ہیں ان کو صلوٰۃُ الاوّابین کہتے ہیں ، خواہ ایک سلام سے سب پڑھے یا دو سے یا تین سے اور تین سلام سے یعنی ہر دو رَکعت پر سلام پھیرنا افضل ہے۔ (دُرِّمُختَار، رَدُّالْمُحتَارج۲، ص۵۴۷)

نماز1 جواب
29 اکتوبر، 2024

کیا فرماتے ہیں علمائے کرام اس مسئلے کے بارے میں کہ رات کو کاربار یا نوکری نہیں کرسکتے ہیں؟ جن کا کام ہی نائٹ شفٹ کا ہو یا وہ کام جو رات میں ہی ہوتے ہیں یا آفس میں دیر تک کام کرنا، ان میں رات کو کام کرنے والے افراد کا کام کرنا کیسا؟ کیا رات میں کام کرنا گناہ ہے؟

اللہ پاک نے رات کو نیند کے لئے اور دن کو کام و طلبِ معاش کے لئے بنایا جیسا کہ قرآن پاک کی کئی آیات کا مفاد ہےاور یہی معتاد بھی ہے، لیکن اس کا یہ مطلب نہیں کہ دن میں سونا یا رات میں نوکری و ڈیوٹی کرنا، ناجائز و گناہ ہے، بلکہ رات میں کام اور دن میں آرام کرنا بھی بلا شبہ جائز ہے، دن میں آرام جیسے قیلولہ کرنا اور راتوں میں کام کرنا جیسے دوکانوں، بازاروں اور مکان کی حفاظت کے لئے رات میں چوکیداری کرنا اسی طرح کئی ایسے کام ہوتے ہیں جو دن میں پورے نہیں ہوپاتے بالخصوص جب دن چھوٹے ہوں اور راتیں طویل ہوں، تو دن میں پورے نہ ہونے والے کام رات میں کئے جاتے ہیں، فی زمانہ بھی کئی ایسے کام ہیں جو دن و رات بلاو قفہ جاری رہتے ہیں ان کو جاری رکھنے کے لئے ملازمین کی ضرورت رہتی ہے تاکہ کام نہ رکے، لہٰذا جو دن کے بجائے رات میں کام کریں، ان کو گناہ گار کہنا جائز نہیں۔ ہاں اگر کوئی کام ہی ناجائز ہو، تو وہ دن میں کیا جائے یا رات میں وہ بہر صورت ناجائز ہی رہے گا۔

اجارے کے مساٸل1 جواب
28 اکتوبر، 2024

کیا فرماتے ہیں علمائے کرام اس مسئلے کے بارے میں کہ ہم گرافکس ڈیزائنگ(Graphics Designing) کا کام کرتے ہیں ، لوگ ہم سے مختلف اشیاء ڈیزائن(Design) کرواتے ہیں، بعض اوقات ہمیں جانداروں کی تصاویر بنانے کا آرڈر (Order)بھی ملتا ہے اور کسٹمر کے متعلق ہمیں یہ کنفرم نہیں ہو تا کہ وہ بعد میں اس کا پرنٹ (Print) نکلوائے گا یا پرنٹ نکلوائے بغیر محض ڈیجیٹل پلیٹ فارم (Digital Platform) پر ہی اس کا استعمال کرے گا ۔ تو کیا ہمارا ایسے شخص کو جانداروں کی تصاویر والی اشیاء بنا کر دینا جائز ہے؟

ڈیجیٹل تصویر(Digital Image) شرعاً تصویر کے حکم میں نہیں ہے لہذا پوچھی گئی صورت میں جب آپ کو یہ کنفرم نہیں ہے کہ کسٹمر جاندار کی تصویر کا پرنٹ نکالے گا توآپ کا تصویروں پر گرافکس(Graphics) کا کام کرنا، جائزہے ، البتہ جن تصاویر میں بے حیائی، بے پردگی اور دیگر غیر شرعی امور ہوں تو ان تصویروں کااگرچہ پرنٹ نہ بھی نکالاجائے، غیرشرعی امورپرمشتمل ہونے کی وجہ سے ان پرگرافکس کا کام کرنا، جائزنہیں۔ معصیت (Sin)جب عین شے کے ساتھ قائم ہو مگر گناہ کے لئے متعین نہ ہو تو محض شک کی بناء پر اس شے کا بیچنا منع نہیں جیسا کہ ہدایہ میں ہے: ”وإن كان لا يعرف أنه من أهل الفتنة لا باس بذلك، لانه يحتمل أن لا يستعمله فى الفتنة فلا يكره بالشك“ یعنی: جس شخص کے متعلق یہ معلوم نہ ہو کہ یہ اہل فتنہ میں سے ہے تو اسے ہتھیار بیچنے میں کو ئی حرج نہیں کیونکہ ممکن ہے وہ اسے فتنہ پروری کے کاموں میں استعمال نہ کرے لہٰذا محض شک کی بناء پر ایسے شخص کو ہتھیار بیچنا مکروہ نہیں۔(الهداية،جلد4،صفحہ378،مطبوعۃ بیروت) اسی طرح افیون (Opium)بیچنے سے متعلق امام اہلسنت رحمۃ اللہ علیہ فرماتے ہیں:” افیون نشہ کی حدتک کھانا حرام ہے اور اسے بیرونی علاج مثلاً ضماد وطلاء میں استعمال کرنا یاخوردنی معجونوں میں اتنا قلیل حصہ داخل کرنا کہ روز کی قدر شربت نشے کی حدتک نہ پہنچے توجائزہے اور جب وہ معصیت کے لئے متعین نہیں تو اس کے بیچنے میں حرج نہیں مگر اس کے ہاتھ جس کی نسبت معلوم ہوکہ نشہ کی غرض سے کھانے یاپینے کولیتاہےلان المعصیۃ تقوم بعینھا فکان کبیع السلاح من اھل الفتنۃ۔“(فتاوی رضویہ، جلد23، صفحہ574، رضا فاونڈیشن، لاہور(

آن لاٸن کاروبار اور جدید مساٸل1 جواب
28 اکتوبر، 2024

کیا فرماتے ہیں علمائے دین ومفتیان شرع متین اس مسئلےکے بارے میں کہ میں اپنے بینک اکاؤنٹ کی ایپلیکیشن سے لوگوں کے آن لائن پانی، بجلی، گیس وغیرہ کے بل ادا کرتا ہوں،اوران کےپیسے اکاؤنٹس میں ٹرانسفر کرتاہوں۔اس کام کے عوض ہزار روپے پر 20 روپے سروس چارجز کے طور پر لیتا ہوں۔کیا یہ کام جائز ہے؟

گیس بجلی وغیرہ کے بلز جمع کرنے،اورپیسے ٹرانسفر کرنےکےعوض طےشدہ سروس چارجز،مثلا: ایک ہزا ر کی ٹرانزیکشن پر 20 روپے لینا جائز ہے،کیونکہ ایسی منفعت مقصودہ پر اجرت لینا جائز ہوتاہے جس کا حصول اجرت کے ذریعےلوگوں میں رائج ہو،اور بلز جمع کرنا،پیسے ٹرانسفر کرنا، منفعت مقصودہ ہے اور اس کام کے عوض اجر ت کا لین دین لوگوں میں رائج بھی ہے، جیساکہ اکابر علمائے اہلسنت نےمنی آرڈر کے ذریعے پیسے بھیجنے پراجرت کے لین دین کوجائز قرار دیا ہے۔ فتاوی ہندیہ اجارے کی شرائط میں ہے کہ:”منها أن تكون المنفعة مقصودة معتادا استيفاؤها بعقد الإجارة “ترجمہ:ان میں سے ایک شرط یہ ہے کہ جس کام پر اجارہ ہے وہ منفعت مقصودہ ہو ،اور اسے عادتاً عقد اجارہ کے ذریعے حاصل کیا جاتا ہو۔(فتاوی ھندیہ ،جلد04،صفحہ411،مطبوعہ بیروت) سیدی اعلی حضرت علیہ الرحمۃ نے فتاوی رضویہ میں منی آرڈر کےذریعے پیسے بھیجنے پر اجرت کے لین دین کے متعلق سوال کے جواب میں ارشادفرمایا:”وہ مثل سائر کا روائیہائے ڈاکخانہ کے یقیناً اجرت میں دینے والے اجرت ہی سمجھ کردیتے، لینے والے اجرت ہی جان کرلیتے ہیں ہر گز کسی کے خواب میں بھی یہ خیال نہیں ہوتا کہ یہ ۲/سود کے ہیں، جو الٹا مدیون دائن سے لیتا ہے ڈاکخانے کی اصل وضع ہی اس قسم کی اجارات کے لیے ہے، تویہاں عقد اجارہ کا تحقق اور ان داموں کا اُجرت ہونا اصلاً محل تردد نہیں، اگر کہئے کا ہے کی اجرت، ہاں مرسل الیہ کے گھر تک جانے اور اسے روپیہ دینے اور وہاں سے واپس آنے اور اس سے رسید لانے کی ،کیا یہ منفعت مقصودہ مباحہ نہیں جس پر شرعاً ایراد وعقد اجارہ کی اجاز ت ہو، او ر جب ہے ،بیشک ہے ،تو عجب عجب ہزار عجب کہ عاقدین ایک منفعت مقصودہ جائزہ پر قصد اجارہ کریں عوض منفعت جو کچھ دیں اور اسے اجرت ہی کہیں اجرت ہی سمجھیں او رخواہی نخواہی ان کے قصد جائز کو باطل کرکے اس اجرت کو معاوضہ قرض وربا قرار دیں۔‘‘ (فتاوی رضویہ،جلد19،صفحہ566،رضافاونڈیشن،لاھور)

اجارے کے مساٸل1 جواب
28 اکتوبر، 2024

سودی بینک میں MTO (Management Trainee Officer)کی ملازمت کر سکتے ہیں ،اس میں سود کی ریکوری وغیرہ کرنی ہوتی ہے ؟

بینک میں MTO (Management Trainee Officer) کی جاب کرنا ، ناجائز وگناہ ہے کیونکہ اس میں سود کی ریکوری بھی کرنی پڑتی ہے اور کسٹمرز کو سود پر لون فراہم بھی کرنا پڑتا ہے اورایسی ملازمت جس میں سود کا لین دین ہو ، ناجائز و حرام ہے کہ یہ حرام ہے اور حرام کام کی معاونت اور اس پر اجارہ بھی ناجائز و حرام ہے، اس کے علاوہ بینک کی جس ملازمت میں سود کے متعلق کام نہ کرنا پڑے جیسے سیکورٹی گارڈ، الیکٹریشن اور ڈرائیور وغیرہ کی نوکری تو ایسی نوکری جائز ہے ۔

سود کے مسائل1 جواب
28 اکتوبر، 2024

کیا فرماتے ہیں علمائے کرام و مفتیانِ عظام مندرجہ ذیل مسئلہ کے متعلق کہ قرآن کی آیات مبارکہ بلیک بورڈ پر لکھ کر مٹا سکتے ہیں شریعت کا کیا حکم ہے ؟رہنمائی فرمائیں۔

ضرورت و حاجت کے پیش نظر بلیک بورڈ یا وائٹ بورڈ پر قرآن کی آیات مبارکہ یا احادیث مبارکہ لکھ سکتے ہیں اور جب بچے اسے پڑھ لیں، محفوظ کر لیں، یاد کر لیں(ضرورت پوری ہوجائے) تو اسے مٹایا جاسکتا ہے فقہائے کرام نے اس کی اجازت دی ہے ۔ہاں جو بلیک بورڈ پر چاک سے لکھا جاتاہے اس چاک کے ذرات کو زمین پر نہ گرایا جائے۔اس حوالے سے جو پوسٹ سوشل میڈیا پر مشہور ہے کہ ” قیامت کی نشانیوں میں سے ہے کہ لوگ قرآنی آیات کو مٹائیں گے “ایسا ثابت نہیں ہے۔ فتاویٰ عالمگیری میں ہے : ”ولو محا لوحاً کتب فیہ القرآن و استعملہ فی امر الدنیا یجوز“ ترجمہ اور اگر اس نے تختی کو مٹا دیا جس کے اندر قرآن پاک لکھا گیا تھا اور اس نے اس (تختی) کو دنیا کے کسی کام میں استعمال کیا تو جائز ہے۔(فتاوی عالمگیری جلد 5 صفحہ 398 قدیمی کتب خانہ کراچی)

حرام و حلال1 جواب
28 اکتوبر، 2024

سوال : مفتی صاحب یہ بتادیجئے میں ایک WEB-SITE -DEVELOPER ہوں اور ایک کمپنی میں جاب کرتا ہوں ، وہاں مجھے ایک ایسی ویب سائٹ بنانے کا کہا گیا ہے اس ویب سائٹ کا استعمال جوا کھیلنے والوں کے لئے ہے ، کیا میں یہ ویب سائٹ بناسکتا ہوں ؟

جواب : اس طرح کی ویب سائٹ ہر گز نہ بنائیں کہ آپ گناہ کے کام پر معاون ہونگے ۔ اور یہ کام ناجائز ہے تو آپ کا اجارہ بھی ناجائز ہی ہوگا۔ اللہ تعالیٰ قرآن مجید میں ارشاد فرماتا ہے :﴿ وَلَا تَعَاوَنُوۡا عَلَی الۡاِثْمِ وَالْعُدْوَانِ﴾ترجمہ: اور گناہ اور زیادتی پر باہم مدد نہ کرو۔(القرآن الکریم،پارہ 06،سورۃ المائدہ،آیت 02) سیّدی اعلیٰ حضرت امام احمد رضا خان رحمۃ اللہ علیہ ” جد الممتار“ میں فرماتے ہیں:”أن معنی ما تقوم المعصیۃ بعینہ أن یکون فی أصل وضعہ موضوعاً للمعصیۃ أو تکون ھی المقصودۃ العظمیٰ منہ فانہ اذا کان کک یغلب علی الظن أن المشتری انما یشتریہ لاتیان المعصیۃ لأن الأشیاء انما تقصد للاستمتاع بھا فما کان مقصودہ الأعظم تحصیل معصیۃ معاذ اللہ تعالیٰ کان شراؤہ دليلاواضحاً علیٰ ذالک القصد فیکون بیعہ اعانۃ علی المعصیۃ ۔۔و کذالک ما لم یکن موضوعاً لذالک بعینہ و لا ما ھو المقصود الأعظم منہ لکن قامت قرینۃ ناصۃ علیٰ أن مقصود ھذا المشتری انما یستعملہ معصیۃ “ترجمہ:وہ معنی جس کے عین کے ساتھ معصیت قائم ہوتی ہے وہ یہ ہے کہ وہ شے اپنی اصل وضع میں معصیت کے لیےوضع کی گئی ہو یا اس کا بڑا مقصود معصیت ہو، تو جب اس طرح ہوگا تو اس بات کا ظن غالب ہوجائے گا کہ مشتری اس شے کو معصیت کا ارتکاب کرنے کے لیے ہی خرید رہا ہے ،کیونکہ چیزوں کی خرید و فروخت کا قصد ان سے فائدہ اٹھانے کے لیے ہی کیاجاتا ہے ،تو جس کا بڑا مقصود معاذ اللہ معصیت کو حاصل کرنا ہو تو اس کا خریدنا اس قصد پر واضح دلیل ہے تو ایسے شخص کے ہاتھ اس شے کو بیچنا معصیت پر مدد کرنا ہوگا اور یہی حکم اس صورت میں ہے کہ کوئی شے بعینہٖ معصیت کے لیےتو وضع نہ کی گئی ہو اور نہ ہی اس کا مقصود اعظم معصیت ہو لیکن کوئی ایسا قرینہ قائم ہو جو اس بات پر نص کرنے والا ہو کہ اس مشتری کا اصل مقصود یہ ہے کہ اسے معصیت کے طور پر استعمال کرے۔ (جد الممتار علیٰ رد المحتار، ملتقطا ،جلد 07،صفحہ 76 ، مکتبۃ المدینہ )

آن لاٸن کاروبار اور جدید مساٸل1 جواب
28 اکتوبر، 2024

کال سینٹر کی جاب کرنا جائز ہے ؟

فی نفسہ(اپنی ذات کی حدتک) کسی کال سینٹر پر کسی ادارے کی تشہیر یا اس کی معلومات فراہم کرنے کے لیے جاب کرنے میں حرج نہیں، جبکہ جائز کام کی تشہیر ہو اور اس میں کوئی ناجائز و خلافِ شرع کام نہ کرنا پڑے۔ چنانچہ جائز کام کی اجرت کے متعلق فتاوی رضویہ میں ہے”بہرحال نفسِ اجرت کہ کسی فعلِ حرام کے مقابل نہ ہو ، حرام نہیں ، یہی معنی ہیں اس قولِ حنفیہ کے کہ:"یطیب الاجر وان کان السبب حراما کما فی الاشباہ وغیرھا" یعنی اجرت طیب ہوگی، اگرچہ سبب حرام ہے ، جیسا کہ الاشباہ وغیرہ میں ہے۔( فتاوی رضویہ، ج 19، ص 501، رضا فاؤنڈیشن، لاھور) لیکن اگر ناجائز کام کی تشہیر کرنی ہو یا ناجائز کام کے بارے میں رہنمائی و ذہن سازی کرنی ہو یا جھوٹ بولنا پڑے یا اس میں دھوکہ شامل ہو یا اس جیسا کوئی اور ناجائز کام کرنا پڑے، تو کال سینٹر پر ایسی جاب کرنا، ناجائز و حرام ہے۔ گناہ کے کام پر مدد کرنا گناہ ہے،اللہ تعالیٰ قرآن مجید میں ارشاد فرماتا ہے﴿وَ لَا تَعَاوَنُوۡا عَلَی الۡاِثْمِ وَالْعُدْوَانِ﴾ ترجمہ کنز الایمان: اور گناہ اور زیادتی پر باہم مدد نہ دو ۔ (پارہ 6،سورۃ المائدۃ،آیت 02) اس آیت مبارکہ کے تحت احکام القرآن للجصاص میں ہے ” نھی عن معاونۃ غیرنا علیٰ معاصی اللہ تعالی“ ترجمہ:اس آیت مبارکہ میں اللہ تعالیٰ کی نافرمانیوں پر کسی کی مدد کرنے سے منع کیا گیا ہے۔(احکام القرآن ،ج 02،ص 381، دار الکتب العلمیۃ،بیروت) محیط برہانی میں ہے"الاعانۃ علی المعاصی و الفجور و الحث علیھا من جملۃ الکبائر"ترجمہ: گناہوں اور فسق و فجور کے کاموں پر مدد کرنا اور ان پر ابھارنا کبیرہ گناہوں میں سے ہے۔(المحیط البرھانی ،ج 08،ص 312،دار الكتب العلميۃ،بيروت) ناجائز کام پر اجارہ بھی ناجائز ہے،چنانچہ مبسوط سرخسی میں ہے"و لا تجوز الاجارۃ علی شيء من الغناء و النوح و المزامیر و الطبل و شیئ من اللھو لأنہ معصیۃ و الاستئجار علی المعاصی باطل ،فان بعقد الاجارۃ یستحق تسلیم المعقود علیہ شرعاً و لا یجوز أن یستحق على المرء فعل به يكون عاصيا شرعا "ترجمہ: اور گانے باجے، نوحہ،مزامیر،طبل بجانے اور کسی بھی قسم کے لہو ولعب کے کام پر اجارہ جائز نہیں، کیونکہ یہ گناہ ہے اور گناہوں پر اجارہ کرنا باطل ہے ،کیونکہ عقد اجارہ کے سبب معقود علیہ (جس چیز پر اجارہ کیاگیا ہے )کو سپردکرنے کا شرعاً استحقاق ثابت ہوجاتا ہے اور یہ جائز نہیں کہ کسی شخص پر ایسے فعل کا استحقاق ثابت ہو جس سے وہ شرعاً گنہگار ہوجائے۔(المبسوط للسرخسی،کتاب الاجارات،ج 16،ص 38،دار العرفۃ،بیروت)

اجارے کے مساٸل1 جواب
28 اکتوبر، 2024

سوال : مفتی صاحب یہ بتادیجئے ایک کمپنی نے اسکیم شروع کی ہے جس میں ہم اپنے موبائل میں اکاونٹ کھلواتے ہیں اور اسے ایک دن رکھنے پر ہمیں فری منتس ملتے ہیں اور ایک دن تک نہ رکھیں تو فری منٹس نہیں ملتے ، اس کے علاوہ مزید بھی سہولیات ہیں کیا یہ اکاونٹ ہم کھلواسکتے ہیں ؟

جواب : اس طرح کا اکاونٹ کھلوانا جائز نہیں ہے کیونکہ اکاونٹ میں رکھی رقم کی حیثیت قرض کی ہے ، اور جو منٹس مل رہے ہیں ایک مخصوص اماونٹ ، مخصوص وقت تک رکھنے پر مل رہے ہیں اگر وہ اماونٹ نہ ہو تو فری منٹس نہیں ملے گے ، یہ واضح طور پر قرض پر نفع کا حصول ہے جوکہ سود ہے اور سود ناجائز و حرام ہے۔اس رقم کو تحفہ یا امانت سے تعبیر کرنا بھی غلطی ہے ۔ نیز کوئی شخص ایسا بھی نہیں کرسکتا کہ وہ یہ کہے میں فری منتس نہیں لوں گا ، رقم ایک دن سے زیادہ نہیں رکھوں گا اس صورت میں منع ہی کیا جائے گا کیونکہ جب کمپنی اور اس کے درمیان معاہدہ ہوا تو یہ معاہدہ ہی جائز نہیں تھا کہ اس نے قرض پر نفع حاصل کرنے کا عہد تو کرہی لیا کہ اگر جمع ہوئے تو فری منٹس لوں ورنہ نہیں ۔ لہذا اگر کسی نے یہ اکاونٹ کھلوایا ہو تو اسے چاہیئے کہ یہ اکاونٹ فورا بند کروادے ۔ واللہ تعالیٰ اعلم بالصواب ۔

سود کے مسائل1 جواب
28 اکتوبر، 2024

کیا فرماتے ہیں علمائے کرام اس مسئلہ کے بارے میں کہ ہئیر ٹرانسپلانٹ کے ذریعہ بال لگوانے کا کیا حکم ہے ؟

مذکورہ طریقہ سے بال لگوانا شرعا ناجائز ہے کیونکہ ہماری معلومات کے مطابق اس طریقہ کار میں انسانی بال ہی ایک جگہ سے اتار کر دوسری جگہ لگائے جاتے ہیں جبکہ انسانی بال لگانا یا لگوانا ناجائزو حرام ہے کہ یہ جھوٹ ،دھوکہ ،تغییر خلق اللہ اور انسانی بالوں سے نفع اٹھا نا ہے جبکہ یہ تمام امور ناجائز وحرام ہیں۔

حرام و حلال1 جواب
28 اکتوبر، 2024

کیا فرماتے ہیں علمائے کرام اس مسئلہ کے بارے میں کہ شادیوں میں جہیز مانگنا کیسا ؟

لڑکے والوں کی جانب سے جہیزکا مطالبہ کرنا شرعا درست نہیں،یونہی مروجہ جہیزکی رسم بہت سے برائیوں کی جڑہےجسےختم ہونا چاہئے۔اوریہ بھی یاد رہے کہ جہیزدینا لڑکی والوں پرفرض یا واجب نہیں ہوتا بلکہ یہ ایک قسم کا گفٹ وتحفہ ہوتا ہےجو والدین اپنی لڑکی کو شادی کے موقع پردیتے ہیں،لہذا اگرلڑکی والےلڑکے والوں کے مطالبےاور مجبورکئےبغیراپنی رضا و خوشی سے دیتے ہیں تو اس میں حرج نہیں۔ واللہ تعالیٰ اعلم بالصواب

نکاح و طلاق کے مساٸل1 جواب
28 اکتوبر، 2024

إتسر قاعده سميت تعليل كرو

قاعدہ نمبر 7 وه واو یا یاء جو باب "اِفْتِعَالٌ"، "تَفَعَّلٌ" يا "تَفَاعُلٌ" کے فاء کلمے میں آجائیں تو انہیں تاءسے بدل کر ادغام کر دیا جا تا ہے۔ (اس کے لیے شرط یہ ہے کہ وہ واو یا اء ہمزہ سے تبدیل شدہ نہ ہو) اصل میں ایتسر تھا مذکورہ بالا قاعدہ لگا تو اتسر ہو گیا

صرف1 جواب
25 اکتوبر، 2024

ولاتحضون کونسا صیغہ ہے اور کونسا بحث ہے اور کونسا باب ہے

اعراب تو لگے نہیں ہوئے ویسے مجھے یہ صیغہ یوں سمجھ آتا ہے لا یَحَضُّونَ صیغہ جمع مذکر غائب فعل مضارع منفی معروف ثلاثی مجرد مضاعف از باب نصر ینصر اصل میں لایحضُضُون تھا دونوں ضاد متحرک تھے اور ما قبل ساکن تھا پہلے ضاد کی حرکت حاء کو دیکر دونوں کا ادغام کیا تو لایحُصُّون تھا

صرف1 جواب
27 اکتوبر، 2024

کیا فرماتے ہیں علمائے کرام اس مسئلہ کے بارے میں کہ اگرکوئی آدمی یہ کہےکہ اللہ نے مچھروں کو بناکرغلطی کی ہے،مچھروں کو نہیں بنانا چاہیے تھا، اس کا فتویٰ ارشاد فرمائیں۔

جواب : اللہ کریم کی طرف غلطی کی نسبت کرنا کفر ہے ،لہذا جس شخص نے ایسا جملہ بکا اس پر توبہ کے ساتھ ساتھ تجدیدِ ایمان بھی لازم ہے،اگر شادی شدہ ہے،تو تجدیدِ نکاح بھی کرے۔ واللہ اعلم عزوجل ورسولہ اعلم صلی اللہ تعالیٰ علیہ وآلہ وسلم

عقائد1 جواب
27 اکتوبر، 2024

کیا فرماتے ہیں علمائے کرام اس مسئلہ کے بارے میں کہ اگرکسی کے پاس بطورِ الیکٹریشن کام کرنے کی اجازت (اقامہ) ہے اور وہ موبائل فون کی مرمت کا کام کرتا ہے،تو کیا وہ یہ کرسکتا ہے یا اس کی آمدنی حرام ہوگی؟

جواب : اگرچہ اس شخص کا اقامہ ایک خاص پیشے مثلابجلی کے کام کے لیے ہے، لیکن موبائل فون کی مرمت ایک جائزاورحلال کام ہے،اوراگروہ شرعی طور پراس کام کو ٹھیک انجام دے رہا ہے،تو اس کی کمائی کو حرام نہیں کہا جائے گا۔ تاہم،قانونی نقطۂ نظرسے دیکھتے ہوئے،اگراس ملک میں اقامہ کی شرائط کے مطابق اس کا مخصوص پیشہ ضروری ہےاوروہ اقامہ کی شرائط کی خلاف ورزی کررہا ہو،تواسے ملکی قوانین کی پابندی کرنی چاہیے؛کیونکہ شرعی حکم یہی ہے کہ ملکی جائزقوانین کی پاسداری کرنا بھی ضروری ہے،تاکہ قانونی پیچیدگیوں اورخود کو ذلت پرپیش کرنے سے بچا جا سکے۔ شرعی اعتبارسے کمائی جائزہے،لیکن قانونی خلاف ورزیوں سے اجتناب کرنا بھی ضروری ہے۔ واللہ اعلم عزوجل ورسولہ اعلم صلی اللہ تعالیٰ علیہ وآلہ وسلم

فزیکل کاروبار کے مساٸل1 جواب
27 اکتوبر، 2024

کیا فرماتے ہیں علمائے کرام اس مسئلہ کے بارے میں کہ حضور یہ حدیث شریف مل سکتی ہیں کہ گستاخ رسول کعبہ شریف کے غلاف سے چمٹ گیا پھر بھی قتل کر دیا گیا؟

جواب : یہ واقعہ فتح مکہ کے دن ہوا ،ابن خطل گستاخ رسول غلاف کعبہ کے پیچھے چھپا اور اس سے چمٹ گیا ،نبی کریم صلی اللہ علیہ وسلم نے اسے قتل کرنے کا حکم دیا ۔اس کا حوالہ درج ذیل ہے (صحیح البخاری ،حدیث نمبر :4286،جلد5،صفحہ 148،مطبوعہ دار طوق النجاة) عن أنس بن مالك رضي اللہ عنہ أنّ رسول اللہ صلی اللہ عليہ وسلم دخل عام الفتح وعلی رأسہ المغفر فلما نزعہ جاءہ رجل فقال: إنّ ابن خطل متعلق بأستار الكعبۃ فقال: اقتلوہ. واللہ اعلم عزوجل ورسولہ اعلم صلی اللہ تعالیٰ علیہ وآلہ وسلم

عقائد1 جواب
27 اکتوبر، 2024

کیا فرماتے ہیں علمائے کرام اس مسئلہ کے بارے میں کہ جھوٹی بات پر یہ کہنا کیسا کہ اللہ جانتا ہے میں سچ بول رہا ہوں؟

جواب : کسی بھی جھوٹی بات پراللہ کو گواہ بنانا یا جھوٹی بات پرجان بوجھ کریہ کہنا کہ اللہ جانتا ہے یہ کلمۂ کفر ہے۔فقہائے کرام فرماتے ہیں:جو شخص کہے:''اللہ جانتا ہے کہ یہ کام میں نے کیا ہے حالانکہ وہ کام اس نے نہیں کیا ہے''تو اس نے کفر کیا۔(منح الروض صفحہ 511)(کفریہ کلمات کے بارے میں سوال و جواب،صفحہ 582) واللہ اعلم عزوجل ورسولہ اعلم صلی اللہ تعالیٰ علیہ وآلہ وسلم

عقائد1 جواب
27 اکتوبر، 2024

وَيَوۡمَ يَقُوۡلُ نَادُوۡا شُرَكَآءِىَ الَّذِيۡنَ زَعَمۡتُمۡ فَدَعَوۡهُمۡ فَلَمۡ يَسۡتَجِيۡبُوۡا لَهُمۡ وَجَعَلۡنَا بَيۡنَهُمۡ مَّوۡبِقًا‏ ۞ اس آیت میں وجعلنا کا ترجمعہ مستقبل کا کس وجہ سے ہوا ہے

یہاں جعلنا ماضی ہی ہے لیکن یہ مستقبل میں وقوع پذیر ہوگا اور بروز محشر کے اعتبار سے ماضی ہوگا یعنی وہ ان کو پکاریں گے تو ان کے خدا ان کا جواب نہیں دیں گے اور ان کے درمیان جدائی ڈال چکے ہوں گے تو دیکھیں جعلنا باعتبار ان کے پکارنے اور ان کے جواب نا دینے کے ماضی ہے لیکن ہمارے زمانے کے لحاظ مستقبل ہے

نحو1 جواب
13 اکتوبر، 2024

فما يكذبك بعد بالدين . اس آیت کی تربیت کیا ہوگی؟

الإعراب المفصل لكتاب الله المرتل سورة الماعون آية ١ فَما يُكَذِّبُكَ بَعْدُ بِالدِّينِ (7) • فَما يُكَذِّبُكَ: الفاء استئنافية. ما: اسم استفهام مبني على السكون في محل رفع مبتدأ يفيد التقرير. يكذب: فعل مضارع مرفوع بالضمة والفاعل ضمير مستتر فيه جوازا تقديره هو والكاف ضمير متصل- ضمير المخاطب- مبني على الفتح في محل نصب مفعول به وهو خطاب للانسان على طريقة الالتفات. اي فما يجعلك كاذبا بسبب الدين وانكاره بعد هذا الدليل او فما سبب تكذيبك ايها الانسان بعد هذا الدليل القاطع بالجزاء. • بَعْدُ بِالدِّينِ: ظرف زمان مبني على الضم لانقطاعه عن الاضافة في محل نصب ولانه غاية بمعنى يعد هذا الدليل القاطع. بالدين: جار ومجرور متعلق بيكذبك اي بالجزاء.

نحو1 جواب
21 اکتوبر، 2024

سوال : مفتی صاحب حکومت کی جانب،سے مال درآمد کرنے والے کوایک لاٸسنس ایشو کیاجاتا ہے اسی طرح روڈ ٹرانسپورٹ پرمٹ بھی ہوتا ہے ، بعض لوگ اسے آگے فروخت کردیتے ہیں ، کیا ایساکرنا جاٸز ہے؟

اگر یہ لاٸسنس یا پرمٹ کسی خاص شخص کے نام پر ایشو ہوتا ہے اور قابل منتقلی نہیں ہے ، پھر تو اس کی خریدوفروخت جاٸز نہیں ہے۔ اور اگر ایسانہیں ہے یعنی وہ لاٸسنس ہا پرمٹ کسی خاص شخص کے نام کا نہیں ہے بلکہ جس کے پاس وہ لاٸسنس یا پرمٹ ہو اسے اجازت مل جاتی ہے کہ مال درآمد کرے یا ٹرانسپورٹ متعلقہ روٹ پر چلاۓ تو پھر اس کی بیع جاٸز ہوگی ۔ (تفہیم المساٸل ، جلد 01، صفحہ 333 )

حرام و حلال1 جواب
25 اکتوبر، 2024

مفتی صاحب bil l of exchange کی بیع کرنا جاٸز ہے یا نہیں؟

جواب : bill of exchange کی خریدوفروخت اصل میں قرض کی خریدوفروخت ہے ، اس میں ایک شخص اپنا واجب الادا قرض اس شخص یا ادارے کو بیچ رہا ہوتا ہے، جس پر اس کا قرض واجب نہیں ہے اور یہ جاٸز نہیں ہے۔ اس کے عدم جوازکاسبب یہ ہے کہ اس میں دھوکا ہےکیونکہ ممکن ہے مقروض کا دیوالیہ ہوجاۓ یا اس کے تمام املاک کسی حدثے میں ختم ہوجاۓ تو bill of exchange کی کوٸی value نہیں رہے گی۔ بعض علماء نے،اسے نقدی کی ادھار بیع کی بناء پر ربو الفضل میں شامل کرکے ناجاٸز قراردیا۔ (تفہیم المساٸل ، جلد 01، صفحہ 329) واللہ تعالی اعلم بالصواب۔

فزیکل کاروبار کے مساٸل1 جواب
25 اکتوبر، 2024